Morgunblaðið - 03.08.1975, Blaðsíða 11

MORGUNBLAÐIÐ, SUNNUDAGUR 3. AGUST 1975
11
son kennari frá Reykjavík, Krist-
inn Guðmundsson kennari frá Ár-
borg og frú Lilian Skúlason, sem
kennt hefur íslenzku við skólann í
Arborg.
Tollafgreiðslan gekk furðu-
greiðlega, e'nda gætti lítillar tor-
tryggni í garð þessa æskuglaða
hóps. Um kvöldið var ekið norður
til Arborgar, en sú leið er nálega
75 milur. Þar var stanzað við
barnaskólann, en þar beið margt
fólk til að taka á móti íslenzku
gestunum, meðal annarra margir
þeir unglingar, sem heimsóttu Is-
land á síðasta sumri. Virtist þarna
verða fagnaðarfundur og erfitt að
sjá mun á svipmóti gesta og gest-
gjafa.
Unglingarnir fóru svo skjótlega
í náttstað, en allir fengu þeir
dvalarstað á einkaheimilum.
Að morgni næsta dags var ekið
norður til indíánabyggða við Hud-
son og dvalið þar lengi dags við
gleðskap í hópi hinna innfæddu,
sem dönsuðu og sungu fyrir gesti
sína. A leiðinni til baka var komið
við í sveitaþorpi með um 1000
íbúa og snæddur þar kvöldverður
í boði kvenfélags lútherska
kirkjusafnaðarins. Var þar ríku-
Iega veitt og alúð í hverju hand-
taki.
Þegar komið var til Arborgar
um kvöldið tvístraðist hópurinn
og er óhætt að segja, að þrátt fyrir
nokkra þreytu vegna hitans, sem
um daginn komst upp í 33° á C
hafi ánægja skinið út úr hvers
manns andliti.
Daginn eftir, 26. júlí, fór ungl-
ingahópurinn út I Mikluey, —
Hekla ísland, — þar voru hátíða-
höld i tilefni af því að eyjan hefur
nú verið gerð að þjóðgarði fyrir
Manitobafylki. Á hátiðinni var
meðal annars afhjúpuð minning-
artafla um fyrstu hvítu mennina,
sem eyjuna byggðu, en þeir komu
heiman fra Islandi fyrir nær 100
árum. Sú ráðstöfun stjórnar
Manitoba að taka eyjuna til þess-
ara nota hefur mætt mótspyrnu
hjá mörgum, sem þar hafa verið
búsettir og eiga þar Iönd og lóðir.
A sunnudfaginn valdi feröa-
fólkið hjá gestgjöfum sinum, sem
óku með það um byggðina og
sýndu því margháttaðan vináttu-
vott.
Nú eru unglingarnir á fimm
daga ferðalagi um norðvestur
byggðir Manitoba, undir farar-
stjórn Halldórs Þorsteinssonar og
leiðsögn séra Bobs Blyre og
Kristins Guðmundssonar.
Ungmennahópurinn fór frá
Árborg í gærmorgun.
Kvöldverður var snæddur i
Vogum. Þar hitti ferðafólkið
marga Vestur-Islendinga, sem
fögnuðu því af mikilli alúð.
Undruðust unglingarnir þennan
skýra þróttmikla málhreim, sem
einkennir tungutak fólksins.
Við hittum að máli nokkra úr
hópnum og allir voru sammála
um það, að þessir fyrstu dagar
Jónatal Olafsson ásamt konu sinni, Mariu Jensdóttur, en á milli þeirra situr V-Islendingurinn Sigfús Jónsson Hildibrandsson. Mynain er tek
in f Betel.
hefðu verið ævintýri líkastir,
hvort sem nefnt væri viðmót
fólksins ellegar yfirbragð
náttúrunnar. En merkilegast og
eftirtektarverðast af öllu þessu
væri þó að hitta alls staðar fólk,
sem talaði íslenzku með þeim
ágætum, að margur heimaalinn
mundi vart kinnroðalaust geta
látið það heyra tungutak sitt. Og
annað hið mikla vinarþel og
huglægu tengsl við ættlandið sem
alls staðar kom fram.
I dag ók ferðafólkið um Riding
mountain international park. Þar
stóð það augliti til auglits við
svipmikla vísunda, fór á hestbak,
en lét dálítið misjafnlega af því
ævintýri, og lék sér svo góða
stund á baðströndinni við Lake.
— Þar þótti auðsjáanlega öllum
gaman. Að síðustu var svo
garöveizla í Newpava hjá dr.
Bjarka Jakobssyni og konu hans.
Þegar við yfirgáfum hópinn sat
hann í gróðursælum skógarlundi
niður við lítið vatn, sem heimili
Iæknishjónanna stendur við, og
söng íslenzka söngva. I hópnum
eru margir af ferðamönnunum
frá Árborg, sem heimsóttu Island
í fyrra.
Við höfðum orð á því við dr.
Bjarka, að þetta væri hálfgerð
innrás á einkaheimili. Hann
sagði, að þau hjónin og reyndar
allt fólk i Manitoba fagnaði
innilega þessari heimsókn hinna
ungu Islendinga. Því það styrkir
okkur i þeirri trú, að mögulegt sé
að viðhalda og auka samskipti og
kynningu fólks af íslenzku
þjóðerni austan hafs og vestan.
Annars er það nú svo, að þessi
hópur sem þið hafið orð á að sé
stór vex okkur ekki í augum. Við
hjönin eigum átta börn,
barnabörnin eru orðin býsna
mörg og hér á öll fjölskyldan oft
góðar stundir saman. — I
fyrramálið mun svo ferðafólkið
snæða morgunverð hjá
læknishjónunum og að því búnu
halda vestur til Brandon.
I morgun kl. 10 var útvarpað í
Manitoba viðtali við fióra úr
hópnum, Kristin Guðmundsson
kennara frá Árborg, Halldór
Þorsteinsson kennara frá
Reykjavík, Erlu Alexdóttur frá
Hveragerði og Eyjólf Guðjónsson
frá Reykjavík.
Að síðustu skal þess getið, að
fararstjórar lýsa sérstakri ánægju
sinni yfir allri framkomu
unglinganna og telja hana vera
aðstandendum og þjóðinni til
sóma.
Halldór Einarsson og Steinþóra Þórisdóttir.