Morgunblaðið - 10.04.1985, Blaðsíða 47

MORGUNBLAÐIÐ, MIÐVIKUDAGUR 10. APRÍL1985
47
góður. Allir sem einn eftir að
ákvörðun var tekin réðust á verkið
og kláruðu það, sama hvað á móti
blés. Hvað vorum við að gera,
hvaða tilgangi þjónaði þessi æði-
bunugangur? Nú, Vormót sem
eiga að vera á vorin er ekki hægt
að hafa á haustin, því þá heita þau
ekki lengur Vormót.
Þeir kostir sem góður einstakl-
ingur þarf að hafa til þess að ná
góðum árangri í starfi og leik eru
m.a. að vera hugmyndaríkur,
fljótur, samningslipur, þolinn og
áræðinn. Alla þessa kosti hafði
Eyfi til að bera, enda gott til hans
að leita og ræða við um úrlausn
ýmissa verkefna. Eftir langa
skólagöngu og með framtíðina á
móti sér er erfitt að þurfa nú að
sjá á eftir einum af sínum bestu
vinum hverfa án þess að fá nokkuð
að gert, en þeir tímar koma að
leiðir mætast á ný og verða þá
fagnaðarfundir eins og forðum.
Foreldrum Eyfa, bræðrum hans
og fjölskyldum þeirra færum við
og fjölskyldur okkar innilegar
samúðarkveðj ur.
Þórður og Svavar.
Rannveig V. Guðmunds-
dóttir — Minning
Fædd 15. desember 1897
Dáin 22. mars 1985
Hún elsku amma mín er dáin.
Loksins fékk hún hvíldina.
Margar fallegar minningar eig-
um við, sem hittumst á Laufásveg-
inum á uppvaxtarárunum. Þar
stóðu amma og afi alltaf brosandi
og tóku á móti stóra hópnum sín-
um. Þar var í góðu veðri brugðið á
leik í fallega garðinum þeirra, eða
jafnvel tínd rifsber í fötur. Inni
var einnig nóg pláss fyrir allan
hópinn. í eldhúsinu stóð amma og
bakaði pönnukökurnar sínar
handa okkur öllum og voru þær
fljótar að hverfa ofan í svanga
maga.
Margar minningar koma upp í
hugann, ekki síst þegar amma og
afi komu i heimsókn til okkar og
amma settist á rúmstokkinn hjá
mér. Þá kenndi hún mér jafnan
litlar bænir eða vers, sem ég síðan
þuldi yfir dúkkunum mínum áður
en ég fór að sofa. Einnig þegar
farið var með allan hópinn f Þjóð-
leikhúsið eða á jólaböllin i
Oddfellow.
Amma og afi voru sérstaklega
samrýnd hjón — kannski svolítið
háð hvort öðru — en það var líka
aldrei talað um annað í einu, það
var alltaf heildin, amma og afi.
Afi lést 20. júnf 1971 á áttræðis-
afmæli sínu. Hann hné niður í
veislunni á Laufásveginum og var
því ansi snögglega skorið á þann
lífsstreng. Ég held að hún amma
mín elskulega hafi aldrei almenni-
lega náð sér eftir það áfall. Sex
árum seinna var næstelsti sonur
hennar bráðkvaddur og tók hún
það mjög nærri sér.
Amma var jarðsett föstudaginn
29. mars frá Dómkirkjunni. Sólin
skein í heiði og allt var svo bjart
og fallegt. Þannig trúi ég að hafi
einnig verið í hjörtum okkar allra.
Minningarnar og treginn, en þó
þakklæti, efst í huga.
Ég trúi því að afi og Siggi
frændi hafi beðið eftir ömmu, tek-
ið é móti henni og hjálpað henni á
leiðarenda, þar sem hún nú mun
endurheimta krafta sina og líða
vel.
Við ástvinir ömmu þökkum
henni fyrir allt og biðjum Guð að
blessa hana.
Helga
SVAR
MITT
eftir Billy Graham
Trúin veitir kraft
Oft hef ég heyrt sagt: „Trú þú á drottin Jesúm, og þú munt verða
hólpinn." Þetta stendur í Nýja testamentinu. Hvers vegna leggið
þér og yðar líkar áherslu á þetta vers, en sneiðið hjá orðum eins og
þeim, sem Jesús sagði við rfka unglinginn: „Haltu boðorðin"?
Fyrri orðin eru komin frá Páli, en hin siðari sagði Jesús. Hvor
teljið þér mikilvegari, og hvers vegna takið þér önnur fram yfir
hin?
Ég játa, að ég nota orð Páls við fangavörðinn í Fil-
ippíborg: „Trú þú á drottin Jesúm, og þú munt verða
hólpinn." En við sleppum ekki hinum orðunum varðandi
hjálpræðið. Ég hef predikað meira um boðorðin en
nokkurt annað efni í Biblíunni, nema krossinn.
Þér látið að því liggja, að mótsagnir séu í Biblíunni.
Ég held, að svo sé ekki. Þannig eru versin tvö, sem þér
vitnið til, alls ekki í mótsögn hvort við annað. Biblían
segir: „Sá, sem heldur boðorð hans, er stöðugur í honum,
og hann í honum." Við höldum ekki boðorð Guðs eins og
okkur ber skylda til, og það sýnir okkur þörf okkar á
Kristi. Það er eins og Biblían segir: „Þannig hefur lög-
málið orðið tyftari vor til Krists, til þess að vér réttlætt-
umst af trú“.
Trú á Krist er ekki einungis kenning mín eða ein-
hverra annarra sem rannsaka Biblíuna. Hún er skýr
kenning Nýja testamentisins og grundvöllur kristilegr-
ar breytni.
En þetta felur auðvitað ekki í sér, að þá eigum við að
vanmeta aðra mikilvæga kafla ritningarinnar eða
sleppa þeim, eins og þeim, sem þér minnist á. Nei, í
trúnni á Krist er okkur einmitt gefinn nýr kraftur til að
halda boðorðin.
SAAB 90 VERÐ KR: 511.000
KOMDU OG KEYRÐANN
TÖGGURHR
UMBODID
BÍLDSHÖFÐA 16, SÍMI 81530
Fermingargjöf sem getur
skipt sköpum
Sölustaðir:
Flest apótek, Hjálparsveitir skáta um land allt,
Skátabúðin Snorrabraut og ýmsar sérverslanir.
LANDSSAMBAND
HJÁLPARSVEITA SKÁTA