Morgunblaðið - 05.12.1984, Blaðsíða 28

28
MORGUNBLAÐIÐ, MIÐVIKUDAGUR 5. DESEMBER 1984
Ósk og Atli við vinnuna.
Morgunblaðið/Sigurgeir.
Doddi vinnur sitt verk þó blindur sé af ótrúlegri lagni, en þarna er hann að
þræða kveikinn, sem vaxið hleðst síðan utan á.
Vestmannaeyjar:
Framleiða 6 þúsund kerti á
dag á vernduðum vinnustað
V eHtmannaeyjum, 20. nóvember.
f SEPTEMBERMÁNUÐI sl. tók hér til starfa kertaverksmiðja sem hlaut
nafnið Heimaey og er framleiðsla verksmiðjunnar seld undir því vöruheiti.
Verksmiðja þessi er svokallaður verndaður vinnustaður sem hefur það að
markmiði að gefa því fólki kost á atvinnu sem ekki er samkeppnisfært á
hinum almenna vinnumarkaði vegna fótlunar. Verksmiðjan er til húsa í nýju
500 fm húsi við Faxastíg og var húsið byggt að raestu fyrir gjafafé frá
fjölmörgura einstaklingum, fyrirtækjum og félagasamtökum í Eyjum, auk
þess sem Framkvæmdasjóður fatlaðra hefur lagt fé í fyrirtækið.
Morgunblaðsmenn heimsóttu
kertaverksmiðjuna Heimaey á
dögunum og ræddu þar stuttlega
við forstöðumann verksmiðjunn-
ar, Bjarna Jónasson. Auk Bjarna
starfar Vilhjálmur Árnason hjá
verksmiðjunni sem verkstjóri svo
og 15 manns á tvískiptum vöktum.
„Fólk þetta flest býr við skerta
starfsorku og átti fárra kosta völ á
starfi við sitt hæfi áður en þessi
verndaði vinnustaður komst í
gagnið. Fólkið vinnur mjög vel, af-
kastar miklu og ég hef orðið var
við það að það er ánægt hérna,“
sagði Bjarni Jónasson. Bjarni
sagði einnig að vélakostur verk-
smiðjunnar hefði verið keyptur
frá Danmörku og væri ein dýf-
ingavél komin í gagnið og unnið
væri að uppsetningu á frekari
vélakosti. Á næstunni verður haf-
in framleiðsla á steyptum kertum
og einnig sérlega útbúnum útiljós-
um sem Bjarni taldi henta vel til
skreytinga á leiðum og um jól og
áramót.
Kerti frá Heimaey hafa líkað
vel og sem dæmi um góðar undir-
tektir Vestmanneyinga við þessari
framleiðslu má geta þess að JC-fé-
lagar í Eyjum gengust á dögunum
fyrir sölukynningu á kertunum
eina helgi og seldust 10.000 kerti.
Aðaláherslan til að byrja með hef-
ur verið lögð á dýfð kerti og er
dýfingin framkvæmd með tölvu-
stýrðri vél og þykir þessi aðferð
mjög góð, að sögn Bjarna Jónas-
sonar. „Dýfð kerti eru mjög góð,“
sagði Bjarni, „þau eru lengur að
brenna, renna ekki né sóta og því
tel ég vera betri kaup í dýfðum
kertum en öðrum. Við höfum
framleitt um 6.000 kerti á dag að
undanförnu og gerum ráð fyrir að
framleiða á ári um 75 tonn af
kertum, mest höfum við framleitt
af aðventu- og veislukertum, en
við bjóðum 5 tegundir af dýfðum
kertum í 20 litatilbrigðum. Varan
hefur ekki staðið við hjá okkur,
við getum tæplega annað eftir-
spurninni og alls ekki núna á þess-
um mesta annatíma ársins fyrir
jólin.“
Það kom fram í máli Bjarna að
versmiðjan væri þegar komin í út-
flutning á kertum og rétt fyrir
verkfallið stóra hefði farið stór
pöntun til Svíþjóðar. Verksmiðjan
hefur viðskiptasambönd við aðila í
Danmörku sem annast sölu fyrir
verksmiðjuna á Norðurlöndunum
og þá sagðist Bjarni vera að vinna
að því nú að komast í samband við
söluaðila í Seattle í Bandaríkjun-
um, þar væri stór markaður og
von um gott verð. Aðspurður um
verð á kertum frá Heimaey sagði
Bjarni að þeirra verð væri ósköp
svipað og hjá öðrum og sennilega
eilítið lægra en á innfluttum kert-
um.
Að lokum var Bjarni Jónasson
inntur eftir framtíðarmöguleikum
þessa nýja fyrirtækis. „Eftir þeim
viðtökum sem framleiðsluvara
okkar hefur fengið tel ég ástæðu
til þess að vera bjartsýnn á að
þessu fyrirtæki farnist vel í fram-
tíðinni. Við teljum þennan stað
hafa komið að þeim notum sem
stefnt var að og virðist hafa bætt
úr brýnni þörf. Það fólk sem hér
hefur starfað unir sér vel.“
—hkj.
Bjarni Jónasson
við vaxpottinn,
sjá má að kerti
eru farin að myndast á
grindunum, sem sjást.
VI. Flugleiðaskákmótið:
Búnaðarbank-
inn sigraði
Sveitir Útvegsbanka og Flugleiða eigast við. Á myndinni eru, talið frá vinstri: Gunnar Gunnarsson, (fremst),
Björn Þorsteinsson, Elvar Guðmundsson og Björn Theodórsson.
