Morgunblaðið - 13.02.1985, Blaðsíða 19
MORGUNBLAÐIÐ, MIÐVIKUDAGUR 13. FEBRÚAR 1985
19
MANAÐARGREIÐSLUR
fra 1. júni 1983 □ fra l.nóv 1984
18 þós.fcr.
Barnalifayrir Mœdralaun Mædralaun Mædralaun Foadingar-
v/lbarns v/barns v/2ja barna v/3jabarna orlof
Barnalífeyrir og mæöralaun hafa hækkaö meir undanfarið en lög um al-
mannatryggingar stóöu til.
um 75%, með þremur börnum um
56%; og barnalífeyrir og meðlög
um 20%.
Lyfjakostnaður
Aðspurður um lyfjakostnað
sagði ráðherra efnislega:
Breytt reglugerð er við það mið-
uð að sjúklingar, sem þurfa við-
varandi að nota ákveðin lyf, fái
þau ókeypis. Einnig að ekki séu
afgreiddir stærri skammtar úr
lyfjabúð en svo að tryggt sé að
úrelding lyfja á heimilum sé í lág-
marki.
Gjaldi fyrir lyf almennt er og
stillt í hóf, en þó haft það hátt að
lyf séu ekki keypt nema nauðsyn
beri til. Einnig er reynt að stýra
eftirspurn með verðlagningu
. fremur til innlendra lyfja en er-
lendra. Þannig kosta nú innlend
lyf kr. 120 en erlend kr. 240 fyrir
allt að 120 daga skammt. Aldraðir
og öryrkjar greiða hins vegar kr.
50 fyrir innlend og kr. 100 fyrir
erlend lyf.
f könnun Apótekarafélags ís-
lands, sem framkvæmd var ann-
arsvegar 2.-6. apríl og hinsvegar
19.—23. nóvember 1984, kom í ljós,
að útgjöld vegna lyfja höfðu dreg-
izt saman um u.þ.b. 0,5 m.kr. á
viku eða 25 m.kr. á ári. Þessi sam-
dráttur hefur ekki að neinu ráði
orðið í lyfjanotkun þeirra, sem
verst eru settir og nota lyf viðvar-
andi, heldur einkum í almennri
lyfjanotkun, að við teljum. Þá er
okkar skoðun að þessi sparnaður
hafi að hluta til orðið vegna til-
flutnings í almennum kaupum frá
erlendum lyfjum til innlendra.
Einnig vegna minni skammta sem
dregið hafa úr eyðileggingu lyfja á
heimilum.
Greiðslur fyrir
læknaþjónustu
Ráðherra sagði að breytingar á
greiðslum fyrir læknisþjónustu
væru við það miðaðar, að kostnað-
ur þeirra, sem mesta þjónustu
þurfi, minnki. Þeir sem fari til
sérfræðings oftar en 12 sinnum á
ári greiði nú í heild lægra gjald en
áður. Sama gildi um rannsóknir
og/eða röntgengreiningu. Nú sé
aðeins greitt, eitt, gjald, þó margs-
konar rannsóknir séu fram-
kvæmdar.
Þetta þýði i reynd að hluti
greiðslubyrðarinnar hafi verið
fluttur frá þeim, sem oftast þurfa
að sækja læknisþjónustu, til
þeirra, sem sjaldnar leiti hennar,
þ.e. hafi verið fluttur frá þeim
veikustu til hinna sem frískari
teljast.
Þá felist sú skýring í verðlagn-
ingunni að sjúklingar leiti fremur
til samlagslæknis og heilsugæzlu-
stöðva en sérfræðinga, þ.e. þangað
sem þjónustan er ódýrari.
Samlagsmenn í sjúkrasamlög-
um skulu greiða samlagslækni
sínum eða lækni er í hans stað
kemur samkvæmt samningum
hlutaðeigandi samlags kr. 75 fyrir
hvert viðtal á lækningstofu og kr.
110 fyrir hverja vitjun læknis til
sjúklings.
Samlagsmenn skulu greiða kr.
270 fyrir hverja komu til sérfræð-
ings, fyrir hverja rannsókn á
rannsóknastofu eða fyrir hverja
röntgengreiningu. Þó má aldrei
krefja sjúkling nema um eina
greiðslu fyrir hverja komu og
skiptir ekki máli, hve margar teg-
undir rannsókna ásamt viðtali um
er að ræða.
Samlagsmaður sem fer til heim-
ilislæknis og greiðir þar kr. 75
greiðir kr. 195 fyrir röntgen-
skoðun eða rannsókn, sem gerð er
í beinu framhaldi og vegna þeirrar
skoðunar sem um ræðir.
Fari sjúklingur í framhaldi af
komu til sérfræðings í aðgerð og
svæfingu, greiðir hann engan hlut
af aðgerðarkostnaði, en greiðir
fyrstu kr. 270 af þóknun svæf-
ingarlæknis. Sama máli gegnir ef
sérfræðingur vísar til annars sér-
fræðings; þá greiðir sjúklingur að
nýju kr. 270.
