Morgunblaðið - 11.08.2012, Blaðsíða 22
FRÉTTASKÝRING
Skúli Hansen
skulih@mbl.is
Sigrid Schjetne, 16 ára gamla
norska stúlkan, sem saknað hefur
verið síðan á laugardagskvöldið
um síðustu helgi, er enn ófundin.
Þá hafa engar nýjar vísbendingar
komið fram sem varpað gætu ljósi
á hvar hún er niðurkomin. Enginn
liggur enn undir grun og lögreglan
býst ennþá við að finna stúlkuna á
lífi. Þetta kom fram á blaðamanna-
fundi sem norska lögreglan hélt í
gærmorgun. Á fundinum kom
einnig fram að sokkur í eigu Sig-
ridar hefði fundist við leikskóla í
úthverfi Óslóar. Þá fundust farsími
hennar og skór einnig þar skammt
frá. En að sögn lögreglunnar hefur
DNA-rannsókn staðfest það að
sokkurinn sé af stúlkunni.
Umfangsmikil leit
Vegfarendur sáu bifreið hjá um-
ræddum leikskóla, sem staðsettur
er í Skullerudhverfi, rétt fyrir
miðnætti á laugardagskvöldið, 4.
ágúst, um það leyti sem síðast
spurðist til Sigridar en hún sendi
smáskilaboð. Er það grunur
norsku lögreglunnar að Sigrid hafi
verið dregin með valdi inn í
umrædda bifreið.
Leitinni að Sigridi er stýrt af of-
beldis- og kynferðisglæpadeild lög-
reglunnar en samtals koma ellefu
starfshópar lögreglumanna að leit-
inni. Lykiláhersla hefur verið lögð
á að leita að Sigridi í Skullerud-
hverfi en jafnframt er leitað að
henni í skóglendi. Fjöldi sjálfboða-
liða hefur aðstoðað lögreglu og
björgunarsveitir við leitina að Sig-
ridi. Sjálfboðaliðarnir, sem ganga
þétt saman, kemba skóglendið í
kringum Óslóarborg.
Þá eru sporhundar notaðir við
leitina en einnig er leitað að henni
úr lofti með aðstoð þyrlu. Loks
hafa kafarar, bæði frá slökkvilið-
inu sem og áhugakafarar, unnið
við það að leita að stúlkunni í vötn-
um. Þó svo að leitin sé sögð vera
sú viðamesta og nákvæmasta sem
gerð hefur verið lengi á þessum
slóðum þá hefur hún því miður enn
sem komið er engan árangur
borið.
Upptökur úr eftirlitsmyndavél-
um bensínstöðva og söluturna hafa
verið skoðaðar í tengslum við leit-
ina að Sigridi. Langan tíma tekur
þó að skoða upptökurnar enda er
um að ræða töluvert magn af
myndefni.
Kortleggja líf stúlkunnar
Þá er verið að reyna að kort-
leggja líf Sigridar með því að
skoða meðal annars notkun hennar
á ýmsum samfélagssíðum á borð
við Facebook og Twitter. Erfið-
lega hefur þó reynst fyrir norsku
lögregluna að fá aðgang að fésbók-
arsíðu Sigridar en talsmaður fyrir-
tækisins í Noregi segir að óheimilt
sé að gefa upp notendanafn og
lykilorð inn á síðuna. Lögreglan
hyggst hinsvegar bregðast við
þessu með því að senda dóms-
úrskurð um að fyrirtækinu beri að
veita lögreglu þessar upplýsingar
til höfuðstöðva þess í Bandaríkj-
unum. Er það mat norsku lögregl-
unnar að mikilvægt sé að skoða
hvort Sigrid hafi verið í samskipt-
um við þekkta barnaníðinga eða
aðra afbrotamenn.
Leitin mikla að
Sigrid heldur áfram
Fjöldi sjálfboðaliða aðstoðar lögreglu við leitina að Sigrid
Týnd Myndir úr öryggismyndavélum, sem norska lögreglan dreifði af Sig-
rid. Enn sem komið er hefur leitin að henni ekki borið neinn árangur.
