Morgunblaðið - 20.01.1981, Blaðsíða 45
MORGUNBLAÐIÐ, ÞRIÐJUDAGUR 20. JANÚAR 1981
25
• Páll Björgvinsson fyrirliði Víkings brýst í gegn um vörn Lugi og skorar. Páll var fjarri góðu gamni í síðari hálfleiknum þar sem hann var
útilokaður frá leiknum. UAsm. Emiii..
Ovænt endalok i leik Vikings gegn Lugi
— Víkingar misstu niður unninn leik
Þeir voru marjfir sem Iököu leið sina i Laugardalshöllina á
sunnudagskvöldið til þess að sjá leik Lugi og Vikings i Evrópumeist-
arakeppninni i handknattleik. Höllin var troðfull og stemmningin i
húsinu stórkostleg. En vonbrigðin urðu mikil. Eftir stórgóðan leik
Víkings þar sem allt stefndi i stórsigur hrundi leikur liðsins siðustu
fimmtán minútur leiksins og Lugi sigraði með einu marki. Vikingar
höfðu fimm marka forskot i hálfleik, 10—5, og þegar 10 minútur voru
til leiksloka hafði Vikingur 4 marka forskot, 14 — 10. En allt kom fyrir
ekki, ákveðnir Sviar börðust af krafti og komu sigrinum i höfn. Lið
Vikings varð fyrir þvi áfalli að missa lykilmann sinn, Pál
Björgvinsson, af leikvelli þegar 35 minútur voru liðnar af leiktiman-
um. Páli hafði tvivegis verið vikið af leikvelli og var þvi útilokaður frá
leiknum þegar hann fékk þriðju brottvísunina. Hafði þetta mikil áhrif
á leik Vikingsliðsins og ekki er ósennilegt að þetta hafi ráðið úrslitum
i leiknum.
Stórleikur Víkings
í fyrri hálfleik
Það var greinilega mikil tauga-
spenna í leikmönnum beggja liða
er leikurinn hófst. Gífurlega mik-
ill hávaði var í áhorfendum. Fjöld-
inn allur var mættur með lúðra og
blés í þá af miklum krafti og oft á
tíðum var eins og skipaflautur
væru þeyttar slíkur var hávaðinn.
Fyrsta mark leiksins kom á 3.
mínútu. Páll Björgvinsson braust í
gegn en brotið var á honum og
dæmt víti. Þorbergur skoraði ör-
ugglega úr vítinu. Lugi jafnaði
leikinn, 1—1, úr vítakasti. Páll og
Þorbergur breyttu stöðunni í 3—1
með fallegum mörkum. Þá er Páli
vísað útaf í 2 mínútur. Þrátt fyrir
það tókst Víkingum að skora
næstu tvö mörk. Steinar braust
skemmtilega inn úr horninu og
skoraði glæsilega, og Árni
skömmu síðar. Var þetta glæsi-
legur kafli hjá Víkingi. Þá var
varnarleikur liðsins svo og mark-
varsla Kristjáns frábær. Leik-
menn Lugi skoruðu aðeins eitt
mark fyrstu 15 mínútur leiksins,
úr vítakasti.
Þegar 25 mínútur voru liðnar af
fyrri hálfleik var staðan 8—4.
Sjögren skoraði 5. mark Lugi, en
síðustu tvö mörkin í hálfleiknum
skoruðu Víkingar. Guðmundur
skoraði laglega úr horninu og á
síðustu 10 sekúndum leiksins, náði
Þorbergur boltanum af Svíum
brunaði upp og skoraði örugglega.
Fimm marka forskot í hálfleik og
leikmenn Víkings fengu mikið
klapp og hvatningu frá áhorfend-
um þegar þeir gengu til búnings-
klefanna. Állt útlit fyrir stórsigur
Víkinga. Liðið lék mjög vel. Mikill
kraftur og barátta í öllum leik-
mönnum og Kristján Sigmunds-
son varði stórkostlega. Þá bjarg-
aði hann tvívegis meistaralega vel
er hann hljóp út úr markinu fram
á völlinn og stöðvaði hraðaupp-
hlaup hjá Lugi.
Páll útilokaður
Það var ekki neinn bilbug að sjá
á liði Víkings þegar þeir hófu
síðari hálfleikinn. Sami kraftur-
inn og ákveðnin einkenndi leik
liðsins. Ólafur Jónsson skoraði 11.
markið úr horninu og sex marka
forysta orðin staðreynd. Stærra
forskot en þeir bjartsýnustu þorðu
að vona. Á 35. mínútu leiksins
kom svo áfallið fyrir Víkinga. Páli
Björgvinssyni fyrirliða var vikið
af leikvelli í þriðja sinn og um leið
útilokaður frá leiknum. Einn leik-
maður Lugi hafði sótt að vörn
-lu99: 16-17
Víkings og ekki var hægt að sjá að
Páll bryti á honum ólöglega. Síður
en svo. Var þetta mjög strangur
dómur. Þrátt fyrir þetta var leikur
Víkings sterkur næstu mínúturn-
ar og Þorbergur skorar 12. mark-
ið. Brynjari mistókst í dauðafæri
á línunni. Enn skorar Þorbergur á
41. mínútu og staðan er þá 13—7.
