Viðar - 01.01.1939, Blaðsíða 97

Viðar]
ÆSKAN OG UPPELDIÐ
91
stellingar og fegra vaxtarlag. En þær geta verið tvíeggjað
vopn, ef kennarinn kann ekki með að fara.
í vali æfinga þarf að hugsa um nytsemi þeirra, en sé
hægt að samræma hana við fegurð í stellingum og hreyf-
ingum, kjósa margir að nota þetta tækifæri til þess að
vekja fegurðartilfinningu nemenda og áhorfenda. í fim-
leikastund læra menn aga og reglusemi, læra að vinna
saman margir í hópi eftir gefnum fyrirmælum. Einmitt
þetta er þýðingarmikið atriði.
Leikir eru sérstaklega við hæfi barnanna, og í yngri
deildum barnaskólanna taka þeir því mikinn hluta af
kennslustundinni. En til eru ágætir innileikir fyrir þrosk-
aða nemendur og er sjálfsagt að nota þá öðrum þræði.
Sund er víðast sumaríþrótt, en í laugum má æfa það að
vetri til. Og þar, sem þess er kostur, er sjálfsagt að leggja
rækt við það í skólum, bæði vegna þess, að menn bjarga
oft lífi sínu og annarra með sundi, og auk þess er það
ágæt íþrótt. Sé það iðkað undir berum himni, njóta menn
um leið úti lofts og sólar.
Einn aðalkostur íþrótta úti er sá, að þær eru stundaðar
undir beru lofti, og sú hollusta verður naumast bætt upp
með öðru. Rétt er að stefna að alhliða þroska með íþróttum
eins og í fimleikum. Þess vegna þarf hver og einn að iðka
margar íþróttagreinar, og veita viðurkenningu fyrir afrek
samkvæmt því.
Annað atriði er mikils vert, að íþrótirnar séu ekki þol-
raunir né erfiðar. Meðan menn eru að vaxa, þolir líkam-
inn ekki þá þjálfun, sem þær heimta, og án hennar fæst
ekki árangur. Mikil líkamleg áreynsla getur dregið úr
þroska manna. Yngri menn en 20 ára ættu helzt ekki að
fást við erfiðar íþróttir. Drengir 13—17 ára mega æfa
spretthlaup 60—100 m., einnig stökk og köst með léttum
áhöldum. Þá er réttast að æfa báðar hendur.
Þar, sem staðhættir leyfa, ættu skólarnir að leggja veru-
lega rækt við vetraríþróttir. Á skíðum og skautum njóta
menn ríkulega svala, heilnæma loftsins, og þessar íþróttir