Morgunblaðið - 13.03.1985, Síða 2

2
MORGUNBLAÐIÐ, MIÐVIKUDAGUR 13. MARZ 1985
Landsvirkjun semur við Sumitomo vegna
Blönduvirkjunar:
Kaupa rafla og
hverfla fyrir 14,4
milljónir dollara
STJORN Landsvirkjunar hefur ákveðið að taka tiiboði japanska stórfyrir-
Uekisins Sumitomo í þann verkhluta Blönduvirkjunar sem tekur til rafla og
hverfla. Alls bárust um 25 tilboð í þennan verkhluta Blönduvirkjunar, en þau
voru opnuð þann 30. ágúst 1984 og hafa síðan verið til skoðunar og
samanburðar hjá fyrirtækinu og stjórn þess. Niðurstöður samanhurðar á
tilboðunum leiddu í Ijós að hagstæðasta tilboðið reyndist vera frá Sumitomo
Corporation en það hljóðar upp á 14,4 milljónir dollara, að meðtöldum
verðbótum á byggingartíma, en það jafngildir um 612 milljónum króna á
núgildandi verðlagi.
„Samningsupphæðin að með-
töldum verðbótum á byggingar-
tíma er 14,4 milljónir Bandaríkja-
dollara og þetta er stærsti verk-
hlutinn af þeim sex sem boðnir
voru út á sl. ári,“ sagði Halldór
Jónatansson, forstjóri Landsvirkj-
unar, í samtali við blm. Mbl. Hall-
dór sagði að fulltrúum Sumitomo
hefði verið tilkynnt að stjórn
Landsvirkjunar hygðist taka
þessu tilboði þeirra og væri stefnt
að því að ljúka samningagerð fyrir
mánaðarlok.
Þessi samningur nær ekki ein-
ungis til þessara tækjakaupa,
heldur einnig til framkvæmda-
hlutans, þ.e. uppsetningarinnar á
vélunum. Halldór sagði að þetta
væri allt liður í verkáætlun fyrir
Blönduvirkjun, eins og hún lítur
út nú, en hún ráðgerir að Blöndu-
virkjun verði komin í notkun
sumarið 1988. „Hins vegar er þetta
ekki endanleg tímasetning," sagði
Halldór, „því það kemur til álita
að fresta virkjuninni um einhvern
tíma og endanlegrar ákvörðunar í
því efni er ekki að vænta fyrr en
að vori, en þá tekur stjórn Lands-
virkjunar ákvörðun um hvort við
höldum verkáætlun óbreyttri eða
seinkum framkvæmdum um eitt
ár eða meira."
Halldór sagði að meiningin væri
að búa þannig um hnútana í
samningagerðinni við Japanina að
Landsvirkjun væri í aðstöðu til
þess að fresta afhendingu Sumi-
tomo á vélum og búnaði eftir því
sem þurfa þætti, þegar þar að
kæmi, í samræmi við þær frestan-
ir sem hugsanlega yrðu ákveðnar í
vor.
Aðspurður um skiptingu á milli
verðbóta og verðs í þessu tilboði
sagði Halldór að samningsupp-
hæðin væri um 12,8 milljónir doll-
ara og síðan væru verðbætur
reiknaðar miðað við ákveðnar for-
sendur um 1,6 milljónir dollara.
Guólaugur Friðþórsson við sundlaugina, skömmu áður en sundið hófst.
MorKunblaðið/SijjurKeir
Vestmannaeyjar:
22 nemendur synda Guðlaugssund
Vestmannaeyjum, 12. mars.
I>AU VORU knálega tekin sundtökin í sundlauginni í Vestmannaeyjum í
dag þegar 22 nemendur Stýrimannaskólans í Eyjum þreyttu svokallað
Guðlaugssund. Hver nemandi synti II ferðir í lauginni og samanlögð
vegalengdin sem nemendurnir lögðu að baki var rúmar 3 sjómflur, en það
er sú vegalengd sem Guðlaugur Friðþórsson synti I köldum sjó til lands
eftir Helliseyjarslysið fyrir réttu ári síðan, 12. mars 1984. Óþarfi ætti að
vera að rekja enn afrekssögu Guðlaugs þennan dag fyrir ári, hún er öllum
kunn. Þrek og æðruleysi Guðlaugs eiga sér ekki hliðstæðu.
Nemendur Stýrimannaskólans
voru í dag að minnast þessa mikla
þrekvirkis Guðlaugs, en hann var
um tíma nemandi við skólann. Er
stefnt að því að Guðlaugssundið
verði framvegis árlegur liður í
skólastarfi Stýrimannaskólans.
Friðrik Ásmundsson skólastjóri
ávarpaði viðstadda áður en sundið
hófst í morgun og kom það fram í
máli hans að það væri von Guð-
laugs Friðþórssonar að sund þetta
yrði til þess að minna á og vekja
umræður um öryggismál sjó-
manna. „Við viljum einnig með
þessu sundi vekja athygli á nauð-
syn góðrar sundkunnáttu sjó-
manna,“ sagði Friðrik Ásmunds-
son.
