Morgunblaðið - 22.03.1979, Blaðsíða 27
MORGUNBLAÐIÐ, FIMMTUDAGUR 22. MARZ 1979
27
Móðir, fjögur
börn og öldung-
ur brunnu inni
Bantry, írlandi
— 21. marz — AP
TÍU barna móðir, fjögur barna
hennar og öldungur á tíræðis-
aldri brunnu inni er bóndabær á
Suðvestur-írlandi brann til
kaldra kola á miðvikudags-
morgun. Bóndanum Patrick
Cronin, tókst að bjarga tveimur
barna sinna úr logunum, en hin
fjögur sem af komust sváfu í
útbyggingu íbúðarhússins þegar
eldurinn kom upp og voru því
ekki í lífshættu.
Börnin, sem brunnu inni ásamt
móður sinni og afa á efri hæð
hússins, voru á aldrinum þriggja
til átta ára. Nágrannar komu
fljótlega á vettvang, en útilokað
var að ráða niðurlögum eldsins í
tæka tíð. Bær Cronin-fjöl-
skyldunnar er í námunda við
Cork, en byggðarlagið er þó svo
einangrað að sími hefur ekki
verið lagður þangað og því útilok-
að að kalla slökkvilið á staðinn.
Hungurverkiall
Lima, Peru, 21. man — AP.
ÞRÍR kunnir blaðamenn í Peru
læstu sig inni í kirkju í höfuðborg-
inni Lima í gær og hófu þar hung-
urverkfall til að mótmæla banni
yfirvalda við útkomu tíu óháðra
tímarita þar í landi.
Er þetta í framhaldi af hungur-
verkfalli fjögurra annarra blaða-
manna, sem hófst í dómkirkju Lima
á mánudag. Því hungurverkfalli lauk
á þriðjudag þegar öryggissveit lög-
reglunnar réðst inn í kirkjuna og
handtók blaðamennina. Meðal þátt-
takenda í þessum hungurverkföllum
eru báðir formenn blaðamannafélag-
anna tveggja, sem starfandi eru í
Peru.
Útgáfa tímaritanna tíu var bönn-
uð vegna þess að herstjórnin í
landinu úrskurðaði að þau hefðu öll
gerzt brotleg við landslög varðandi
fréttabirtingu. Öll dagblöð landsins,
svo og sjónvarp og hljóðvarp, eru
undir opinberu eftirliti.
Fyrsta bandarfska skipið, sem leggst að bryggju í Kína eftir að
stjórnmálasamband komst formlega á milli ríkjanna, kom til
Shanghai á sunnudaginn var. Var það flutningaskipið Letitia
Lykes og voru kínverskir og bandarískir stjórnarerindrekar
viðstaddir hátiðlega móttökuathöfn, sem fram fór með lúðraþyt
og söng. (AP-sfmamynd)
Veður
víða um heim
Akureyri -8 skýjaó
Amsterdam 10 heiöskýrt
Apena 21 skýjaó
Barcelorta 14 alskýjaó
Berlin S léttskýjaó
BrUasel 9 skýjað
Chicago 10 skýjað
Frankfurt 10 rigníng
Genf 7 skýjaó
Helsinki -3 skýjaó
Jerúsalem 23 heióskýrt
Jóhannesarb. 29 lóttskýjaó
Kaupmannah. 0 slydda
Lissabon 12 rignsng
London 10 skýjaó
Los Angeles 16 skýjað
Mataga 15 lóttskýjað
Mallorca 11 alskýjað
Miami 24 heióskýrt
Moskva -3 skýjaó
New York 15 r '>» ss <C 1
Osló 2 síydda
París 11 rigning
Reykjavík -7’ léttskýjaö
Rio de Janeiro 30 skýjað
Róm 15 heiðskýrt
Stokkhólmur -2 skýjaó
Tel Aviv 23 skýjeó
Toronto 13 lóttskýjaö
Vínarborg 16 heióakýrt
Með mannrán
á pr jónunum
Karlsruhe, V.-Þýzkalandi.
