Morgunblaðið - 02.02.1985, Blaðsíða 26
26
*
MORGUNBLAÐIÐ, LAUGARDAGUR 2. FEBRtJAR 1985
Góð kaup
Medisterpylsa nýlögtið kr. kg. 130,00
Paprikupylsa aöeins kr. kg. 130,90
Óöalspylsa kr. kg. 130,00
Kjötbúöingur kr. kg. 130,00
Kindakæfa kr. kg. 155,00
Kindabjúgu kr. kg. 153,00
Kindahakk kr. kg. 127,00
10 kg. nautahakk kr. kg. 175,00
Hangiálegg kr. kg. 498,00
Malakoff álegg kr. kg. 250,00
Spægipylsa í sneiöum kr. kg. 320,00
Spægipylsa í bitum kr. kg. 290,00
Skinka álegg kr. kg. 590,00
London lamb álegg kr. kg. 550,00
Bacon sneiöar kr. kg. 135,00
Bacon stykki kr. kg. 125,00
Þessi verd eru langt undir heiidsöiuveröi.
Gerid gáð kaup.
Bandaríkin:
Frostið 54
stig í Utah
New York, 1. febrúar. AF.
JÖKULKALT heimskautaloft hef-
ur læst kuldatönnum sínum um
hálf Bandaríkin og má sem dæmi
um það nefna, að á fimmtudag
mældist 54 stiga frost í Utah.
Vitaö er um fimm menn sem
hafa frosið í hel í kuldanum og
skólastarf hefur lagst niður í
mörgum ríkjum. I byggðum
indíána er fólk víða einangrað
vegna mikilla snjóa og hefur
orðið að flytja til þess mat, lyf
og klæði með þyrlum og fóður
fyrir skepnurnar. Snjó hefur
kyngt niður í kuldaskilum og
hafa bændur í Arizona og sums
staðar í Texas orðið að taka allt
sitt fé á gjöf.
ísraelar:
Neita ásök-
unum um
pyntingar
Onf, 31. janúar. AP.
ÍSRELAR neita því harðlega að
nokkuð sé hæft í þeirri ásökun
Alþjóðanefndar lögfræðinga, að
arabar, sem sitja í fangelsi á
hernámssvæði þeirra í Jórdaníu,
hafi sætt pyntingum.
f skýrslu nefndarinnar segir,
að fangar í Fara-búðunum,
sem eru fyrir norðaustan borg-
ina Nablus, hafi sætt mis-
þyrmingum fangavarða og þeir
neyddir til að játa á sig ósann-
ar sakir. Fangarnir hafi m.a.
verið barðir, sviptir svefni og
mannsæmandi mat, og mein-
aður aðgangur að salernum.
Alþjóðanefnd lögfræðinga,
sem aðsetur hefur í Genf, er
félagsskapur lögfræðinga í um
40 löndum. í skýrslu nefndar-
innar segir að upplýsingar um
pyntingar í Fara-búðunum séu
byggðar á viðtölum við 20 fyrr-
um fanga þar.
Nial Macdermot, fram-
kvæmdastjóri nefndarinnar,
sagði í dag að hann tæki ekki
svar ísraela alvarlega. Það
væri aðeins til marks um reiði
þeirra yfir því að upplýsingum
um pyntingarnar hefði verið
komið á framfæri.
V-Þýskaland:
Flúði af
ísbrjót
(Jorleben, Vestur-Þýsknlnndi, 1. febrúnr. AP.
VÉLAMAÐUR á austur-þýskum
ísbrjóti á Saxelfi neytti færis þeg-
ar skipið fór nærri vesturbakkan-
um og flúði yfir til Vestur-Þýska-
lands.
Að sögn lögreglunnar voru
fjórir austur-þýskir ísbrjótar að
ryðja skipum siglingaleið eftir
Saxelfi, skammt fyrir sunnan
Hamborg, þegar manninum
tókst að flýja. Gerðist það sl.
fimmtudagskvöld. Að venju var
ekki sagt frá nafni flóttamanns-
ins.
í nauðungarvinnu
Hráefnistekja til Bai Bang-pappírsverksmiðjunnar í Víetnam, sem byggð var fyrir fé sænsku þróunarstofnunar-
innar og Svíar styrkja árlega, er að mestu leyti í höndum nauðungarverkamanna, sem flestir eru konur. Hér er
einn þrælanna að störfum og er hann ungur að árum og ekki hár í lofti.
Hryðjuverk Rauða hersins:
Kunnur v-þýzkur
iðjuhöldur myrtur
(■ulinfi, Vestur-Þýskalandi, I. febrúur. AP.
