Morgunblaðið - 08.05.1980, Blaðsíða 31

MORGUNBLAÐIÐ, FIMMTUDAGUR 8. MAÍ1980
31
Útdráttur úr nýútkominni bók Richards Nixon:
„Bandaríkin þjást ekki af
ólæknandi sjúkdómi heldur
frekar lævísri lömunarveiki“
EFTIRFARANDI er seinni hluti úrdráttar úr
nýútkominni bók eftir Richard Nixon, f.v. forseta
Bandaríkjanna, „The Real War“, sem er gefin út af
Warner Books Inc.
„Fimm ár eru liðin, síðan ég
sagði af mér embætti forseta.
Þegar ég hætti, átti ég eftir starf
óklárað, sem var mér meira virði
en nokkuð annað, sem ég hef
tekið mér fyrir hendur: mótun
nýrrar „undirstöðu að friði“, sem
II gæti komið í veg fyrir styrjöld
i| og um leið staðið vörð um öryggi
vestrænna þjóða það, sem eftir
er þessari öld. Síðan þá, hefur
:g staða Bandaríkjanna í saman-
: burði við Sovétríkin versnað til
I| muna, og hættan, sem vofir yfir
1| vesturlöndum, hefur aukizt
’ verulega ...
Aldrei fyrr hefur nokkur út-
þensluþjóð verið eins vel vopnuð
og Sovétríkin í dag, og vopna-
■ birgðir þeirra aukast tvisvar
sinnum hraðar en birgðir Band-
■ aríkjanna. Það hvílir engin
leynd yfir fyrirætlun Sovétríkj-
í anna. Leiðtogarnir í Kremlin
vilja ekki stríð, en þeir vilja
r heiminn. Og þeir stefna hraðbyri
að báðu, sem veitir þeim það,
sem þeir sækjast eftir.
A níunda áratugnum munu
Bandaríkin í fyrsta sinn í nú-
tíma sögu horfast í augu við tvo
kalda raunkosti. Sá fyrri er, að
við getum tapað, ef það kemur til
styrjaldar. Og hinn síðari, sem
er líklegri en hinn fyrri og
næstum jafn svakalegur, er, að
við getum tapað án styrjaldar.
Hætta á kjarnorkutortímingu
vesturlanda á seinni hluta þess-
arar aldar er ekki eins mikil og
sú, að við vöknum upp við þann
vonda draum, að við verðum að
velja milli tveggja valkosta:
sjálfsmorðs eða uppgjafar —
rauðir eða dauðir.
Bandaríkin og vesturlönd
standa frammi fyrir miklum
tímamótum á næstu tveimur
áratugum, þá verða afdrif kom-
andi kynslóða og heimsins alls
ákveðin ...
Útþensla Sovétríkjanna og
uppbygging herafla þeirra hefur
verið stöðug síðan í seinni
heimsstyrjöldinni ...
Margir halda því fram, að
bandarísk menning þjáist af
ólæknandi sjúkdómi: að við
séum vitni að endalokum vestur-
heims. Sumir framámenn skoð-
anamyndunar örvænta yfir
þessu, en aðrir, sérstaklega inn-
an svörtustu akademíu, líta á
það sem rökrétta þróun, og
nokkuð, sem hefur mátt búast
við lengi, vegna þess að við
höfum haft rangt fyrir okkur.
Bandaríkin þjást ekki af ó-
læknandi sjúkdómi, heldur frek-
ar lævísri lömunarveiki, sem
getur orðið ólæknandi, ef ekkert
er að gert. Við getum lifað af,
eflst, og unnið bug á sívaxandi
hættu, sem ógnar öryggi okkar,
með samstarfi við bandamenn
okkar á vesturlöndum. Spurn-
ingin er, hvort við kærum okkur
um að nota getu okkar.
Sú einfaldningslega hugmynd,
að við getum staðið vörð um
frelsi okkar með því einu að sýna
góðsemi, er ekki bara hlægileg
heldur hættuleg. Því fleiri, sem
hallast að því, því meir freistum
við árásaraðilans.
Afganistan er í dag tilrauna-
staður fyrir nýjan kafla í út-
þenslu starfi Sovétríkjanna ...
