Morgunblaðið - 23.11.1984, Blaðsíða 2

2
MORGUNBLAÐIÐ, FÖSTUDAGUR 23. NÓVEMBER 1984
Tap gegn ensku
stórmeisturunum
íslenska kvennasveitin gjörsigraði þá áströlsku
Saloaiki, 22. ■Aranbcr. Prt Áakeli Erni Kármnjni, fréturitara Mbl.
ÍSLENSKA karlasveitin á Ólympíuskákmótinu í Saloniki í Grikklandi tapaði
fyrir stórmeistarasveit Englendinga með l'/i vinningi gegn 2'/i vinningi.
íslenska kvennasveitin gerði sér hinsvegar lítið fyrir og gjörsigraði sveit
Ástralíu, með 2'/2 vinningi gegn Vu
Helgi ólafsson gerði jafntefli
við Miles á 1. borði og Margeir
Pétursson gerði jafntefli við Nunn
á 2. borði. Skák Jóhanns Hjartar-
sonar við Chandler á 3. borði fór í
bið en Jóhann náði jafntefli þegar
skákin var tefld áfram í kvöld.
Guðmundur Sigurjónsson lenti í
tímahraki á 4. borði og tapaði
fyrir Mestel.
Sovétmennirnir eru enn lang-
efstir þó þeir hafi tapað sinni
fyrstu skák í mótinu í dag er þeir
tefldu við Hollendinga. Eftir að
hafa lagt Portisch að velli í gær
gerði Beljavski sér lítið fyrir og
gersigraði Timman í dag. Ekki er
að sjá að sjálfur heimsmeistarinn
hefði gert betur á fyrsta borði.
Englendingar eru í 2. sæti og Hol-
lendingar og Rúmenar i 3. til 4.
sæti. fslenska sveitin er með 11 'k
vinning eftir 4 umferðir og er í 5.
til 6. sæti ásamt Tékkum. Kvenna-
sveitin sigraði þær áströlsku með
2'/2 vinningi gegn 'k. Guðlaug
Þorsteinsdóttir og ólöf Þráins-
dóttir sigruðu í skákum sínum og
Sigurlaug Friðþjófsdóttir gerði
jafntefli. Stúlkurnar eru nú i 15.
til 18. sæti, en þátttökusveitir eru
50.
Erró gefur Air
and Space Museum
málverkið Appolo 5
MÁLVERKIÐ „Apollo 5„ eftir Erró
var nýlega sett upp í Air and Space
Museum f Washington. Þetta safn
tilheyrir Smithsonian Institution og
eins og nafnið bendir til eru þar
sýndir hlutir sem tengjast flugi og
geimferðum.
Blm. Morgunblaðsins hafði
samband við Erró til að forvitnast
um tildrög þess að málverkið er
komið í safnið.
„Það var Matthías Johannessen
ritstjóri sem stakk upp á þvf við
mig og bandarfska sendiherrann,
Marshall Brement, að ég gæfi
safninu mynd. Þessi hugmynd
Matthíasar kom upp sl. vor, eftir
að hann hafði skoðað safnið. Hann
vildi endilega að mynd eftir mig
væri á safninu, einhver sem
tengdist geimferðum.
Marshall Brement skrifaði síð-
an til forstjóra safnsins, sem aftur
skrifaði mér og stakk upp á þess-
ari mynd, Apollo 5. Það var svolít-
ið merkilegt, því þetta var eina
myndin sem ég átti sjálfur eftir úr
þessari seríu. Eg er mjög ánægður
með að hafa mynd eftir mig á
þessu safni því mér finnst þetta
skemmtilegasta safn f heiminum
og þangað kemur fólk f milljóna-
tali. Það var gott að Matthiasi
datt þetta i hug, þvf mér hefði
aldrei dottið það f hug.“
— Við hvaða verkefni ert þú að
vinna núna?
„Undanfarna mánuði hef ég ver-
ið að vinna fyrir Renault. Ég hef
þegar lokið við að gera fjögur stór
málverk og á eftir að gera önnur
fjögur til viðbótar, 4x7 metrar að
stærð, og margar minni myndir.