SÍÐASTA laugardag og sunnudag
24. og 25.11. 1984 fór fram á Hótel
Loftleiðum VI. Flugleiðaskákmót-
ið. í mótinu tóku þátt 24 þriggja
manna sveitir frá fyrirtækjum og
taflfélögum, og var helmingur
þátttökusveita utan af landsbyggð-
inni. Teflt var í einum flokki, 23
umferðir, þannig að dagskráin var
erfið, teflt frá kl. 9—18 báða dag-
ana, með matar- og kaffihléum.
Mótshald þetta er Flugleiðum hf.
til mikils sóma, en skipulag og
framkvæmd var að vanda í hönd-
um Hálfdáns Hermannssonar og
Andra Hrólfssonar. Skákmenn
þeir, sem þátt hafa tekið í þessum
mótum, eru á einu máli um að
aldrei hafi þeir tekið þátt í skák-
móti, sem er eins vel að staðið og
Flugleiðaskákmótið.
Mótið nú var ekki eins spenn-
andi og undanfarin ár og lauk
með öruggum sigri sveitar Bún-
aðarbanka íslands. Þetta er í
fjórða skiptið, sem Búnaðar-
bankinn vinnur Flugleiðaskák-
mót, en aldrei hefir sigurinn ver-
ið eins öruggur og nú. Sveitin
hélt forystunni frá 8. umferð og
til loka og hafði þá sex vinninga
forskot. Sveitina skipuðu: Bragi
Kristjánsson, Hilmar S. Karls-
son, Guðmundur Halldórsson og
Stefán Þormar Guðmundsson. I
öðru sæti varð sveit Skákfélags
Akureyrar, en í þeirri sveit
telfdu: Gylfi Þórhallsson, Pálmi
R. Pétursson, Jón G. Viðarsson
og Jakob Kristinsson. Akureyr-
ingarnir voru nokkuð mistækir,
en undir lokin náðu þeir sér á
strik og unnu þá m.a. öruggan
sigur á Búnaðarbankanum, 3—0.
í þriðja sæti kom sigursveitin
frá síðasta ári, Einar Guðfinns-
son hf. Bolungarvík, en í þeirri
sveit tefldu: Halldór G. Einars-
son, Ágúst S. Karlsson, Daði
Guðmundsson og Sæbjörn Guð-
finnsson. Bolvíkingarnir náðu
sér aldrei nógu vel á strik t,il að
endurtaka glæsilega frammi-
stöðu í fyrra, en þeir sýndu þó,
að sigurinn þá var engin tilvilj-
un.
Heildarúrslitin urðu: (Vinn-
ingar af 69 mögulegum):
1. BúnaAabanki Islands 54 ▼.
2. Skákfélag Akureyrar 48 ▼.
3. Kinar (iudHnnsson hf. 47Ví ▼.
4. íslenaka járnblendifélagið hf. í&Zt ▼.
5.-6. Flugleiéir hf. 45 ▼.
5.-6. VerkamannabÚMtaóir 45 ▼.
7.-8. Dagblaóió og Vfair 43'/i ▼.
7.-8. CtvegHbanki íslands 43Vi ▼.
9. liógmenn Kánargdtu 43 ▼.
10. Kíkfaspítalar 42 ▼.
11. Taflfélag Garúabcjar 41'/i ▼.
12. Landsbanki íalands'/ib.éO1/! ▼.
13. Jón FriAgeir Einaraaon 38 ▼.
14. FjöIbrautankóli SuAurnenja 34*/* ▼.
15. Taflfélag Nordfjarðar 33 ▼.
'B. Taflfélag faafjardar 31 ▼.
17. Veduretofan 30*/i ▼.
18. Skákklúbbur KEA 28*/i ▼.
19. SolumkWstöó hraófrystihúsanna 24*/i ▼.
20. Skákfélag SauóárkrókH 22V: ▼.
21. Póotur og HÍmi 17*A ▼.
22. ÍSAL 16 ▼.
23. Taflfélag Vestmannaeyja 10 ▼.
24. Trauati 3*/i ▼.
Verðlaunin á móti þessu eru
glæsileg. Sigursveitin fær veg-
legan farandgrip og helgarferð
til Akureyrar, önnur verðlaun
eru flugfarseðlar innanlands, og
þriðju verðlaun eru kalda borðið
á Hótel Loftleiðum. Flugleiða-
menn hafa að auki verðlaun
fyrir besta árangur á hverju
borði, og til að auka spennuna
eru þau verðlaun betri en verð-
laun sigursveitarinnar, þ.e.
flugfarseðill á einhverri flugleið
félagsins erlendis.
Þetta finnst mörgum
einkennilegt þar eð mótið er
sveitakeppni en óneitanlega eyk-
ur þetta spennuna mikið.
Besti árangur á 1. borði:
1. Elvar Guðmundsson Flugleið-
um hf., 18 lÁ v.
2. Ásgeir Þ. Árnason Lögmenn
Ránargötu, 17% v.
3. Jóhannes Gísli Jónsson
Verkamannabústöðum, 17 v.
Elvar er starfsmaður Flug-
leiða og afhenti því Ásgeiri Þ.
verðlaunin.
Besti árangur á 2. borði:
1. Ágúst Karlsson, Einar Guð-
finnsson hf., 20 v.
2. Tómas Björnsson DV, 17 v.
3. Hilmar Karlsson Búnaðar-
banka íslands, 16% v. (af 22).
Besti árangur á 3. borði:
1. Jón Garðar Viðarsson Skákfé-
lagi Akureyrar, 20% v.
2. Guðmundur Halldórsson
Búnaðarbanka íslands, 20 v.
3. Þráinn Sigurðsson ísl. járn-
blendifélaginu hf., 17 v.
Allir verðlaunahafarnir eru
ungir menn í fullri þjálfun nema
Þráinn Sigurðsson. Það er
stórglæsilegt afrek hjá honum
að ná þriðja besta árangri á 3.
borði 72 ára.