Þegar Rússar réðust inn í Af-
ganistan í desember komst
Rússland einu landi nær tak-
marki sínu — og er nú í
ógnvekjandi stuttu færi frá —
höfn í arabíska hafinu, sem er
opin allt árið, og yfirráðum yfir
olíulindum við Persneska flóann.
Austur Evrópa hefur ekki að-
eins fallið undir kommúnisma
heldur einnig Kína, Norður-
Kórea, Víetnam, Kambódía,
Laos, Afganistan, Ethiopia, Suð-
ur Yemen, Angola, Mozambique
og Kúba. Hingað til hefur ekkert
land komizt undan oki kommún
ismans, sem einu sinni hefur
fallið undir hann. Kommúnismi
ríkir nú í 21 landi. Veldi
kommúnista breiðst út um allan
heim og vesturlönd eruá undan-
haldi.
Sovétríkin munu hafa óneitan-
lega yfirburði í kjarnorkuvopn-
um, í herbúnaði á landi og
standa jafnfætis bandaríkj-
amönnum á legi árið 1985, nema
Bandaríkin auki verulega út-
gjöld sín til varnarmála. Ef við
gerum ekki eitthvað strax, verða
Bandaríkin og vesturlönd í meiri
hættu en nokkru sinni fyrr um
miðjan þennan áratug.
Hinn mikli og kannski óyf-
irstíganlegi munur, sem er á
Sovétríkjunum og Kína er veik-
asti punktur Sovétríkjanna. Þeg-
ar fram í líður getur útþenslust-
efna Kína ógnað vesturlöndum.
En eins og er, óttast Kína
Sovétríkin og þarfnast vestur-
landa.
Eðli Kommúnistakerfisins er
annar veikur punktur. Engin
þjóð hefur nokkurn tíma kosið
að búa við kommúnisma. Engin
þjóð sættir sig við kommúnist-
astjórn, nema með valdi.
Þriðji veiki punkturinn er sá,
sem gæti komið vesturlöndum
bezt: sú staðreynd, að kapítal-
ismi virkar en kommúnismi
ekki...
Kerfi kapítalismans er byggt á
efnahagslegri gróðahvöt. So-
vézka kerfið er byggt á hernað-
ar- og landfræðilegri gróðahvöt.
Þegar Kremlin kemst að þeirri
niðurstöðu, að það sé meira að
græða en tapa á ofbeldi, byltingu
eða ógnun þá velur hún þann
kostinn.
Bandaríkin höfðu tíma til að
jafna sig eftir flotaárásina á
Peral Harbor og fengu langan
frest fyrir yfirvofandi stríð. Við
gætum fengið minna en 30
mínútna frest fyrir kjarnorkuár-
ás á Pearl Harbor, og engan
tíma til að jafna okkur.
Við megum engan tíma missa.
(Þýtt AB).
Flóttamönnum
frá Kúbu
stöðugt
Kúbanskir
flóttamenn
í Key
West í Flórída.
fjölgar
Frá Önnu Bjarnadóttur, fréttaritara
Mbl. í Washington.
STRlÐUR straumur flótta-
manna frá Kúbu hefur verið
til Key West í Florida undan-
farnar vikur. Flóðbylgjan
hófst með þvi, að um 10.000
Kúbanir réðust inn í sendiráð
Perú í Havana í siðasta mánuði
og báðust þar hælis. Fidel
Castro samþykkti brottför
flóttamannanna, en gerði lítið
til að auðvelda brottflutning
þeirra. Hann færðist þó allur í
aukana. þegar Bandarikin
hikuðu við að opna sínar dyr
megnþorra flóttamannanna.
Hann leyfir nú litlum bátum
að leggjast að bryggju á
Kúbu og nema flóttamenn á
brott til Flórida. En hann gefur
ekki stærri skipum eða flug-
vélum lendingarleyfi á Kúbu
og stendur nú í vegi fyrir
brottflutningi karlmanna úr
hópi 389 manna, sem leituðu
hælis i bandaríska sendiráð-
inu í Havana í síðustu viku.
Flóttamennirnir sækja ekki um
landvistarleyfi í Bandaríkjunum,
áður en þeir fara frá Kúbu og
koma því ólöglega til landsins.