Lugi skoraði 8. mark sitt. Þorberg-
ur skoraði 14. mark Víkings úr
vítakasti. Lugi bætti 9. markinu
við og staðan er 14—9. Fimm
marka forskot og aðeins 15 mínút-
ur eftir af leiktímanum. Þá er
Steinari vikið útaf í tvær mínútur.
Víkingar missa leik-
inn út úr höndum sér
Á þessu augnabliki var eins og
þreyta væri farin að segja til sín
hjá lykilmönnum Víkings, þeim
Steinari, Þorbergi og Árna. Sjö-
gren skoraði 10. mark Svía á 50.
mínútu, staðan 14—10. í næstu
sókn átti Þorbergur stangarskot
og lánið fór að leika við Lugi.
Smátt og smátt minnkaði barátt-
an í vörn Víkings. Sóknarleikur
liðsins síðustu 10 mínúturnar var
óákveðinn og fáimkenndur. Það
virtist setja leikmenn Víkings úr
jafnvægi að einn leikmanna Lugi
lék mjög framarlega á vellinum og
truflaði allt spil Víkinga. í stað
þess að reyna að halda boltanum
og láta leikmenn Lugi brjóta á sér
voru reynd ótímabær skot og
sendingar mistókust. Leikmenn
Lugi minnkuðu forskotið og þegar
5 mínútur voru eftir af leiknum
skildi 1 mark. Staðan 16—15.
Mínútu fyrir leikslok jafnaði Lugi
svo leikinn, 16—16, og var það í
fyrsta skiptið í leiknum sem jafnt
var. í síðustu sókn sinni misstu
Víkingar boltann á mjög svo
klaufalegan hátt. Sjögren brunaði
upp og skoraði sigurmarkið. Sann-
arlega óvænt endalok. Um tíma
virtist aðeins spurning um hversu
stór sigur Víkings yrði í leiknum.
En hverjum af hinum fjöldamörgu
áhorfendum skyldi hafa dottið í
huga að leikurinn ætti eftir að
snúast svo gjörsamlega Víkingum
í óhag.
Liðin
Lið Víkings lék mjög vel í fyrri
hálfleiknum. Varnarleikur liðsins
var gífurlega sterkur og Kristján
sjaldan leikið betur. Hann var
besti maður Víkings í leiknum.
Rólegur og yfirvegaður og stað-
setningar hans mjög góðar. Þá
varði hann hvað eftir annað hjá
Svíum þegar þeir voru í dauðafær-
um á mikilvægum augnablikum í
leiknum. Þorbergur stóð sig eins
og hetja í leiknum, barðist af
krafti og skoraði átta mörk úr
þrettán skottilraunum, sterkur
leikmaður sem gefst aldrei upp,
enda áttu Svíar í erfiðleikum með
hann. Páll lék mjög vel meðan
hans naut við. Og það sást best
hversu mikilvægur hann er fyrir
liðið þegar hann var utan vallar.
Það var mikil áhætta tekin með
því að láta Pál leika varnarleikinn
eftir að hann var komin með tvær
brottvísanir. Hornamaðurinn
ungi, Guðmundur, kom vel frá
leiknum og skoraði falleg mörk.
Steinar var sterkur í vörninni en
hefði mátt vera ákveðnari í sókn-
arleiknum undir lok leiksins.
Ungu mennirnir í liðinu sem komu
inn á voru mistækir og ragir í leik
sínum, enda varla nema von, hafa
lítið leikið með í vetur.
Lið Lugi er mikið seiglulið sem
gefst ekki upp þó illa gangi.
Leikmenn eru hávaxnir og í góðri
líkamlegri þjálfun. Sten Sjögren
og Claes Ribendahl voru bestu
menn liðsins. Liðið leikur frjálsan
handknattleik en nokkuð agaðan
og heldur boltanum vel. Þá eru
markskot yfirleitt ekki reynd
nema í góðum tækifærum.
Þrátt fyrir að Víkingar hafi
tapað leik sinum hér heima gegn
Lugi hefur liðið alla möguleika á
að sigra á útivelli. Lið Víkings
stendur sig ávallt vel á útivelli og
nú hefur það allt að vinna og engu
að tapa. Leiki Víkingar jafn vel og
þeir gerðu hér heima og halda út
allan leikinn er full ástæða til
bjartsýni. Það er engin ástæða til
þess að leggja árar í bát.
í stuttu máli: Víkingur—Lugi
16-17 (10-5)
Mörk Víkings: Þorbergur Aðal-
steinsson 8 2v, Guðmundur Guð-
mundsson 2, Árni Indriðason 2,
Steinar Birgisson 2, Ólafur Jóns-
son 1, Páll Björgvinsson 1.
Mörk Lugi: Sjögren 5, Ribendahl
4, Jonsson 4, Nyberg 2, Davidsson
2.
Varin víti: Kristján sigmundsson
varði vítakast frá Ribendahl á 21.
mínútu.
Brottvísun af leikvelli: Páll
Björgvinsson Víking útilokaður í 6
mínútur. Þorbergur og Steinar í 2.
mínútur hvor. Kozak, Ribendahl
og Heinoen í 2 mínútur hver.
Kristján Sigmundsson markvörð-
ur Víkings varði 13 skot í leiknum.
Dómarar voru þeir Hjuler og
Jörgensen frá Danmörku og
orkuðu margir dómar þeirra tví-
mælis. Þeir misstu þó leikinn
aldrei út úr höndum sér og voru
mjög ákveðnir í öllum dómum
sínum.
— ÞR.