Morgunn - 01.07.1974, Blaðsíða 53

TILRAUN MEÐ HAFSTEIN BJÖRNSSON 51
prófað eyrnatappana og heyrnartækin með stereo-tónlistinni
og komizt að því, að ómögulegt var að heyra það, sem var sagt
hinum megin við tjaldið. Með þessu var ætlunin að koma í veg
fyrir að fundarmenn heyrðu það, sem miðillinn segði.
Þegar fundarmaður var setztur með heyrnartækin á sér gaf
I.S. E.H ., sem var handan tjaldsins með Hafsteini, merki um
að fundarmaður væri tilbúinn. I.S. settist þá á stól í forstofunni
rétt hjá opnum dyrum tilraunaherbergisins og þaðan gat hann
fylgst með fundamianni og fullvissað sig um, að hann tæki
ekki heyrnartækin af sér meðan Hafsteinn gaf lýsingu sína.
Hafsteinn lýsti síðan því, sem hann sá, og E.H. hljóðritaði
það. Þegar Hafsteinn hafi lokið máli sínu gaf E.H. I.S. merki
um að skyggnilýsingunni væri lokið og I.S. tók heyrnartækin
af fundarmanni og gaf honum bendingu um að hann mætti
fara úr herberginu. Fundarmaður fór þá úr byggingunni án
þess að fara aftur til bókasafnsins. I.S. fór svo niður í bókasafn-
ið og kom með næsta fundarmann. Fundurinn stóð í fimm min-
útur hver að meðaltali, eða allt frá fjórum upp í sjö mínútur.
Nokkrir fundarmenn voru spurðir að því hvort þeir hefðu
heyrt nokkuð þegar þeir voru inni í fundarherberginu. Þeir
sögðu allir, að þeir hefðu ekkert heyrt nema tónlistina. Mest-
allan tímann, sem þeir voru í hálfmyrkvuðu fundarherberg-
mu, fylgdist. I.S. stöðugt með þeim. Enginn fundarmanna
reyndi að taka af sér heyrnartækin til þess að heyra það, sem
Hafsteinn var að segja. En vegna smábreytinga á lýsingunni í
anddyrinu þar sem I.S. sat gegnt opnum dyrum tilraunaher-
bergisins, brá stundum svo við, að hann gat ekki séð fundar-
menn greinilega. Hann er þó viss um, að enginn þeirra hafi
reynt að taka af sér tólin.
Hafsteinn var ekki í transi þegar þessi tilraun var gerð. Hún
Hktist opinberum skyggnilýsingafundum hans, nema hvað
þannig var frá gengið, að hvorki Hafsteinn né sá, sem tilraun-
ma gerði, gætu vitað hver fundarmaður var hverju sinni. Þeir
gátu ekki séð fundarmann og hann gat ekki heyrt hvað miðill-
mn sagði. Fundarmenn virtust hafa jákvæða afstöðu til til-
raunarinnar og Hafsteinn lét sjálfur í ljós áhuga á henni og