Fyrir þá sérfræðiþjónustu sem
hér um ræðir greiða elli- og ör-
orkulífeyrisþegar kr. 100 í hvert
skipti, fyrstu 12 aðskilin skipti
árlega, en eftir það ekkert. Hér
eru því greiðslur elli- og örorku-
lífeyrisþega lækkaðar frá því sem
áður var, því þá greiddu þeir
helming kostnaðar.
Elli- og örorkulífeyrisþegar eiga
því, eins og aðrir, að fá kvittun
fyrir greiðslum sínum og ef þessir
lífeyrisþegar leggja fram kvittan-
ir fyrir 12 greiðslum, fá þeir yfir-
lýsingu sjúkrasamlags um að þeir
eigi ekki að greiða þessa þjónustu
út almanaksárið.
Sjúklingur þarf aldrei að greiða
fyrir einnota vörur eða lyf á rann-
sóknastofu eða röngendeild; sá
kostnaður er innifalin í heildar-
gjaldi.
Morgunblaftid/Júlíus.
Frá blaöamannafundi Hins íslenska kennarafélags. Heimir Pálsson t.v. ásamt fulltrúum á þinginu.
Norrænt kennaraþing:
Norrænir kennarar styðja íslenska
starfsbræður sína í kjarabaráttunni
NORRÆNT þing formanna kenn-
arafélaga á Norðurlöndunum (Nord-
lár) var haldið í Reykjavík dagana 8.
og 9. febrúar sl.
Þing þessi eru haldin tvisvar á
ári og á þeim eru rædd ýmis mál
kennara. Fulltrúarnir bera saman
bækur sínar um hvað er að gerast
á sviði menntamála í hverju landi,
nýjungar í skólamálum, menntun-
ar- og launamálum kennara
o.s.frv.
Á þessu þingi var tölvuvæðing í
skólum ofarlega á baugi. Ákveðið
var að í sumar verði haldið á ís-
landi norrænt tölvunámskeið fyrir
kennnara.
Launamál voru mikið til um-
ræðu á þinginu. Stefnt er að því að
safna upplýsingum um vinnutíma,
launakjör og eftirlaun kennara á
öllum Norðurlöndunum.
Á blaðamannafundi sem Hið ís-
lenska kennarafélag efndi til í til-
efni þingsins kom fram að íslensk-
ir kennarar eru greinilega nokkuð
á eftir starfsbræðrum sínum á
hinum Norðurlöndunum hvað
launakjör varðar. Svo dæmi sé
tekið er kennsluskylda íslenskra
kennara 26 tímar á viku og byrj-
unarlaun 22.000 ísl.kr. Hins vegar
er hámarkskennsluskylda danskra
kennara 22 stundir á viku og fá
þeir 46.900 ísl.kr. í byrjunarlaun.
Hámarkslaun íslenskra kennara
eru um 29.000 ísl.kr en danskra
um 72.000 ísl. kr.
Byrjunarlaun kennara í Finn-
landi eru um 34.500 ísl.kr., í Sví-
þjóð um 36.000 ísl.kr., í Noregi um
44.600 ísl.kr. og í Færeyjum um
51.100 ísl.kr.
Á þinginu samþykktu fulltrúar
hinna Norðurlandanna yfirlýsingu
um stuðning við kjarabaráttu ís-
lenskra starfsbræðra sinna. Auk
þess lofuðu þeir fjárhagsaðstoð ef
þess þyrfti.
Einnig var samþykkt að styðja
það að norrænir nemendur fái frí
einn dag til þess að vinna. Þetta
verður gert í tilefni af „Ári æsk-
unnar" og munu laun nemendanna
fyrir daginn renna í sérstaka söfn-
un til stuðnings ungu fólki í Suð-
ur-Afríku.
í Arnarhóli í kvöld
Marakvartettinn
leikur kammertónlist undir borðhaldi.
NÝR, STÓRKOSTLEGUR SÉRRÉTTASEÐILL.
NÝJUNG
í KONÍAKSSTOFUNNI
Eftir Ijúffcngan kvöldvcrð cr notalcgt að sctjast í koníaksstofuna
og hlusta á klassíska músík.
Hinn bráðcfnilcgi bassasöngvari, Vit)ar Gunnarsson. syngur
fyrir gesti okkar. Viðar stundaði söngnám við Söngskólann í
Reykjavík, hann hcfur vcrið við framhaldsnám hjá dr. Folkc og
Gunnvor Sallström í Stokkhólmi. Viðar hcfur lckið þátl í nám-
skciðum hjá Erik Wcrba og cinnig hjá Hclcnc Karusso og Koslas
Paskalis. Hann hcfur komið fram scm cinsöngvari við ýmis
tækifæri, bæði í Svíþjóð scm og hcr á landi.
Undirleikari hjá Viðari cr Selrna Gudmundsdóttir.
Með ósk um að þið eigið ánœgjulega kvöldstund.
ARNARHÓLL
Á horni Hvevfisgötu og Ingólfsstnœtis.
Bordapantanir i síma 18833.