Morgunblaðið - 22.03.1979, Blaðsíða 23

MORGUNBLAÐIÐ, FIMMTUDAGUR 22. MARZ 1979
23
Lífeyrissjóði verzlunarmanna og
fengust frá honum 356 millj. kr. á
s.l. ári. Frá Framkvæmdasjóði
fengust að láni á s.l. ári 60 millj.
kr.
Verzlunarlánasjóður sinnir lán-
veitingum til fjárfestinga. Á árinu
1978 voru í fyrsta sinn eingöngu
veitt verðtryggð lán miðað við
hækkun byggingarvísitölu auk
lágra vaxta, sem að meðaltali
námu 3.5% á árinu í samræmi við
lánskjör hjá áðurnefndum sjóðum.
Jöfnunar-
hlutabréf
Fundurinn samþykkti tillögu
bankaráðsins um útgáfu jöfnunar-
hlutabréfa að upphæð 100 millj.
kr. eigi síðar en 30. júní 1979.
Ofangreind útgáfa jöfnunar-
hlutabréfa er til viðbótar útgáfu
þeirri sem samþykkt var á aðal-
fundi bankans 1978 að upphæð 100
millj. kr., sem gefin voru út 1. jan.
1979. Samþykktir liggja því fyrir
um að hlutafé verði 600 millj. kr.,
en aðalfundur 1978 samþykkti nýtt
útboð hlutafjár um 300 millj. kr.
með innborgunum á árunum
1979—1981, 100 millj. kr. hvert
áranna.
Höskuldur Ólafsson, banka-
stjóri, las og skýrði reikninga
bankans.
Niðurstöðutala í rekstursreikn-
ingi bankans er 1523.4 millj. kr. á
móti 852.9 millj. kr. árið á undan
og hefur þannig hækkað um 670.5
millj. kr. eða 78.6%. Reksturs-
kostnaður bankans á árinu varð
alls 453.9 millj. kr. á móti 297.6
millj. kr. á fyrra ári og er hækkun-
in á milli ára 52.5%. Laun hækk-
uðu um 119.4 millj. kr. eða 61.3%
en annar kostnaður um 36.9 millj.
kr. eða 35.8%.
Launahækkanir eru mestu ráð-
andi um hækkun rekstrarkostnað-
ar á árinu, en hækkun annarra
rekstrargjalda varð mun hóflegri.
Vaxtagjöld urðu alls 1010.0
millj. kr. Afskriftir að upphæð
10.9 millj. kr. sundurliðast þannig
að af skrifstofuáhöldum og hús-
búnaði eru afskrifaðar 6.9 millj.,
en aðrar afskriftir námu 4.0 millj.
kr.
Til varasjóðs var varið 29.7
millj. kr. og óráðstafað er um 19.0
millj. kr.
Vaxtatekjur bankans voru alls
1325.1 millj. kr. og hafa hækkað
frá fyrra ári um 81.0% en aðrar
tekjur, sem eru ýmis konar þókn-
un og umboðsstörf námu 197.5
millj. kr. og höfðu þær aukist á
árinu um 64.3%.
Eigið fé bankans var í árslok
554.0 millj. kr. Á árinu gjaldféll
síðasta greiðsla hlutafjárútboðs
frá árinu 1973 og nam hlutafé 100
millj. kr. í árslok. Varasjóður var
220 millj. kr., höfuðstóll 215 millj.
kr. og óráðstafað 19 millj. kr.
Rekstur Verzlunarlánasjóðs
skilaði á árinu tekjuafgangi að
upphæð 29.5 millj. kr. Nam vara-
sjóður verzlunarlánasjóðs í árslok
71.6 millj. kr.
Úr bankaráði áttu að þessu sinni
að ganga þeir Leifur Isleifsson,
kaupmaður og Guðmundur H.
Garðarsson, viðskiptafræðingur,
en voru báðir endurkjörnir til
tveggja ára. Aðrir, sem sæti eiga í
bankaráðinu eru Pétur O. Nikulás-
son, stórkaupmaður, formaður,
Sverrir Norland, verkfræðingur og
Þorvaldur Guðmundsson, for-
stjóri.
Varamenn í bankaráðinu eru
þeir Hreinn Sumarliðason, kaup-
maður, Hannes Þ. Sigurðsson,
deildarstjóri, Jónas Eggertsson,
bóksali, Sigurður Gunnarsson, for-
stjóri og Víglundur Þorsteinsson,
framkvæmdastjóri.
