Morgunblaðið - 21.10.1978, Blaðsíða 47
MORGUNBLAÐIÐ, LAUGARDAGUR 21. OKTÓBER 1978
47
íslandsmótið í handknattleik hefst í dag
27 félög senda 195 flokka til keppni og leikið
verður í 9 íþróttahúsum þetta keppnistímabil
í DAG kl. 14.00 verður flautað til leiks í fertugasta íslandsmótinu í handknattleik. Miklar vonir eru
bundnar við það íslandsmót sem nú fer í hönd um að mótið verði tvísýnna og jafnara en oftast áður. Kemur
þar margt tií. en þyngst á metunum er að félögin eru yfirleitt betur undirbúnin cn áður. brír þjálfarar í
fremstu röð hafa nú bæst í hóp þeirra sem þjálfa 1. deildar lið, þ.e.a.s. Póiverjarnir tveir og síðast en ekki
síst hinn gamalreyndi Hilmar Björnsson, sem þjáifar meistaralið Vals. Aðrir þjálfarar í 1. deild eru allt
saman þrautreyndir sem hafa allir sannað ágæti sitt í gcgnum árin. Fróðiegt verður að fylgjast með hinum
unga þjálfara Hauka. Þorgeiri Haraldssyni. í annarri og þriðju deild er langt síðan að svo gott úrval
þjálfara hefur tekið að sér þjálfun og ber að fagna þeirri þróun mála. Má nefna þar kappa eins og Geir
Ilallsteinsson, Arnar Guðlaugsson, Birgi Björnsson. sem allir þjálfa í annarri deild, Gunnlaug
Iljálmarsson, Stefán Sandholt, Pétur Jóhannsson og ílejri úr þeirri þriðju.
Ekki má gleyma kvenfólkinu og yngri flokkunum. Áhorfendum gefst nú kostur í fyrsta skipti að sjá
leiki þessara hópa með 1. deildar leikjum og er það vel. FH-ingar og Víkingar hafa búið svo um hnútana að
hinir erlendu þjálfarar þeirra þjálfa cinnig kvenfólkið og yngri flokkana eða skipuleggja þjálfun þeirra.
Verður fróðlegt að fylgjast með árangri þeirra í vetur á þcssu sviði.
Alls senda 27 félög 195 flokka til
keppni í mótið að þessu sinni, og er
það átta fleiri flokkum en í síðasta
móti. Leikir í íslandsmótinu verða
876 talsins. Fer mótið fram í 9
íþróttahúsum þetta keppnistíma-
bil.
Það verða nýliðarnir í 1. deild
HK sem opna mótið í leik sínum á
móti Víkingi sem fram fer að
Varmá í Mosfellssveit og hefst kl.
14.00. En HK mun leika alla sína
leiki að Varmá.
Bikarkeppni HSI mun hefjast í
byrjun janúar, og í henni munu
um 50 leikir fara fram. Sjálfu
íslandsmótinu mun ljúka í kring-
um 20. apríl.
Handknattleikur eins og aðrar
íþróttagreinar er sífelldum breyt-
ingum undirorpinn. Æ meiri
kröfur eru gerðar til leikmanna og
forráðamanna um að standast
hinum sterkari þjóðum snúning á
alþjóðavettvangi.
I dag stendur íslenskur hand-
knattleikur á tímamótum. Allir
eru þeirrar skoðunar að breytinga
sé þörf. í ár ætla félögin að reyna
að leika 1 leik á hverju keppnis-
kvöldi eins og tíðkast alls staðar
annars staðar í heiminum. Reynsl-
an mun skera úr um það hvort
fækka eigi í fyrstu deild og leika
með svipuðu fyrirkomulagi og nú
er gert í körfuknattleiknum.
Stuðningsmenn félaganna verða
að fylgja félagi sínu hvert fótmál
og þeir geta með hvatningu sinni
hreinlega ráðið úrslitum í tvísýn-
um leikjum.
Valur og Víkingur eru fulltrúar
íslenskra liða að þessu sinni í
Evrópukeppninni. Víkingar kom-
ust í aðra umferð án þess að leika,
en Valsmanna bíður þyngri róður í
viðureign sinni við norska meist-
araliðið Refstad á sunnudags-
kvöldið í Höllinni. Valsmenn
töpuðu fyrri leiknum með aðeins
2ja marka mun og verða því að
sigra með þriggja marka mun á
sunnudagskvöldið. Góður árangur
bestu félagsliða okkar í Evrópu-
keppnum og landsliðsins ætti að
haldast í hendur. Öll ættum við
því að mæta í Höllina á sunnudag
og hvetja Valsmenn til sigurs gegn
Refstad. — [>R.
Tekst Val að kom-
ast í aðra umferð?
