Morgunblaðið - 13.02.1985, Blaðsíða 5
MORGUNBLAÐIÐ, MIÐVIKUDAGUR 13. FEBRÚAR 1985
5
Sjö hverfafundir borgarstjóra í febrúar:
Markmiðið að efla tengsl
borgarbúa og borgaryfirvalda
— segir Davíð Oddsson borgarstjóri
DAVÍÐ Oddsson, borgarstjóri, hefur ákveðið aö endurvekja hverfafundi
með íbúum borgarinnar, og verða haldnir sjö fundir á sjö stöðum í
borginni nú í febrúar. Hverfafundir borgarstjóra voru fastur liður um
árabil en féllu niður í tíð vinstri meirihlutans. Að sögn borgarstjóra verða
þeir nú endurvaktir í þeim tilgangi fyrst og fremst að efla tengsl milli
borgarbúa og borgaryfirvalda og kynna stöðu borgarmála.
Davíð Oddsson sagði í samtali
við Morgunblaðið að markmið
þessara funda væri þríþætt: „í
fyrsta lagi hef ég áhuga fyrir að
gera grein fyrir því helsta sem á
döfinni hefur verið hjá Reykja-
víkurborg undanfarin tvö og
hálft ár. Og i framhaldi af því, er
stöðu mála hefur verið lýst, hvað
sé fyrirsjáanlegt á þessu ári og
einnig, eftir því sem hægt er, á
hinu næsta. I öðru lagi er hugs-
unin sú, að leita eftir ábending-
um og hugmyndum Reykvíkinga,
bæði almennt um borgarrekstur-
inn og hvað betur megi fara hér
í borginni, en þó ekki síður sér-
staklega í einstökum borgar-
hverfum, þar sem hver og einn
þekkir betur til, heldur en við
hér hjá borginni. Þannig getum
við ef til vill fengið góðar ábend-
ingar um hin ýmsu mál er snerta
einstök hverfi. í þriðja lagi er
ætlunin að reyna að svara
spurningum, sem fram kunna að
koma, eftir því sem hægt er og
eftir því sem tilefni gefst til,
leita svara við spurningum og
koma þeim til manna fljótlega
eftir viðkomandi fund," sagði
borgarstjóri.
Davíð Oddsson, borgarstjóri, hefur
ákveðið að endurvekja hverfafundi
með borgarbúum.
„Ég tel, að fundir sem þessir
hafi hér á árum áður verið mjög
gagnlegir," sagði borgarstjóri
ennfremur. „Ekki bara fyrir
íbúa í einstökum hverfum, sem
fengu þannig mynd af stöðu
borgarmála, heldur ekki síður
fyrir borgaryfirvöld, sem gátu
dregið töluverðan lærdóm af
þessum fundum og hrint í fram-
kvæmd sumum þeim ábending-
um sem þar komu fram. Einatt
eru smávægilegir þættir í hinum
ýmsu borgarhverfum, sem fara
framhjá borgaryfirvöldum og
því gott að fá ábendingar um þá.
Eins kunna að vera mál, stærri í
sniðum, og borgarbúum gefst
þarna kjörið tækifæri til að hafa
áhrif á afgreiðslu og þróun
þeirra í meðförum borgaryfir-
valda. Tilgangurinn er sem sagt
fyrst og fremst að efla tengslin
milli borgarbúa og borgaryfir-
valda og kynna stöðu mála í
Reykjavík í nútíð og framtíð,"
sagði Davíð Oddsson.
Fyrsti hverfafundur borgar-
stjóra að þessu sinni verður
laugardaginn 16. febrúar nk.
fyrir íbúa Laugarnes- og Lang-
holtshverfis, í Glæsibæ, og hefst
hann klukkan 14.30. Sunnudag-
inn 17. febrúar verður fundur í
Átthagasal Hótel Sögu klukkan
14.30 fyrir íbúa Nes- og Mela-
hverfis og Vestur- og Miðbæj-
arhverfis. Þriðji fundurinn verð-
ur haldinn þriðjudaginn 19.
febrúar fyrir íbúa Austurbæjar,
Norðurmýri, Hlíða- og Holta-
hverfis í Domus Medica og hefst
hann klukkan 20.30. Miðvikudag-
inn 20. febrúar verður fundur í
Félagsheimili Hreyfils við
Grensásveg fyrir íbúa Háaleit-
is-, Smáíbúða-, Bústaða- og"
Fossvogshverfis og hefst hann
klukkan 20.30. Fimmti fundur-
inn verður haldinn laugardaginn
23. febrúar í Menningarmiðstöð-
inni við Gerðuberg, klukkan
14.30, fyrir íbúa Breiðholts-
hverfa. Sunnudaginn 24. febrúar
verður fundur í Félagsmiðstöð-
inni Árseli, klukkan 14.30, fyrir
íbúa Árbæjar- og Seláshverfa.
