Morgunblaðið - 21.03.1974, Blaðsíða 2

2
MORGUNBLAÐIÐ, FIMMTUDAGUR 21. MARZ 1974
Landsvirkjun:
30 MILLJÓN DOLL-
ARA LÁN HJÁ SJÖ
ERLENDUM RÖNKUM
FYRIR nokkru voru undirritaðir
samningar af hálfu Landsvirkj-
unar um 30 milljón dollara eða
2,6 milljarða kr. lántöku hjá sjö
erlendum bönkum. Það voru
Manufactures Hanover Ltd. og
First Boston (Europe) Ltd. er
höfðu milligöngu um lántökuna.
Að sögn Agnars Friðrikssonar
hjá Landsvirkjun er hér um að
ræða stærstu lántökunna vegna
fyrirhugaðra framkvæmda við
Sigölduvirkjun. Það er til tíu ára
en ekki verður byrjað að greiða
það upp fyrr en 1980 og greiðist
þá að fullu á fjórum árum.
Agnar sagði, að tekin yrðu fjög-
ur erlend lán vegna Sigöldu, en
þau eru — auk þess sem getið er
hér að ofan: 10 milljón dollara lán
hjá Alþjþðabankanum, sem þegar
hefur verið gengið frá; um 10
milljón dollara vörukaupalán,
sem tekin eru hjá sovézkum og
þýzkum aðilum, er annast fram-
leiðslu véla til virkjunarinnar og
um 5 milljón dollara skuldabréfa-
lán, sem tekið er hjá Banque
Lambert S.C.S. í Belgíu, eínum af
sjö bönkunum er lögðu til stóra
lánið.
Af innlendri fjármögnun til
Sigölduvirkjunar skal fyrst telja
framlög eignaraðila — því að ríki
og Reykavíkurborg leggja hvort
um sig 175 milljónir króna til
framkvæmda í áföngum. Þá er að
geta um svokallað víkjandi lán
ríkissjóðs alls um 350 milljónir
króna. Auk þess kemur til fjár-
magn úr rekstri Landsvirkjunar.
Samtals nemur því fjármögnunin
tilþessara virkjunarframkvæmda
um 5,6 milljörðum króna.
Fjölmenni við ntför dr.
Róberts A. Ottóssonar
UTFÖR dr. Róberts A. Ottós-
sonar, söngmálastjóra Þjóðkirkj-
unnar, var gerð frá Dómkirkj-
unni í Reykjavík í gær, að við-
stöddu miklu fjölmenni. Utförin
var I guðsþjónustuformi og
prédikaði sr. Guðjón Guðjónsson,
æskulýðsprestur Þjóðkirkjunnar,
en sr. Jóhann Hlíðar jarðsöng í
Tvísýnar
Háskóla-
kosningar
KOSNINGAR fóru fram í
Háskólanum f gær til Stúdenta-
ráðs og Háskólaráðs. Tveir listar
voru í framboði — A-listi Vöku-
manna og B-listi vinstri manna.
Rúmlega 2000 manns voru á kjör-
skrá og var þátttaka óvenju góð,
því að á löánda hundrað stúdent-
ar greiddu atkvæði I kosningun-
um.
Kjörfundur hófst kl. 1 í gær og
lauk um kl. 6. Talning hófst þá
þegar, og kom strax í Ijós, að
kosningin yrði mjög tvísýn.
Framan af leiddi A-listinn en
þegar um 250 atkvæði voru ótalin,
höfðu vinstri menn sigið fram úr
— með 666 atkvæðum gegn 594
atkvæðum Vökumanna. Benti því
flest til þess, að vinstri menn
færu með nauman sigur af hólmi í
kosningunum.
Síðustu fréttir.
LOKATÖLUR í kosningunum eru
þessar: B-listi vinstri manna fékk
901 atkvæði og 7 menn kjörna í
stúdentaráði og auk þess háskóla-
ráðsmanninn en A-listi Vöku
fékk 721 atkvæði og 6 menn
kjörna.
Fossvogskirkjugarði. Félagar úr
Lúðrasveitinni Svanur og Lúðra-
sveit Reykjavíkur léku úti fyrir
Dómkirkjunni undir stjórn Páls
P. Pálssonar, í upphafi athafnar-
innar þar og við lok hennar.