VINSTRISINNAÐIR hryðjuverkamenn úr Rauða hernum réðust í morgun
inn á heimili kunns iðjuhölds og særðu hann til ólífs að sögn lögreglunnar.
Það var á áttunda tímanum í
morgun, sem hryðjuverkamenn-
irnir, maður og kona, réðust inn á
heimili Ernst Zimmermanns, for-
stjóra fyrir stórfyrirtækinu Mot-
oren- und Turbinen-Union í
Múnchen, bundu hann og skutu
síðan í höfuðið. Bundu þeir einnig
konu hans og kefluðu áður en þeir
hurfu á braut. Zimmermann lést
síðar í sjúkrahúsi.
Alexander Prechtel, talsmaður
saksóknarans í Karlsruhe, sagði
að árla morguns hefði ung kona
hringt dyrabjöllunni á heimili
Zimmermanns og sagt konu hans,
að hún væri með bréf, sem hann
þyrfti að kvitta fyrir. Þegar
Zimmermann kom til dyranna
ruddist karlmaður með hríðskota-
byssu inn í húsið ásamt konunni
og neyddu þau hjónin til að leggj-
ast á gólfið. Þegar þau höfðu
bundið og keflað konu Zimmer-
manns drógu þau hana inn í annað
herbergi og skutu siðan einu skoti
í höfuð manns hennar. Að því
búnu flúðu þau á brott.
Yfirvöld eru í engum vafa um,
að vinstrisinnaðir hryðjuverka-
menn úr Rauða hernum hafi verið
hér að verki enda fannst fyrir
nokkru úrklippa úr dagblaði með
nafni Zimmermanns í fórum eins
þeirra. Aðeins frá því í desember
hafa verið 60 íkveikjur og
sprengjutilræði í Vestur-Þýska-
landi og er meira en helmingurinn
með vissu kenndur Rauða hernum.
Aukin olíueftirspurn í
kjölfar OPEC-fundarins
New York, 1. fehrúar. AP.
OLÍUVERÐ hækkaði á olíumarkað-
inum í New York vegna meiri eftir-
spurnar í kjölfar samkomulags þess,
sem meiri hluti OPEC-ríkjanna
gerði um lítils háttar lækkun á olíu-
verði sínu. Skoðanir eru samt mjög
skiptar um það á meðal sérfræðinga
í olíuviðskiptum, hvort fundur
OPEC-ríkjanna í Genf hafi orðið til
þess að skapa meiri festu á olíu-
markaðinum.
Talið er, að aukin olíueftirspurn
nú eigi rót sína að rekja til þess,
að olíuhreinsunarstöðvar hafi
frestað olíukaupum sínum, þar til
málin skýrðust á olíumarkaðinum.
Jafnframt er álitið, að spákaup-
mennska hafi að nokkru ráðið
ferðinni, þar sem bollaleggingar
hafa verið uppi um, að olíumark-
aðurinn kynni kannski að hrynja
saman með þeim afleiðingum, að
olíuverðið snarlækkaði.
Miklu máli þykir skipta á næst-
unni, hvort OPEC-ríkjunum 13
tekst að halda sér við kvótaskipt-
ingu þá á olíuframleiðslunni, sem
þau höfðu komið sér saman um.
Fari svo, þá verður eftirspurnin
eftir olíu einnig mikil í vor, enda
þótt eftirspurnin minnki almennt
með vorinu.
Haft var eftir David West, olíu-
málaráðherra Nígeríu í dag, að
Alsír, Líbýa og íran myndu ekki
geta selt olíu sína á hærra verði en
því, sem hin OPEC-ríkin hefðu
samþykkt. Þessi þrjú lönd neituðu
á fundinum í Genf að eiga samleið
með öðrum OPEC-ríkjum við
ákvörðun olíuverðsins, en fjórða
landið, Gabon, sat hjá við at-
kvæðagreiðslu á fundinum.
Barn sett í örbylgjuofn
Adelaide, Á.stralíu, 30. janúar. AP.
ÞRÍTUGUR Ástrali, Robert Roy
Mcquade, hefur verið kærður fyrir
að misþyrma fimm mánaða barni
sambýliskonu sinnar tvívegis og í
annað skipti stinga því inn í ör-
bylgjuofn.
Barnið skaddaðist og brennd-
ist mikið og varð að nema brott
af því þrjár tær og gera á því
skinngræðslur, einkum á fótum.
Það hlaut einnig áverka á höfði.
Þetta gerðist þegar Mcquade var
að passa barnið að móðurinni
fjarstaddri.
Fyrra atvikið varð þann 21.
október. Maðurinn stakk þá
barninu inn í ofninn og kveikti á.
í seinna skiptið réðst hann á
barnið sofandi og lamdi það í
höfuðið.