Morgunblaðið - 08.07.1980, Blaðsíða 40

cHazóZ1
Cmmírii) jqóc

NYR MATSEDILL
C3pið alla daga frá kl. 11-24
fflgmitliIitMfr
Síminn á ritstjórn
og skrifstotu:
10100

ÞRIÐJUDAGUR 8. JÚLÍ1980
Allgóð spretta og
sláttur víða hafinn
SLÁTTUR er nú víðast hvar hafinn
í nokkrum ma'li í flestum lands-
hlutum. en bændur eru mislangt
komnir ok sumir vart byrjaðir enn.
t samtölum Mbl. við bændur í jjær
kom fram að vorið oj? sumarið er
nú ólíkt betra en í fyrra og sejíja
þeir það eins ólíkt og svart og
hvítt.
Gísli Magnússon í Eyhildarholti í
Skagafirði sagði þannig að ekki
væri sambærilegt hversu miklu bet-
ur en í fyrra sumarið legðist nú i
bændur. Sagði hann bændur í
Skagafirði flesta vera byrjaða slátt
og sumir væru komnir vel á veg.
Sagði hann tíð hafa verið góða að
undanförnu, sprettan væri góð og
heyskap hafa miðað vel áfram.
Guðlaugur Þórhallsson á Ormsstöð-
um í Eiðaþinghá sagði bændur á
Héraði rétt að byrja slátt. Spretta
væri orðin góð, en sakir þoku og
rigninga öðru hverju síðustu daga
hefðu margir bændur ekki hafið
slátt enn og þeir sem voru byrjaðir
hafa litlu náð inn ennþá. Bændur
væru þó lengra komnir innarlega á
Fljótsdalshéraði.
Kona beið bana á
Hafnarfjarðarvegi
ÞRJÁTÍU og sjö ára gömul kona,
Hólmfríður Hákonardóttir til
heimilis að Neðstutröð 6 i Kópa-
vogi, beið bana í umferðarslysi á
Hafnarfjarðarvegi skammt sunn-
an við Digranesbrú á laugardags-
kvöld. Hólmfríður lætur eftir sig
eiginmann og sex börn á aidrin-
um 11 til 20 ára. Önnur kona
slasaðist alvarlega í þessu um-
ferðarslysi, og liggur hún nú á
gjörgæsludeild Borgarspitalans.
Hlaut hún meðal annars slæm
beinbrot, en var í gær talin úr
lífshættu.
Tildrög slyssins voru þau að
konurnar voru tvær saman á gangi
og höfðu, að því er talið er, staðið
nokkra stund við vegarbrúnina og
beðið þess að komast yfir götuna.
Stöðvaði bíll á hægri akrein, sem
var á suðurleið til að hleypa
konunum yfir. Önnur bifreið kom
þá að í þeim svifum á vinstri
akrein og ók á konurnar. Er talið
að Hólmfríður hafi látist sam-
stundis. Engin gangbraut er þar
sem slysið varð.
Rannsóknardeild lögreglunnar í
Kópavogi vinnur að rannsókn
málsins og biður hún sjónarvotta
að slysinu að hafa samband við sig.
Sérstaklega óskar lögreglan eftir
að ná tali af ökumanni á gömlum
Volvobíl af tegund, sem oft er
nefnd „kryppa", sem talið er að
hafi ekið á eftir bílnum, er ók á
konurnar.
Frá heyskap við Lagarfljót. en innarlega á Fljótsdalshéraði eru bændur komnir vel á veg
með heyskapinn. Ljósm. Snorri Snorrason.
BSRB mun væntanlega leggja fram gagntilboð í dag:
Kaupkrafan á ellefu lægstu
flokkana lækkuð úr 39% í 20%
SAMNINGANEFND Bandalags
starfsmanna ríkis og bæja fjall-
aði í gær um tillögur sjö manna
nefndar, sem kjörin var til þess
að búa til nýtt gagntilboð til
fjármálaráðherra i yfirstandandi
kjaradeilu. Umfjöllun um tilboð-
ið var ekki lokið og hefur samn-
inganefndin verið kvödd saman í
dag klukkan 13 til þess að ljúka
henni, en klukkan 16 er boðaður
Ungur maöur fórst er
svifdreki brotnaði
UNGUR Vestmannaeyingur,
Rúnar Bjarnason beið bana við
svifdrekaflug si. laugardag.
Tildrög slyssins voru þau, að
verið var að draga dreka Rúnars á
loft með bíl, þegar hann skyndi-
lega brotnaði í um 30 metra hæð
og féll til jarðar. Rúnar mun hafa
látizt samstundis.
Rúnar var mjög vanur svif-
drekamaður og hafði farið fleiri
ferðir þennan sama dag. Þetta er
fyrsta dauðaslys sem verður vegna
svifdrekaflugs hér á landi.
nýr sáttafundur. Ljóst er að
kröfur bandalagsins um launa-
hækkanir verða nú ekki eins
háar, þar sem samninganefndin
mun hafa ákveðið að lækka þær
úr 18 til 39% í 9 til 20%. Hærri
hlutfallstölurnar eiga við um
iægstu launin, en hinar lægri um
hæstu launin.
Kristján Thorlacius, formaður
BSRB sagði í samtali við Morgun-
blaðið í gær að meginstefnan í
þessum nýju kröfum væri hin
sama og í upphaflegum kröfum.
Um þessa launamálakröfu hafi
ekki verið ágreiningur á fundinum
í gær, en ýmsar aðrar tillögur hafi
ekki verið afgreiddar endanlega og
yrði það gert á fundinum í dag.
Hann kvaðst vonast til þess að
bandalaginu tækist að leggja fram
gagntilboð á sáttafundinum í dag.
Samkvæmt nýju kröfunum er
gert ráð fyrir að lágmarkslaun