Hjónin Anna Jónsdóttir og
Þorsteinn Sigurðsson frá Blátindi
hafa fært Stýrimannaskólanum
að gjöf vandaða bók sem ætlað er
að varðveita frásagnir af Guð-
laugssundum og nöfn sundmanna.
Verður bókin í varðveislu Skjala-
safnsins í Eyjum. Sóknarprestur-
inn í Eyjum, séra Kjartan örn
Sigurbjörnsson, ávarpaði nem-
endurna og færði hverjum þeirra
áritaða Biblíu að gjöf frá Hinu
íslenska Biblíufélagi. Skólastjóri
Stýrimannaskólans svo og Guð-
laugur Friðþórsson fengu einnig
áritaða Biblíu að gjöf. Eyjólfur
Martinsson fræði Guðlaugi gjöf
frá Bátaábyrgðarfélagi Vest-
mannaeyja.
Eftir formlega setningarathöfn
kl. 10.30 í morgun stakk fyrsti
nemandinn, Ágúst Ingi Sigurðs-
son, sér til sunds og um kl. 13.30 í
dag höfðu nemendurnir saman-
lagt synt 3 sjómílur í þessu fyrsta
Guðlaugssundi. __hkj.
Ríkisstjórnin hvetur kennara til að snúa aftur til starfa:
Óðu í land
eftir útaf-
keyrslu
ÍsanrAi, 12.1
LAUST eftir miðnætti aðfara-
nætur mánudags fór fólksbíll
út af veginum við Hafrafell í
Skutulsfirði. Þungfært var
vegna hlákublota og missti
ökumaðurinn vald á bílnum
með þeim afleiðingum að hann
fór út af veginum og út í sjó.
Urðu ökumaður og tveir far-
þegar að vaða í land úr ökla-
djúpum sjó. Enginn meiddist
en bíllinn sem var af Skoda-
gerð er mikið skemmdur.
Úlfar
99
Get ekki mælt með því
við félagsmenn HIK“
— segir formadur félagsins
„ÞRÁTT fyrir ítrekaðar tilraunir til að ná bráðabirgðasamkomulagi við HÍK
eru ekki horfur á að samkomulag náist railli samninganefndar ríkisins og
HÍK um sérkjarasamninga og verður það mál því lögum samkvæmt úrskurð-
að af Kjaradómi,“ segir í fyrsta hluta ályktunar, sem ríkisstjórnin samþykkti
á fundi í gær í tilefni kjaradeilu Hins íslenska kennarafélags og ríkisins.
í öðrum hluta ályktunarinnar
segir: „Með tilvísun til þeirra for-
sendna, er fram koma í dómi Kjara-
dóms frá 16. febrúar sl., telur ríkis-
stjórnin eðlilegt, að tekið verði tillit
til þeirra auknu krafna sem gerðar
eru til kennarastarfsins, samanber
skýrslu á vegum menntamálaráð-
herra um endurmat á störfum
kennara og leiðréttur verði við röð-
un í launaflokka sá launamunur,
sem er með kennurum og öðrum
ríkisstarfsmönnum með sambæri-
lega menntun.
Ástand sjávar
fer enn batnandi
ÁSTAND sjávar á norður- og austurmiðum var í vetur enn hagstæðara en
á sama tíma 1984 og munar um 1° í hitastigi, en 1984 var aftur mikil
breyting til batnaðar frá því sem var svölu árin 1981-1983. Um framvind-
una er það að segja að ætla má, að ástand sjávar í vor á norðurmiðum geti
áfram orðið gott og þá lífsskilyrðin í sjónum yfirleitt, þótt ekki sé unnt að
fullyrða um það.
Þessar upplýsingar er meðal
annars að finna í fréttatilkynn-
ingu, sem Morgunblaðinu hefur
borizt frá Hafrannsóknastofnun.
Þar segir auk þessa eftirfarandi
um rannsóknir stofnunarinnar á
ástandi sjávar í febrúar:
Rannsóknaskipið Árni Frið-
riksson var í sjórannsóknaleið-
angri á miðunum umhverfis
landið siðari hluta febrúar sl.
Einnig voru gerðar mælingar á
loðnustofninum við Suðaustur-
land. Helstu niðurstöður hita- og
seltumælinga eru þessar:
Hlýsjórinn fyrir Vestfjörðum
var 4—6° heitur og áhrifa hans
gætti fyrir Norðurlandi með
hitastigi um 3—4° og seltu nær
35%«. Fyrir Austfjörðum var
sjávarhiti 2—3° og selta 34,8%o.
