Morgunblaðið - 21.02.1985, Blaðsíða 4

4
MORGUNBLAÐIÐ, FIMMTUDAGUR 21. FEBRÚAR 1985
Áskorun foreldra
meira virði en hækk-
un í launaflokkum
— segir Gísli Baldvinsson kennari
„ÁSTÆÐAN fyrir því aA ég dró uppsögn mína til baka var áskorun foreldra og
ég kannast ekki við þessar bónusgreiðslur sem slegið er upp í fréttum þessara
blaða, og raunar skil ég ekki hvaða tilgangi svona fréttaflutningur þjónar,"
sagði Gísli Raldvinsson, kennari í Hólabrekkuskóla og fyrrverandi formaður
Kcnnarafélags Reykjavíkur, er Morgunblaðið hafði samband við hann vegna
forsíðufréttar í l'jóðviljanum í gær og baksíðufréttar í DV, þar sem því er gert
skóna, að Gísli hafi samið við foreldra um greiðslur gegn því að hann drægi
uppsögn sína til baka.
Gísli Baldvinsson sagði upp starfi
sínu um miðjan nóvember sl. með
þriggja mánaða fyrirvara og átti
samkvæmt því að hætta um miðja
síðustu viku. Eftir fund sem Gísli
átti með foreldrum nemenda sinna
barst honum áskorun frá þeim um
að draga umsókn sina til baka og
féllst hann á það. „Ég lít á þessa
áskorun sem viðurkenningu á mínu
starfi og það er meira virði en
hækkun um nokkra launaflokka,"
sagði Gísli Baldvinsson ennfremur.
„Ég mun því kenna áfram til vors-
ins, en hætti þá ef ekki koma til
verulegar úrbætur á kjörum kenn-
ara. Ég veit að þær hugmyndir hafa
verið ræddar meðal foreldra að
greiða mér sérstaklega fyrir stuðn-
ingskennslu, en þessi bekkur er sá
eini af áttundu bekkjunum, sem
ekki fær neina stuðningskennslu.
En það hefur ekkert munnlegt sam-
komulag verið gert í þessum efnum
eins og segir í frétt DV og ég hef
ekki fallist á að þiggja neinar
greiðslur nema fyrir þá vinnu sem
ég inni af hendi. Þvi siður hef ég
fallist á að þiggja einhverjar
greiðslur sem ekki standast sam-
kvæmt lögum. Ég harma ótíma-
bæra fordæmingu stjórnar
Kennarafélags Reykjavíkur í Þjóð-
viljanum, sem ekki er byggð á nein-
um rökstuðningi," sagði Gísli Bald-
vinsson.
Meirihluti menntamálanefndar neöri deildar:
Ú tvarpslagafrum-
varpid undirrit-
að með fyrirvara
MEIRIHLUTI menntamálanefndar neðri deildar Alþingis hefur skilað íliti, um
útvarpslagafnimvarp stjórnarflokkanna, en álitið er þó undirritað með fyrirvara.
Aðspurður um ástæður þessa, sagði Halldór Blöndal, formaður menntamála-
nefndar: „Þessi háttur er oft viðhafður þegar um stjórnarfrumvörp er að ræða,
sem ekki eru beinn þáttur í efnahagsaðgerðum, heldur frumvörp er heyra undir
menningarmál og slíkt. Það er ekkert óeðlilegt, þó við áskiljum okkur rétt á
þessu stigi til þess að hafa rúmar hendur."
„Á þessari stundu liggur ekkert
fyrir um það,“ sagði Halldór, „að
einstakir nefndarmenn í meirihlut-
anum hafi afráðið að standa að
breytingartillögum varðandi ein-
staka þætti frumvarpsins, en ég
geri ráð fyrir því, að breytingartil-
lögur, sem kynnu að lúta að auglýs-
ingamálum útvarpsstöðva, komi
aftur til athugunar í nefndinni. Það
geta náttúrlega komið fram breyt-
ingartillögur við útvarpslaga-
frumvarpið við aðra umræðu, sem
við sjáum ekkert athugavert við að
fylgja."
Halldór sagðist gera ráð fyrir því
að á milli annarrar og þriðju um-
ræðu um frumvarpið yrðu sérstak-
lega teknir til athugunar þeir þætt-
ir frumvarpsins, sem lytu að tekju-
öflun Ríkisútvarpsins annars vegar
og hins vegar að þeim ákvæðum er
lytu að auglýsingum.
