Morgunblaðið - 07.12.1976, Blaðsíða 34

34
MORGUNBLAÐIÐ, ÞRIÐJUDAGUR 7. DESEMBER 1976
Rætt vid formenn sjálfstæðisfélaganna í Reykjavík
„Heldur uppi stöðugu sam-
bandi við íbúa hverfisins,,
FÉLAG sjálfsstæðis-
manna í Bakka- og
Stekkjahverfi var stofn-
að í janúarmánuði árið
1974 og voru stofnfélagar
264 en félögum hefur
fjölgað stöðugt. Markmið
félagsins er að sjálfstöðu
það sama og hjá öðrum
hverfafélögum sjálfs-
stæðismanna, eða að
beita sér fyrir þjóðlegri
og viðsýnni framfara-
stefnu í þjóðmálum með
hagsmuni allra stétta og
sameiningu þjóðarinnar
fyrir augum. Félagið
heldur uppi stöðugu
sambandi við íbúa
hverfisins. Fundir eru
fastur liður í starfsemi
félagsins og er skemmst
að minnast fjölmenns
Rœtt við Eirík
Kristinsson
hverfafundar með
borgarstjóra. Við höfum í
samvinnu við hverfa-
félagið í Fella- og Hóla-
hverfi gefið út blað og
hlaut það nafnið Breið-
hyltingur.
Þannig svaraði Eiríkur
Kristinsson, formaður Félags
sjálfsstæðismanna í Bakka- og
Stekkjahverfi, spurningu okk-
ar um markmið og starfsemi
hverfafélaga sjálfsstæðis-
manna í Reykjavík.
— Varðandi þjóðmálin
verðum við að gera okkur grein
fyrir þvi að nú eru aðeins rúm
tvö ár liðin frá því að vinstri
stjórnin lognaðist út af og á
þeim tíma hefur núverandi
ríkisstjórn þurft að eyða dýr-
mætum tíma og starfsorku í að
leysa það stóra vandamál, sem
útfærsla fiskveiðilögsögunnar
var. Af þessum sökum hafa
önnur mál ekki fengið eins
skjóta úrlausn og vera skyldi.
Þar er mér efst í huga verð-
trygging lífeyrissjóðanna og
breytingar á skattalögunum.
Við vitum að það er stefna sjálf-
stæðisflokksins að skattakerfið
eigi að vera einfalt og fram-
kvæmd skattamála slík að
skattar komi réttlátt niður.
Kröfur hins opinbera um fjár-
muni úr hendi borgaranna
mega aldrei verða það miklar
að hætta sé á að framtak þeirra
og tekjuöflunarstarfsemi fái
ekki notið sín. Að þessu marki
er nú stefnt með tilkomu nýrra
skattalaga.
— Fjöldi annara mála, hélt
Eiríkur áfram, sem kalla mætti
minni háttar en verða þó þung
á vogarskálunum hjá einstak-
lingnum þurfa einnig að fá sína
lausn. Ég vil að síðustu hvetja
allt sjálfstæðisfólk I landinu til
Eirfkur Kristinsson
að taka virkan þátt f félags-
starfi Sjálfsstæðisflokksins og
stuðla þannig að betri kynnum
félaganna og vinna að farsællri
lausn þeirra mála, sem við er að
glíma. Aðeins á þann hátt
verðum við það afl, sem þarf til
að koma skoðunum okkar á
framfæri við þá fulltrúa, sem
við höfum kosið til borgar-
stjórnar og Alþingis.
„Ungt fólk á að marka sér eigin
stefnu og berjast fyrir henni”
— STJÓRNMÁLAFÉ-
LAG ungs fólks hlýtur
alltaf aö hafa nokkra sér-
stöðu í starfi innan
stjórnmálaflokks. Það er
hlutverk ungs fólks í
stjórnmálastarfi að
marka sér sína eigin
stefnu og berjast fyrir
henni. Sú stefnu getur
ekki alltaf verið í sam-
ræmi við það sem flokks-
forustan boðar hverju
sinni enda væru stjórn-
málasamtök ungs fólks
eingöngu hópur já-
bræðra sem hefði þann
eina tilgang að útbreiða
fyrirfram ákveðinn
stórasannleik. Heimdall-
ur, samtök ungs sjálf-
stæðisfólks í Reykjavík
gegnir þessvegna því
hlutverki fyrst og fremst
að móta stjórnmála-
stefnu ungs fólks á
Jón Magnússon
grundvelli sjálfstæðis-
stefnunnar og reyna að
vinna þeirri stefnu fylgi
jafnt utan flokksins sem
innan hans.