Þessar myndir verða sýndar á
einkasýningu í gömlu klaustri ná-
lægt Arles í Suður-Frakklandi eft-
ir u.þ.b. tvö ár. Og í tengslum við
sýninguna verður gefin út lit-
prentuð bók. Ég ætla að skreppa
til Thailands núna og halda siðan
áfram með þetta verkefni þegar ég
kem aftur,“ sagði Erró að lokum.
MorgunblmðiA/Árni Snberg
Handsprengjurnar sem komu upp úr Reykjavíkurhöfn voru virkar og gátu sprungið hvenær sem var. Á myndinni
sést greinilega f förin á einni sprengjunni f leðjunni sem upp kom þegar starfsmenn Landhelgisgæslunnar létu
moka sprengjunum upp á hafnarbakka. Mynd til hægri sýnir hvar sprengjusérfræðingur Landhelgisgæslunnar hlóð
mörgum kílóum af dýnamíti utan um skotin og sprengjurnar og sprengdi síðan í loft upp á afviknum stað.
Reykjavíkurhöfn:
TVö þúsund skot og
fimm handsprengjur
f GÆR héldu starfsmenn Landhelgisgæslunnar áfram að kafa eftir skot-
færum í Reykjavfkurhöfn. Fundu þeir fjölda skota til viðbótar þeim sem
þeir fundu í fyrradag og 5 handsprengjur. f allt fundust um 2 þúsund skot
í hríðskotabyssur. Sprengjusérfræðingur Landhelgisgæslunnar sprengdi
handsprengjurnar og skotin á afviknum stað í gær.
Gylfi Geirsson sprengjusér-
fræðingur Landhelgisgæslunnar
sagði í samtali við blaðamann
Mbl. í gær að handsprengjurnar
hefðu verið virkar. Handföngin
hefðu verið brotin af þeim og
öryggispinnarnir farnir af og það
eina sem komið hefði f veg fyrir
að þær spryngju væri ryð og sjáv-
argróður sem sest hefði að þeim.
Handsprengjunum var mokað
upp á hafnarbakkann með krana
og aftur þaðan upp á vörubifreið
með stálpalli fullum af sandi, þvf
óttast var að þær kynnu að
springa þegar við þeim væri
hróflað. Var hafnarsvæðinu lokað
af á meðan á þessum aðgerðum
stóð. Siðan var dótinu ekið upp á
Sandskeið þar sem Gylfi sprengdi
skotin og handsprengjurnar. Þor-
valdur Axelsson hjá Landhelgis-
gæslunni, sem stjórnaði köfun-
inni, sagði að búið væri að kanna
botninn í höfninni þar sem þessi
hergögn, sem að öllum líkindum
eru frá stríðsárunum, hefðu fund-
ist og vonaðist hann til að þar
væri ekki fleira af því tagi að
finna.
14 % hækkun á
tryggingabótum
Mæðralaun og barnabætur hækka um 17 %
MATTHÍAS Bjarnason, heilbrigðis-
og tryggingaráðherra, gaf út í gær
reghigerð um hækkun bóta al-
mannatrygginga. Hækkunin tók
gildi 1. nóvember og nemur hún 14%
á öllum bótaflokkum nema mæðra-
launum og barnabótum, en þar nem-
ur hún 17% frá sama tíma.
Með þessum hækkunum er
stefnt að þvf að ná upp kaupmátt-
arrýrnun sem orðið hefur. Einnig
er tekið mið af launaskriði og bót-
um, sem fengust með samningun-
um. Áður, eða þann 1. september,
höfðu bótaupphæðir almanna-
Viljum fá fólk metið á
faglegum grundvelli
— segir Friðbjöm Sigurðsson formaöur
Félags læknanema um hugmyndir
um inntökupróf f læknadeild
„I SJÁLFU sér koma þessar hugmyndir okkur sem nú erum í læknadeild
minnst við en við teljum að þetta hafi slík áhrif í skólakerflnu öllu, ekki
síst fyrir nemendur menntaskólanna, að læknadeild geti ekki tekið slíka
stefnu og þetta verði að ákvarðast við heildarstefnumótun í menntamál-
um,“ sagði Friðbjörn Sigurðsson, formaður Félags læknanema við Há-
skólann, í samtali við blaðamann Mbl. um þær hugmyndir að viðhafa
inntökupróf í læknadeild sem til umræðu hefur verið að undanflfrnu.
