Morgunblaðið - 30.08.1980, Blaðsíða 43

MORGUNBLAÐIÐ, LAUGARDAGUR 30. ÁGÚST 1980
43
f.
Bikarinn innan seilingar hja Val
- eftir 2—1 sigur á Skaganum í gær
ÁMINNINGAR: Sigþór rekinn út
IA -
Valur
1-2
Segja má með sanni. að Vals-
menn hafi læst annari hendi
kyrfilega um íslandsbikarinn. er
þeir sigruðu Skagamenn, 2—1, á
Akranesi í gærkvöldi. Þegar tvær
umferðir eru eftir, hafa Vals-
menn þriggja stiga forystu.
Skagamenn verða nú að bíða og
vona að Fram vinni bikarinn, því
annars er sæti í UEFA—keppn-
inni borin von eins og vonin um
meistaratitilinn. Staðan í hálf-
leik var 1—1.
Segja má, að vendipunkturinn í
leiknum hafi komið strax á 26.
mínútu. Þá var Sigþóri Ómarssyni
nefnilega vísað af leikvelli. Sævar
Jónsson felldi hann þá gróflega og
þegar Sigþór féll til jarðar, dangl-
aði hann til Sævars. Kjartan
Ólafsson dómari rak Sigþór um-
svifalaust út af og tjáði blaða-
manni eftir leikinn að brot Sig-
þórs hafi verið ásetningsbrot.
Nokkru áður hafði Sævar sjálfur
fengið gula spjaldið. Þegar Sigþór
var rekinn út af, var staðan 1—1
og Skagamenn mjög frískir.
Annars var það Valur sem
byrjaði af hörku krafti, knöttur-
inn lá í neti ÍA strax á fyrstu
mínútu. Árni Sveinsson skallaði
þá fyrirgjöf út úr eigin vítateig, en
þar tók Sævar Jónsson á móti
knettinum og skaut á markið.
Skotið var þokkalegt, en Bjarni
hefði átt að ráða við það. Þess í
stað missti hann knöttinn frá sér
og boltinn skrúfaðist í markið.
Skagamenn létu mótlætið ekkert á
sig fá og jöfnuðu á 14. mínútu.
Árni Sveinsson tók þá langt inn-
kast, Sigurður markvörður Har-
aldsson virtist hafa knöttinn, en
missti hann skyndilega frá sér og
Sigþór var fljótur að nýta sér það,
spyrnti viðstöðulaust í netið.
Brottrekstur Sigþórs var næstur á
dagskrá og úr því tók hægt og
bítandi að halla undan fæti hjá
ÍA.
Sigurmark Vals skoraði Magnús
Bergs á 59. mínútu leiksins. Her-
mann Gunnarsson sendi knöttinn
þá að vítateig ÍA, Matthías og
Guðjón Þórðarson börðust þar um
knöttinn sem féll til Magnúsar og
þrumuskot hans hefði ekki nokkur
markvörður ráðið við. Valsmenn
sigu síðan fram úr hægt og
bítandi, enda voru Skagamenn nú
einum færri og sagði það til sín er
á leið.
Dómari var Kjartan Ólafsson og
hafði hann ekki nægilega góð tök
á leiknum.
í STUTTU MÁLI:
íslandsmótið 1. deild: ÍA—Valur
1-2 (1-1).
MARK ÍA: Sigþór Ómarsson (14.).
KA vann
KA frá Akureyri tryggði sér
endanlega sigur í 2. deildar
keppninni í knattspyrnu með því
að vinna stórsigur á Seifossi á
Akureyri í gærkvöldi. Lokatölur
ieiksins urðu 6—0, eftir að stað-
an i hálfleik hafði verið 3—0.
Yfirburðir KA-manna voru um-
talsverðir eins og iokatalan ber
með sér. Gunnar Gisiason skoraði
tvívegis fyrir KA, Gunnar Blön-
dal. Óskar Ingimundarson. Er-
lingur Kristjánsson og Eyjólfur
Ágústsson skoruðu eitt mark
hver.
MÖRK VALS: Sævar Jónsson (1.)
og Magnús Bergs (59.).
AHORFENDUR: 1914.
SS/gg.
Sögulegur endir á stórleik
Vals og ÍA
Formaður knattspyrnuráðs
ÍA fluttur í sjúkrahús
FÁOEYRÐUR atburður varð
að loknum leik ÍA og Vais á
Akranesi i gærkvöidi, sem vafa-
laust mun hafa einhvern eftir-
mála.
Gunnar Sigurðsson. formað-
ur Knattspyrnuráðs Akraness,
beið i dyrum dómaraherbergis-
ins að leik loknum og vildi ræða
við Kjartan Jónsson dómara.
Kjartan kvaðst ófús að tala við
Gunnar og tjáði honum það.
