Morgunblaðið - 31.05.1980, Blaðsíða 47
MORGUNBLAÐIÐ, LAUGARDAGUR 31. MAI 1980
47
Endurkoma Sigurlass
skipti ÍBV öllu máli
ÍBV — UBK
1:0
MEISTARAR ÍBV kræktu sér í
sín íyrstu stig í 1. deildinni í
gærkvöldi á heimavelli sínum.
þegar þeir sigruðu UBK 1—0 í
góðum og skemmtilegum leik.
Sigur ÍBV var naumur, en fylli-
lega sanngjarn. Leikur þessi
bauð upp á góða knattspyrnu
beggja liða og var hann ólikt
betri, en leikur ÍBV og ÍA um
síðustu helgi. Hjá báðum liðum
sat knattspyrnan í fyrirrúmi.
ÍBV byrjaði leikinn með miklum
látum og er skemmst frá því að
segja, að Eyjamenn höfðu tölu-
verða yfirburði í fyrri hálfleikn-
um. Sigurlás Þorleifsson lék nú
aftur með IBV, var hann í miklum
ham og máttu Breiðabliksmenn
ekki af honum líta. Sigurlás var
óheppinn að skora ekki í leiknum.
Það gerði hins vegar félagi hans
Tómas Pálsson á 23. mínútu og var
skemmtilega að því marki unnið
hjá sóknartríói ÍBV. Ómar Jó-
hannsson braust af harðfylgi upp
vinstri kantinn þó að á honum
væri brotið, þar var frábær dóm-
ari leiksins Guðmundur Haralds-
son vel með á nótunum. Og Ómar
gaf síðan vel fyrir markið á
Sigurlás, sem lét skot vaða í mark
UBK. Guðmundur Asgeirsson
varði snilldarlega, en missti fast
skot Lása frá sér og beint fyrir
fæturna á Tómasi Pálssyni, sem
rólegur og yfirvegaður sendi bolt-
ann í netið.
I seinni hálfleik sóttu Breiða-
bliksmenn verulega í sig veðrið, en
Eyjamenn náðu ekki upp sömu
baráttu og í fyrri hálfleik. Var
seinni hálfleikurinn nokkuð jafn,
en þó meiri þungi í sókn Breiða-
bliks. Eyjamenn treystu hins veg-
ar meira á langar sendingar fram
á Sigurlás, sem oft skapaði mikla
hættu. Áfram léku bæði liðin góða
knattspyrnu, en engu að síður var
lítið um opin tækifæri.
Endurkoma Sigurláss Þorleifs-
sonar virðist hafa haft góð áhrif á
Eyjamenn, því liðið var nú nær
óþekkjanlegt frá fyrstu leikjum
þess, góð barátta, gott spil. Sigur-
lás, Snorri Rútsson og Óskar
Valtýsson voru bestu menn ÍBV.
Breiðablik lék góða knattspyrnu
úti á vellinum og keyrðu á fullu
allan leikinn. Liðið vantaði hins
vegar herslumuninn er nær dró
marki ÍBV. Bestu menn liðsins
voru markvörðurinn Guðmundur
Ásgeirsson, Einar Þórhallsson og
Helgi Bentsson.
Sérstök ástæða er til að minnast
á frábæra frammistöðu Guð-
mundar Haraldssonar og mætti
slíkt sjást mun oftar.
í STUTTU MÁLI:
Islandsmótið í 1. deild Vest-
Þorsteinn á toppnum
og Teitur skoraði
Elfsborg og IFK Gautaborg
1-2
Með þessum þýðingarmikla
sigri skaust Gautarborgarliðið
i efsta sætið, hefur betri marka-
tölu heldur en Malmö FF.
Þorsteinn Ólafsson þurfti að
sækja knöttinn í netið í fyrsta
skiptið i fimm leikjum, en
hlýtur þó að koma fullur
sjálfstrausts til landsleiksins
gegn Wales. Fjögur mörk hefur
hann fengið á sig í átta leikjum
og lið hans er í efsta sæti
Allsvenskan.
Norrköping-Öster 1 — 1
Teitur Þórðarson skoraði sitt
fyrsta mark í 1. deildinni á þessu
keppnistímabili. Markið kom þeg-
ar á fyrstu mínútu leiksins eftir
að Teitur hafði komist einn inn
fyrir og leikið á markvörð and-
stæðinganna. Ekki tókst Öster að
skora fleiri mörk, þrátt fyrir
yfirburði í fyrri hálfleik og mörg
góð tækifæri. í síðari hálfleik
jafnaði leikurinn, Norrköping fékk
dæmdar tvær vafasamar víta-
spyrnur, tókst að skora úr annari
og þar við sat. Teitur átti enn einn
prýðisleikinn, var meðal bestu
manna Öster, sem er enn í þriðja
sæti.
