Morgunblaðið - 17.05.1980, Page 25

MORGUNBLAÐIÐ, LAUGARDAGUR 17. MAÍ1980 2 5
Hann vann Sjálf-
stæðisf lokknum _
allt er hann mátti
Jóhanns Hafsteins minnst á fundi þingflokksins
Á fundi þingflokks sjálfstæðismanna sl.
fimmtudag minntist formaður þingflokksins,
Ólafur G. Einarsson, Jóhanns Hafsteins,
nokkrum orðum.
Ólafur rakti hin fjölmörgu trúnaðarstörf,
sem Jóhann gegndi fyrir Sjálfstæðisflokkinn,
frá því hann sem ungur maður varð erindreki
flokksins og til þess er hann' lét af for-
mennsku, og nokkru síðar þingmennsku,
vegna heilsubrests.
„Hann vann Sjálfstæðisflokknum allt, sem
hann mátti og gegndi fyrir hann flestum
trúnaðarstörfum, sem einum manni verða
falin,“ sagði Ólafur.
„Maðurinn var minnisstæður. Allir rómuðu
drenglyndi hans. Persónulega minnist ég með
þakklæti kynna við hann, einkum þann tíma,
sem við sátum saman á Alþingi. Hann var
nýliðanum einkar hjálpsamur, leiðbeinandi,
en sýndi um leið traust.
Ég veit ég mæli fyrir munn allra þing-
manna Sjálfstæðisflokksins þegar ég þakka
Jóhanni Hafstein öll störfin í þágu flokks og
þjóðar," sagði Ólafur að lokum.
Þingmenn risu úr sætum í virðingarskyni
við minningu hins látna flokksforingja og
vottuðu eftirlifandi konu hans og sonum
dýpstu samúð.
FORSETI Sameinaðs Alþingis, Jón Helgason, minntist Jóhanns Ilafsteins fv. forsætisráðherra, við upphaf
þingfundar í gær. Jóni fórust svo orð i minningarræðu sinni:
Jóhanns Hafstems
minnst á Alþingi
„Aður en gengið er til dagskrár
vil ég leyfa mér að minnast
Jóhanns Hafsteins fyrrverandi al-
þingismannns og ráðherra, sem
andaðist aðfaranótt uppstign-
ingardags, 15. maí, 64 ára að aldri.
Jóhann Hafstein var fæddur á
Akureyri 19. september 1915. For-
eldrar hans voru hjónin Júlíus
Havsteen, síðar sýslumaður Þing-
eyinga og Þórunn Jónsdóttir
fræðslumálastjóra og alþing-
ismanns Þórarinssonar. Æsku-
stöðvar Jóhanns voru á Húsavík,
en hann fór ungur til langskóla-
náms, lauk stúdentsprófi á Akur-
eyri 1934 og lögfræðiprófi í Há-
skóla íslands 1938. Veturinn
1938-1939 var hann í London við
framhaldsnám í þjóðarrétti.
Jóhann Hafstein hóf ungur af-
skipti af stjórnmálum og var þar
lengi í sveit forystumanna. Hann
var einn af stofnendum og fyrsti
formaður Vöku, félags lýðræðis-
sinnaðra stúdenta, árið 1935, var
formaður Heimdallar, félags
ungra sjálfstæðismanna 1939—
1942 og formaður Sambands
ungra sjálfstæðismanna 1943—
1952. Erindreki Sjálfstæðisflokks-
ins var hann 1939—1942 og fram-
kvæmdastjóri flokksins vár hann
1942—1952. Hann átti lengi sæti í
miðstjórn Sjálfstæðisflokksins, í
stjórn Fulltrúaráðs sjálfstæðisfé-
laganna í Reykjavík og í stjórn
Landsmálafélagsins Varðar. Hann
var varaformaður Sjálfstæðis-
flokksins 1965—1970 og formaður
flokksins og jafnframt þingflokks-
ins 1970-1973.
Jóhann Hafstein var kennari í
þjóðarétti og almennri lögfræði
við Viðskiptaháskóla íslands
1939—1942. Árið 1946 var hann
kosinn alþingismaður Reykvík-
inga og átti sæti á Alþingi til vors
1978, er hann dró sig í hlé sökum
vanheilsu. Alls sat hann á 35
þingum. Hann var forseti neðri
deildar Alþingis 1959—1961 og
1962—1963. Árið 1946 var hann
einnig kosinn í bæjarstjórn
Reykjavíkur og átti sæti í henni til
1958 og var jafnframt í bæjarráði
1946—1954. Bankastjóri Utvegs-
banka íslands var hann 1952—
1963. Hann átti sæti í bankaráði
Framkvæmdabanka íslands
1953—1966, allan starfstíma
bankans, og var tvívegis formaður
bankaráðsins. Haustið 1961 varð
hann dóms- og kirkjumálaráð-
herra, heilbrigðismála- og iðnað-
arráðherra í forföllum og gegndi
þeim störfum til loka þess árs.