Gunnar var ekki á því að gefa
sig og greip hann i arm Kjart-
ans, að því er Kjartan tjáði bim.
eftir leikinn, og hélt þéttings-
fast. Menn voru i herberginu og
vildu þeir stia Kjartani og
Gunnari i sundur. I þeim hópi
var Grétar Norðíjörð, annar
iinuvarða leiksins. Greip hann
Gunnar föstu hálstaki og hélt
honum drjúga stund og sleppti
ekki fyrr cn Gunnar var farinn
að blána að sögn sjónarvotta.
Um síðir sleppti Grétar takinu
og hné þá Gunnar niður í gólfið.
Átti hann erfitt með andardrátt
og var hann fluttur á sjúkrahús-
ið á Akranesi.
Eftir leikinn sagði Grétar
Norðfjörð línuvörður, að hann
viðurkenndi að hafa beitt of
harkalegum tökum. Rétt hefði
verið af sér að skipta sér ekki af
málinu, en honum hefði fundist
framkoma Gunnars við dómar-
ann slík, að hann hefði orðið að
blanda sér í málið. Dómari og
línuverðir fóru á lögreglustöðina
á Akranesi eftir leikinn til þess
að gefa skýrslu um atburðinn og
voru hróp gerð að Grétari er
hann gekk út úr vallarhúsinu.
Gunnar Sigurðsson var á bata-
vegi þegar Mbl. spurðist fyrir
um líðan hans í gærkvöldi.
Mikill viðbúnaður var á vellin-
um fyrir leikinn og var áfengi
tekið af áhorfendum í stórum
stíl. Engu að síður bar mikið á
ölvun meðal áhorfenda.
SS.
Teitur skoraði áttunda markið
ÞAÐ tók Teit Þórðarson aðeins 5
minútur að finna leiðina i net-
möskvana þegar Öster sigraði
Mjallby, 3—0, á fimmtudags-
kvöldið. Teitur fékk góða sendi-
ngu inn i vitateiginn og skoraði
viðstöðulaust af stuttu færi. Ekki
tókst Teiti að bæta við mörkum,
en hann lék vel og fær góða dóma
i sænsku blöðunum.
Landskrona tapaði, 0—2, á
heimavelli fyrir Malmö FF og
voru það sanngjörn úrslit. Árni
Stefánsson átti engan stórleik í
markinu að þessu sinni, en verður
ekki sakaður um mörkin. Það
fyrra kom er kappinn kunni,
Thomas Sjöberg, hafði brotið
gróflega á Árna, sem missti knött-
inn, og Sjöberg skoraði síðan
örugglega.
Þorsteinn Ólafsson og félagar
hans hjá IFK Gautaborg hafa gert
tvö jafntefli í vikunni. Fyrst
síðastliðið mánudagskvöld, 0—0,
gegn Elfsborg að viðstöddum
26.000 áhorfendum, sem er metað-
sókn í Svíþjóð á þessu keppnis-
tímabili. Átti Þorsteinn góðan
leik, eins og reyndar oftast á þessu
keppnistimabili, einkum síðari
hluta þess. Þorsteinn var sömu-
leiðis öryggið uppmálað er Gauta-
borg gerði jafntefli, 1—1, við
meistara fyrra árs, Halmstad, í
fyrrakvöld.
Öster er nú með 29 stig og hefur
enn 4 stiga forskot á Brage,
nýiiðana í sænsku deildinni.
Gautaborg er í fjórða sæti með 23
stig, en getur hleýpt spennu í
mótið með því að sigra Öster á
miðvikudaginn, þriðja september,
er liðin mætast í stórleik 20.
umferðar. „.H.SvlWM.
Landsliðshópurinn lítið breyttur
fyrir landsleikinn gegn Rússum
„Rússarnir eru með unninn
leik á pappírnum, auk þess sem
við getum ekki stillt upp okkar
sterkasta liði. en landsliðið stend-
ur sig gjarnan best þegar minnst-
ar vonir eru bundnar við það og
þvi er best að fullyrða sem
minnst um útkomu leiksins,“
sagði Ellert Schram, formaður
• örn Óskarsson gat gefið kost
á sér til landsleiksins ...
KSl. á blaðamannafundi i gær, er
landsliðsnefnd tilkynnti
16—manna hóp þann sem teflt
verður fram gegn Rússum á
miðvikudaginn. Er sá leikur ann-
ar leikur Islands i undankeppni
HM — keppninnar i knattspyrnu,
sá fyrri tapaðist á Laugardals-
velli gegn Wales, 0—4. Ilópurinn
er skipaður eftirtöldum leik-
mönnum:
Þorsteinn Bjarnason ÍBK,
Bjarni Sigurðsson ÍA, Albert Guð-
mundsson Val, Árni Sveinsson IA,
Guðmundur Þorbjörnsson Val,
Dýri Guðmundsson Val, Janus
Guðlaugsson Fortuna Köln, Magn-
ús Bergs Val, Marteinn Geirsson
Fram, Trausti Haraldsson Fram,
Sigurður Halldórsson ÍA, Viðar
Halldórsson FH, Örn Óskarsson
Örgryte, Sigurlás Þorleifsson ÍBV,
Pétur Ormslev Fram og Sigurður
Grétarsson UBK.
