Morgunblaðið - 13.02.1985, Blaðsíða 30

30
MORGUNBLAÐIÐ, MIÐVIKUÐAGUR 13. FEBRÚAR 1986
Danmörk:
Greiðslujöfnuðurinn
óhagstæður um 17,2
milljarða d.kr. 1984
Kaupmannahörn, 12. febrúar. Al'.
Greiðslujöfnuður Oana varð óhagstæður um 17,2 milljarða d. króna á
árinu 1984, en var óhagstæður um 11 milljarða d. króna árið áður, að því er
upplýsingar frá hagstofu landsins hermdu í dag, þriðjudag.
Á síðasta ársfjórðungi 1984
reyndist greiðsluhallinn 5,7 millj-
arðar, en var 4,5 milljarðar á
sama tímabili 1983.
Hagstofan sagði, að erlendar
skuldir landsins hefðu numið 218
milljörðum d. króna við árslok
1984, m.a. vegna hækkunar dollar-
ans. { árslok 1983 námu erlendar
skuldir 185 milljörðum d. króna.
Svend Möller, yfirhagfræðingur
Verslunarbankans í Kaupmanna-
höfn, kvað greiðslujöfnuðinn 1984
„viðundandi eftir atvikum".
Hann sagði, að mikið af inn-
flutningsvörum ársins hefðu verið
hráefnisvörur til útflutnings-
framleiðslunnar.
Fyrrnefndar tölur koma heim
og saman við spá stjórnarinnar,
en Poul Schliiter forsætisráðherra
kvað hallann enn of mikinn. „Við
verðum að minnka hann á árinu
1985. “
Eftir ríkisstjórnarfund í dag
ítrekaði Schlúter það markmið
stjórnar sinnar að ná jöfnuði á ár-
inu 1988.
„Það er ákaflega mikilvægt
fyrir efnahag landsins, að sá já-
kvæði árangur sem náðst hefur,
verði ekki fyrir röskun," sagði
hann við fréttamenn.
Schlúter kvað „hófsamlega"
kjarasamninga aðalskilyrði þess,
að markmið stjórnarinnar næðist.
Forsætisráðherrann kvaðst að
því er kjarasamningana varðaði
helst vilja sjá tölur sem næst
núlli.
Ein af meginkröfum dönsku
verkalýðsfélaganna er nú 35
stunda vinnuvika án launaskerð-
ingar.
Slegist vegna gamalla húsa
Þessi átök voru í úthverfi Manila, höfuðborgar Filippseyja, á mánudaginn, en þá reyndu um 200
námsmenn og aðrir óbreyttir borgarar að koma í veg fyrir að nokkur gömul íbúðarhús yrðu rifin, en í
þeim býr talsvert af ólánsfólki sem á annars hvergi höfði að halla. Lögreglulið var kallað út og svo sem
sjá má var það vel bareflum búið. Miklar ryskingar fylgdu komu lögreglunnar og tókst henni að lokum að
dreifa mannfjöldanum og því næst hófst niðurrif húsanna. Um 30 manns urðu sárir í slagnum, enginn þó
alvarlega utan tveir, sem særðust af byssukúlum lögreglumanna.
Líbýumenn
sleppa
tveimur
Bretum til
Lundúnum, 12. febrúar. AP.
TALSMAÐIJR brcska utanríkis-
ráöuneytisins sagrti í dag, að Líb-
ýumenn helðu sleppt tveimur
Bretum til viðbótar úr haldi, þann-
ig hefði sex verið sleppt síðustu
daga. Þeir fjórir, sem síeppt var í
síðustu viku, voru handteknir eftir
atvikið við sendiráð Líbíu í Lund-
únum er bresk lögreglukona var
felld í kúlnahríð sem barst frá
sendiráðsbyggingunni. Bretarnir
sem nú voru leystir úr haldi voru á
hinn bóginn meintir áfengissmygl-
arar sem handteknir voru í októ-
ber 1982.
Mennirnir heita Michael
Brennan og Hugh Wiley, en þeir
höfðu verið dæmdir til 9 mán-
aða fangelsisvistar og áttu þeir
eftir að afplána 5 mánaða dóm.
Þeim var gert að hverfa af landi
brott innan tveggja daga.
Áfengi er bannað með öllu í Líb-
ýu og brot af þessu tagi litin
alvarlegum augum.
Nú eru uppi vangaveltur um
hvort að sambúð Bretlands og
Líbýu batni í kjölfarið á um-
ræddum atburöum. Geoffrey
Howe, utanríkisráðherra Bret-
lands, sagði í síðustu viku, að
breskir embættismenn væru
reiðubúnir að hitta líbýska
ráðamenn til skrafs og ráða-
gerða um batnandi sambúð.
Hann tók hins vegar skýrt fram,
að ekki kæmi til greina að taka
upp stjórnmálasamband á nýj-
an leik.
Liberation ásakar enn
Le Pen um pyndingar
París, 12. febrúar. AP.
DAGBLAÐIÐ Liberation, sem er vinstri sinnað, segir frá því í fyrirferðar-
mikilli frásögn í dag, að Jean Marie le Pen, leiðtogi hins hægri sinnaða
Þjóðfylkingarflokks, hafi pyndað fanga í Alsírstríðinu. Birtir blaðið framburð
fimm fanga þessu til sönnunar.
Jean Marie le Pen hefur vísað
þessum ásökunum eindregið á bug
og sagði í dag, að hann hefði ekki
tekið þátt í að yfirheyra fanga í
Alsírstríðinu.
