Morgunn - 01.07.1974, Blaðsíða 87
RITSTJÓRARABB
85
Stephan G. Stephansson þekkja auðvitað allir og vita að
hann var stórskáld, en hitt er áreiðanlega mörgum hulið
hér heima, hve stóran hóp góðra ljóðskálda þar hefur verið
að finna, skálda, sem mundu sóma sér vel á bókmennta-
þingi hverrar þjóðar.
Svo mikið hefur verið prentað vestan hafs á íslenzku, að
það hefui- aldrei komið fyrir í Vesturheimi, norðan frá fshafi
og suður á syðsta odda Eldlands, að jafnfámennur þjóðflokkur
hafi látið frá sér fara jafnmikið af prentuðu máli, eins og blöð
Vestur-lslendinga eru, tímarit og bækur. Og flest af þessu er
nálega ókunnugt á fslandi. Bækur eftir íslendinga vestan hafs
sjást ekki hér í bókum. Andvökur Stephans G. Stephans-
sonar munu ýmsir eiga frá því Mál og menning gaf það ljóða-
safn út 1939. Og stöku menn kunna að eiga stærri sögur J.
Magnúsar Bjarnasonar. Flest annað af þessum ágætu bók-
menntum hefur verið almenningi hér heima á íslandi sem
fólginn fjársjóður.
Bitstjóri Morguns hefur vakið athygli forstöðumanna ríkis-
útvarpsins á því óafsakanlega tómlæti, sem ríkt hefur hér
heima á íslandi og áhugaleysi á menningu og lífi landa
okkar fyrir vestan, og bauðst til þess að annast bókmennta-
þátt til þess að bæta lítillega úr þessu í bih nú á þjóðhátíðar-
árinu a. m. k. Þessu var vel tekið og er þessi þáttur, sem
ber nafnið Frn Vestur-lslendingum nú fluttur hálfsmán-
aðarlega, eða annan hvern laugardag og stendur í þrjá
stundarfjórðunga hverju sinni. En betur má ef duga skal.
Morgunn mun fyrir sitt leyti reyna í framtíðinni að birta
annað veifið efni eftir landa okkar fyrir vestan, og byrjar
reyndar á því þegar í þessu hefti.