21. marz — Reuter.
TVEIR vestur-þýzkir ný-nazistar
hafa játað á sig fyrirætlanir um
að ræna Willy Brandt fyrrum
kanslara og Kurt Rebmann ríkis-
saksóknara, að því er skýrt var
frá f Karlsruhe á þriðjudag.
Talsmaður Rebmans ríkissak-
sóknara segir að mennirnir tveir,
sem ekki eru nafngreindir, hafi
ætlað að skipta á Brandt og
Rebman og nokkrum ný-nazistum,
sem sitja í vestur-þýzkum fangels-
um. Dagblaðið Bild Zeitung heldur
því hins vegar fram að ný-nazist-
arnir hafi ætlað að hengja Brandt
í löndunarkrana við höfnina í
Hamborg.
Tékknesk kona
fær hæli á Spáni
Madrid, 21. man. AP
EIGINKONA tékknesks stjórnar-
erindreka f Madrid hefur ieitað á
náðir spænskra yfirvalda og beðizt
hælis sem pólitískur fióttamaður.
Kona þessi, Behumir Lukaj að
nafni, hefur í hyggju að flytjast til
Bandaríkjanna. Maður hennar er
viðskiptafulltrúi við sendiráð lands
síns í Madrid og hafa hjónin verið
þar búsett frá árinu 1973. Spænskur
embættismaður sagði í dag, að frú
Lukaj yrði veitt hæli þar til hún
flyttist úr landi. í tékkneska sendi-
ráðinu í Madrid var sagt, að frú
Lukaj hefði horfið og hefði lögregl-
unni verið tilkynnt um hvarf henn-
ar.
Lífkveikja
á Júpiter?
Tucson, Arizona, 21. marz. AP.
VÍSINDAMAÐURINN Bradford
Smith, sem starfar við
Arizona-háskóla og veitir for-
stöðu stofnun þeirri, er vinnur
úr öllum myndum frá banda-
ríska geimfarinu Voyager 1,
segir að á cinstaka myndum af
andrúmslofti reikistjörnunnar
Júpíters virðast þar vera elding-
ar. Telur hann þetta mjög
athyglisvert, því það gæti leitt
til svipaðra aðstæðna og voru
hér á jörðu þegar hér kviknaði
fyrst líf.
Smith segir að svipuð efni og
efnasambönd finnist í andrúms-
lofti Júpíters og í affdrúmslofti
jarðar, en ekki hafi verið vitað
um neinn orkugjafa þar. Álitið
var að þeir út-fjólubláu geislar
sólarinnar, sem eru orkugjafar á
jörðinni, næðu ekki gegnum and-
rúmsloft Júpíters. Eldingar væru
hins vegar ágætis orkugjafi.
Smith sagði að enn væri of
snemmt að segja neitt frekar um
hugsanlega lífkveikju á Júpíter,
en kvaðst vona að frekari upplýs-
ingar fengjust frá Voyager 2, sem
á að fara framhjá Júpíter í júlí.
Þó benti hann á að endanlegar
upplýsingar fengjust vart fyrr en
geimfar yrði sent inn í andrúms-
loft reikistjörnunnar til rann-
sókna.
Óttast um tvö
þúsund manns á
snjóflóðasvæði
Nýju Delhi — 21. marz — AP.
ÓTTAZT er um líf nærfellt tveggja þúsunda manna í dalnum Pin í
Norður-Indlandi, en á þeim slóðum hefur hvert snjóflóðið af öðru
fallið í þessum mánuði. Yfirvöld í héraðinu Ilimachal Pradesh
segjast hafa áreiðanlegar upplýsingar um, að þegar hafi 230
manns farizt í snjóflóðunum. en telja líklegt að sú tala eigi eftir að
hækka verulega. Nokkur þorp eru í dalnum og að minnsta kosti
eitt þeirra heíur þurrkazt út, að því er áreiðanlegar heimildir
telja.