Þjóðfylkingarflokkurinn fékk
um 11 prósent atkvæða í síðustu
kosningum í Frakklandi. Flokkur-
inn þykir öfgasinnaður og berst
meðal annars gegn því að leyfa
útlendingum að koma til Frakk-
lands til starfa og segir að þeir
auki á það atvinnuleysi meðal
Frakka sem fyrir er.
Mennirnir fimm sem skýra frá
reynslu sinni í blaðinu segja að Le
Pen hafi pyndað þá árið 1957 eða
gefið skipanir um það. Le Pen seg-
ir í svari sínu við þessum áburði
„að það þurfi ekki að koma á óvart
þótt vinstrisinnum takist að fá
hryðjuverkamenn til að ráðast
gegn sér þar sem allir viti að hann
sé andstæðingur innflutnings Als-
irbúa og annarra útlendinga og
andsnúinn hvers konar undiróð-
ursstarfsemi."
Ásakanir þess efnis hafa komið
upp gegn Le Pen annað veifið í
mörg ár. Le Pen segir að hafi
eitthvað af þessu einhvern tíma
átt við rök að styðjast hefði hann
verið formlega ákærður og dæmd-
ur, en hann hafi þvert á móti feng-
ið heiðursmerki frá Jacquis
Massu, yfirmanni herfylkis þess
sem hann var í meðan á Alsír-
stríðinu stóð.
Andspyrnuöfin í Afganistan:
Árásír á sjúkrahús og
sovéskar herdeildir
Nýju Delhf, 12. febrúv. AP.
VESTRÆNIR stjórnarerindrekar
greindu frá því í Nýju Delhí í dag, að
þeir hefðu fyrir því vis.su, að afg-
anskir andspyrnumenn hefðu drepið
60 sovéska hermenn og sært marga
til viðbótar í meiriháttar fyrirsátri
við brúna á ánni Argandab, sem er
skammt frá Kandahar, næststærstu
*/fjarðarplast
n.i.k. 04 cimi
SF.
Ftatahrajn 31 220 Hatnarfirfti Sími 651210
Nafnnr 2343 - 0223 - Solusk nr G - 924
Höfum ávallt fyrir-
liggjandi allar
geröir og stærðir
af plasteinangrun
Sími 65-12-10
borg landsins. Sovétmenn verða æ
oftar fyrir skakkafollum þar sem
þeir berjast í vaxandi mæli sjálfir
við andspyrnulið vegna slælegrar
framgöngu afganska stjórnarhers-
ins.
Þá sögðu erindrekarnir að and-
spyrnumenn hefðu drepið að
minnsta kosti 34 sjúklinga á
tveimur sjúkrahúsum með eld-
flaugaárásum. Annað sjúkrahús-
anna var hersjúkrahús sovéska
hersins, hitt þjónar einungis
sjúklingum úr röðum flokksfor-
ystumanna og herforingja. Sov-
éskar leitarflugvélar ollu næstum
stórtjóni er blys sem þær létu
falla lentu á lóðum bandarísku og
vestur-þýsku sendiráðanna. Brann
gras glatt, en það tókst að koma í
veg fyrir tjón.
Erindrekarnir sögðu auk þess,
að 40 Sovétmenn til viðbótar
hefðu fallið eða særst í öðru fyrir-
sátri í byrjun þessa mánaðar við
borgina Karezemir, sem er
skammt frá hinum hernaðarlega
mikilvæga Pansjherdal. Þar fer
nú fram mikill liðsafnaður Sov-
étmanna og afganskra stjórnar-
hermanna og andspyrnumenn
sitja fyrir þeim við hvert tæki-
færi. Búist er við að liðsafnaður-
inn merki að ný stórsókn sé í
vændum í Pansjherdal og verður
það niunda atlaga Rússa og
stjórnarhersins á þeim slóðum frá
því að innrás Sovétmanna í landið
hófst fyrir rúmum fimm árum. f
fyrra varð þeim hvað mest ágengt,
en síðan hafa andspyrnumenn
færst í aukana á ný og náð mörg-
um stöðvum í Pansjher á nýjan
leik. Reiknað er með því að sóknin
hefjist í næsta mánuði er snjó tek-
ur að leysa úr fjöllunum og veður
að hlýna.
Sovétmenn hafa ekki setið auð-
um höndum í ljósi mannfallsins
sem andspyrnumenn hafa valdið. f
hefndarskyni gerðu þeir loftárásir
á borgina Istalef í Pansjherdal
fjóra daga í röð í síðustu viku.
Fjöldi óbreyttra borgara lét lífið
og enn fleiri særðust, auk þess
sem þúsundir manna tóku sig upp
og flýðu til höfuðborgarinnar
Kabúl.
SuÖur-Afríka:
Kyrrt eftir óeirðir
í útborg Pretoríu
JóhanneMtrborK, 12. febrúar. AP.
KVRRT var orðið fyrir hádegi í dag, þriðjudag, í Mamelodi, útborg Pretoríu. Þar
ríkti mikil spenna í morgun, eftir að það vitnaðist, að ungur blökkumaður hefði
látist á spítala í nótt eftir skotárás lögreglunnar.
Suður-afríska fréttastofan hafði
eftir heimildum í Pretoríu, að svart-
ir námsmenn hefðu ásamt kennur-
um sínum staðið fyrir óeirðunum í
Mamelodi.
Lögreglan taldi óeirðirnar stafa
af því að sumir námsmenn hefðu
ætlað að sækja kennslustundir, en
aðrir í þeirra hópi viljað koma í veg
fyrir það.