Morgunblaðið - 14.02.1980, Blaðsíða 33

MORGUNBLAÐIÐ, FIMMTUDAGUR 14. FEBRÚAR 1980
33
Sveitarafvæðing
Orkuráð markaði þá stefnu árið
1975, að þau sveitabýli, þar sem
meðalvegalengd milli bæja færi
ekki fram úr 6 km, skyldu tengjast
samveitum. Nú er sveitarafvæð-
ingunni það langt komið, að sam-
kvæmt þessu eru aðeins um 40 býli
eftir af þeim býlum, sem Orkuráð
hefur talið rétt að tengja samveit-
um. Að auki eru um 40 býli svo
afskekkt, að þau verða tæplega öll
tengd samveitum. Þarf því sér-
stakar ráðstafanir til aðstoðar
þeim býlum sem svo er ástatt um.
Hér er ekki um umfangsmikið
verkefni að ræða, en hins vegar
fnjög þýðingarmikið þeim sem það
varðar. Hafa verður í huga, að
rafvæðing sveitanna undanfarinn
aldarfjórðung hefur haft úrslita-
þýðingu fyrir búsetu í strjálbýli.
Án hennar væru án efa margar
blómlegar byggðir fyrir löngu
komnar í eyði.
Með tilliti til þessa er gert ráð
fyrir að framkvæmdaáætlun sú,
sem tillaga þessi fjallar um, nái til
þess verkefnis sem enn er ólokið
af hinni eiginlegu sveitarafvæð-
ingu, enda verði það gert með
þeim hætti að rafmagnið megi
hagnýta til upphitunar húsa.
Orkusparandi
aðgerðir
Þótt’ Islendingar búi yfir miklu
magni ónýttra orkulinda er
ástandið í orkubúskapnum þannig,
að mikil þörf er á að spara raforku
á • heimilum svo sem kostur er.
Hinn mikli olíukostnaður kallar
líka á að fyllstu ráðdeildar sé gætt
við upphitun húsa. Margt getur
stuðlað að sparnaði á orkugjöfum.
Er þar fyrst að nefna upplýs-
ingamiðlun og fræðslustarfsemi.
Þá er eftirlit og stilling kyndi-
tækja ein einfaldasta og jafn-
framt kostnaðarminnsta leiðin til
lækkunar upphitunarkostnaðar
þar sem það á við. En mikilvæg-
asta orkusparandi aðgerðin er
fólgin í bættri einangrun húsa Því
getur fylgt mikill kostnaður fyrir
húseigendur, sem sumir hverjir
eiga erfitt með að standa undir.
Slíkar framkvæmdir geta þó ekki
orkað tvímælis af þjóðhagslegum
ástæðum. Þess vegna þarf hið
opinbera að koma til aðstoðar með
því að sjá um að nauðsynlegu
fjármagni sé beint til þessara
þarfa.
Tillaga þessi gerir ráð fyrir að
áætlun sé gerð um skipulegar og
markvissar framkvæmdir til
orkusparnaðar.
Hér hefur verið skýrt markmið
og verkefni þeirrar framkvæmda-
áætlunar sem tillagan fjallar um.
Gert er ráð fyrir að framkvæmdir
samkvæmt áætlun þessari verði
fjármagnaðar með lántökum og
beinum framlögum úr ríkissjóði.
Ekki þykir orka tvímælis, að
framkvæmdir þessar eigi að hafa
forgang við fjármagnsráðstöfun
ríkisvaldsins.
Framkvæmdaáætluninni er ætl-
að að taka til fjögurra ára. Þótt
þörfin sé brýn er þess naumast
von að svo umfangsmiklum fram-
kvæmdum sem hér er um að ræða
verði lokið á skemmri tíma. Er
þess ekki heldur að dyljast, að það
er mikið átak bæði fjárhagslega
og tæknilega að ljúka verkefnum
þessum á ekki lengri tíma en
tillagan mælir fyrir um.
Samkvæmt tillögunni skal fela
Orkustofnun að gera
framkvæmdaáætlunina. Það verk
verður unnið í umboði ríkisstjórn-
ar eða ráðherra þess, sem fer með
orkumál. Það er hlutverk Orku-
stofnunar að vera ríkisstjórninni
til ráðuneytis um orkumál. Orku-
stofnun á samkvæmt lögum að
annast hvers konar rannsóknir og
athuganir á málum sem varða
framkvæmdaáætlun þá sem hér er
gert ráð fyrir. Hlýtur því áætlun-
argerðin að styðjast við verk sem
þegar hafa verið unnin af sérfræð-
ingum Orkustofnunar. Að sjálf-
sögðu mundi Orkustofnun leita til
annarra aðila við gerð áætlunar-
innar eftir því sem ástæður gæfu
tilefni til.
