Morgunblaðið - 21.02.1985, Blaðsíða 42

42
MORGUNBLAÐIÐ, FIMMTUDAGUR 21. FEBRÚAR 1985
Til leigu
Ákveðiö hefur veriö aö leigja félagsheimili Fáks viö
Bústaöaveg sem er 270 fm aö grunnmáli. Hér meö
er óskaö eftir leigutilboöum í húsiö. Nánari upplýs-
ingar gefnar á skrifstofu félaqsins milli kl. 13 oq 17.
Hestamannafélagiö Fékur
Eiðfaxi er mánaðarblað um hesta
og hestamennsku
Áskriftarsíminn er
685316
Sálfræðistöðin
Námskeið
Sjálfsþekking - Sjálfsöryggi
Vitað er að andleg líðan og sjálfsöryggi er mikilvægt
fyrir einstaklinginn í starfi og einkalífi. Tilgangur
námskeiðsins er að leiðbeina einstaklingum að meta
stöðu sína og kenna árangursríkar aðferðir í
samskiptum.
Á námskeiðinu kynnast þátttakendur:
• Hvaða persónulegan stíl þeir hafa í samskiptum
• Hvernig sérstæð reynsla einstaklingsins mótar
hann.
• Hverjir eru helstu áhrifaþættir í samskiptum
• Hvernig má greina og skilja fjölskyldutengsl
• Hvernig ráöa má við gagnrýni
• Hvernig finna má lausnir í árekstrum
• Hvernig læra má samskipti sem auka sjálfsöryggi
Álfheiður Steinþórsdóttir og Guðfinna Eydal.
Innritun og nánari upplýsingar
í síma Sálfræöi stöðvarinnar:
687075 milli kl. 10 og 12.
AF ERLENDUM VETTVANGI
eftir JÓHÖNNU KRISTJÓNSDÓTTUR
Ungur heróínneytandi — Yazuka er að verða í hugum manna ímynd hins japanska glæpamanns — thailenzkar
stúlkur hafa lengi verið seldar til útflutnings með góðum hagnaði.
Glæpir breiðast út um
Asíu eins og farsótt
Á allra síðustu árum og þó kannski öllu heldur á allra síðustu mánuð-
um hefur skipulögð glæpa- og hryðjuverkaiðja í Asíu aukizt svo hröðum
skrefum, að vítt um veröld hafa menn áhyggjur af þessari þróun. Eitur-
lyfjasmygl og sala hefur margfaldazt, launmorð og vopnuð rán, einkum
gagnvart Bandaríkjamönnum og Evrópumönnum, annaðhvort búsettum á
svæðunum eða ferðamönnum, fjársvikamál, meðal annars umfangsmikil
fölsunarstarfsemi á kreditkortum og svo mætti lengi telja.
að hefur reynzt mjög flókið
að afhjúpa þessa mörgu
glæpahringi sem er talið að sam-
einist i einni ailsherjar Asíu-
Mafíu. Athafnasemin er hvað
mest í Hong Kong og á Taiwan,
en fleiri lönd dragast inn í mál-
in. Japönsk glæpamannasamtök
vinna i nánum tengslum við
Hong Kong-Taiwan-mafíuna og
nú er álitið að um 20 prósent af
því heróíni sem er smyglað til
Bandaríkjanna komi inn í landið
fyrir meðalgöngu þessara sam-
taka. Þá þykir sannað að Víet-
namar hafi gengið til liðs við
þau, einkum hvað varðar eitur-
lyfjasöluna. Bandaríkjamenn
eru sagðir hafa miklar áhyggjur
af því að vandinn eigi enn eftir
að magnast eftir því sem fleiri
Hong Kong-Kínverjar flytjast
þaðan til Bandaríkjanna. Ekki
er vafi á, að bandarísk stjórn-
völd verða að gera einhverjar
ráðstafanir til að hafa hemil á
innflutningi fólks frá Hong
Kong sem á sjálfsagt eftir að ná
hámarki í kringum 1990 eða
fyrr, eftir að Bretar og Kínverj-
ar gerðu samkomulagið um
framtíð Hong Kong.
Japanir eru sagðir drjúgir í
eiturlyfjabransanum, en þeir
hafa fram að þessu aðallega ein-
beitt sér að vændi, kvennasölu
og alls kyns fjárglæfrum. ímynd
hins dæmigerða japanska
gangsters — yakuza — er maður
með útflúraðan skrokk og helm-
ing fingra afstýfðan, er ógnvekj-
andi í augum Bandaríkjamanna
og raunar viða í Asíu sjálfri líka.
Fyrir skömmu var málið til um-
fjöilunar í japönskum blöðum
eftir að mikið hafði verið skrifað
um það bæði í Bandaríkjunum
og Bretlandi. Japönsk blöð vís-
uðu á bug sem rógburði öllum
frásögnum um skipulagða jap-
anska giæpahringi, en þeim bar
ásamt um að þær væru ýktar
stórlega og til þess fallnar að
spilla samskiptum annarra
þjóða, einkum Vesturlanda við
Japani.
