Flóra: tímarit um íslenzka grasafræði - 01.04.1966, Síða 70

Blettur XXV. 2 við Fremri Skúta á Kili, sjá lýsingu á bletti XXIV.
7 bls. 58.
Blettur XXV. 3 Jökulvellir á Kili um 700 m h. Þar er í þurrara
lagi, og leysingavatn Ilýtur þar um. Grávíðir (S. glauca) er algerlega
yfirgnæfandi. Á þessum slóðum er hverfi þetta mjög útbreitt, og er
það hinn efsti samfelldi gróður þar.
Blettir XXVI. 9—10, Álftatjarnarflæða á Bárðdælaafrétti um 500
m. Flæðan er allstórt gróðursvæði í dæld milli lágra ása. Mestur hluti
hennar er forarflói með grunnum tjörnum og vatni. í útjöðrum gróð-
ursvæðisins ber ögn hærra á, og þar tekur víðiheiðin við, nær hún
einnig á lágum rimum inn í flóasvæðið. Gróður er víðast ósamfelldur
og snjómosaskorpur (Anthelia) og flög milli plantnanna. Stinnastör
(C. Bigelowii) þekur stundum öllu meira en grávíðirinn (S. glauca).
Blettur 9 er lítið eitt þurrari en 10, er athyglisvert, að loðvíðir (S.
lanata) verður jrar áberandi, en annars er hann sjaldséður í svo röku
landi. Þarna er bersýnilega allsnjóþungt, og jarðvatnið stendur hátt,
þó að yfirborðið sé þurrt að kalla.
65. Grdvíði-þursaskeggs hverfi (S. glauca-Kobresia myosuroides soc.).
(Tab. XXV. A-B 4-5).
Athuganirnar eru frá Kili. Nokkur vafi er á, hvort ekki væri rétt-
mætt að telja þetta hverfi til krækilyngssveitar. Hverfið er fremur
sjaldgæft. Á svæðum þeim, sem hér um ræðir, hefi ég ekki veitt því at-
hygli nema á Kili, en þar er það allvíða, án þess að ná yfir stór svæði
á hverjum stað. Það er eingöngu á þurrum stöðum, þurrari en venja
er til um grávíðihverfi, aðallega í útjöðrum heiðasvæða, nærri rof-
börðum, þar sem sandfoks gætir. Þursaskegg (K. myosuroides) er alls
staðar áberandi í gróðursvipnum og einnig í fleti. Stundum er nokkuð
af loðvíði (S. lanata), enda liggja loðvíðihverfi að hverfi þessu. Þá ber
og nokkuð á bláberjalyngi (V. uliginosum), mosalyngi (Cassiope hyp-
noides) og fjalldrapa (B. nand). í einum blettinum var nokkuð af
sauðamerg (L. procumbens). Gróðurinn yfirleitt samfelldur en mosi
lítill vegna sandfoksins. Tegundir eru fleiri en í öðrum hverfum víði-
heiðarinnar. H% er í hærra lagi.
Blettur XXV. 4 er frá Tjarnheiði á Kili í um 430 m h. en XXV.
5 er við Svartá í um 450 m h. Er hann í athuganaröð, sem gerð verður
grein fyrir við hverfi 71 bls. 76—77.
68 Flóra - tímarit um íslenzka grasafræði