Flóra: tímarit um íslenzka grasafræði - 01.04.1966, Qupperneq 57

er af fléttum í skandinavísku lyngheiðinni, en þó að fléttur finnist í
krækilyngsheiðinni hér á landi, gætir þeirra sjaldan í gróðursvip.
Gróðurbreiðan í krækilyngsheiðinni er tiltölulega samfelld, þó eru að
jafnaði smáflög og rof, þar sem hæst ber, og eins utan í þúfnakollum.
Mosi er oft nokkur, og sums staðar í hálendinu hverfur krækilyngs-
sveitin yfir í mosaheiði án skarpra marka. í brekkum og snjódælda-
brúnum hverfur krækilyngssveitin oft yfir i aðalbláberjasveit eins og
fyrr er lýst.
57. Krœkilyngs-sauðamergs hverfi ('Empetrum hermafroditum-Loisele-
uria procumbens soc.) (Tab. XXI. A-B 1-5, XXIII A—B 7, XXIV
A-B 10-11).
Athuganir á þessu gróðurhverfi eru aðallega frá Kaldadalssvæðinu,
þar sem það er all útbreitt, en einnig frá Gnúpverjaafrétti og Kili.
Einstöku blettir í hverfum 59 og 60 nálgast þetta hverfi nokkuð. Eins
og fyrr segir, eru gróðurhverfi krækilyngssveitarinnar ekkert skýrt
mörkuð, svo að alloft má segja, að þau renni hvert inn í annað. Höfuð-
einkenni þessa hverfis er að sauðamergur (L. procumbens) ríkir við
hlið krummalyngsins (£. hermafroditum). Báðar tegundirnar eru álíka
sterkar, en sauðamergurinn þó stundum meiri, einkum í fleti. Aðrar
helztu tegundir hverfisins, sem þó gætir raunar lítið, eru: grasvíðir
(Salix herbacea), bláberjalyng (Vaccinium uliginosum), brjóstagras
(Thulictrum alpinum) og stinnastör (Carex Bigelowii). Alltíðar eru:
túnvingull (Festuca rubra), kornsúra (Polygonum viviparum), geld-
ingahnappur (Armeria vulgaris) og grávíðir (Salix glauca). A einstöku
blettum eru svo um munar móasef (Juncus trifidus), bugðupuntur
(Deschampsia flexuosa) og mosalyng (Cassiope liypnoides). A-flokkur-
inn er í miklum meiri hluta — eða um 75% að meðaltali. Ch er drottn-
andi lífmynd um 50% að meðaltali, næst gengur H 33% og G um 15%.
Gróðurhverfi þetta virðist vera allbreytilegt í viðhorfi til snjóa-
laga. Það finnst á snjóléttustu og vindblásnustu svæðum krækilyngs-
sveitarinnar, en einnig jrar sem svo er snjóþungt, að tekið er að nálgast
snjódældir. En hreinast er hverfið þar sem snjóléttast er. Sá ég hið
sama síðar á Arnarvatnsheiði, þar sem þetta hverfi er útbreitt. Um ein-
staka bletti skal þessa getið.
Blettir XXI. 1—2 Brunnar við Kaldadal um 400 m h. Krumma-
lyng (E. hermafroditum) þekur um 50—60% en sauðamergur (L. pro-
cumbens) um 30%.
Blettur XXI. 3 í Skjaldbreið um 520 m h. Þetta er hæsti athug-
TÍMARIT UM ÍSLENZKA GRASAFRÆÐI - FlÓra 55