Morgunblaðið - 11.08.2012, Blaðsíða 2

Hjalti Geir Erlendsson
hjaltigeir@mbl.is
Ef Ísland væri aðili að Evrópusam-
bandinu og evrusamstarfinu mætti
gera ráð fyrir að ábyrgðir ríkisins
vegna björgunarsjóðs evrunnar
væru um 115 milljarðar króna. Það
jafngildir 362.692 kr. á hvern ein-
stakling eða 1.450.768 kr. á hverja
fjögurra manna fjölskyldu. Þetta
kemur fram í útreikningum sem
Guðlaugur Þór Þórðarson, þing-
maður Sjálfstæðisflokksins, hefur
tekið saman með aðstoð Upplýs-
ingaþjónustu Alþingis. Guðlaugur
Þór segir einnig að Ísland þyrfti að
borga um 9-11 milljarða á ári í sam-
eiginleg fjárlög ESB. Sú tala er
byggð á samanburði við Möltu þar
sem íbúafjöldi er svipaður og á Ís-
landi. Malta greiðir um 1% af þjóð-
artekjum sínum í fjárlög ESB sem
er um 55 milljónir evra. Umreiknað
í íslenskar krónur eru það 9 millj-
arðar en 1% af þjóðartekjum Ís-
lands eru um 11 milljarðar króna.
„Þetta var reiknað í vor og það hef-
ur ýmislegt gerst í sumar og ým-
islegt mun væntanlega gerast í
haust svo þetta er jafnvel vanáætl-
að,“ segir Guðlaugur Þór. Hann
segist furða sig á því að samfylking-
armenn tali eins og enginn viti hvað
sé að gerast í álfunni. Það hafi kom-
ið í ljós að þeir sem höfðu uppi
varnaðarorð þegar evran fór af stað
hafi því miður haf rétt fyrir sér.
„Það var enginn efnahagslegur
grundvöllur fyrir evrunni og það
var fyrst og
fremst farið í
evrusamstarfið
sem lið í því að
auka og dýpka
samstarf og
miðstýringu í
Evrópusam-
bandinu og þeir
sem eru helstu
stuðningsmenn
Evrópusam-
bandsins í Evrópu og eru að taka
umræðuna af einhverri alvöru segja
að eina lausnin sé að dýpka þetta
samstarf enn frekar og auka mið-
stýringuna í Brussel,“ segir Guð-
laugur Þór. Það sé eina leiðin út úr
ógöngunum. Sökum þess hversu illa
hafi verið haldið á málunum er
reikningurinn sendur á fólkið á
evrusvæðinu.
Samfylkinguna vanti tengingu
„Það er engu líkara en að þing-
menn Samfylkingarinnar hafi ekki
tengingu við netið og ég hvet til
þess að það verði lagað. Hver og
einn sem hefur aðgang að netinu, að
því gefnu að hann skilji annað
tungumál en íslensku, getur sett sig
inn í þessi mál og séð hvað þetta er
mikill vandi,“ segir Guðlaugur Þór.
Hann segir vandamál Evrópusam-
bandsins þó alls ekkert gleðiefni
fyrir Íslendinga heldur áhyggjuefni.
„Það að vinir okkar í Evrópu séu
í vanda er ekkert gleðiefni fyrir Ís-
lendinga heldur mun það koma
beint niður á okkur.“
360 þúsund á mann
 Ef Ísland væri innan Evrópusambandsins þyrfti ríkið að greiða 115 milljarða
króna í björgunarsjóð evrunnar  9-11 milljarðar færu ár hvert í fjárlög ESB
Guðlaugur Þór
Þórðarson
2 FRÉTTIRInnlent
MORGUNBLAÐIÐ LAUGARDAGUR 11. ÁGÚST 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
ABC 40 den
Advanced Body Control
Aðhaldssokkabuxur
A - Minnka ummál maga
B - Móta vöxtinn
C - Halda að og lyfta
„Það virðast ekki
vera neinar um-
talsverðar breyt-
ingar í magni eða
neitt slíkt miðað
við það sem verið
hefur,“ sagði
Sveinn Svein-
björnsson, fiski-
fræðingur og
leiðangursstjóri hjá Hafrannsókna-
stofnun, um niðurstöður nýafstaðins
leiðangurs þar sem makríllinn var til
sérstakrar athugunar. Við fyrstu
sýn virðist því ekki sem minna magn
tegundarinnar hafi gengið inn á ís-
lenska hafsvæðið í ár en undanfarið.