Áhorfendur geta fleytt þeim yfir flúðirnar
VALSMENN nýbakaðir Reykjavíkurmeistarar í hand-
knattleik verða í eldlínunni á sunnudaginn kl. 15.00 í
Laugardalshöllinni er þeir leika síðari leik sinn í
Evrópukeppni meistaraliða á móti Refstad frá Noregi.
Fyrri leik liðanna lauk með sigri Refstad 16—14, þannig
að Valsmenn verða að taka á honum stóra sínum til að
sigra með þremur mörkum til að komast áfram í
keppninni.
Lið Vals er í mjög góðri æfingu
um þessar mundir og sýndi það í
úrslitaleik Reykjavíkurmótsins að
það er til alls líklegt 1 vetur.
Margir bíða eflaust spenntir eftir
þessum leik, og getur öflug hvatn-
ing áhorfenda fleytt Val yfir
flúðirnar og komið þeim áfram.
Leikur Vals og Refstad hefst kl.
15.00, en á undan leiknum fer fram
forleikur milli tveggja liða sem
munu koma áhorfendum á óvart,
með getu sinni, tækni og kunnáttu.
I viðtölum við norsk blöð, eru
leikmenn Refstad bjartsýnir á að
þeim takist að komast áfram og
sigra Val. En vonandi verða þeim
sýnt í tvo heimana í höllinni á
sunnudaginn.
þr.
• Úr leik Vals og Víkinga. Jón Pétur Jónsson (m. boltann) átti mjög
góðan leik gegn Refstad ytra. Spurningin er hvernig honum og
félögum hans hjá Val tekst upp í Ilöllinni á morgun.
• Markvörður Refstad, Tom
Jansen, bjargaði oft glæsilega í
leiknum ytra. Hann verður Vals-
mönnum áreiðanlega erfiður á
sunnudag.
• Geir Hallsteinsson
• Kristján Sigmundsson
Bjarni Guðmundsson
Karl Jóhannsson
VERKEFNI handknattleiksmanna verða mörg á þessum vetri. í
dag hefst það stærsta íslandsmótið í handknattleik. Ekki er að
efa að mótið verður tvísýnt og spcnnandi og hart verður barist
áður en úrslit liggja fyrir. Það voru Valsmenn sem sigruðu í
síðasta ári í 1. deild karla og Fram í 1. deild kvenna. Fylkir og
IIK komu upp úr 2. deild en KR og Ármann féllu niður í 2. deild.
Margir óttast að fjarvera nokkurra af okkar sterkustu
handknattleiksmönnum setji svip á mótið í vetur en aldrei áður
hafa svo margir íslenskir handknattleiksmenn dvalið erlendis og
leikið með erlendum liðum. En maður kemur í manns stað og því
ætti handknattleikurinn í vetur að verða bæði spennandi og
skemmtilegur.
Viö fengum fjóra af lcikmönnum 1. deildar til að spá um úrslit í
I dcildinni og segja álit sitt á mótinu í vetur.
Geir Hallsteinsson FH> —
Þetta er 14. Islandsmótið sem ég
tek þátt í. Og það verður að
segjast eins og er að ég er prðinn
svolítið þreyttur á þessu. Ég hef
þá trú að handknattleikurinn í
vetur verði jafn lélegur og í
fyrra. Það verða aðeins tvö félög
sem skera sig úr, Valur og
Víkingur. Valur er með heil-
steyptasta liðið að þessu sinni.
Mér segir svo hugur að 2. deildin
verði mun betri og áhugaverðari
en 1. deildin á þessu sinni.
Spá Geirsi
1. Valur
2. Víkingur
3. FH
4. Ilaukar
5. ÍR
6. Fylkir
7. Fram
8. IIK
Kristján Sigmundsson
Víkingii Við í Víkingi erum
með heilsteyptara lið en í fyrra,
það er mun jafnara. Þá erum við
með góðan þjálfara og við eigum
eftir að sigra í íslandsmótinu.
Spá Kristjáns>
1. Víkingur
2. Valur
3. FII
4. Haukar
5. Fram
6. ÍR
7. Fylkir
8. HK.
Bjarni Guðmundsson Vali —
Það verður leikinn betri hand-
knattleikur í vetur en í fyrra.
Við hjá Val erum í góðri æfingu
og verðum í einu af efstu
sætunum. Þá vona ég eindregíð
að okkur takist að komast
áfram í Evrópukeppninni og
leggja Refstad að velli hér
heima.
Spá Bjarnai
1. Valur
2. Ilaukar
3. Víkingur
4. FH
5. Fram
6. IIK
7. Fylkir
8. ÍR
Karl Jóhannsson HKi —
Þetta getur ekki orðið jafnt mót,
til þess er of mikill munur á
liðunum í 1. deild. Það verða
fjögur lið sem skera sig úr og
verða í efri hluta deildarinnar
og fjögur í neðri hlutanúm.
Spá Karls.
1. Víkingur
2. Ilaukar
3. Valur
4. FH
5. Fram
6. ÍR
7. HK
8. Fylkir