í dag verður lögð fram á Alþingi
breytingartillaga Friðriks Sophus-
sonar við útvarpslagafrumvarpið í
þá veru að bann við auglýsingum í
útvarps- og sjónvarpsstöðvum verði
afnumið. Friðrik sagði f samtali við
blm. Mbl. í gær, að í Sjálfstæðis-
flokknum væri almennur stuðning-
ur við þessa tillögu og jafnframt
sagðist hann vita um stuðning úr
röðum framsóknarmanna. Friðrik
sagðist því fastlega eiga von á að
þessi þáttur frumvarpsins gæti
breyst í meðförum þingsins.
Sjá nánar bls. 34.
Hhiti hópsins sem fylgdist með sýningu Kvikmyndaeftirlits rfkisins á ofbeldismyndum í gær. Morgunblaðið/Bjarni
„Algjör samstaða um
myndir á bannlistanumu
— segir Níels Árni Lund hjá Kvikmyndaeftirliti ríkisins
UNG stúlka klofin í herðar niður með exi, morðóður prestur ræðst með
eldi að einu sóknarbarna sinna í kirkjunni, ribbaldar nauðga ungum
stúlkum með slöngu og afmælisgestir skornir á háls einn af öðrum. Þetta
var meðal sýnishorna úr svokölluðum ofbeldismyndum sem Kvikmynda-
eftirlit ríkisins kynnti í gær á fundi með alþingismönnum, fulltrúum
samtaka og stofnana á sviði barna- og unglingastarfs, embættismönnum
ráðuneyta og löggæzlu o.fl., auk blaðamanna. Tilgangur fundarins var að
kynna þessum aðilum forsendur lögregluaðgerðanna á myndbandaleig-
um landsins í fyrradag, þegar gerðar voru upptækar fleiri hundruð spólur
með myndum sem samkvæmt lista frá Kvikmyndaeftirliti ríkisins voru
taldar brjóta í bága við lög um „ofbeldiskvikmyndir“.
Níels Árni Lund hjá Kvik-
myndaeftirlitinu sagði á fundin-
um að myndbandaleigum, sem
haft hefðu þessar myndir í al-
mennri útleigu, hefði ekki verið
fyrirfram kunnugt um að þær
vörðuðu við lög um ofbeldism-
yndir. Sá listi sem nú liggur
fyrir og farið var eftir við fyrr-
nefndar lögregluaðgerðir væri
þannig grunnur sem
myndbandaleigur og yfirvöld
geta farið eftir. ( framhaldi af
þessum aðgerðum yrði þessum
lista haldið við og hann endur-
bættur reglulega. Níels Árni
kvað viðbrögð forráðamanna
myndbandaleiganna við aðgerð-
unum yfirleitt verið jákvæð;
þeim væri ljóst að myndir á
bannlistanum hefði þurft að
taka úr umferð í eitt skipti fyrir
öll.
„Vissulega orkar mat okkar á
því hvaða myndir teljast
„ofbeldismyndir" alltaf tvímæl-
is,“ sagði Níels Árni Lund, „en
um allar þær myndir sem bann-
aðar voru í þessari lotu var al-
gjör samstaða hjá okkur i
Kvikmyndaeftirlitinu.“ Hann
sagði helstu viðmiðun Kvik-
myndaeftirlitsins vera þá, að
mynd sem hefði engan raunveru-
legan söguþráð nema ofbeldi á
ofbeldi ofan, taumlaust blóðbað
án listræns tilgangs, teldist
„ofbeldismynd“. Eftir að bann-
listinn var settur saman var
hann borinn saman við samsvar-
andi lista frá helstu nágranna-
löndum okkar og kom í ljós að
listarnir sköruðust verulega; yf-
irleitt væru það sömu myndirnar
sem væru bannaðar í öllum lönd-
unum.
Að sögn Níelsar Árna Lund
mun Kvikmyndaeftirlit ríkisins
ekki sjálft beita sér fyrir ákær-
um á hendur forráðamanna
þeirra myndbandaleiga sem haft
hefðu myndir af bannlistanum á
boðstólum. Slíkar aðgerðir væru
í verkahring réttarkerfisins og
barnaverndarnefnda um land
allt.