Landskrona—Hammarby 2—4
Enn hallar undan fæti hjá
Landskrona, sem hefur aðeins
hlotið eitt stig í síðustu sex
leikjum sínum. Þrátt fyrir mörkin
fjögur, eitt víti, stóð Árni Stef-
ánsson sig mjög vel og bjargaði
liði sínu frá enn stærra tapi. Það
er því greinilegt að fallbaráttan
verður hlutskipti Landskrona eins
og síðast liðið ár.
2 dcild:
Örgryte hrapaði niður í þriðja
sætið, eftir 0—4 tap GAIS, að
viðstöddum 7000 áhorfendum.
Leikurinn var þó ekki eins ójafn
og úrslitin gefa til kynna. Örn
Óskarsson og félagar hans voru
reyndar sterkari aðilinn í fyrri
hálfleik, sem endaði 0—0. AIK
tapaði öðru sinni á stuttum tíma,
fyrir Örebro, 0—3 og er nú í 5.
sæti norðurdeildarinnar. Undir-
ritaður hóf leikinn, en kenndi
fljótlega meiðsla þeirra sem hrjáð
hafa hann undanfarnar vikur og
varð að yfirgefa völlinn á 60.
mínútu.
Forward, sem einnig er frá
Örebro, tapaði fyrir Degerfors
0—1, en verðskuldaði a.m.k. jafn-
tefli. Einar Ásbjörn Ólafsson,
Keflvkingurinn góðkunni, lék
síðari hálfleikinn með Forwards,
og stóð sig það vel, að hann hlýtur
að fá tækifæri í byrjunarliðinu í
næsta leik. Félagi hans Rúnar
Georgsson hefur átt við meiðsl að
stríða frá upphafi keppnistíma-
bilsins, og ekkert getað leikið.
Iþrótta- og leikja-
námskeiðin hefjast
MÁNUDAGINN 2. júní hefjast íþrótta- og Icikjanámskéið fyrir börn
6—9 ára og 10—12 ára.
Námskeiðið mun fara fram á níu stöðum í borginni. sem hér segir:
Fyrir 6—9 ára börn á morgnana á
Melavelli kl. 9.00-10.15
Laugardalsvelli kl. 9.00—10.15
Leikvelli við Árbæjarskóla kl. 9.00-10.15
íþróttavelli við Fellaskóla kl. 9.00-10.15
Leikvelli við Grímsbæ, F'ossvogi kl. 10.30-11.45
Leikvelli við Álftamýrarskóla kl. 10.30-11.45
íþróttavelli Þróttar við Sæviðarsund kl. 10.30-11.45
Leikvelli við Breiðholtsskóla kl. 10.30-11.45
Fyrir 10—12 ára börn eftir hádegi á: Laugardalsvelli kl. 13.30-15.00
Melavelli kl. 13.30-15.00
íþróttavelli við Fellaskóla kl. 13.30-15.00
Fyrir námskeiðum þessum standa íþróttabandalag Reykjavíkur,
íþróttaráð Reykjavíkur, Leikvallanefnd Reykjavíkur og Æskulýðsráð
Reykjavíkur.
Skráning fer fram á hverjum stað fyrir sig ,og er þátttökugjald kr.
1.000.- fyrir allan tíman.
Námskeiðið stendur frá 2. júní til 16. júní og lýkur með íþróttamóti
fyrir börn 6—9 ára í hverfunum, en fyrir börn 10—12 ára á nýja
frjálsíþróttavellinum í Laugardal, þann 16. júní kl. 13.00.
• Árni Stefánsson
leik með liði sínu
þrátt fyrir mörkin
hann fékk á sig.
átti góðan
Landskrona,
fjögur sem
mannaeyjar ÍBV — UBK 1—0
(1-0) .
Mark ÍBV: Tómas Pálsson (23.
mín.)
Gul spjöld: Helgi Bentsson, Ingólf-
Ingólfsson, Benedikt Guð-
mundsson (UBK)
Georgsson (ÍBV).
Áhorfendur: 730.
og Jóhann
hkj.
• Tómas skoraði sigurmark ÍBV
í gærkvöldi.
KA hóf tíma-
bilið af krafti
KA —
Þróttur
4:0
KA hóf keppnistímabilið í 2.
deild með miklum ágætum, en
liðið lagði Þrótt frá Norðfirði að
velli á Akureyri í gærkvöldi.