Mikils er um vert að áætlunar-
gerðinni verði flýtt svo sem verða
má. Þess vegna er gert ráð fyrir að
henni verði lokið ekki síðar en 1.
júlí 1980.
Eyjar eru þekktari fyrir það að gjóla leiki þar við brúnir en að lognmolla dóli yfir, en undantekningin sannar regluna og Sigurgeir i
Eyjum tók þessa lognmynd einn daginn fyrir skömmu þegar gúanóilmurinn lagðist yfir bæinn, sumum til hrellingar, en hjá öðrum
espaðist upp tilfinningin fyrir liflegu athafnalifi á vertið.
Grenivík:
Gamanleikur frum-
sýndur á næstunni
Grenivik, 11. febrúar 1980.
GRENVIKINGAR héldu sitt ár-
lega þorrablót s.l. laugardags-
kvöld. Um 150 manns sóttu blótið
sem haldið var hér i skólahúsinu
og var mikill og góður þorramat-
ur á borðum. Leikfélagið Vaka sá
um skemmtiatriði, m.a. var flutt-
ur hinn sivinsæli kattadúett sem
vakti mikla kátínu. Þá var annáll
ársins fluttur og á milli þess sem
fólk fékk meira á diskana var
sunginn fjöldasöngur.
Eftir að borðhaldi lauk um kl.
23 dunaði dansinn fram á nótt.
Fyrir dansinum lék hljómsveit
Illuga.
Leikfélagið mun á næstunni
frumsýna gamanleikinn „Allir eru
þeir eins“ eftir Joyce Raybum.
Leikstjóri er Auður Jónsdóttir en
þetta er í annað sinn sem hún.
leikstýrir verki fyrir leikfélagið
Vöku. Leikendur í gamanleiknum
eru fimm.
Þess má að lokum geta til
gamans að frá áramótum hefur
Grenvíkingum fjölgað um rúml-
ega 1% því hér á Grenivík hafa
það sem af er árinu fæðst 6 börn
og fleiri eru væntanleg alveg á
næstunni.
Vigdís.
SÍNE-deildin i Lundi:
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU
Alþingi hækki fram-
lag til Lánasjóðsins
BLAÐINU hefur borist eftirfar-
andi ályktun sem samþykkt var á
fundi SÍNE-deildarinnar í Lundi
þann 6. febrúar s.l.
„Fundur haldinn í SÍNE-deild-
inni í Lundi þann 6. febrúar 1980
beinir þeirri eindregnu áskorun til
Alþingis, að það bregðist skjótt
við og hækki framlag til Lána-
sjóðs íslenskra námsmanna á fjár-
lögum þeim, sem nú verða lögð
fyrir Alþingi. Að öðrum kosti mun
ekki reynast unnt að úthluta
aðallánum nú í byrjun mars í
samræmi við úthlutunarreglur
þær sem eru í gildi en slíkt mun
leiða til þess, að fjöldi náms-
manna hrökklast frá námi.
Ennfremur yrði það til þess, í
fyrsta skipti síðan 1972, að farið
yrði undir 85% brúun framfærslu-
kostnaðar í lánum sjóðsins. Það
síðar talda yrði enn bagalegra nú
fyrir þá sök, að samkvæmt núver-
andi úthlutunarreglum dragast
allar vinnutekjur beint frá láni,
þannig að námsfólki gefst ekki
kostur á að vinna fyrir þeirri
upphæð, sem ber á milli fram-
færslukostnaðar og samanlagðra
vinnutekna og láns.
Við ítrekum því enn áskorun
okkar um að fjárveiting á fjárlög-
um verði færð til samræmis við þá
upphæð, sem stjórn Lánasjóðs
íslenskra námsmanna fór fram á í
fjárveitingarbeiðni sinni."
B.B.BYGGINGAVÖRUR HE
SUÐURLANDSBRAUT 4 SlMI 33331.
OSTAKYNNING - OSTAKYNNING
í dag og á morgun frá
kl. 14—18.
Dómhildur Sigfúsdóttir, hússtjórnarkennari
kynnir rétti með Hvítlauksosti og Kryddsmjöri,
ásamt fleiri ostaréttum.
Nýjar uppskriftir.
OSTA- OG SMJORBUÐIN
SNORRABRAUT 54