Þannig fórust Jóni Magnús-
syni, formanni Heimdallar, orð
er blaðið ræddi við hann um
félagsstarf Heimdallar og verk-
efni félagsins.
— Pólitísk stefnumótun og
Rœtt við
Jón Magnússon,
formann
Heimdallar
útbreiðslustarf er mikilvægasta
hlutverk Heimdallar og að því
vinnur félagið með starfshópa-
starfi, leshringjum, ályktunum,
útgáfustarfi, funda- og ráð-
stefnuhaldi og ýmsu fleiru.
— Innan félagsins hafa á öll-
um tírnurn starfað menn sem
hafa verið reiðubúnir til að
berjast fyrir þeim málefnum,
sem þeír hafa talið að horfðu
landi og þjóð til heilla og félag-
ið hefur verið óhrætt við að
gera skoðanir þessara manna
að sínum og barist fyrir þeim,
þrátt fyrir takmarkaðar vin-
sældir þeirra f upphafi. En
þetta hefur valdið því að Heim-
dallur hefur um langt skeið
verið stærsta og öflugasta
stjórnmálafélag ungs fólks á ís-
landi.
Lýðræðisþjóðfélagið gerir þá
kröfu til borgaranna að þeir
hugsi um stjórnmál og taki þátt
í stjórnmálastarfi á einn eða
annan hátt. Það er því nauðsyn-
legt fyrir ungt fólk að kynna
sér stjórnmálastefnur og þjóð-
félagsmál, og taka síðan ákvörð-
un um það hvaða stefnu það
telur sig helst eiga samleið
með. Það er síðan mikilvægt að
fólk taki virkan þátt í stjórn-
málastarfi, því á þann hátt ein-
an getur það haft veruleg áhrif
til mótunar þjóðfélagsins. Sá
maður sem tekur ekki þátt í
stjórnmálastarfi hlýtur að
dæma sig til áhrifaleysis í þjóð-
málum, hversu ákveðnar skoð-
anir sem hann kann að hafa.
— Stefna Heimdallar í þjóð-
félagsmálum er skýr og vil ég
hvetja ungt fólk til að kynna
sér stefnu félagsins og taka
virkan þátt í starfi þess ef það
telur sig eiga samleið með
þeirri stefnu sem við berjumst
fyrir. Ðegar ég segi að stefna
félagsins sé skýr, þá þýðir það
ekki að hún sé óumbreytanleg.
Stefna félagsins er mörkuð af
félagsmönnum, það eru því
skoðanir félagsmanna á hverj-
um tíma, sem endurspeglast í
ályktunum Heimdallar. Ef þú
vilt hafa áhrif og koma skoðun-
um þínum á framfæri áttu
hvergi betri möguleika en með
starfi í Heimdalli, sagði Jón að
lokum.
„Félögin berjast
fyrir frelsi
einstaklingsins ’ ’
— STARFSSVIÐ hverfa-
félaga sjálfstæðisinanna
er að berjast fyrir sjálf-
stæðisstefnunni, frelsi
einstaklingsins, fram-
farastefnu í þjóðmálum
og berjast gegn ríkis-
geiranum, sem sífellt er
að verða aðgangsharðari
gegn hinum almenna
borgara. Félögin halda
einnig uppi stöðugu og
virku sambandi Sjálf-
stæðisflokksins við fólkið
í hverfunum og vinna að
sjálfsögðu að sem mestu
Kjörfylgi Sjalfstæðís-
flokksins við allar
kosningar. Stjórnir
félaganna koma á fram-
færi ýmsum ábendingum
við kjörna fulltrúa
flokksins um sameiginleg
hagsmunamál
viðkomandi hverfis og
ekki síst halda félögin
uppi öflugu félagsstarfi
meðal sjálfstæðisfólks.
Þetta sagði Guðni Jónsson,
formaður Félags sjálfsstæðis-
manna i Háaleitishverfi er við
ræddum við hann um markmið
og verkefni hverfafélaga sjálfs-
stæðismanna í Reykjavík.
