Tímarit lögfræðinga - 01.11.1985, Side 59

1.250.000,00 og skyldi útborgun vera kr. 900.000,00 og greiðast á tíma-
bilinu frá 15. júlí 1982 til 15. ágúst 1983, en eftirstöðvarnar kr. 350.
000,00 skyldu greiðast á 4 árum og bera 20% ársvexti. Samkvæmt
upphaflegum texta tilboðsins skyldi það gilda til kl. 10:00 hinn 30. júní
1982, en var síðar breytt skriflega í kl. 11:30 þann dag og síðan ákveð-
ið munnlega, að það skyldi standa út daginn. Þinglesinn eigandi íbúð-
arinnar, BÁ, og maki hennar, RC, samþykktu kauptilboð þetta síðdeg-
is sama dag á fasteignasölunni. Skömmu síðar þennan dag frétti BÁ
af því, að HG hafði sýnt áhuga á þessari íbúð og hafði honum verið
vísað á að skoða hana af hálfu fasteignasölunnar. BÁ hafði þá sam-
band við nefndan HG, sem síðan skoðaði íbúðina og lýsti sig reiðubú-
inn til að kaupa íbúðina á hagstæðara verði en stefnendur höfðu boðið.
Gerði HG þá þegar tilboð í greinda íbúð, sem hljóðaði upp á kr. 1.100.
000,00 ogskyldi kaupverðið vera að fullu greitt hinn 30. nóvember 1982.
Haft var samband við AG og Sl þetta sama kvöld, en ekki féllust þau á
að hverfa frá tilboði sínu í eignina, enda höfðu þau þá ráðstafað eigin
íbúð með sölu. Með bréfi dags. 1. júlí 1982 var því lýst yfir af lögmann-
inum SS, sem BÁ leitaði til, að rift væri samþykki á tilboði stefnenda
í greinda íbúð, dags. 30. júní 1982. Þann dag var síðan gengið frá kaup-
samningi um íbúð þessa til HG á grundvelli kauptilboðs hans. Stefn-
endur, AG og Sl, fengu hið samþykkta kauptilboð sitt afhent á fast-
eignasölunni þennan sama dag. Með símskeyti dags. 5. júlí 1982 mót-
mæltu AG og Sl formlega riftun á kaupum greindrar íbúðar og létu
þinglýsa kauptilboði sínu. Með yfirlýsingu dags. 12. júlí 1982 mótmælti
BÁ þinglýsingu kauptilboðsins af hálfu AG og Sl. Með bréfi til BÁ dags.
14. júlí 1982 gerðu AG og Sl kröfu til þess að fá íbúðina afhenta hinn
15. júlí í samræmi við ákvæði kauptilboðsins gegn greiðslu á kr. 100.
000,00. Afhending íbúðarinnar til AG og Sl fór ekki fram og greiddu
þau þá fyrsta hluta útborgunar inn á geymslureikning hjá Landsbanka
Islands þann dag. HG var síðan afhent íbúðin hinn 20. júlí 1982 í sam-
ræmi við samningsákvæði þar um. AG og Sl greiddu annan hluta út-
borgunar, kr. 50.000,00, með geymslugreiðslu hinn 3. ágúst 1982. Auk
fyrrnefndra geymslugreiðslna útveguðu AG og Sl bankaábyrgðir til
efnda á samningsskyldum sínum skv. tilboðinu.
AG og Sl leituðu nú til embættis yfirborgarfógeta í Reykjavík og
fóru þess á leit, að þeirn yrði með beinni fógetágerð fengin umráð
framangreindrar íbúðar. Þeirri kröfu var hrundið með úrskurði fógeta-
réttar Reykjavíkur, uppkveðnum hinn 6. ágúst 1982. Báru þau þá mál
sitt undir hinn almenna dómstól í héraði (Bæjarþing Reykjavíkur).
Kröfðust þau þess aðallega, að stefndu, BÁ og RC, yrði dæmt skylt, að
197