Nánast úti fyrir öllu landinu
Var leiðangurinn farinn í þeim til-
gangi að meta útbreiðslu, göngur og
fæðuvistfræði tegundarinnar við Ís-
land. Var siglt umhverfis landið og
fannst makríllinn nánast á öllu rann-
sóknarsvæðinu að sögn Sveins, ef
frá er talið úti fyrir Norðurlandi. Er
það í samræmi við niðurstöður und-
anfarin ár. Frekari vinnsla upplýs-
inga og sýna sem safnað var fer nú
fram og munu niðurstöður liggja
fyrir síðar, s.s. á uppreiknun magns,
rannsókn á magainnihaldi sýna,
lengdarsamsetningu o.s.frv. Sum-
arið 2011 mældist rúmlega 1,1 millj-
ón tonna af makríl innan íslensku
lögsögunnar.
Ekki minna
magn makr-
íls við Ísland
Fram kemur í samningsafstöðu Ís-
lands í efnahags- og peningamálum í
viðræðunum um aðild landsins að
Evrópusambandinu að stefnt sé að
því að „taka upp evruna eins skjótt
og aðstæður leyfa“ eftir að inn í sam-
bandið er komið.
Ekki er farið fram á neinar und-
anþágur í málaflokknum aðrar en þá
að fá svigrúm eftir að inn í Evrópu-
sambandið er komið til þess að upp-
fylla efnahagslega skilyrði fyrir að-
ild að evrusvæðinu, en eins og fram
kemur í samningsafstöðunni upp-
fyllir Ísland ekki þessi skilyrði í dag.
Þetta þýðir að Ísland yrði í sömu
stöðu og þau ríki innan Evrópusam-
bandsins sem gengið hafa í sam-
bandið á undanförnum árum og eru
skuldbundin til þess að taka upp evr-
una strax og efnahagslegar að-
stæður þeirra leyfa. hjorturj@mbl.is
Evran verði
tekin upp
sem fyrst
Morgunblaðið/Ómar
Vinir Jökull Freyr og Markús Máni.
Vinirnir Jökull Freyr Davíðsson og Markús Máni Ás-
grímsson eru 10 ára drengir úr Norðlingaskóla. Þeir
lentu báðir í einelti fyrstu tvö skólaárin og liðu mikið
fyrir það.
„Mér leið alltaf illa þegar það var búið að vera að
stríða mér. Ég fór síðan oftast bara aleinn heim og
það þótti mér erfiðast,“ segir Jökull Freyr um einelt-
ið.
Þeir Jökull Freyr og Markús Máni hafa nú fundið
styrk hjá hvor öðrum, eru bestu vinir og hafa stofnað
félagið EE, sem stendur fyrir Ekkert einelti. Vinirnir
hafa samið reglur sem félagsmenn þurfa að hlíta og
bjóða hverjum þeim sem vilja styðja þá í baráttunni
að ganga í félagið.
„Svo fór ég bara að hugsa að ef ég gæti stöðvað
einelti og það væri ekki til þá væri allt svo miklu
betra, “ segir Jökull Freyr.
Vinirnir Jökull Freyr og Markús Máni ræða sitt
eigið einelti, um upphaf félagsins og stóra framtíð-
ardrauma í Barnablaðinu í dag.
Áhugasamir geta sent drengjunum tölvupóst á net-
fangið eefelagid@gmail.com. signyg@mbl.is
Berjast gegn einelti
 10 ára vinir hafa stofnað félagið Ekkert einelti
Fjölskylduhátíðin Fiskidagurinn mikli stendur
nú yfir á Dalvík, en að sögn Júlíusar Júlíusar-
sonar, framkvæmdastjóra hátíðarinnar, er ríf-
andi stemning í fólkinu. „Stemningin er rífandi
góð. Það er erfitt að finna rétta orðið til þess að
lýsa þessu en það eru allir með bros á vör og
fólkinu er farið að fjölga til muna,“ segir Júlíus,
en á meðfylgjandi mynd sjást þrír strákar spila á
harmonikku í tilefni hátíðarinnar. pfe@mbl.is
Rífandi góð stemning og allir með bros á vör á Dalvík
Ljósmynd/Helgi Steinar