Morgunblaðið - 17.05.1979, Page 22
22
MORGUNBLAÐIÐ, FIMMTUDAGUR 17. MAÍ 1979
Útgefandi
Framkvaamdastjóri
Rítstjórar
Rítstjórnarfulltrúi
Fróttastjóri
Auglýsingastjóri
Rítstjórn og afgreiösla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guómundsson.
Björn Jóhannsson.
Baldvin Jónsson
Aöalstræti 6, sími 10100.
Aóalstræti 6, sími 22480.
Áskriftargjald 3000.00 kr. á mánuöi innanlands.
I lausasölu 150 kr. eintakið.
Neyðarástand
á hafíssvæðinu
Fyrir þrem dögum var meðalhiti í Reykjavík rétt um
frostmark eða svipaður og í febrúar í venjulegu
árferði. Ekki liggja sambærilegar upplýsingar fyrir um
Norðurland, en þar hefur verið samfelldur kuldi, svo að
samanburðurinn er sennilega enn óhagstæðari. Menn hafa
jafnað þessum vorharðindum við árið 1949, þegar ekki
batnaði fyrr en komið var fram í júní. Eftir fregnum að
dæma er ekkert lát á norðaustan-áttinni fyrr en um helgi í
fyrsta lagi.
Hvergi er ástandið verra en í byggðunum við Þistilfjörð.
Hafís hefur verið landfastur í Þórshöfn um nær tveggja
mánaða skeið og þegar loksins opnaðist glufa, klessti hann
sér upp að Raufarhöfn.
Atvinnuástandið á hafíssvæðunum er mjög alvarlegt,
þannig að stöðnun vofir yfir ef ekkert verður að gert, eins
og Lárus Jónsson alþingismaður lagði áherzlu á í
Morgunblaðinu í gær. Frystihúsin standa höllum fæti,
útgerðarmenn hafa orðið fyrir slíkum skakkaföllum, að
sumir þeirra eiga á hættu að missa báta sína og
snjóþyngsli og kuldi til sveitanna ásamt yfirvofandi
heyleysi veldur bændum óumræðilegum erfiðleikum.
Á síðustu áratugum höfum við íslendingar verið svo
lánsamir að „landsins forni fjandi", hafísinn, hefur ekki
heimsótt okkur nema endrum og sinnum. Það er vonandi,
að svo verði áfram. En nú, þegar við höfum svo óþyrmilega
verið minnt á, að land okkar teygir sig norður í Dumbshaf,
verður þjóðin öll að taka á sig þyngstu byrðarnar og koma
til hjálpar. Þar verður ríkisvaldið að hafa forystu og taka
rösklega til hendinni fyrr en síðar, því að málið þolir ekki
bið.
Samdráttur
í byggingariðnaði
jr
Ymis samdráttareinkenni hafa þegar gert vart við sig í
byggingariðnaði á höfuðborgarsvæðinu og sýnt þykir,
að stefnt geti í atvinnuleysi, ef fram fer sem horfir.
Orsakir þessa samdráttar eru a.m.k. tvíþættar. Annars
vegar er verulegur samdráttur í úthlutun byggingarlóða á
yfirstandandi ári, bæði í Reykjavík og Kópavogi, en
úthlutun byggingarlóða er helzta stýritæki stjórnvalda á
umsvifum í byggingariðnaði. Hins vegar er skattastefna
stjórnvalda, sem m.a. hefur komið fram tvenns konar
nýjum sköttum: Nýbyggingargjaldi, sem orðið hefur til
þess að ýmsum stærri byggingarframkvæmdum hefur
verið slegið á frest, og sérstökum skatti á annað húsnæði
en íbúðarhúsnæði, sem virkað hefur á sama hátt.
I Reykjavík mun sveitarfélagið úthluta nýjum lóðum í ár
undir 156 íbúðir, einbýlishúsa-, raðhúsa og fjölbýlishúsa-
lóðum. Auk þess mun borgin gera byggingarhæfar lóðir
undir 178 einbýlishús í Selási, en það land er í einkaeign.
Alls munu því tiltækar á árinu í Reykjavík nýjar lóðir fyrir
rúmlega 330 íbúðir. Á sl. ári úthlutaði Reykjavíkurborg
lóðum undir 505 íbúðir úr eigin landi og gerði 11 lóðir
byggingarhæfar í einkalandi, — eða samtals lóðir fyrir 616
íbúðir. Þannig verða í ár aðeins tiltækar lóðir fyrir 334
íbúðir á móti 616 íbúðum á fyrra ári. Engum nýjum
íbúðarlóðum mun úthlutað í Kópavogi í ár, aðeins byggt á
lóðum, sem úthlutað var á fyrri árum. Þannig stuðlar hinn
nýi vinstri meirihluti á Alþingi, í Reykjavíkurborg og
Kópavogi að atvinnuöryggi í byggingariðnaði á höfuð-
borgarsvæðinu með samdrætti í lóðaúthlutun og nýrri
sköttun byggingarframkvæmda.