Sjöundi og síðasti fundurinn að
þessu sinni verður þriðjudaginn
26. febrúar í Veitingahúsinu
Ártúni, klukkan 20.30, fyrir íbúa
í Grafarvogi.
Sovéski bladafulltrúinn um sjónvarpsskerminn:
„Verðum í sambandi við
viðeigandi stofnanir“
„ÉG upplýsi með ánægju, að sov-
éska sendiráðið mun verða í sam-
bandi við viöeigandi ríkisstofnanir
vegna þessa máls.
Annað hef ég ekki um málið að
segja," sagði Viktor Trofimov
blaðafulltrúi sovéska sendiráðsins
í samtali við Morgunblaðið í gær,
er hann var spurður með hvaða
hætti sovéska sendiráðið myndi
bregðast við athugasemdum bygg-
inganefndar Reykjavíkur, vegna
staðsetningar sjónvarpsmóttöku-
skerms á húsnæði sovéska sendi-
ráðsins við Garðastræti í Reykja-
vík.
Aðstoð við húsbyggjendur í greiðsluerfiðleikum:
50—150 þúsund króna
lán til 5—10 ára
— Veitt fyrir milligöngu ráðgjafar-
þjónustu í Húsnæðisstofnun
ÁKVKDID hefur verið að stofna nýj-
an lánaflokk hjá Byggingasjóði ríkis-
ins til að veita þeim húsbyggjendum
sem eiga í greiðsluerfiðleikum lán.
Þann 19. febrúar nk. verður komið á
fót tímabundinni ráðgjafarþjónustu
hjá Húsnæðisstofnun ríkisins og
mun hún hafa það hlutverk að leið-
beina fólki sem komið er í greiðslu-
erfiöleika og kanna hvort grundvöll-
ur er til lánveitinga samkvæmt hin-
um nýja lánaflokki. Lánin verða á
bilinu 50 til 150 þúsund kr. og veitt
til 5 til 10 ára.
Settar hafa verið reglur um
lánveitingar vegna greiðsluerfið-
leika og hafa þær verið kynntar í
fréttatilkynningu frá Húsnæðis-
stofnun ríkisins. Þeir einir eru
lánshæfir sem fengið hafa lán úr
Byggingarsjóði ríkisins á árunum
1980—84 til að byggja eða kaupa
íbúð í fyrsta sinn. Umsækjandi
þarf jafnframt að fullnægja eftir-
farandi skilyrðum: Fjárhagsvandi
hans þarf að vera til orðinn vegna
fjármögnunar íbúðarhúsnæðis af
hóflegri stærð miðað við fjöl-
skyldustærð. Greiðsluerfiðleikar
hans þurfa að vera það miklir að
hann sé í verulegri hættu með að
missa íbúð sína nema bráð aðstoð
komi til. Vanskilaskuldir vegna
íbúðarinnar, sem í gjalddaga eru
fallnar fyrir 1. janúar 1985 verða
að jafnaði að nema a.m.k. 150 þús-
und. Þá verða aðrir lánamöguleik-
ar að vera fullkannaðir og nýttir.
Ef umsækjandi er með skamm-
tímalán í bönkum og sparisjóðum,
sem hann á í erfiðleikum með að
greiða af skal jafnhliða aðstoð
Húsnæðisstofnunar beina þeim
tilmælum til viðkomandi lána-
stofnunar að umsækjanda verði
gefinn kostur á skuldbreytingu
þeirra lána til lengri tíma. Stefnt
er að því að um þetta efni verði
gert sérstakt samkomulag við
banka og sparisjóði. Umsóknar-
eyðublöð vegna þessara nýju lána
verða tilbúnar til afhendingar 19.
febrúar en umsóknarfrestur er til
1. júní nk.
Fulltrúar Voest-
Alphine komu til
landsins í dag
TVEIR fulltrúar austurríska fyrir-
tækisins Voest-Alphine koma til
landsins í kvöld og dvelja hérlendis
í tvo daga til að kynna sér aðstæður
til rekstrar kísilmálmverksmiðju við
Reyðarfjörð.
Voest-Alphine er eitt af stærstu
fyrirtækjum í Austurríki í stál-
iðnaði og rekur það stóriðjufyrir-
tæki víðs vegar í heiminum. Full-
trúar fyrirtækisins munu m.a.
fara til Reyðarfjarðar og skoða
aðstöðu þar.
Næsti viðræðufundur með full-
trúum bandaríska stóriðjufyrir-
tækisins Dow-Corning verður í
Bandaríkjunum 22. febrúar nk. og
er vænst svara frá þeim á þeim
fundi, við því hvort til frekari við-
ræðna kemur, en þegar hafa verið
haldnir þrír fundir með þeim. Þá
hefur norska fyrirtækið Elkem
einnig sýnt áhuga á kísilmálm-
verksmiðjunni.