Samgöngur við snjóflóðadal-
inn eru gersamlega rofnar, en
herlið, lögregla og björgunar-
sveitir hafa verið sendar áleiðis
bótt ekki sé vitað hvort þær hafi
t á áfangastað.
Annars staðar í híraðinu hafa
þyrlur flogið yfir og hefur vist-
um verið varpað niður til íbúa á
svæðum þar sem ófærð kemur í
veg fyrir eðlifega aðflutninga.
S júkraheimilisbruninn í N oregi:
Brunavörnum
stórlega áfátt
Frá Jan Erik Lauré fréttaritara Morgunblaðsins í Ósló.
í LJÓS hafa komið margs konar tæknilegir gallar á byggingu
Sandnesvatns-sjúkraheimilisins þar sem 11 langlegusjúkíingar
brunnu inni fyrir skemmstu. Einungis einn lézt af brunasárum, hinir
köfnuðu í reyk og af völdum eitraðra gastegunda úr frauðplastdýnum,
sem notaðar voru í sjúkrarúmunum.
Sjúkraheimili þetta var opnað í
fyrra. Brunavörnum var þannig
háttað að í sjúkrastofunum hafði
einungis verið komið fyrir eld-
vörnum en ekki reykskynjurum.
29 sjúklingar dvöldust á sjúkra-
heimilinu er eldsvoðinn varð, en í
reglugerðum um húsbyggingar er
kveðið á urn að sjálfvirkir reyk-
Tafir á Heathrow
vegna verkfalla
London, 21. marz — AP.
HUNDRUÐ ferðamanna, þeirra á meðal bandaríski kvikmyndaleikar-
inn Richard Widmark, töfðust í allt að hálfa aðra klukkustund á
Heathrow-flugvelli við London í dag vegna verkfalla opinberra
starfsmanna, sem krefjast hærri launa.
skynjarar skuli vera í sjúkrastofn-
unum, þar sem yfir 50 sjúklingar
eru vistaðir. Hefðu slíkir reyk-
skynjarar verið að Sandnesvatni
eru yfirgnæfandi líkur til að upp-
víst hefði orðið um eldinn langtum
fyrr en raun varð á og að þannig
hefði mátt bjarga mörgum þeirra,
sem létu lífið í eldsvoðanum. Þá
hefur komið í ljós að brunaboðar í
sjúkrastofunum voru þannig úr
garði gerðir að sjúklingarnir, sem
langflestir voru rúmfastir, gátu
með engú móti sjálfir gert viðvart
um eldinn. Þeir gallar, sem í ljós
hafa komið á byggingu og útbún-
aði sjúkraheimilisins að Sandnes-
vatni, munu hafa það í för með sér
að yfirvöld setji mun strangari
reglur um brunavarnir á norskum
sjúkraheimilum.
Fréttamenn reyndu að ná tali af
Widmark þar sem hann stóð ásamt
konu sinni Jean aftast í um 300
metra langri biðröð við vegabréfa-
eftirlitið, en þau voru á heimleið til
Bandaríkjanna. „Verið ekki að
þessu", sagði leikarinn, „á ég ekki i
nógum erfiðleikum?" Það var meiri-
hluti starfsmanna toll- útlendinga-
eftirlits, sem fór í sólarhringsverk-
fall á Heatrow, og í Skotlandi lögðu
30.000 opinberir starfsmenn einnig
niður vinnu í einn sólarhring. Dóm-
stólar í Skotlandi voru lokaðir í dag,
og flestar opinberar skrifstofur
mannlausar. Ekki bætti það úr skák,
að í dag var einmitt mesta snjókoma
vetrarins á Skotlandi.
Það eru átta félagssamtök opin-
berra starfsmanna, sem standa á
bak við verkföllin, og fjöldi félags-
manna þeirra er um hálf milljón.