I grein um þetta efni i vikurit-
inu Far Eastern Economic Re-
view segir að sögur og fréttir um
glæpastarfsemi í Asíu geti að
vísu verið ýktar nokkuð, en engu
að síður sé það sannað mál, að
fóiskuverk af öllu tagi fari eins
og eldur í sinu um álfuna. Þrátt
fyrir að lögregluyfirvöld segist
leggja sig fram við að hafa upp á
höfuðpaurunum, geti það verið
máiskraf eitt, því að svo mikil
spiliing og mútur viðgangist,
meðai annars hjá lögregluyfir-
völdum og rannsóknarlögreglu á
Thailandi, í Hong Kong og víðar
að það sé ekki heigium hent að
koma höndum yfir þá seku. Svo
gríðarlegar fjárupphæðir er um
að tefla, að margir ærlegir hafi
fallið fyrir freistingum og gengið
í einhverju tilliti til liðs við sam-
tökin — og upp frá því eru þeir
svo fastir í netinu og sæta kúgun
og vita að þeir verða drepnir ef
þeir svíkja mafíósana.
Eins og áður var minnzt á eru
glæpirnir margs konar, en eit-
urlyfjasalan hefur þó blómstrað
hvað mest. Þar velta samtökin
milljörðum og fjársterkir menn,
oft í háum og traustvekjandi
embættum, eru þar oft og einatt
á bak við. Mörg lönd koma við
sögu eins sölufarms af heróíni.
Salan hefst í Thailandi og hefur
Kínverji milligöngu um hana.
Varningurinn er fluttur til Italíu
með grísku skipi. Evrópsku
viðskiptaaðiiarnir leggja síðan
féð inn á svissneska banka og
fjárfesta í Suður-Ameríku fyrir
afganginn. Slík viðskipti eru al-
geng að sögn Far Eastern Eco-
nomic Review.
Eins og margir vita var svæðið
Thailand, Burma og Laos löng-
um kallað Gullni þríhyrningur-
inn og þaðan var flutt gífurlegt
heróínmagn árum saman. Að
nokkru tókst að rjúfa þríhyrn-
inginn á árunum upp úr 1970 og
síðan hafa a.m.k. Burma og Laos
ekki verið fyrirferðarmikil á eit-
urlyfjamarkaðinum í Suðaust-
ur-Asíu. Það er að segja ekki
fyrr en á þessu ári. Eins og víð-
ast hvar eru það Kínverjar sem
skipuleggja söluna með þvílíkri
kænsku, að leyniþjónustur
standa ráðþrota.
Samvinna í eiturlyfjasölu hef-
ur svo vaxið hröðum skrefum
milli Thailands, Hong Kong og
Taiwans og vitað er um að
minnsta kosti tíu samtök sem
starfa á þessum þremur stöðum.
Mjög erfitt er þó að afla upplýs-
inga um þetta, enda thailenzka
lögreglan sögð hafa innan sinna
vébanda marga starfsmenn, sem
á einn eða annan hátt hafa geng-
ið þessum samtökum á hönd.
Samt er sama hvar borið er
niður, að sögn rannsóknar-
manna, það virðast alltaf vera
Kínverjar, sem eru þeir sem
skipuleggja og leggja almennt á
ráðin. Er þá átt við Kínverja
sem búa utan Kína. Og þegar
Kínverjar flytjast t.d. til Evrópu
má nokkurn veginn ganga út frá
því sem gefnu að aíténd fjórð-
ungur þeirra gangi samtökum
um eiturlyfjasölu á hönd. I Hol-
landi einú til dæmis eru nú um
fjörutíu þúsund innflytjendur,
þar af hafa um tíu þúsund þeirra
flutt ólöglega inn í landið. Eins
og allir vita er Amsterdam
miðstöð heróínverzlunar í Evr-
ópu og öll sú verzlun er í höndum
Hong Kong-samtakanna en síð-
an annast kínverskir innflytj-
endur dyggilega að koma heróín-
inu síðustu áfangana. Hinn t.hai-
lenzki armur eiturlyfjasamtak-
anna hefur einnig fært sig upp á
skaftið í Evrópu og ætlar sér
stærri hlut. í Hong Kong er
mjög mikið framleitt af heróíni,
gerðu úr ópíum eða morfíni í
rannsóknarstöðvum á staðnum.
Vegna þess að Hong Kong hefur
tekizt að efla mjög löggæzlu sína
hefur nokkuð dregið úr útflutn-
ingi, þótt hlutfallsminnkun sé
lítil.
Singapore og Malaysía, Víet-
nam, Japan, Suður-Kórea auk
þeirra landa sem áður eru nefnd
ætla sér einnig stærri skerf af
kökunni. Innan samtakanna er
mikil barátta enda ótrúlegir
fjármunir í húfi. Og það skal
auðvitað haft bak við eyrað að
eiturlyfin eru ekki öll send á
Bandaríkjamarkað eða til Evr-
ópu, því að Asíumarkaðurinn
sjálfur er sá stærsti í heimi.
(Heimildir: Far Eastern
Economic Review o.fl.)