Leitin að Sigrid
» Leitin að Sigrid stendur enn
yfir en stúlkunnar hefur verið
saknað frá síðasta laugardags-
kvöldi.
» Fjöldi sjálfboðaliða hefur að-
stoðað lögreglu við leitina.
» Verið er að kortleggja líf
stúlkunnar og athuga hvort
hún hafi verið í samskiptum
við þekkta barnaníðinga eða
aðra afbrotamenn.
22 FRÉTTIRErlent
MORGUNBLAÐIÐ LAUGARDAGUR 11. ÁGÚST 2012
Stjórnvöld í Bretlandi hafa ákveðið
að veita sýrlenskum uppreisn-
armönnum hergögn, þar á meðal
skotheld vesti og fjarskiptabúnað, að
andvirði samtals fimm milljónir
sterlingspunda.
Að sögn Wiliams Hague, utanrík-
isráðherra Bretlands, hyggjast
Bretar styrkja samskipti sín við
stjórnarandstöðuna í landinu, þá
einkum Frelsisher Sýrlands, í þeim
tilgangi að undirbúa jarðveginn fyrir
pólitíska lausn ef stjórn Bashar al-
Assads skyldi falla.
Þá segir Hague að ekki standi til
að veita uppreisnarmönnunum vopn,
slíkt sé of áhættusamt á þessum
tímapunkti þar sem erfitt sé að átta
sig á því í hvaða tilgangi þau yrðu
notuð. Vísar hann þar til frétta þess
efnis að voðaverk hafi verið framin
af uppreisnarmönnunum.
„Við erum ekki að velja okkur lið í
borgarastyrjöld. Áhættan af algjörri
upplausn og valdatómi er svo mikil
að við verðum að koma á sambandi
við þá sem munu mögulega stjórna
Sýrlandi í framtíðinni,“ sagði Hague.
AFP
Skotheld vesti Bresk stjórnvöld hafa ákveðið að veita sýrlenskum upp-
reisnarmönnum hergögn, m.a. skotheld vesti og fjarskiptabúnað.
Veita uppreisnar-
mönnum hergögn
Fá skotheld vesti en ekki skotvopn
Norskur ferðamaður á fertugs-
aldri, sem hafði fengið sér aðeins of
mikið í tána, olli miklu fjaðrafoki á
Fiumicino-flugvellinum í Róm um
síðustu mánaðamót þegar hann
sofnaði á farangursfæribandi.
Maðurinn sem ætlaði að láta skrá
sig inn í flugið mætti á skráning-
arborðið en fann þar engan starfs-
mann. Tók hann þá til þess að halla
sér yfir borðið með þeim afleið-
ingum að hann sofnaði djúpum
svefni á færibandinu við töskurnar
sínar. Þá ferðaðist hann í um fimm-
tán mínútur í gegnum flugvöllinn á
færibandinu, m.a. í gegnum ýmsan
öryggisbúnað svo sem gegnumlýs-
ingartæki áður en öryggisverðir
ráku augun í hann á ferð sinni á
færibandinu en þar fannst hann
liggjandi í fósturstellingu.
Eftir þetta ævintýri var mað-
urinn síðan færður í lögreglufylgd
á sjúkrahús til þess að ganga úr
skugga um að hann hefði ekki orðið
fyrir geislun af gegnumlýsing-
artækjum. Að lokinni læknisrann-
sókninni var maðurinn síðan færð-
ur í skýrslutöku hjá saksóknara.
Að sögn háttsetts yfirmanns ör-
yggisgæslu flugvallarins var ekk-
ert athugavert við öryggisráðstaf-
anir flugvallarins. skulih@mbl.is
Sofnaði á farangurs-
færibandi í Róm
AFP
Svefn Maðurinn sofnaði á bandinu.
Færður í
skýrslutöku
www.forlagid.is – alvöru bókaverslun á netinu
TÍMI
TIL
AÐ
TÍNA!
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 11-18 og laugardaga frá 11-16
VERÐHRUN!
70% AFSLÁTTUR AF ÚTSÖLUVÖRUM
Tískuvöruverslun fyrir konur á öllum aldri