Morgunblaðið - 17.05.1980, Page 46
46 MORGUNBLAÐIÐ, LAUGARDAGUR 17. MAÍ1980
r
Uonnol hof■ w lonot tw l5i ifiinni míno ho7tn l#Koftoiá
„nappci neiur icyoi ur i<t sumyi niiiid ue^iu m ditd
- segir Ásgeir Sigurvinsson í viðtali við belgískt blað
VIKUBLAÐIÐ Le Sportií, sem út er geíið í Brussel, birti nýlega viðtal
við Ásgeir SÍKurvinsson. í upphafi þess er farið lofsamlegum orðum
um Ásgcir sem ieikmann hjá liðinu Standard, sem gerði við hann
samning 1973 og sagt, að ekkert bendi til annars en, að sá
samningurinn kunni enn að verða framlcngdur. í því sambandi er
þess getið, að Ásgeir hafi nýlega flutt i fallcgt einbýiishús á jjóðum
stað og sé stór golfvöllur við garð þess, cn á þeim velii eyði Ásgeir
öllum fristundum sínum, þvi að golfið sé sú íþrótt, sem hann uni best
við fyrir utan knattspyrnuna að sjálfsögðu. Ásgeir verði á næsta
keppnistimabili enn á ný driffjöðrin í Standard-iiðinu, sem stefnir nú
til betri árangurs en nokkru sinni fyrr undir forystu nýs þjálfara síns
Ernst Happels, en Ásgeir telur að Ernst hafi leyst úr læðingi bestu
krafta sina i knattspyrnu.
í viðtalinu segist Ásgeir hafa
stundað golf síðan hann var 15 eða
16 ára og því hafi hann ekki getað
staðist þá freistingu að kaupa svo
fallegt hús við hliðina á golfvelli.
Vikublaðið nefnir, að á síðasta
keppnistímabili, sem nú er rétt
nýlokið, hafi Ásgeir aðeins vantað
í einn leik með liði sínu. Þá minnir
það einnig á, að vinsældir góðra
knattspyrnumanna geti fljótt
breyst í óvinsældir, ef illa tekst til
í nokkrum leikjum. Þetta hafi
Ásgeir Sigurvinsson mátt reyna í
upphafi síðasta keppnistímabils.
Og það sem verra var, þá hafi blöð
í Liége, heimaborg Standard,
snúist gegn honum, þegar hann
þurfti mest á aðstoð að halda. Um
þetta segir Ásgeir í viðtalinu:
„Það er rétt, að ég átti mjög
erfitt um tveggja mánaða skeið, í
nóvember og desember. Ekkert
heppnaðist hjá mér, ég var þreytt-
ur, og þar að auki töpuðum við oft
af hreinum klaufaskap eins og til
dæmis þegar við töpuðum stigi
gegn Hasselt í Sclessin. Hroðalegt.
Þar sem ég er sá, sem á að stjórna
spilinu á miðju vallarins og
byggja upp sóknir, var einna
harkalegast ráðist á mig. Eg brást
ef til vill ekki við með réttum
hætti (hann neitaði jafnvel um
nokkra vikna skeið að eiga nokkur
samskipti við blaðamenn) en ég
taldi mig hafa fullgildar ástæður.
Síðan komst á vopnahlé og ég náði
mér á strik á hálfum mánuði og
eftir leikhléið leið mér eins og best
verður á kosið. Án þess að ég sé að
gorta finnst mér, að síðari hluti
keppnistímabilsins hafi gengið
mjög vel hjá mér. Fram hafa verið
taldar fjölmargar ástæður til að
skýra, hvers vegna Standard gekk
svona illa um tíma, sumir sögðu,
að við hefðum þurft að átta okkur
á nýja leikkerfinu, sem nýi þjálf-
arinn okkar Ernst Happel tók upp.
Mér finnst það hins vegar ekki svo
frábrugðið þeirri knattspyrnu,
sem við höfum leikið undanfarin
ár. Hjá Standard hefur ávallt
verið leikin knattspyrna sem
byggist á líkamlegri áreynslu.
Happel hefur aukið við þetta í
þeim skilningi, að hann hefur fært
sér í nyt hæfileika hvers einstaks
leikmanns eins og frekast er
kostur. Hann hefur stundum einn-
ig tekið áhættu með því að láta
okkur leika með aðeins þrjá varn-
armenn. En hann varð síðan að
breyta um stefnu í því máli.“
Ásgeir lætur mjög vel af sam-
starfi sínu við þjálfarann, þótt
þeir geti lítið talast við, þar sem
Ásgeir talar aðeins frönsku, en
þjálfarinn hvorki skilur né talar.
Andinn hjá liðinu hafi breyst
mikið eftir komu Ernst Happels
til þess. Undir lok samtalsins er
Ásgeir spurður að því, hvort hann
hafi áhuga á að yfirgefa Standard.
