Morgunblaðið - 17.02.1983, Page 34

34
MORGUNBLAÐIÐ, FIMMTUDAGUR 17. FEBRÚAR 1983
VIÐSKIPTI
VIÐSKIPTI - EFNAHAGSMÁL - ATHAFNALÍF
Umsjón: Sighvatur Blöndahl
Hafskip:
Opna eigin skrifstofur í
Kaupmannahöfn og Hamborg
HAFSKIP mun á næstu vikum opna
tvær nýjar erlendar skrifstofur í
Kaupmannahöfn í Danmörku og
Hamborg í Vestur-Þýzkalandi. A síö-
asta ári opnaöi Hafskip tvær eigin
skrifstofur til aö annast umboös-
rekstur fyrir félagiö erlendis, í Ips-
wich í Bretlandi og New York í
Bandaríkjunum.
Þann 1. marz nk. opnar Hafskip
skrifstofu í Kaupmannahöfn og
verður forstöðumaður hennar
Árni Árnason, viðskiptafræðing-
ur, en hann hefur dvalið við störf
og framhaldsnám í Danmörku
undanfarin ár. Skrifstofan verður
staðsett að Skudehavnsvej 2 í
Norðurhöfninni, en á sama tíma
verður vöruafgreiðsla félagsins
flutt í samliggjandi vörugeymslur
úr Fríhöfninni, þar sem Hafskip
hefur haft aðsetur um árabil.
Hafskip mun siðan opna eigin
skrifstofu í Hamborg 1. apríl nk.
t
Sveinn Kr. Pétursson fyrrverandi
deildarstjóri markaðsdeildar
félgsins mun veita henni forstöðu.
Sveinn hefur verið á vegum fé-
lagsins í vetur í Hamborg þessu til
undirbúnings. Skrifstofan verður
staðsett í Chilehus, þar sem er
miðstöð ýmissa flutningaþjón-
ustufyrirtækja við jaðar hins um-
fangsmikla hafnarsvæðis í Ham-
borg.
Skip Hafskips lesta í hverri viku
í Kaupmannahöfn og Hamborg og
hafa erlend umboðsfyrirtæki séð
um þjónustuna hingað til.
Að sögn Páls Braga Kristjóns-
sonar hjá Hafskip er tilgangur fé-
lagsins með eigin skrifstofurekstri
að auka þjónustu við viðskipta-
menn sína, stuðla að lækkuðum
erlendum kostnaði og að þjálfa ís-
lendinga til starfa tengt íslenzk-
um hagsmunum á erlendri grund.
Arni Árnason Sveinn Kr. Pétursson
Um 12% samdráttur í
flutningum Eimskips
HEILDARFLUTNINGAR Eimskipa
félags íslands á síöasta ári voru
samtals um 566 þúsund tonn, eöa
um 12% minni en áriö á undan. Inn-
flutningur jókst um 2% en útflutn-
ingur dróst hins vegar saman um
15%, einkum vegna samdráttar í út-
flutningi á sjávarafurðum og afurð-
um stóriðju. Þessar upplýsingar
koma fram í nýlegu fréttabréfi Eim-
skips.
Flutningar fyrri hluta ársins voru
mjög miklir, en á seinni hluta árs fór
að gæta vaxandi samdráttar sem
endurspeglaöist af ástandi efna-
hagsmála hér á landi.
Á heildina litið verður árið 1982
að teljast allgott ár fyrir Eimskip.
Afkoma félagsins var góð framan
af, en mikið gengisfall íslenzku
krónunnar var þess valdandi, að
gengistap félagsins af erlendum
skuldum er óvenjulega mikið.
Niðurstöður bókhalds vegna
ársins 1982 liggja ekki fyrir, en
bráðabirgðatölur gefa til kynna,
að rekstur ársins verði ekki halla-
laus, segir í fréttabréfinu.
Hörður Sigurgestsson, forstjóri
Eimskips, sagði í samtali við Mbl.,
að endanlegar tölur um afkomuna
á síðasta ári lægju enn ekki fyrir.
Hörður gat þess ennfremur, að að-
alfundur félagsins yrði haldinn í
lok marzmánaðar.
Hvernig geta Flugleiðir
komið til móts við full-
borgandi farþega sína?
BJÖRN THEÓDÓRSSON, framkvæmdastjóri markaössviös Flugleiða, hefur
sent stórum hópi viðskiptamanna félagsins í viðskiptalífinu eftirfarandi bréf
vegna þjónustu Flugleiða við þá:
Við hjá Flugleiðum erum að
kanna með hvaða móti við getum
komið betur til móts við þá far-
þega okkar, sem borga fullt far-
gjald á millilandaleiðum félagsins.
Við höfum þegar bryddað upp á
aukinni þjónustu við þessa far-
þega, en þar verður ekki látið
staðar numið. Okkur þykir því
eðlilegast að fá álit farþega á mik-
ilvægi þjónustuliða, sem hug-
myndir hafa verið uppi um, og
hvaða viðbótarþjónusta kæmi sér
best. Því höfum við sett fram til-
lögur hér að neðan og biðjum þig
vinsamlegast að merkja við þær
með tölustöfunum 1—10 eftir
mikilvægi að þínu áliti. Það er að
segja, þjónusta, sem þú telur
skipta mestu máli yrði númer eitt
og svo framvegis.