Sameign minnkar
" íbúðir stækka
Verkamannabústaðir með 276 íbúðir í byggingu í Hólahverfi
„ÞAÐ MÁ segja aö stefnubreyt-
ing hafi orðið hjá okkur. Nú
reynum við að hafa hverja íbúð
meira útaf fyrir sig. Drtígum úr
sameign. Þannig er inngangur
frá Svalagangi f hverja fbúð,
ennfremur eru geymslur og
fvottaherbergi í hverri íbúð.
búðirnar stækka þvf og sameign
minnkar að sama skapi. Þannig
teljum við okkur vera að koma til
móts við væntanlega kaupend-
ur,“ sagði Eyjólfur K. Sigurjóns-
son, formaður stjórnar verka-
mannabústaða á blaðamanna-
fundi f gær.
Verkamannabústaðir eru nú að
byggja 216 íbúðir í 3ja hæða
fjölbýlishúsum í Hólahverfi í
Breiðholti. Fyrstu íbúðir eru nú
tilbúnar undir tréverk og verða
afhentar í september í haust, þá
fullfrágengnar. Auk þessara fjöl-
býlishúsa verða byggð 60 parhús á
vegum verkamannabústaða.
Framkvæmdir við þau hefjast
fljótlega.
í fjölbýlishúsunum í Hólahverfi
eru þriggja herbergja íbúðir, 103
fermetrar að stærð. Áætlað verð á
þeim er 15,4 milljónir. Þær verða
alls 108 talsins. Þá verða 72
tveggja herbergja íbúðir og sölu-
verð þeirra verður 13,2 milljónir.
Þessar íbúðir verða 74 fermetrar,
óvenju rúmgóðar af tveggja her-
bergja íbúðum að vera. Loks verða
36 einstaklingsíbúðir, 40 fermetr-
ar á 7,2 milljónir.
Verkamannabústaðir yfirtóku
verkið á sínum tíma eftir að
Breiðholt varð að hætta við vegna
gjaldþrots. „Segja má að ekki hafi
fallið út klukkustund vegna þessa
og því engar tafir orðið. Við
yfirtókum verkið alveg með sama
starfsfólki," sagði Eyjólfur K.
Sigurjónsson ennfremur.
Lítur þunglega út hjá bænd-
um segir búnaðarmálastjóri
— Lítið er enn hægt að aðhafast með vorverkin þar scm enn er ekki
komið vor og ríkir nánast vetur vfða um landið, sagði Halldór Pálsson
búnaðarmálastjóri er Mbl. ræddi við hann í gær. Kvað hann lfta þunglega
út hjá bændum þar sem enn vottaði ekki fyrir hlýindum og erfitt væri að
hafa allan sauðburð innandyra, húsakostur leyfði það vart auk þess sem
ekki væri hollt fyrir ltímbin að standa of lengi inni.
Halldór Pálsson kvað sums staðar
hafa verið hægt að láta fénað út og
hafa hann þá á fullri gjöf og hefðu
bændur að líkindum flestir næg hey
og kjarnfóður fram til næstu -
mánaðamóta. Ef hins vegar voraði
hægt og gróður léti enn á sér standa
mætti búast við erfiðleikum svo og
ef ekki fengist að flytja nægt
kjarnfóður til landsins og dreifa því
til bænda. Þá sagði búnaðarmála-
stjóri að sauðburður væri víðast
kominn af stað, sumir væru
hálfnaðir en aðrir skemmra komnir.
— Ástandið hjá bændum hér
nyrðra er mjög slæmt í þessum
kulda, sagði fréttaritari Mbl. á
Húsavík er hann var inntur frétta
af gangi mála þar og sagði hann
útlitið svart og vandinn færi vax-
andi með hverjum degi. í Kinninni
hefði snjóað svo sl. helgi að bændur
hefðu orðið að moka frá húsum til,
að komast til gegninga og væri allur
fénaður á fullri gjöf enn.
— Hér vestra er hvergi að sjá
grænt strá, sagði fréttaritari Mbl. á
Isafirði, og kvað hann ástandið
erfitt fyrir bændur, sem nú væru í
miðjum sauðburði. Skaflar eru enn í
byggð, sagði hann en snjór annars
minnkandi, þátt fyrir frost. Þá sagði
hann að grásleppusjómenn hefðu
orðið fyrir tjóni þegar þeir fengu
þara í net sín um helgina í slæmu
hreti og hefði það í för með sér
mikla vinnu fyri þá að taka netin
upp og hreinsa. Áfli þeirra hafði
dagana á undan verið sérlega góður
og með því bezta sem þekkst hefur,
sagði fréttaritarinn að lokum.
Hvöt, félag sjálfstæðiskvenna í Reykjavík, verður
með stílumarkað á Útimarkaðinum á Lækjartorgi á
morgun, ftístudag.
Félagar í Hvtít munu sjálfir afgreiða við
stíluborð alls kyns varning, svo sem pottablóm,
búsáhtíid og notað og nýtt af tíllu tagi.
Á meðfyigjandi mynd má sjá Hvatarkonur með
nokkur sýnishorn af því sem á boðstólunum mun
verða hjá þeim. Markaðurinn stendur allan
daginn.