Síðla árs 1963 tók hann fast sæti í
ríkisstjórn Bjarna Benediktssonar
og tók þá við sömu ráðherrastörf-
um og 1961. í júlímánuði 1970 varð
hann forsætisráðherra, en lét af
ráðherrastörfum í júlí 1971. Auk
alls þessa gegndi Jóhann Hafstein
ýmsum nefndarstörfum, var í lýð-
veldishátíðarnefnd 1944 og síðar í
stjórnarskrárnefnd, var fulltrúi á
Allsherjarþingi Sameinuðu þjóð-
anna, á þingi Evrópuráðsins og á
fundum þingmannasamtaka Atl-
antshafsbandalagsins.
Jóhann Hafstein helgaði flokki
sínum starfskrafta sína vel og
lengi. Hann barðist oft hart fyrir
málstað sínum og samherja sinna
í þjóðmálum, en honum var jafn-
framt lagið að miðla málum og
leita sátta þegar þess þurfti við.
Jafnan kvað mikið að honum í
þjóðmálaumræðum meðan heilsa
hans leyfði. Honum voru hugleikin
landhelgismál íslendinga, örygg-
ismál og þátttaka í vestrænni
samvinnu. I ráðherrradómi hans
ber einna hæst margvíslegar um-
bætur í iðnaðarmálum, og hann
beitti sér einarðlega fyrir stóriðju
á íslandi. Snögglega varð það
hlutskipti hans að taka við forystu
í ríkisstjórn og flokksformennsku.
Að þremur árum liðnum varð
hann að láta af formennsku flokks
síns vegna bilaðrar heilsu. Hann
hélt þó áfram eftir megni að vinna
flokknum það gagn sem hann
mátti.
Ég vil biðja háttvirta alþing-
ismenn að minnast Jóhanns Haf-
steins með því að rísa úr sætum."
Landsamband hjálparsveita skáta:
Hyggjast fá hunda-
eigendur til að
þjálfa leitarhunda
Þessi aðferð hefur gefist mjög vel í Noregi
LANDSAMBAND hjálp-
arsveita skáta ráðgerir nú
að koma á fót hérlendis
sveit manna sem áhuga
hafa á að eiga og þjálfa
leitarhunda. Hugmyndin er
sótt til Noregs, en þar er
starfandi sérstakur félags-
skapur „Faringen Norske
Lavinehunder“ og eru í
honum nálægt 400 hunda-
eigendur.
Félagar úr hjálparsveitunum
hafa sótt námskeið sem FNL
héldu í Noregi og kynnt sér þessi
mál bæði þar og víðar í Evrópu, en
um langt skeið hefur Hjálparsveit
skáta í Hafnarfirði, ýmist ein, eða
í samvinnu við Hjálparsveit skáta
í Reykjavík, átt og rekið spor-
hunda. Árangur af því starfi hefur
verið ágætur og að mati hjálpar-
sveitamanna eru sporhundar al-
gjörlega ómissandi hjálpartæki
við leit að týndu fólki.
Hafnfirðingar hafa undanfarin
ár einungis notað hunda af blóð-
hundakyni, en þeir hafa þá eigin-
leika að geta rakið slóðir, jafnvel
þótt þær séu orðnar meira en
dagsgamlar.
Landsambandið hefur nú áhuga
á að útvíkka þessa starfsemi
þannig að virkja einstaklinga sem
áhuga hafa á útilífi og hundaþjálf-
un.
Flestar tegundir hunda eru
nothæfar sem leitarhundar t.d.
Scheffer, Labrador, Doberman og
fleiri. Skilyrði er þó að hundarnir
séu sterkbyggðir og séu þétthærð-
ir og þoli vel kulda og vosbúð.
Þessir hundar hafa ekki sömu
eiginleika og blóðhundar og koma
ekki að sömu notum við sporrakn-
ingu. Hins vegar geta þeir orðið
mjög góðir leitarhundar í snjó-
flóðum.
Þjálfun hundanna kostar mikið
erfiði og tíma. Þannig þarf að
þjálfa þá í að minnsta kosti 2—3
klukkutíma á dag til þess að þeir
nái árangri. Miklar kröfur þarf að
gera til þjálfarans að öðru leiti t.d.
hvað varðar kunnáttu í fyrstu
hjálp og kunnáttu í almennri
ferðamennsku.
Björgunarskóli Landsambands-
ins mun standa fyrir námskeiðum
fyrir væntanlega þjálfara og fá
hingað til lands norskan sérfræð-
ing í þjálfun leitarhunda til nám-
skeiðahalds ef áhugi verður á
málinu.
Að sögn forystumanna Land-
sambandsins er vitað um nokkra
menn á landinu sem eiga hunda af
þessum tegundum og vonast
Landsambandið til þess að fá þá
til samstarfs. Ennfremur er hugs-
anlegt að Landsambandið geti
útvegað fáeina hvolpa til þjálfun-
ar. Leitað hefur verið samvinnu
bæði við Hundavinafélagið og
Hundaræktarfélagið í þessu máli.
Þeir sem hafa áhuga á að afla
sér frekai upplýsinga geta haft
samband við skrifstofu Landsam-
bands hjálparsveita skáta að Nóa-
túni 21 í Reykjavík, eða hringt í
síma 26430.