Stjórnvöld hafa vegna þessa hót-
að eigendum bátanna, sem flytja
þá frá Kúbu, háum sektum. En
bátseigendur skeyta því engu og
aðeins örfáir hafa verið sektaðir
til þessa. Óveður hefur ógnað
bátsflutningunum tvisvar, og
nokkur dauðsföll hafa þegar átt
sér stað. Stjórnvöld hafa því sent
skip landhelgisgæzlunnar suður
fyrir Florida til aðstoðar bátun-
um og þau hafa komið upp
flóttamannabúðum í Eglin flug-
herstöðinni í norður Florida, þar
sem aðstaða er fyrir þúsundir
flóttamanna til viðbótar þeim
9.000, sem þegar hafa komið til
landsins.
Viðbrögð stjórnvalda og
stefnuleysi hefur vakið undrun og
gremju fjölmargra. í stað þess að
taka við flóttamönnunum orða-
iaust, þegar Castro leyfði báts-
flutningana, hafa bandarísk
stjórnvöld gagnrýnt bátseigendur
í orði, en aðstoðað þá í verki.
Augljóst vantraust á Castro og
ríki hans hefur snúist í höndum
stjórnvalda í vörn á stefnu
Bandaríkjanna í innflytjenda-
málum. í stað þess að spyrja
sjálft sig, hvers vegna svo margir
vilja flytjast frá Kúbu, spyr nú
fólk, hvers vegna Bandaríkin vilji
ekki taka við þessum flótta-
mönnum.
Eftir byltinguna á Kúbu árið
1959, settist tæp milljón flótta-
manna að á Florida. Flestir, sem
starfa að bátsflutningunum nú,
koma úr þeim hópi. Þeir flótta-
mannanna, sem eiga ættingja í
Florida, verða þar um kyrrt, en
aðrir munu dveljast í flótta-
mannabúðum, þangað til að geng-
ið verður frá pappírum þeirra.
Kúbanir hafa yfirleitt komið sér
vel fyrir í Florida, og borgarstjóri
Miami er úr þeirra hópi. Flótta-
mennirnir, sem verða þar um
kyrrt, ættu ekki að eiga í veru-
legum erfiðleikum með að fá
atvinnu eða venjast nýju um-
hverfi. Hinir gætu átt erfiðara
fyrir. Veruleg vandræði ríkja í
efnahagsmálum Bandaríkjanna
og atvinnuleysi eykst, en er þegar
um 7%.
Fjöldi Bandaríkjamanna ótt-
ast, að flóttamannabylgjan auki á
efnahagserfiðleika þjóðarinnar.
Þeim stendur einnig stuggur af
yfirlýsingum Castros um, að
flóttamennirnir séu upp til hópa
óuppdregnir glæpahundar. Þeir
óttast, að óþjóðalýður frá Kúbu
fái að ganga laus í Bandaríkjun-
um, en yfirvöld hafa lofað vand-
legri athugun á mannorði hvers
einstaklings, áður en þeir fá
landvistarleyfi.
Einnig er bent á að brotið sé í
bága við reglur Bandaríkjanna
um hámarksfjölda innflytjenda
frá hverju landi á ári með því að
gefa kúbumönnunum dvalarleyfi.
Það brýtur einnig í bága við
reglur um meðferð ólöglegra inn-
flytjenda og gæti leitt til breyt-
inga á þeim. Útlendingaeftirlitið
óttast mest áhrifin, sem þetta
getur haft meðal ólöglegra inn-
flytjenda frá Haiti. Fjöldi báta
kemur þaðan á ári hverju til
Florida, en fæstum farþeganna er
veitt dvalarleyfi. Stjórnvöld gera
greinarmun á flóttamönnum, sem
flýja land af pólitískum ástæðum
og þeim sem flýja af efnahags-
ástæðum. Kúbanir falla undir
fyrri gerðina, en Haitibúar þá
seinni. Oft er þó erfitt að greina
milli þessara tegunda flótta-
manna og því gæti straumur
Kúbumanna til Bandaríkjanna
nú haft veruleg áhrif á innflytj-
endastefnu Bandaríkjanna í
framtíðinni.