Kirkjan var fagurlega skreytt og
í kór sátu margir prestar þjóð-
kirkjunnar hempuklæddir til
heiðurs hinum látna. Strengja-
kvartett undir forystu Karst-
ens Andersens, aðalhljómsveit-
arstjóra Sinfóníuhljómsveitar
íslands, lék þáttinn „Dauðinn og
stúlkan" úr kvartett eftir
Schubert. Söng önnuðust Söng-
sveitin Filharmonia félagar úr
karlakórnum Fóstbræður, kór
einsöngvara og Dómkórinn, en
auk þess var almennur safnaðar-
söngur. Hluti sálmanna, sem
sungnir voru við útförina, var f
útsetningu hins látna. Ragnar
Björnsson dómorganisti og
Martin Hunger organisti skiptust
á um að leika á orgel Dómkirkj-
unnar og stjórna söng, en i lokin
lék Ragnar Björnsson Fantasíu í
G-dúr eftir Bach. Trompettleik í
Framhald á bls. 22.
Hér má sjá hvernig flytja má „sviðsvagninn“, hann tekinn í
sundur og hvernig sviðið lltur út þegar það hefur veriðsett upp.
Hreyfanlegt svið keypt
til þjóðhátíðarhaldsins
BORGARRAÐ hefur nú ákveð-
ið að eiga aðild með Þjóðhátíð-
arnefnd 1974 að kaupum á sér-
stökum „sviðsvagni", sem not-
aður er við útihátfðahöld og
ætlunin er að brúka hér á kom-
andi þjóðhátíð. Sviðs-
vagn þessi er framleiddur
af bandarlsku fyrirtæki —
Wenger Crp. í Minnisota og er
kaupverð tækisins um 4,8miIIj.
króna. Það er væntanlegt til
landsins fyrst í júlí næstkom-
andi.
Tæki þetta þykir mjög auð-
velt I meðförum, og má nefna,
að tveir menn eiga að geta kom-
ið því upp á u.þ.b. 20 mfnútum
en að lokinni sýningu má draga
það á annan stað, þar sem ætl-
unin er að efna til annarrar
skemmtunar.
Notagildi þess til útihátíða-
halda eru lftiltakmörk sett.Má
þar á meðal nefna sinfóníutón-
leika með kór og einsöngvara,
tizkusýningar, íþróttir, leiksýn-
ingar, ballett, útifundi og
barnaskemmtanir — allt getur
þetta farið fram á sviðinu. Ýms-
ir aukahlutir fylgja þvf, svo
sem kórpallar fyrir um 180
manna kór, ljósabúnaður og
mjög fullkomnir pallar, sem
nota má sem leiksvið eina sér.
Innflytjandi þessa tækis er
Sjálfsalinn h.f.
Þingnefnd-
in styður
zetuna
ALLSHERJARNEFND samein-
aðs þings skilaði í gær nefndar-
áliti um þingsályktunartillöguna
um bókstafinn Z í ritmáli og er
hún sammála um aði mæla með
samþykkt tillögunnar óbreyttrar.
1 nefndinni eru Björn Fr.
Björnsson, Jónas Árnason, Ragn-
hildur Helgadóttir, Bjarni Guðna-
son, Lárus Jónsson, Bragi Sigur-
jónsson og Jón Skaftason, en Jón
var fjarstaddur við afgreiðslu
málsins. Þingsályktunartillagan
um Z i ritmáli var flutt af Sverri
Hermannssyni, Helga F. Seljan,
Ellert B. Schram og Bjarna
Guðnasyni og hljóðar svo: Alþingi
ályktar, að hrundið skuli þeirri
ákvörðun að fella Z niður í fs-
lenzku ritmáli.
FÍ á höttum
eftir fimmta
F okkernum
FLUGFÉLAG íslands hyggur nú
á flugvélakaup. Fyrir skömmu
fóru tveir fulltrúar félagsins til
Dusseldorf í Þýzkalandi til að
skoða þar notaða Fokker Friend-
ship-vél, sem Fí stendur til boða
að kaupa. Mennirnir tveir eru nú
komnir heim og hafa lagt skýrslu
um för sína fyrir stjórn flug-
félagsins. Hins vegar hefur enn
engin ákvörðun verið tekin um
kaupin. Verði hins vegar af
kaupunum er þetta fimmta
Fokkerflugvél Flugfélagsins og
er hún af sömu gerð og tvær fyrri
vélar félagsins — Blikfaxi og
Snarfaxi.