Endurskoðendur voru kjörnir
þeir Hilmar Fenger, fram-
kvæmdastjóri og Kristmann
Magnússon, kaupmaður og til vara
Jóhann J. Ólafsson, stórkaupmað-
ur og Magnús E. Finnsson, fram-
kvæmdastjóri.
Bankastjórar eru Höskuldur
Ólafsson og Kristján Oddsson. í
lok ársins störfuðu 73 menn í
bankanum við bankastörf.
Fundurinn samþykkti að greiða
hluthöfum 19% arð.
L)Ó8m. Sv.P.
Nýbakaður
skákmeistari
Norðlendinga
Pálmi Pétursson, nýbakað-
ur skákmeistari Norðlend-
inga er 14 ára nemandi í
Oddeyrarskóla á Akureyri
og er sonur hjónanna
Hrafnhildar Pétursdóttur
og Péturs Pálmasonar verk-
fræðings, Kotárgerði 23.
Hann gekk í Skákfélag
Akureyrar í fyrra og hefur
teflt þar síðan en auk skák-
arinnar hefur hann áhuga
bæði á knattspyrnu og
skíðaíþrótt.
Siesta
wá næstu
grösum”
UM SÍÐUSTU helgi opnaði
Kristján Ingi Einarsson
ljósmyndasýningu á mat-
sölustaðnum „Á næstu
grösum“ Laugavegi 42. Á
sýningunni sem hann nefnir
Siesta á næstu grösum sýn-
ir hann 30 svart/hvítar
mannlífsmyndir teknar á
Ibiza og Formentera, þar
sem hann reynir að túlka í
myndum lífsmynstur inn-
fæddra á þessum stöðum.
Myndirnar eru allar teknar
í ágúst síðastliðnum og eru
allar til sölu.
Sýningin er opin alla
virka daga frá kl. 11—22.
„Rarik og sukkið”
Morgunblaðinu hefur borizt
eftirfarandi yfirlýsing:
í Morgunblaðinu, laugardag-
inn 17. marz s.L, birtist frásögn
af umræðum í borgarstjórn
Reykjavíkur um þau tilmæli
iðnaðarráðherra að efnt verði til
viðræðna milli fulltrúa Reykja-
víkurborgar og iðnaðarráðu-
neytisins um stofnun nýs orku-
fyrirtækis, nýrrar
Landsvirkjunar. Er þar m.a.
greint frá ræðu Birgis Isleifs
Gunnarssonar, jafnframt því,
sem samtímist birtist grein eftir
hann um þetta sama efni annars
staðar í blaðinu.
I þessari frásögn af ræðu
Birgis ísleifs er sérstakur kafli
helgaður Rafmagnsveitum rík-
isins og ber hann yfirskriftina:
„Rarik og sukkið." Þar segir svo:
„Birgir ísleifur Gunnarsson
sagðist óttast, að fyrirtækið
leiddist út í sams konar sukk og
Rarik, ef það stækkaði. Sukkið
hjá Rarik, væri alls ekki komið
til vegna þess, að forystumenn
væru verri en aðrir, heldur
vegna þess, að mikill pólitískur
þrýstingur ríkti úti um allt
Iand.„ — Svo mörg voru þau orð.
Birgir ísleifur Gunnarsson
hefur oftar en í þetta skipti sent
kveðjur af þessu tagi til Raf-
magnsveitna ríkisins á síðum
Morgunblaðsins. Allt hefur það
verið í formi fullyrðinga, jafnvel
sleggjudóma, um rekstur og
starfshætti stofnunarinnar, án
þess að tilraunir hafi verið
gerðar til rökstuðnings.
Við, sem teljumst í forystu
fyrir Rafmagnsveitum ríkisins,
höfum sízt á móti því, að mál-
efni þeirrar stofnunar séu rædd.
Við teljum á hinn bóginn næsta
ósmekklegt þegar Rafmagns-
veitur ríkisins, stjórnendur
þeirra og starfsmenn eru ítrek-
að bornir sökum um „sukk“, án
þess að tilraun sé gerð til að
sýna fram á í hverju „sukkið“ sé
fólgið. Væri það gert, myndi því
verða svarað efnislega.
Reynsla Birgis ísleifs Gunn-
arssonar ætti að segja honum
það, að fullyrðingum þurfa að
fylgja röksemdir, eigi þær að
verða teknar alvarlega. Sé það
ekki, verða þær markleysa. Til
þess að auka líkurnar fyrir því,
að röksemdir Birgis Isleifs um
málefni Rarik verði ýfirvegaðri
en fullyrðingar hans, er sjálf-
sagt að bjóða honum að taka
upp þá nýbreytni að kynna sér
nokkuð starfsemi stofnunarinn-
ar af eigin raun með viðræðum
við stjórnendur hennar og
starfslið.