— Við í stjórn félagsins f
Háaleitishverfi höfum á undan-
förnum árum haldið ýmsa
fundi um mál sem efst hafa
verið á baugi hverju sinni og
hafa þeir tekist vel. 1 vetur er
áformað að halda fundi reglu-
lega í hverjum mánuði. Ég vil
geta þess að við höfum fengið
til umráða fundarherbérgi í
Sjálfsstæðishúsinu og kemur
það til með að auðvelda okkur
mjög allt félagsstarf.
Rœtt við Guðna
Jónsson
En hvers vegna tekur fólk
þátt í félagsstarfi stjórnmála-
flokks?
— Með þvi móti öðlast fólk
betri tækifæri til að hafa áhrif
á stefnumótun og starf stjórn-
málaflokkanna. Ég vil hvetja
allt stuðningsfólk Sjálfsstæðis-
flokksins til að ganga í sjálfs-
stæðisfélögin og taka þar með
þátt í starfi stærsta stjórnmála-
flokks landsins. Við megum
ekki gleyma þvi að þátttaka í
stjórnmálafélögum verður
sifellt þýðingarmeiri eftir þvi
sem þjóðfélagið verður flókn-
ara. Stjórnmálaflokkar og
stjórnmálamenn eru mikið
gagnrýndir þessa daga og með
það í huga er mikilvægt fyrir
fólk að kynnast af eigin raun
starfi stjórnmálaflokkanna og
geta lagt sitt til málanna, þar
sem það telur að breytinga sé
þörf, sagði Guðni að lokum.
„Bjartir
dagar”
Ný bók eftir
Þorvald
Sæmundsson
NVKOMIN er út bókin „Bjartir
dagar“ eftir Þorvald Sæmunds-
son. Bókin er 131 bls. að stærð.
Myndir hefur Þórhildur Jónsdótt-
ir gert. Höfundur gefur sjálfur út
bókina.
Árið 1973 gaf Ríkisútgáfa náms-
bóka út bókina Bernskunnar
strönd eftir sama höfund. í henni
segir frá æsku drengs, sem elst
upp i litlu sjávarþorpi á þriðja
áratug þessarar aldar. Brugðið er
upp svipmyndum úr lífi drengs-
ins, lýst leikjum og ævintýrum
barnanna í þorpinu, samskiptum
þeirra við náttúruna og kynnum
drengsins af lífsbaráttu fullorðna
fólksins.
Bók þessi, Bjartir dagar, er að
nokkru leyti framhald hinnar
fyrri og form hennar líkt.
Persónurnar eru flestar hinar
sömu, og sögusviðið er litla
sjávarþorpið við reginhafið
breiða eins og það var á fyrstu
áratugum þessarar aldar.
Það skal fram tekið að frásögn
þessi er alls ekki sjálfsævisaga
höfundar, og persónur bókar-
innar eiga sér ekki beinar fyrir-
myndir í raunveruleikanum, en
líta má á svipmyndir þessar sem
tilraun höfundarins til leitar að
liðinni æsku.
Prentsmiðjan Edda hf.
prentaði.
Fréttablad
R.K.Í.
komið út
RAUÐI kross tslands hefur gefið
út sitt annað fréttablað á árinu, er
það 16 bls. að stærð og 1 dagblaða-
broti. Fjölmargar greinar og
fréttir eru f blaðinu.
Meðal annars eru greinar um
Almannavarnir ríkisins, sagt er
frá formannafundi R.K.Í., sem
haldinn var 24.—26. september
s.l., og sagt er frá starfsemi hinna
ýmsu Rauðakrossdeilda út um
land.
Ritstjórar fréttablaðs R.K.Í. eru
þeir Björn Þórleifsson og Jóhann-
es Reykdal.
Samoa
í S.þ.
Sameinuðu þjóðunum, 1. des. Reuter.
SAMOA-eyjur fengu f dag- form-
lega aðild að Sameinuðu þjóð-
unum er öryggisráð þess sam-
þykkti beiðni þeirra. Samoaeyja-
klasinn er f Vestur-Kyrrahafi og
þar búa um 152 þúsund manns.
Samoaeyjar sem áður tilheyrðu
Nýja Sjálandi fengu sjálfstæði
árið 1962, en ákváðu þá að sækja
ekki úm aðild að Sameinuðu
þjóðunum og hafa ekki gert^það
fyrr en nú. Samoa er 147. ríki
Sameinuðu þjóðanna.