Morgunblaðið - 06.02.1979, Qupperneq 18

18
MORGUNBLAÐIÐ, ÞRIÐJUDAGUR 6. FEBRÚAR 1979
- Gangan kemur niður Bankastrætið.
Nemendur Kennaraháskóla Islands:
Ákœra menntamálaráðherra,
fjármálaráðherra og stjómvöld
Mótmæla vinnuaðstöðu, húsnæðis- og kennaraskorti
NEMENDUR Kennaraháskóla íslands gengu í gær fylktu liði til
menntamála- og fjármálaráðherra til þess að mótmæla vinnuaðstöðu,
húsnæðisskorti og kennaraf jölda við skólann.
Nemendur skiptu sér í þrjá hópa. í fyrsta hópnum voru 120
nemendur auk kennaranna og lögðu þeir af stað fylktu liði frá
skólanum kl. 13. Annar hópurinn var mættur niðri í menntamálaráðu-
neyti kl. 13 og þriðji hópurinn mætti í fjármálaráðuneytinu á sama
tíma. Aður höfðu nemendur skólans haft með sér skipulagsfundi frá
kl. 10 um morguninn.
Fyrir helgi sendu nemendur frá
sér ályktun sem samþykkt var á
fundi þeirra og mótmæltu þar harð-
lega að öðrum bókavarðanna við
skólann, Þórhildi Sigurðardóttur,
skyldi hafa verið vikið úr starfi. Af
þeim sökum er bókasafn skólans
aðeins opið frá 8—1 þegar flestir
nemendanna eru bundnir í tímum. I
lok ályktunarinnar segir: Bókasafnið
er þungamiðja í námi okkar og þvi
krefjumst við þess að bókaverðinum
„verði skilað" nú þegar og ekki
aðeins sem lausráðnum heldur verði
hann fastráðinn svo okkur verði gert
kleift að halda námi okkar áfram.
Einnig og ekki síður krefjumst við
þess að ráðuneytin sinni þegar í stað
öðrum kröfum Kennaraháskóla Is-
lands því ella verður hann óstarf-
hæfur með öllu vegna langvarandi
kennaraskorts, húsnæðisleysis og
fjársveltis.“
I ráðuneytunum lásu nemendur
upp ákærur á hendur menntamála-
og fjármálaráðherra auk íslenskra
stjórnvalda. Einnig ..afhentu þeir
kröfur þar sem þeir fara fram á
fleiri lektora, stærra húsnæði og
hentugra, traustari starfsgrundvöll
bókasafnsins, betri tækjakosts og
betri vinnuaðstöðu. Með kröfunum
létu nemendurnir fylgja, að ef þeim
verði ekki sinnt yrði ekki hægt að
líta á það öðru vísi en að ráðamenn
vildu Kennaraháskóla íslands feigan
og munu þeir að sögn aldrei sætta
sig við slíkan hugsunarhátt.
Stjórn KHI fór á sínum tíma fram
á 4 nýjar lektorsstöður við skólann
en ráðuneytið samþykkti enga
þeirra. Einnig voru greiðslur til
launa kennara skornar niður um 40
milljónir króna. Að auki var einum
bókaverði og 1 'Æ ritara sagt upp
störfum en laun þeirra munu vera
samtals 12 milljónir á ári þannig að í
raun hefur ráðuneytið skorið niður
fjárveitingu til launa um 12 milljón-
ir króna.
Húsnæði Kennaraháskólans er að
sögn nemenda fyrir 150 nemendur en
þar eru nú við nám 400 nemendur.
Fjölgun nemenda frá því á s.l.
námsári er 66,6% en fastráðnum
kennurum var ekki fjölgað nema um
7,4%. Einnig telja nemendur að
framgangur byggingaframkvæmda
við skólann hafi verið stöðvaður af
tylliástæðum þar sem útboð séu fyrir
hendi og 50—70 milljónir í nýbygg-
ingasjóði.
Ragnar Arnalds sagði við nemend-
urna í ráðuneytinu í gær, að ráðu-
neytið hefði gert tillögur um laun
bókavarðar en fjárveitinganefnd og
hagstofan hefðu ekki samþykkt þá
tillögu. Hann sagði að hann hefði
sjálfur ekki vitað af þessu máli fyrr
en nú um helgina en af skjölum sæi
hann að unnið hefði verið í þessu
máli undanfarnar vikur. Hann sagði
að þeir hjá menntamálaráðuneytinu
myndu gera allt til þess að leysa mál
bókavarðarins til bráðabirgða og
SKÍLIÐ
BÓKH
RPINUM
Þórhildur Sigurðardóttir, bókavöröurinn sem vikið var úr
staríi, var einnig með í mótmælagöngunni.
sagði hann embættismenn vinna að
því að leysa«málið.
Um fjárveitingu til launagreiðslna
kennara sagði Ragnar það ekki vera
satt sem nemendur héldu fram að
ráðuneytið hefði skorið upphæðina
niður úr 290 milljónum í 250 milljón-
ir. Hann sagði að ráðuneytið hefði
gert tillögu um 290 milljónir til
kennaralauna en fjárveitinganefnd
hefði skorið upphæðina niður í 250
milljónir.
Einnig sagði hann rangt að þeir í
ráðuneytinu hefðu skorið niður upp-
hæðina til byggingaframkvæmda við
skólann. Ráðuneytið áætlaði 27.2
milljónir í byggingakostnað og 180
milljónir í nýbyggingarkostnað en
fjárveitinganefndin skar þessa upp-
hæð niður í 57.5 milljónir að sögn
Ragnars.
Um réttindi til handa kennurum
sem ekki hafa tilskilið nám en hafa
unnið langan tíma við kennslu sagði
Ragnar að á Alþingi hefði komið
fram sú tillaga að gefa þessum
kennurum einhver réttindi. Var það
tillaga Alþingis að viðkomandi kenn-
ari gæti farið á námskeið eða orðið
sér úti um menntun í bréfaskóla.
Ragnar sagðist aftur á móti hafa
gert þá tillögu að sá sem hefði kennt
í 8 ár gæti sloppið með 10 vikna
námskeið þar sem þessir kennarar
væru flestir fjölskyldumenn og
hefðu ekki kost á að afla sér frekari
menntunar.
Tómas Árnason fjármálaráðherra
var ekki í ráðuneytinu í gær.
Nemendur KHI yfirgáfu ráðuneyt-
in kl. 3 í gær en héldu þá með sér
fund til ákvörðunar frekari aðgerða.
Einnig hafa þeir boðað blaðamanna-
fund í dag.
Mbl. reyndi að ná sambandi við
Ragnar Arnalds og Tómas Árnason í
gær en án árangurs. Ekki tókst