Morgunn - 01.07.1974, Blaðsíða 44
42
MORGUNN
Kristur eru báðir fulltrúar þess sama, Solar Logoi: Báðir kenna
einn og sama boðskap; en kjarninn í kenningum Buddha er
speki, en í kenninffum Krists kœrleikur.
En meðal okkar mannanna er ekki aðalatriðið hvaða stofn-
anda hvor þessara trúarbragða viðurkennir, heldur hitt, í
hverju sá andi birtist, sem við vestrænir mejin nefnum krist-
inn dóm.“
Getið þér undrazt, vinur minn, þótt ég ungur maður, tæp-
lega tvítugur þegar þetta gerðist, yrði hugfanginn af hinum
sterka persónuleika fræðara mins.
Þá skýrir Mikael Ejrre frá því, að hann hafi ætlað sér að
skrifa í ritgerðarformi eða söguágripi kenningu þá eða heim-
spekikerfi það sem hann hafði numið. Og einkum kvaðst hann
hafa ætlað sér að skrifa sögu um Island hið sálfrœðilega
chakra veraldarinnar“. En aðrar ástæður og önnur skyldustörf
öftruðu því. Hann hafði setzt að í Messína á Sikiley og kvænzt
þar. En það var ekki fyrr en nokkrum árum síðar, að hann
fékk tækifæri til þess að heimsækja löndin við austanvert Mið-
jarðarhaf. 1 það skipti rannsakaði hann ýmis merkileg rit í
bókasöfnum Aþenu, Saloniki og Miklagarðs og skrifaði margt
upp úr þeim. Hér var Mikael Eyre eins og endranær á höttun-
um eftir efni um landið, sem hann aldrei gat gleymt, Island.
I Saloniki kynntist hann prófessor nokkrum frá Armeníu,
sem sýndi honum merkilegt og sjaldgæft handrit frá 1740.
Höfundur þess var hinn frægi franski kristsmunkur og trú-
boði faðir Antoine Gaubil, sem var mestur allra fræðimanna
sins tíma í kinverskum efnum og einn þeirra fjögurra manna,
sem fyrst kynntu Evrópu Kinaveldi. Vildi Mikael eignast hand-
rit þetta, en þess var enginn kostur. Hann fékk aðeins að skoða
það í viðurvist prófessorsins. Hefði þó verið betur að svo hefði
farið, þvi að þessi vesalings maður var drepinn i einni hinna
skipulögðu ofsókna á hendur Armeniumönnum i Saloniki þ.
29. april 1903. Var hús hans jafnað við jörðu og allar eigur
hans miskunnarlaust eyðilagðar.
I þessu handriti var þess getið samkvæmt kínverskum sögn-
um, að lífið hefði fyrst átt upptök sín á þessari fjarlægu eyju,