félaga innan BSRB hækki um 20%
og nái þessi hækkun upp í 11.
flokk, sem nú ber launin 379.483 í
neðsta þrepi en 426.706 í því efsta.
Þessi hlutfallshækkun smálækkar
svo, þar til komið er í efsta
launaflokkinn, en þar er hækkun-
arkrafan 9%. Hlutfall milli efsta
og lægsta flokks var í upphafleg-
um kröfum 2,25, en er nú eftir
þessa breytingu 2,37.
Verðbótakrafa BSRB breytist
ekki, þar sem bandalagið gerir
áfram kröfu til þess að vísitala
framfærslukostnaðar mæli launin
og að þau taki sömu hlutfalls-
hækkunum og sú vísitala. Önnur
atriði í gagntilboði BSRB voru
ekki útrædd á fundinum í gær, og
var honum því frestað þar til í
dag. Liggja þar fyrir breytingatil-
lögur, sem enn er eftir að taka
afstöðu til.
Deilumál flugmanna
og Flugleiða leyst
SAMNINGAR tókust með flug-
mönnum Flugleiða og félagsins
í deilumáli þeirra um atvinnu-
tækifæri hjá félaginu um helg-
ina. Aðalatriði samningsins að
mati flugmanna er, að flug-
Bankamenn fá yfir 40% hærri dag-
peninga en opinberir starfsmenn
„JÚ. ÞAÐ er rétt að dagpenint;ar
ok hílapenin«ar hankastarfsmanna
eru í öllum tilvikum heldur hærri
en við gerum ráð fyrir í Ferða-
kostnaðarnefnd." sagði Bolli Bolla-
son formaður nefndarinnar. en
dagpeningar hankamanna á inn-
anlandsferðum t.d.. munu vera um
12% hærri en dagpeningar til opin-
berra starfsmanna.
„Þessi mismunur," sagði Bolli, „er
fyrst og fremst vegna þess að
útreikningar bankastarfsmanna eru
miðaðir við dýrari bíla og glæsilegri
hótel. Við miðum við meðaltal af
rekstri 10 bifreiðategunda, en þeir
miða við þrjár eða fjórar tegundir
dýrari bíla og í útreikningi dagpen-
inga miðum við dæmið við hótel víða
um land, en þeir miða aðallega við
hótelkostnað á dýrari hótelum í
Reykjavík."
Þar sem opinberir starfsmcnn fá
149 kr. fyrir ekinn km á bíl fá
bankastarfsmenn 168 kr. og þar sem
dagpeningar opinberra starfsmanna
innanlands voru 17.500 kr. höfðu
bankastarfsmenn 25.000 kr. eða
42,7% meira.
Ferðakostnaðarnefnd ákvað í vik-
unni upphæð dagpeninga til greiðslu
gisti- og fæðiskostnaðar ríkisstarfs-
manna á ferðalögum innanlands á
vegum ríkisins og er þar um að ræða
20.200 kr. til kaupa á gistingu og
fæði í einn sólarhring, 8.600 kr. til
kaupa á gistingu í einn sólarhring,
11.600 kr. til kaupa á fæði hvern
heilan dag, minnst 10 klst. ferðalag
og 5.800 kr. til kaupa á fæði í hálfan
dag minnst 6 klst. ferðalag.
Þá sagði Bolli að sér væri kunnugt
um að þótt margir aðilar bæði í
opinberri þjónustu og einkarekstri
miðuðu við tölur ferðakostnaðar-
nefndar þá væru einnig frávik frá
því og t.d. bætti Landsvirkjun álagi
á tölu ferðakostnaðarnefndar.
Morgunblaðið hafði samband við
Höskuld Jónsson ráðuneytisstjóra í
fjármálaráðuneytinu og spurði
hvaða fyrirkomulag gilti í þessum
efnum hjá ráðherrum og öðrum
forsvarsmönnum. Höskuldur sagði
að almenna reglan væri sú að miðað
væri við ákveðna upphæð samkvæmt
útreikningum ferðakostnaðarnefnd-
ar þar sem dagpeningar bæði innan
lands og utan ættu að duga fyrir
hóteli, ferðum, til og frá flugvelli og
fæði, en í þeim tilvikum þar sem
ráðherrar væru á ferðinni væri um
að ræða hina ákveðnu dagpeninga og
auk þess greiðslu hótelkostnaðar og í
þeim tilvikum að t.d. ráðuneytis-
stjórar þyrftu að vera á dýrari
hótelum vegna embættisstarfa þá
fengju þeir % af dagpeningum
greidda og að auki gistingu og
morgunverð.
menn hjá Flugleiðum munu
eftirleiðis sitja fyrir með vinnu
hjá Air Bahama. dótturfyrir-
tæki Flugleiða, ef til frekari
samdráttar kemur hjá Flug-
leiðum og verður þá erlendum
flugmönnum Air Bahama sagt
upp störfum.
Sveinn Sæmundsson, blaða-
fulltrúi Flugleiða, vildi ekki tjá
sig um málið í gær, þegar ekki
var búið að bera samninginn
undir félagsfund flugmanna.
Hann sagði hins vegar augljóst,
að ef samningarnir yrðu sam-
þykktir hjá flugmönnum yrðu
þegar teknar upp samningavið-
ræður við flugmenn um kjara-
samning þeirra og sameigin-
legan starfsaldurslista, en
kjarasamningar þeirra hafa
verið lausir um alllangt skeið.
Talið var líklegt að samning-
urinn yrði samþykktur á félags-
fundum í Félagi íslenzkra at-
vinnuflugmanna og félagi Loft-
leiðaflugmanna sem stóðu yfir
þegar blaðið fór í prentun og
verður þá boðuðu verkfalli flug-
manna á laugardag aflýst.