Samið á far-
skipunum
MARGIR fundir hafa verið
haldnir í samningamálum undir-
manna á farskipunum og í fyrri-
nótt tökst samkomulag. Morgun-
blaðinu tókst hins vegar ekki í
gærkvöldi að afla upplýsinga um
einstök atriði samkomulagsins.
Þá var í gærkvöldi haldinn
sáttafundur með fulltrúum út-
gerðarmanna og undirmanna á
bátaflotanum, en þeim fundi var
ekki lokið þegar Mbl. hafði síðast
fréttir.
FELAGISL. IÐNREKENDA:
Andvígt útflutningsuppbótum
en eitt skal yfir alla ganga
EINS og Morgunblaðið hefur
skýrt frá hefur rfkisstjórnin gefið
Söluskrifstofu lagmetis og
iðnaðardeild SÍS fyrirheit um
verðbætur á útflutning þessara
aðila til Sovétríkjanna. Munu
þessar verðbætur nema um
15—20% af heildarsamningsverð-
mætinu. Vegna þessa hefur
Morgunblaðinu borizt eftirfar-
SH-FRYSTIHUSIN
FRAMLEIÐSLU Á
• •
STOÐVA
BLOKKUM
EINS og áður hefur komið fram
er nú ótryggt ástand og horfur
varðandi fiskverð á Bandarlkja-
markaði og má í þvf sambandi
vitna til ummæla forráðamanna
útflutningssamtakanna hér í
hlaðinu fyrir skömmu. í fram-
haldi af þessu hefur nú Sölumið-
stöð hraðfrystihúsanna sent
skeyti til allra frystihúsa innan
vébanda samtakanna þess efnis
að þau leggi framvegis áherzlu á
framleiðslu i flakapakkningar en
ekki í hlokkir.
Samkvæmt þessu er ljóst, að
íslenzkir framleiðendur meta
horfurnar þannig að flökin séu
ekki í eins mikilli hættu hvað
verðfall áhrærirog blokkirnar, þó
að.ekkert sé hægt að fullyrða um
það á þessu stigi hver verðþró-
unin verði á frystum flökum.
Hins vegar telja menn sig vita, að
S-Kóreumenn og Japanir muni
stórauka framleiðslu sína og
framboð í Bandaríkjunum á svo-
kallaðri Alaska-ufsablokk á yfir-
standandi ári og er talað um, að
þessir aðilar muni bjóða fram um
60—70 þúsund lestir, sem er rúm-
lega helmingi meira magn en árið
1973. Getur þetta haft stórskaðleg
áhrif á fiskverð á Bandarikja-
markaði, samkvæmt því er Guð-
mundur H. Garðarsson, blaðafull-
trúi SH, tjáði Mbl.,í gær.
andi ályktun st jórnarfundar
Félagi Isl. iðnrekenda I gær um
þessar útflutningsbætur á
iðnarðarvörur:
Vegna fréttar, um útflutnings-
uppbætur á lagmeti og prjónavör-
ur til Sovétríkjanna, hafa ýmsir
útflytjendur iðnaðarvara snúið
sér til Félags fslenzkra iðnrek-
enda með fyrirspurnir um það,
hvort þessar uppbætur séu
bundnar við ákveðið Iand og
ákveðnar vörutegundir, eða hvort
allar útfluttar iðnaðarvörur njóti
þar sömu fyrirgreiðslu.
Félagið hefur kynnt sér þetta
og mun hér vera um að ræða
munnlegar yfirlýsingar ráða-
manna og ekki liggja fyrir hver
fyrirgreiðslan verði, né hvaðan
fjár verði af lað.
Vill stjórn Félags íslenzkra iðn-
rekenda taka fram að hún hefur
ætíð verið andvíg hvers konar út-
flutningsuppbótum, og er þar
jafnt átt við landbúnaðarvörur,
sjávarafurðir og iðnaðarvörur.
Telur stjórnin að sömu reglur eigi
aðgilda um allan útflutning.
Þó getur þannig ástand skapast
í efnahagsmálum, að gripa þurfi
til tímabundinna aðgerða til að
stuðla að útflutningi, en þá eiga
að sjálfsögðu sömu reglur að gilda
um allan útflutning, án tillits til
landa, vöruflokka og fyrirtækja.
Leiðrétting
í F'RÉTT frá Ilúsmæðrafélagi
Reykjavíkur, sem birtist i blaðinu
í gær, var ranglega sagt, að
félagið héldi hlutaveltu næstkom-
andi sunnudag. Hlutaveltan var
sunnudaginn 17. marz.