Atvinnuleysisdagar Atvinnulauair >
TfcFLA I JANÖAR MANUBOX •
9/KBlt 1981 1982 1983 1984 1985 1981 1982 1983 1984 1985
Höfuðborgarsv*616 4.556 15.603 17.276 27.610 16.707 210 720 797 1.274 771
V«»turl«nd 315 6.578 1.461 6.730 5.403 15 304 67 311 249
vutflrMr 109 10.271 886 1.928 1.285 5 • 474 41 89 46
NorAurland vestra 1.491 5.140 6.339 6.990 5.182 69 237 293 323 239
Nordurlanð eyatra 6.155 13.717 7.533 18.580 8.927 284 633 348 857 412
Auaturiand 2.309 6.995 4.833 7.730 3.562 107 '-323 223 357 164
9uðurland 2.623 8.115 5.417 7.155 6.666 121 374 250 330 307
SuAurne* 1.293 6.582 7.087 7.450 9.081 60 304 327 344 419

Landið allt: 18.851 73.001 50.832 84.173 57.002 870 3.369 2.346 3.884 2.630
Atvirmulausir, aem hlutfall af mannafla: 0.8 3.3 2.2 3.4 2.3

Byrjað að greiða húsnæðislán eftir helgi:
1230 húsbyggjendur
fá 243,3 milljónir
RÚMLEGA 243 milljónir króna verða
lánaðar út til 1230 húsbyggjenda á
næstu þremur vikum. Fyrstu lánin
verða greidd út eftir mánudaginn, að
því er segir í fréttatilkynningu frá
Húsnæðisstofnun ríkisins. Þar segir
að eftirtaldar lánveitingar hafi verið
ákveðnar úr Byggingarsjóði ríkisins:
1. Seinni hluti lána til þeirra, sem
fengu fyrri hluta greiddan eftir 10.
júlí 1984, skal koma til greiðslu eft-
ir 25. febrúar (6,8 milljónir króna,
21 lán).
Fjöldi skráðra atvinnuleysisdaga og meðaltal atvinnulausra í janúarmánuði 1981—1985.
Batnandi atvinnuástand í fiskvinnslu
SLÆMT ástand atvinnumála í fisk-
vinnslunni í landinu virðist óðum
vera að leita jafnvægis á ný eftir
samdráttinn í desember, að því er
segir í yfirliti um atvinnuástand í
janúar, sem vinnumálaskrifstofa
félagsmálaráðuneytisins sendi frá
sér í gær.
Víða reynist erfitt að fá nægj-
anlegt vinnuafl til framleiðslu-
starfa og er meira sótt um
atvinnuleyfi fyrir útlendinga í
fiskvinnslu nú en undanfarin ár.
í yfirlitinu segir að það
atvinnuleysi sem skráðist í janú-
armánuði sl. verði að mestu leyti
rakið til tímabundinnar stöðvun-
ar fiskvinnslu, enda komu 76%
þeirra, sem skráðir voru atvinnu-
lausir síðasta virkan dag mánað-
arins, úr hópi verkakvenna,
verkamanna og sjómanna, eða
1.300 af 1.700 á skrá. Úr öllum
öðrum starfsgreinum skráðust
þann dag mánaðarins 445 manns,
þar af 54 iðnaðarmenn og virðast
tölurnar þennan síðasta dag stað-
festa að jafnvægi sé að nást á
nýjan leik í þessum málum.
Atvinnuleysisdögum á öllu
landinu fjölgaði um tæp 17 þús-
und í janúar frá því sem var í
desember sl., eða úr 40 þúsund í
57 þúsund. Hins vegar voru
skráðir atvinnuleysisdagar í
janúar í fyrra 84 þúsund talsins,
eða 27 þúsund fleiri en i sama
mánuði í ár. Skráð atvinnuleysi
skiptist þannig milli kynja í ný-
liönum janúar, að hjá konunum
voru í mánuðinum skráðir 35 þús-
und atvinnuleysisdagar en hjá
körlunum voru atvinnuleysisdag-
arnir 22 þúsund.
2. Fyrri hluti lána til þeirra, sem
gerðu fokhelt í október 1984 og eru
að eignast sína fyrstu íbúð, skal
koma til greiðslu eftir 26. febrúar
(27,5 milljónir, 80 lán).
3. G-lán til þeirra, sem sóttu um
lán fyrir 1. júli 1984, skulu koma til
greiðslu eftir 5. mars (90 milljónir.
530 lán).
4. 3. hluti lána til þeirra, sem
fengu 1. hluta greiddan eftir 5. des-
ember 1983, skal koma til greiðslu
eftir 5. mars (30 milljónir, 210 lán).
5. 1. hluti lána til þeirra, sem
gerðu fokhelt í ágúst og september
1984 og eiga íbúð fyrir, skal koma
til greiðslu eftir 10. mars (52 millj-
ónir, 233 lán).
6. 1. hluti lána til þeirra, sem
byggja einingahús og gerðu fokhelt
í nóvember og desember 1984, skal
koma til greiðslu eftir 10. mars (19
milljónir, 76 lán).
7. Lán til viðbygginga og endur-
bóta skulu koma til greiðslu eftir
15. mars fyrir þá, sem lögðu inn
fullgildar umsóknir fyrir síðustu
áramót og höfðu lokið framkvæmd-
um fyrir áramótin (18 milljónir, 80
lán).
Þetta eru samtals 243,3 milljónir
króna.