Skoruðu KA-menn 4 mörk, en
Þróttar svöruðu ekki fyrir sig.
Staðan í hálfleik var 2—0.
KA-menn voru allan tíman mun
sterkari aðilinn, ef frá eru taldar
fyrstu 15 mínúturnar, en þá var
það Þróttur sem lék eins og sá sem
valdið hefur. KA skoraði hins
vegar á 15. mínútu og var þá allur
vindur úr Þrótti. Það var Gunnar
Gíslason sem skoraði markið með
skalla af stuttu færi eftir góða
fyrirgjöf frá Elmari Geirssyni.
Annað markið skoraði Jóhann
Jakobsson 2 mínútum fyrir hlé
með lausu skoti sem markvörður
Þróttar var klaufi að góma ekki.
Elmar skoraði síðan ævintýralegt
mark á 49. mínútu, var þá kominn
upp að endamörkum og ætlaði að
senda fyrir markið, „en kingsaði
óvart og skoraði" eins og tíðinda-
menn Mbl. komust einkar
skemmtilega að orði í gærkvöldi.
Á síðustu mínútunni innsiglaði
Óskar Ingimundarson stórsigur
KA með góðu skallamarki eftir
hornspyrnu.
Leikur þessi var frekar þung-
lamalegur og bauð ekki upp á
umtalsverð tilþrif. Það var helst
Elmar sem yljaði áhorfendum
með nokkrum sprettum.
sor/gg
Þrenna Andrésar
sökkti Haukum
IBÍ — Haukar
4:2
ÍBÍ vann mjög góðan sigur á
heimavelli sínum gegn Haukum í
2. deild íslandsmótsins í knattsp-
yrnu. ísfirðingarnir farið ákaf-
lega vel af stað á þessu keppnistí-
mabili, unnið tvo fyrstu leiki
sína. Lokatölur í gærkvöldi urðu
4—2 fyrir ÍBÍ. eftir að staðan í
hálfleik hafði verið 2—2.
Það var Andrés Kristjánsson
sem kom ÍBÍ á bragðið með góðu
marki strax á 18. mínútu. Andrés
átti eftir að reynast Haukunum
erfiður ljár í þúfu, hann bætti við
tveimur mörkum í viðbót áður en
yfirlauk.Haukarnir jöfnuðu þó
fyrsta mark Andresar, var þar á
ferðinni Kristján Kristjánsson á
20. mínútu. Rúnar Guðmundsson
kom ÍBÍ yfir á nýjan leik á 25.
mínútu, en Daníel Gunnarsson
jafnaði fljótlega fyrir Hauka á
nýjan leik.
I síðari hálfleiknum bætti Al-
drés síðan við tveimur mörkum
fyrir ÍBÍ og tryggði liði sínu
verðskuldaðan sigur. Þeir Andrés,
Rúnar og Halldór Ólafsson stóðu
upp úr í fjörugu liði ÍBÍ, en hjá
Haukum bar mest á Daníel Gunn-
arssyni. Annras var lið Hauka
jafnt og lék oft ágætlega þrátt
fyrir tapið.
bh/gg.
Hermann lýsir
fyrir BBC!!
NÚ ER endanlega ljóst, að lands-
leik íslands og Wales í knatt-
spyrnu verður ekki lýst í útvarp-
inu. Mbl. hefur fyrir því góðar
heimildir. að fjármálastjórar út-
varpsins hafi reynt að komast að
samkomulagi við KSÍ um
greiðslu fyrir lýsingu. Sam-
kvæmt heimildum Mbl. bauð út-
varpið 500.000 krónur, en KSÍ
neitaði. Útvarpið hefur þann
háttinn á við slikar aðstæður, að
láta íþróttafréttamann sinn Her-
mann Gunnarsson, benda á þá
íþróttaviðburði sem helst kæmu
til greina að lýsa. Benti Hermann
m.a. á landsleik þennan, en samn-
ingar tókust þó ekki eins og að
framan segir.
I þessu sambandi má geta þess
til gamans, að Bretar hafa mikinn
áhuga á leiknum og ætla í því
sambandi að hringja í Hermann
Gunnarsson á Laugardalsvellinum
til þess að fá upplýsingar. Sú
staða er því komin upp, að Her-
mann má ekki segja landsmönn-
um frá leiknum í íslenska útvarp-
inu, en þeir sem tök háfa á, geta
hins vegar hlustað á Hermann í
laugardagsþætti Paddy Pheeny í
BBC útvarpinu!
i