.... Möguieiki á að bóka
ákveðið sæti í flugvélinni um
leið og farpöntun er gerð.
.... Sérstakt innritunarborð
á Keflavíkurflugvelli fyrir
fuliborgandi farþega.
.... Aðskilið farrými um
borð í flugvélunum.
.... V a 1 á milli kjöt- og fisk-
rétta á þeim leiðum, sem
fram er borin full máltíð.
.... A u 11 sæti við hlið þíns
sætis þegar það er mögulegt.
.... T ó n 1 i s t í sérstökum
heyrnartólum.
.... Póstkassi um borð í vél-
unum fyrir bréf, sem eiga að
fara í póst á ákvörðunarstað
vélarinnar.
.... K v i k m y n d a s ý n -
i n g a r meðan á flugi stend-
ur.
.... F 1 e i r i íslensk blöð og
tímarit tii lestrar meðan á
flugi stendur.
.... F 1 e i r i erlend tímarit um
borð í flugvélunum.
Annað: .........................
Rétt er að undirstrika, að við
ætlum að auka þjónustu við þá
farþega, sem ekki geta notfært sér
afsláttar- og sérfargjöld, en ekki
draga úr þjónustu við farþega,
sem ferðast á þeim fargjöldum.
Þegar þú hefur lokið við að
merkja við atriðin hér að framan
og bætt við tillögum ef þú kærir
þig um, biðjum við þig að skrifa
nafn og heimilisfang fyrir neðan
og senda blaðið í meðfylgjandi
umslagi. Ef þú vilt síður láta nafn
og heimiiisfang fylgja, þá tökum
við svarið engu að síður gilt.
Gjaldeyrisstaða Seðlabankans:
Skuldir í frjálsum gjald-
eyri jukust um 274,2% 1982
Nettógjaldeyrisstaða rýrnaöi um liðlega 8,7% á árinu
GJALDEYRISFORÐI Seðlabanka íslands var um síðustu áramót um 2.441
milljón króna og haföi aukizt um 29,15% á árinu, en foröinn var um 1.890
milljónir króna um áramótin 1981 — 1982. Þessar upplýsingar er aö finna í
Hagtölum mánaðarins fyrir febrúar.
Gulleign Seðlabankans var um
áramótin um 31 milljón króna og
hafði aukizt um 93,75% á árinu, en
gulleignin var um 16 milljónir
króna um áramótin 1981—1982.
Frjáls gjaldeyrir Seðlabankans
var um síðustu áramót um 2.374
milljónir króna og hafði aukizt um
35,27% á árinu, en hann var um
1.755 milljónir um áramótin
1981-1982.
Skuldir Seðlabankans í frjálsum
gjaldeyri voru um 947 milljónir
króna um áramótin og höfðu þær
aukizt verulega á árinu, eða um
274,3%. Skuldirnar voru um 253
milljónir króna um áramótin
1981-1982.
Nettógjaldeyrisstaða Seðla-
bankans var um áramótin um
1.494 milljónir króna og hafði
rýrnað um liðlega 8,7% á árinu, en
í árslok 1981 var staðan um 1.637
milljónir króna.
Erlendar eignir viðskiptabank-
anna voru um áramótin um 373
milljónir króna og höfðu aukizt
um 119,41% á árinu, en þær voru í
árslok 1981 um 170 milljónir
króna.
Erlendar skuldir viðskiptabank-
anna voru í árslok um 194 milljón-
ir króna og höfðu aukizt um 100%
á árinu, en þær voru í árslok 1981
FRAMFÆRSLUKOSTNAÐUR
jókst um 1,5% í Noregi í janúarmán-
uöi sl. og er um 10,1% hærri en hann
var fyrir ári síðan, samkvæmt upp-
lýsingum norsku hagstofunnar.
Þessi hækkun jafngildir 19,6% verö-
bólguhraða.
Framfærsluvísitalan var 147,8
stig í janúar, borið saman við
145,6 stig í desember, en miðað er
við grunninn 100 á árinu 1979.
Viðskiptajöfnuður Norðmanna
fyrstu ellefu mánuði ársins 1981
um 97 milljónir króna.
Nettóstaða viðskiptabankanna
var því upp á 179 milljónir króna
um áramótin og hafði batnað um
145,21%, því hún var um 73 millj-
ónir króna í árslok 1981.
Gjaldeyrisstaða bankanna, þe.
Seðlabanka og viðskiptabankanna,
var því um 1.673 milljónir króna
um áramótin og hafði rýrnað um
2,2% á árinu, en staðan var um
1.710 milljónir króna í árslok 1981.
var hagstæður um 5,1 milljarð
norskra króna, borið saman við
hagstæðan viðskiptajöfnuð upp á
13 milljarða norskra króna á sama
tíma árið 1981.
Vöruskipta- og þjónustujöfnuð-
ur voru hagstæðir um 18,4 millj-
arða norskra króna, samanborið
við hagstæðan vöruskipta- og
þjónustujöfnuð upp á 24,7 millj-
arða norskra króna á sama tíma
árið 1981.
Verðbólguhraði
19,6% í Noregi