Friðbjörn sagði að öllum væri björn að ef til vill væri hægt að
ljós nauðsyn þess að velja fólk til
læknanáms en engin algild leið
væri fyrir hendi til þess. Stjórn
félagsins vildi að fólk yrði metið
á faglegum grundvelli og það
væri ekki hægt að gera fyrr en
það hefði fengið tækifæri til að
hefja læknisnám. Sagði Frið-
stytta þennan reynslutíma
eitthvað, til dæmis niður í hálft
ár, en útilokað væri að meta fólk
með neinni sanngirni fyrr en það
væri komið inn í skólann. Þá
gagnrýndi hann hugmyndir um
inntökupróf á þeim forsendum
að nemendur þyrftu að mennta
sig sérstaklega fyrir það en það
væri tímasóun og hefði fjár-
hagslegt tap í för með sér fyrir
þá, þar sem búast mætti við þvf
að sumarið færi i námið. Þá
sagðist hann vita til að margir
rektorar menntaskólanna væru
á móti inntökuprófi þar sem með
því yrði stúdentsprófið gert
ómerkt og ef Háskóli íslands
tæki það ekki gilt, hvernig væri
þá hægt að ætlast til að erlendir
háskólar gerðu það.
Friðbjörn sagði að stjórn Fé-
lags læknanema hefði boðað til
opins fundar um þetta mál undir
yfirskriftinni: „Inntökupróf í
Háskóla íslands?" Fundurinn
verður haldinn í hátíðarsal Há-
skólans næstkomandi fimmtu-
dag, 29. nóvember.
trygginga hækkað um 3%. Svo
dæmi sé tekið voru mæðralaun
með einu barni 1.288 kr. 1. júní,
1.327 kr. 1. sept. og 1.553 kr. frá 1.
nóvember. örorkulífeyrir ellilíf-
eyrisþega var 3.445 kr. 1. júní,
3.548 kr. 1. sept. og 4.045 kr. 1.
nóvember. Að sögn Matthíasar
Bjarnasonar mun þessi hækkun
kosta ríkissjóð 62 milljónir króna
fram til áramóta og um 373 millj-
ónir á næsta ári.
Á fundi, þar sem heilbrigðis- og
tryggingaráðherra kynnti reglu-
gerðina, kom einnig fram að 1.
júní hafi tekjumörk tekjutrygg-
ingar verið endurskoðuð. Þá var
frftekjumark ákveðið 41.670 krón-
ur, en við 170.285 króna árslaun
féll tekjutrygging niður. Eftir 1.
nóvember fellur tekjutrygging
niður þegar árstekjur fara upp
fyrir 193.000 krónur. í þessum töl-
um er miðað við bótahækkanir 1.
sept og 1. nóv. sl.
Að síðustu var kynnt reglugerð
um breytingar á reglugerðum um
greiðslur sjúkratryggðra. Helstu
breytingar eru þrjár. í fyrsta lagi
skal það verð, sem samlagsmenn í
sjúkrasamlögum skulu greiða
samlagslækni sínum, þ.e. 75 kr.
fyrir hvert viðtal á lækningastofu
og 110 krónur fyrir hverja vitjun
læknis til sjúklings, verða óbreytt
næsta árið.
1 öðru lagi verður sett fast verð
á lyfjamagn, sem miðast við
100—120 daga notkun, fyrir elli-
og örorkulífeyrisþega. Nú greiða
þeir 50 krónur fyrir lyf samkvæmt
Lyfjaverðskrá I og 100 krónur
fyrir erlend sérlyf samkvæmt
Lyfjaverðskrá II. Áður greiddu
þeir 50% af því verði, sem aðrir
greiddu.
í þriðja lagi er um að ræða
breytingar á 3. gr. um greiðslur
sjúkratryggðra á sérfræðihjálp f
rannsóknum og röntgengreiningu.
Þar er ítrekað að ekki er leyfilegt
að krefja sjúkling um nema eina
greiðslu fyrir hverja komu og
skiptir ekki máli hve margar teg-
undir rannsókna ásamt viðtali er
um að ræða.
Morgunblaðið/Júllus
Frá hlaóamannafundinum. Páll Sigurðsson, ráðuneytisstjóri, Lv. Matthías
Bjarnason, heilbrigðis- og tryggingaráðherra og Ingimar Sigurðsson, deildar-
stjóri.