Hann segir, að eftir hvert keppn-
istímabil fái hann fjölda tilboða.
Hins vegar verði hann að gera upp
við sig, hvort fjárhagsleg afkoma
sín verði betri annars staðar en í
Belgíu.
n *
• Ásgeir eyðir öllum sinum frístundum i golf, en það er sú iþrótt sem
hann unnir mest ef frá er skilin knattspyrnan.
Ásgeir Sigurvinsson fyrir framan fagurt einbýlishúsið, sem hann býr í. „Ég segi ekki, að ég muni aldrei
yfirgefa Standard, en nú um stundir iíður mér mjög vel hérna ... “
Jl ' \
Aysturblokkareinokun
í 01-knattspyrnunni?
DREGIÐ hefur verið í riðla í
lokakeppni ólympiukeppninnar í
knattspyrnu. Fór drátturinn
fram í Moskvu, þar sem ólympíu-
leikarnir fara fram i sumar. 16
landslið hafa tryggt sér réttindi
til að leika i lokakeppninni, en
ekki er víst að öll mæti af
ástæðum sem öllum eru kunnar.
Leikið verður í 4 riðlum og skipa
hvern riðil eftirtalin lið:
A-riðill: Rússland, Argentina,
Zambía og lið frá Mið-Ameríku.
B-riðill: Tékkósióvakía, Kol-
ombía. Ghana og Kuwait.
C-riðiIl: Austur-Þýskaland,
Spánn, Alsír og Japan.
D-riðili: Júgóslavía, Noregur,
Costa Rica og Irak.
Ólympíumeistararnir, Austur-
Þjóðverjar, eiga erfiðan mótherja
sem er Spánn og mætast liðin í
Kænugarði 20. júli. Má öruggt
telja að slagurinn um efsta sætið í
þeim riðli standi milli þessara
þjóða, en Spánverjar hafa verið
ófeimnir að svara austurblokkinni
í sömu mynt, þ.e.a.s. Spánn hefur
teflt fram atvinnumönnum á Ól-
ympíulandsleikjum. Hins vegar
geta þeir varla teflt fram sínu
sterkasta liði, þar sem Spánn
leikur einnig í lokakeppni Evrópu-
keppni landsliða og er afar
skammt á milli.
í A-riðli hljóta gestgjafarnir að
sigra léttilega, enda hafa Arg-
entínumenn dregið sig út úr leik-
unum. Tékkar hljóta að fljúga í
gegnum B-riðilinn, sama er að
segja um Júgóslava í D-riðli, en
þar hafa Norðmenn dregið sig út
úr leikunum. Annars eru það tvö
efstu liðin úr hverjum riðli sem
komast í fjórðungsúrslit, en engu
að síður eu framangreind landslið
sigurstranglegust í keppninni.
Rifist um lyfja-
notkun íþróttafólks
MEIRI háttar rifrildi er komið
upp milli embættismanna innan
alþjóða frjálsíþróttasambands-
ins. Kjarni málsins er sá, að
Adrian Paulen, hinn 77 ára
gamli forseti sambandsins, mild-
aði mjög dóm yfir fimm austur
evrópskum frjálsíþróttakonum
sem dæmdar höfðu verið í keppn-
isbann vegna lyfjaneyslu. Var
bannið þess eðlis, að þær hefðu
misst af Olympíuleikunum í
Moskvu.
íþróttakonurnar voru búlgörsku
stöllurnar Rorka Petrova og Dan-
iela Teneva og Rúmensku konurn-
ar Santa Vlad, Natalía Marasecue
og Ileana Silai. Frjálsíþróttasam-
bönd Rúmeníu og Búlgaríu áfrýj-
uðu keppnisbönnum þeirra til
dómstóls alþjóðasambandsins.
Var bannið mildað með eins at-
kvæðis mun og var það atkvæði
Paulens sem að réði baggamun-
inn.
Paulen svaraði fyrir sig með
þeim orðum, að hann teldi ólíklegt
að það hefði áhrif á baráttuna
gegn lyfjanotkun íþróttamanna,
þó að sambandið hafi mildað
dómana yfir konunum fimm. „Auk
þess“ bætti hann við, „hef ég
atkvæðarétt eins og aðrir og á mér
hvíldi sú kvöð að skera úr, þar sem
að dómstóllinn greiddi 8 atkvæði
með og jafn mörg á móti.“
Svíinn Arne Ljungkvist, sem
býður sig fram gegn Paulen á
ársþingi alþjóðasambandsins í
Moskvu í júlí, var ómyrkur í máli.
„Þetta er löðrungur á alla þá sem
barist hafa gegn lyfjanotkun
íþróttafólks. Lyfjanotkun er eitt
alvarlegasta vandamál sem við er
að etja í íþróttaheiminum í dag og
það er spurning hvort það taki því
að halda baráttunni áfram eftir
það sem á undan er gengið," sagði
Ljungkvist reiður.
J
M