Reykjavík, 21.03. 1979,
Pálmi Jónsson
formaður stjórnar Rarik
Kristján Jónsson Rafmagns-
veitustjóri.
Þórey Guðmundsdóttir og Ástríður Hauksdóttir afhenda Ragnari Arnalds simamálaráðherra
mótmælaskjalið með undirskriftum 576 fbúa f Mosfellssveit.
Mosf ellingar mótmæla
slæmu ástandi súnamála
Mikil og góð þátttaka í undirskriftasöf nun í hreppnum
„Þar sem stórkostlegt
hættuástand skapaðist vegna
símasambandsleysis hreppsbúa í
veðurofsanum 08,03.1979 skorum
við undirritaðir hreppsbúar á
stjórnvöld að leysa hið fyrsta
vandamál símnotenda á Varmár-
svæðinu."
Þannig hefst mótmælabréf, sem
576 íbúar í Mosfellssveit höfðu
undirritað og var afhent Ragnari
Arnalds símamálaráðherra í
gærmorgun. Það voru þær
Astríður Hauksdóttir, og Þórey
Guðmundsdóttir, sem gengu á
fund ráðherra og mun þeim hafa
verið lofað einhverjum úrbótum á
árinu. Niðurlag mótmælaskjals-
ins er svolátandi:
„Undirskriftastöfnun þessi ver
sett af stað þann 09.03. 1979 af
almenningi í Mosfellshreppi án
hvatningar eða íhlutunar frá
stjórnendum hreppsfélagsins.
Meðfylgjandi eru nöfn 576 Mos-
fellinga."
Þátttaka í þessari undirskrifta-
söfnun var mjög almenn og það er
ekki aðeins nú í marzmánuði, sem
Mosfellingar hafa kvartað yfir
símamálum hreppsins. Hrepps-
nefnd Mosfellshrepps hefur itrek-
að reynt að fá fram lausn á
símavandanum, en litið orðið
ágengt. Nú nýlega sendi hrepps-
nefndin póst- og símamála-
ráðherra eftirfarandi bréf:
„Hreppsnefnd Mosfellshrepps
vill enn á ný vekja athygli ráða-
manna Pósts og síma á því
öngþveitisástandi sem ríkir í
símamálum héraðsins.
Á fundi hreppsnefndar 17. maí
1978 voru þessi mál á dagskrá og
var þá eftirfarandi bókun gerð um
málið:
„Að gefnu tilefni vill hrepps-
nefnd eindregið skora á yfirstjórn
Pósts og síma, að séð verði til þess
að með tilkomu nýju símstöðvar-
innar verði öryggisþjónusta stöðv-
arinnar tryggð, þ.e. með tilliti til
neyðarþjónustu við íbúana.
Þá vill hreppsnefnd einnig
árétta leiðréttingu á gjaldskrá
símans, þar sem Brúarland er eina
stöðin á svæði 91, sem hefur
gjaldskrá skv. (tölum) töldum
skrefu m.“
Jafnframt fóru sendimenn
hreppsnefndar á fund þáv.
ráðherra, Halldórs E. Sigurðsson-
ar, og ræddu málið við hann. Var á
þeim fundi bent á það öryggisleysi
sem nú ríkir og það hættuástand
sem getur skapast, ef þetta
öryggistæki bregst við slíkar
aðstæður.
Á undanförnum mánuðum hefur
það hvað eftir annað sannast að
símakerfið bregst, þegar síst
skyldi og er skemmst að minnast
fárviðrisins 8. mars s.l. en þá var
símakerfið gjörsamlega óvirkt og
eina leiðin til að koma skilaboðum
var í gegnum talstöðvar og út-
varpið, sem þó var ekki auðfengið.
Nú er það krafa hreppsnefndar
að Póst- og símamálaráðherra geri
tafarlaust ráðstafanir til 'að
tryggja það að slíkt rieyðarástand
endurtaki sig ekki.“
Færri hafa slasast í
umferðinni en í fyrra
TALSVERT færri slösuðust
í umferðinni tvo fyrstu
mánuði þessa árs en sömu
mánuði í fyrra eða 76 á móti
103 í fyrra. Samkvæmt
þessu eru slasaðir nú um
25% færri en var í fyrra og
alvarlega slasaðir eru einn-
ig um 25% færri eða 31 á
móti 41. Engin lézt í um-
ferðarslysi tvo fyrstu mán-
uði ársins en sömu mánuði í
fyrra urðu þrjú banaslys í
umferðinni.