Þetta er keimlíkur hópur þeim
sem lék gegn Noregi og Svíþjóð á
dögunum, helsta breytingin er sú,
að Viðar Halldórsson er kominn
aftur í hópinn. Það má þó til að
gagnrýna. Með fullri virðingu
fyrir hinum ágætu markvörðum
Þorsteini og Bjarna, vekur nokkra
furðu, að hvorki Guðmundur Bald-
ursson né Sigurður Haraldsson
komist hér á blað. Má nefna sem
dæmi, að Sigurður hefur fengið
eitt einasta mark á sig frá því
hann kom inn í lið Vals, og það úr
tvíteknu víti.
Aðeins tveir atvinnumanna ís-
lands eru með að þessu sinni,
Janus og Örn. „Aðrir voru hrein-
lega ekki falir og Karl Þórðarson
er meiddur," sagði Helgi Daníels-
son, formaður landsliðsnefndar-
innar, á fundinum í gær. Nánar
verður greint frá landsleiknum í
Mbl. á þriðjudag og miðvikudag.
Reykjavíkurmót
í fjölþrautum
MEISTARAMÓT Reykjavík-
ur í tugþraut karla og fimmt-
arþraut kvenna fer fram á
frjálsiþróttavellinum i Laug-
ardal næstkomandi mánudag
og þriðjudag. Keppni hefst
báða dagana kl. 18 og eru
keppendur beðnir að mæta
klukkustundu fyrr til skrán-
ingar. '
Friðjón hætti
FRIÐJÓN B. Friðjónsson hef-
ur sagt af sér sem formaður
aganefndar KSÍ, í kjölfarið á
hinu umtalaða „Trausta-
máli“. Er að sjá. að ekki séu
allir ánægðir með hvernig því
máli iyktaði.
Stefán til
Ármenninga
ÁRMENNINGAR hafa ráðið
nýjan handknattleiksþjálfara
fyrir komandi keppnistima-
bil. en sem kunnugt er, stóð
til að þeir fengju sovéskan
þjálfara á sínum tíma. Ekkert
varð ár þvi og nú hefur
félagið ráðið Stefán Sandholt.
Stefán hefur m.a. þjálfað
UBK með góðum árangri.
Þá má geta þess, að Ár-
mann hefur endurheimt
Óskar Ásmundsson, en hann
lék með Tý á siðasta keppnis-
timabili. óskar er bróðir Þrá-
ins Ásmundssonar, horna-
mannsins sterka hjá Ár-
manni.
íslendingar
dæma erlendis
ÍSLENSKIR knattspyrnu-
dómarar munu dæma Evrópu-
leiki á næstunni. Magnús V.
Pétursson hcfur fengið það
verkefni að dæma leik Liv-
erpool og Dulun Pallusera frá
Finnlandi í Liverpool 1.
október. Línuverðir verða
Eysteinn Guðmundsson og
Rafn Hjaltalin.
Guðmundur Haraldsson
mun dæma viðureign St.
Mirren og Elfsborg sama dag,
f UEFA-keppninni. Linuverð-
ir hans verða Hreiðar Jónsson
og Grétar Norðfjörð. Þá mun
Eysteini Guðmundssyni hafa
verið falið að dæma landsleik
trlands og Kýpur í undan-
keppni HM 19. nóvember nk.
Línuverðir vcrða óli ólsen og
Þorvarður Björnsson.
Þá má geta þess, að Ey-
steinn Guðmundsson og óli
ólsen verða fulltrúar tslands
á dómararáðstefnu sem hald-
in verður í Hollandi dagana
1. —5. septcmber. Er hér um
ráðstefnu millirikjadómara
að ræða.
Forsala á
landsleikinn
FORSALA aðgöngumiða á
landsleik íslands og Sovét-
ríkjanna fer fram við Útvegs-
bankann á mánudag og þrið-
judag frá klukkan 12.00—
18.00. Heldur hún síðan
áfram á Laugardaisvcllinum
á miðvikudag frá klukkan
13.00.
2. deild
um helgina
NOKKRIR leikir fara fram í
2. deild tslandsmótsins í
knattspyrnu um helgina. t
dag leika á Hvalcyrarvelli
Haukar og Völsungur. Hefst
leikurinn klukkan 14.00. Á
sama tima hefst leikur ÍBÍ og
Austra á ísafirði. Og klukkan
15.00 hefst leikur Þróttar og
Þórs á Neskaupstað. Á mánu-
dagskvöldið klukkan 19.00
eigast síðan við Ármann og
Fylkir.