Laun opinberra starfsmanna eru
yfirleitt á bilinu 5.000—15.000 sterl-
ingspund á ári (ca. 3,3—10 milljónir
króna), og krefjast þeir 20—35%
kauphækkana fyrir 1. apríl til að ná
samsvarandi launum og greidd eru
fyrir svipaða vinnu hjá einkafyrir-
tækjum.
Meðal þeirra, sem verkföllin bitna
illa á, eru sjúkrahúsin. Að sögn
heilbrigðismálaráðuneytisins, er enn
takmarkaður aðgangur að 400 af
2.300 sjúkrahúsum Bretlands vegna
verkfalla ökumanna sjúkrabifreiða
og lægst launuðu starfsmannanna.
Segja talsmenn samtakanna að þeir
lægst launuðu fái greidd um 40 pund
á viku (rúmlega 26 þúsund krónur),
en það lágmark verði að hækka upp í
60 pund. Þá hefur brezka Þjóðleik-
húsið verið lokað í viku vegna
verkfalls leiksviðsmanna.
Morð í Róm
Róm 21. marz — AP
ENN eitt morðið var framið á
götu í Róm á þriðjudag. Skaut
morðinginn ritstjórann Mino
Pecorelli fimm skotum, og mun
hann hafa látizt samstundis.
Pecorelli var 51 árs. Hann rit-
stýrði vikuritinu „POP“, sem er
málgagn hægrisinna, þekkt fyrir
grófa blaöamennsku.
Ekki er vitað hverjir stóðu að
morðinu, en lögreglan fann fimm
skothylki, og segir að skammbyssa
með hljóðdeyfi hafi verið notuð við
morðið.
1974 — Kappaksturskappinn
Peter Revson ferst í æfingu í
Suður-Afríku.
1972 — Rúmlega 70 farast í
sprengjutilræði í Belfast.
1962 — Arásir hægrisinnaðra
franskra hryðjuverkamanna á
stjórnarhermenn í Algeirsborg.
1946 — Jórdanta fær sjálfstæði.
1945 — Arababandalagið stofn-
aö í Kaíró.
1917 — Bandaríkjamenn viður-
kenna bráðabirgðastjórnina í
Rússlandi fyrstir allra þjóða.
1820 — Randaríska sjóhetjan
Stephen Decatur særist ban-
vænu sári í einvígi við James
Barron flotaforingjá nálægt
Washington.
1794 — Bandaríkjaþing sam-
þykkir lög sem banna handa-
rískum skipum að flytja þræla
til annarra landa.
1765 — Enska þingið samþykkir
stimpillögin um auknar álögur í
norður-amerísku nýlendunum.
1622 — Um 35 Virginíumenn
drepnir í fyrstu fjöldamorðum
Indíána á evrópskum nýlendu-
búum í Norður-Ameríku.
1312 — Páfi leggur niður reglu
Musterisriddara.
Afmæli: Sir Anthony Van Dyck,
hollenzkur listmálari
(1599—1641) — Maximilian I
keisari (1459—1519) — Vil-
hjálmur I Þýzkalandskeisari
(1797-1888) - Edward Moore,
leikritahöfundur (1712—1775).
Andlát: Jean Baptiste Lully,
tónskáld, 1687 — Johann Wolf-
gang von Goethe, skáld og heim-
spekingur, 1832 — Yuan
Shih-kai, forseti, 1916.
Innlent: Jón Magnússon forsæt-
isráðherra í þriðja sinn 1924 —
Gjaldi af húsgerðarefni aflétt
1839 — d. Ragnheiður Bryn-
jólfsdóttir 1663 — Stjórn Rarik
segir af sér 1978.
Orö dagsins: Hin sanna auðlegð
mannsins er hið góða sem hann
lætur af sér leiða i heiminum —
Múhameð, arabískur spámaður
(570-632).