Morgunn - 01.07.1974, Blaðsíða 90

88
MORGUNN
Eg spurði hana um ástæður til þess. Hún sagði mér að hún
gæti ekki lengur hafst við í herberginu sínu sökum reim-
leika. Þessa nótt hafði hún vaknað við hávaða í knattborðs-
stofunni, og henni heyrst að verið væri að skjóta kúlunum
á borðinu, og komu skellirnir frá því, þegar þeir skullu sam-
an, og stundum heyrðist henni kúlurnar detta á gólfið.
Sagði hún mér að áður hefði hún orðið þess vör að ein
fjölin i svefnherbergisgólfinu sínu marraði þegar stigið væri
ofan á hana, og hefði hún oft heyrt marrið að nóttu til, án
þess nokkur maður gæti verið þess valdandi.
Morguninn fær eldastúlkan því til leiðar komið hjá hús-
freyju, að hún flytur sig niður á aðra hæð, en eg var sex
vikur lengur í þessari vist og alltaf í sama herberginu, en
varð aldrei nokkurs vör eftir þetta.
HRAUNSVATN
(Eftir sögusögn Siefáns bónda SigurSssonar á VíSivöllum
í ÁrnesbyggS á Nýja Islandi)
Upp frá Hrauni i öxnadal, þar sem Jónas Hallgrímsson
fæddist, liggur lítill dalur, sem nefnist Hraunsdalur. í hon-
um, svolitið neðar en miðjum, er vatn sem er samnefnt hon-
um og kallað Hraunsvatn. Er að sjá sem það hafi myndast af
því, að fjallið að norðanverðu hafi klofnað og partur þess
fallið yfir dalinn. Ofurlítil á fellur í vatnið, og út úr því
rennur hún áfram, en hverfur með öllu í hraunið, nema í
mestu vatnavöxtum og leysingum á vorin.
Vatnið er að mestu kringlótt, og svo djúpt, að þegar 100
faðma færi var rennt í það fannst enginn hotn. Silungur er
í vatninu, en af þvi að það er djúpt, þá gengur illa veiði í
því, og ekki nema smásilungur sem næst. Að veiðin heppn-
ast svona illa er sagt að sé af því, sem nú skal greina.
I bæjarlæknum á Þverbrekku, þar sem Víga-Glúmur hjó