Kaldi sjórinn út af Norður- og
Norðausturlandi með hitastigi
undir 0° var langt undan, en
seltan í Austur-íslandsstraumi
djúpt út af Langanesi var þó
fremur lítil. í köldu árferði gæti
það bent til hafíshættu í vor, en
það er þó ólíklegt eins og veður-
fari háttar. Skilin við
Suðausturland voru að venju við
Lónsbug og hitastig á loðnuslóð
grunnt með Suðurlandi var um
6°. Hiti og selta dýpra fyrir Suð-
urlandi voru í góðu meðallagi
eða yfir 7° og 35,15%».
Leiðangursmenn á Árna Frið-
rikssyni voru Svend-Aage Malm-
berg, leiðangursstjóri, Hjálmar
Vilhjálmsson, Sveinn Svein-
björnsson, Jón Ólafsson, ólafur
S. Ástþórsson, Gísli Ólafsson og
Stefán Kristmannsson. Skip-
stjóri var Ingi Lárusson.
Þá segir í síðasta hlutanum:
„Ríkisstjórnin beinir þeirri ósk og
áskorun til þeirra félagsmanna
HÍK, sem lagt hafa niður störf, að
þeir snúi nú þegar aftur til kennslu-
starfa og virði þær lagareglur sem
gilda um kjarasamninga opinberra
starfsmanna."
Til viðbótar þessu ályktaði ríkis-
stjórnin um kjaramál opinberra
starfsmanna. Þar segir: „í fram-
haldi af þeim umræðum, sem fram
hafa farið um samanburð á kjörum
opinberra starfsmanna og manna
með sambærilega menntun, sér-
hæfni og ábyrgð, sem vinna hlið-
stæð störf á hinum almenna mark-
aði, lýsir ríkisstjórnin því yfir, að
hún er reiðubúin til reglubundins
samstarfs á sviði kjararannsókna
við samtök opinberra starfsmanna.
Tilgangur slíkra rannsókna yrði að
tryggja eðlilegt samræmi I kjörum
milli ríkisstarfsmanna og manna í
sambærilegum störfum á hinum al-
menna vinnumarkaði. 1 sama til-
gangi leggur ríkisstjórnin áherslu á
að lokið verði sem fyrst þeirri sam-
anburðarathugun, sem nú er unnið
að skv. samkomulagi ríkisins og
Launamálaráðs Bandalags háskóla-
manna“.
„Stríðshanskanum kastað“
„Ég tel að með þessu sé ríkis-
stjómin að kasta stríðshanskan-
um“, sagði Kristján Thorlacius,
formaður HÍK þegar ályktun ríkis-
stjórnarinnar var borin undir hann.
„Mér finnst hæpið að kennarar snúi
til starfa aftur vegna þessarar yfir-
lýsingar, enda kemur ekkert það
fram í henni sem ekki hefur verið
sagt áður. Vandinn felst í því, að
fjármálaráðuneytið hefur ekki sýnt
neinn góðvilja í verki. Á fundi HÍK
með fjármálaráðherra í dag höfn-
uðum viö endanlega tilboði samn-
inganefndar ríkisins um 1—3
launaflokka hækkun, enda tók til-
boðið ekkert tillit til endurmats-
skýrslúnnar. Ég get því ekki mælt
með því við félagsmenn HÍK að þeir
líti á þessa yfirlýsingu sem mark-
tækt loforð", sagði formaður HlK.
Almennur félagsfundur HÍK
verður haldinn í kvöld og verða þá
að öllum líkindum greidd atkvæði
um það hvort kennarar snúa aftur
til starfa. Kristján sagði það mjög
alvarlegt fyrir nemendur ef lausn
deilunnar drægist fram yfir kjara-
dóm og sagði að nú þegar væru
bæði kennarar og nemendur farnir
að falast eftir vinnu.
Húsnæðiskerfið:
142 millj. kr. í vanskilum
VANSKIL í húsnæðiskerfinu á síðastliðnu ári reyndust vera hjá Byggingarsjóði
ríkisins 136 milljónir króna. Vanskil vegna nýbygginga vóru 17,7% af því sem
gjaldféll 1. maí 1984. Sambærileg vanskil 1983 voru 13,6%. Vanskil vegna lána
til kaupa á eldri fbúðum reyndust 47,7% af því sem gjaldféll 1. nóvember sl.
Samsvarandi vanskil 1983 vóru 40,5% Um síðastliðin áramót vóru samtals
14.700 lán í vanskilum, en einstaklingar vóru færri, því sumir vóru með fleiri en
eitt lán.
manna. Þetta kom fram í svari Al-
exanders Stefánssonar félagsmála-
ráðherra á Alþingi í gær, er hann
svaraði fyrirspurnum um vanskil í
húsnæðiskerfinu.
Hjá Byggingarsjóði verkamanna
vóru vanskilin 6,2 milljónir um sl.
áramót. Dráttarvextir vegna van-
skila hjá Byggingarsjóði ríkisins
vóru 29 milljónir á sl. ári og 0,8
rpiljjónir hjá Bygging^r,sj(jði. Yítka-