Morgunblaðið - 10.04.1985, Page 66
66
MORGUKBLADfD, MIDVIfaJDAGUR 10. APRÍL 1985
Morgunblaöid/E.G.
Fyrstu lömbin
í Vogunum á þessu ári
Þann fyrsta aprfl bar fyrsta ærin í Vogunum á þessu iri. Átti ærin tvö
lömb. Ærin og lömbin eru frá Gudmundi Ólafssyni í Bræðraparti, en
hann er annar tveggja fjáreigenda ( Vogum, og fjáreign er innan við 10
kindur. Hefur fé fækkað mikið á síðustu árum. E.G.
Franski brúðu-
leikhúsmaður-
inn Jean-Paul
Hubert sýnir
FRANSKI brúðuleikhúsmaðurinn,
Jean-Paul Hubert, heldur tvær sýn-
ingar í Norræna húsinu á morgun,
11. apríl.
Sú fyrri hefst klukkan 17.00 og
er ætluð börnum. Listamaðurinn
kallar hana „ÍJr grískri goða-
fræði“. Seinni sýningin hefst
klukkan 20.30 og er hún ætluð full-
orðnum. Hubert kallar hana
„Goðafræði kvikmyndalistarinn-
ar“.
Hubert notar sérstaka tækni við
leik sinn er hann hefur þróað úr
ævafornri kínverskri tækni, sem
hann kynnti sér úr gömlum kín-
verskum handritum. Þórunn
Magnea Magnúsdóttir verður
listamanninum til hjálpar við
kynningu á texta.
í Mbl. sl. fimmtudag misritaðist
í fyrirsögn nafn listamannsins,
Jean-Paul Hubert og er beðið vel-
virðingar á þvi.
Islenska hljómsveitin:
Kammertónleikar
ÞRETTÁNDU tónleikar íslensku
hljómsveitarinnar á þessu starfsári
verða haldnir í Bústaðakirkju
fimmtudaginn 11. aprfl kl. 20.30. Á
tónleikum þessum, sem jafnframt
eru áttundu áskriftartónleikar
hljómsveitarinnar í Reykjavík, verða
flutt tvö kammerverk eftir Wolfgang
Amadeus Mozart og Ludvig van
Beethoven, Óbókvartettinn (K 368b)
eftir Mozart og Kvintettinn op. 16
eftir Beethoven. Að auki verður
frumfluttur oktett eftir Þorkel Sigur-
björnsson sem hlotið hefur nafnið
Áttskeytla. Er það níunda tónverk
innlends höfundar sem hljómsveitin
falast eftir og frumflytur á starfsár-
inu. Á tónleikunum koma fram eftir-
taldir félagar íslensku hljómsveitar-
innar:
Kristján Þ. Stephensen, óbó, Sigurð-
ur I. Snorrason, klarinett, Björn
Árnason, fagott, Lilja Valdimars-
dóttir, horn, Anna Guðný Guð-
mundsdóttir, píanó, Laufey Sigurð-
ardóttir, flðla, Hrefna Hjaltadóttir,
lágflðla, Ólöf Sesselja Óskarsdóttir,
selló.
í fréttatilkynningu frá íslensku
hljómsveitinni segir meðal ann-
ars:
Þorkell Sigurbjörnsson (1938)
hefur verið afkastamikill á mörg-
um sviðum tónlistarlífsins, bæði
við tónsmíðar, kennslu og önnur
störf að málefnum tónlistar. Fjöl-
hæfni Þorkels er við brugðið.
Tónsmíðar hans hafa spannað vítt
svið, nefna má hljómsveitarverk,
konserta, barnaóperur, sönglög,
ballett- og leikhústónlist, kórtón-
list og raftónlist. Sem tónskáld að-
hyllist hann enga afmarkaða tón-
smíðastefnu, er raunar jafnvígur
á hin ýmsu stílbrigði og beitir
þeim á báða bóga. Þekkt er með
þjóðinni sálmalag hans Heyr,
himna smiður, raddsett í hefð-
bundnum stíl, sem og hin ýmsu
tónverk sem samin hafa verið af
ákveðnu tilefni fyrir hina ýmsu
tónlistarhópa landsins. Hljóm-
sveitarverk hans eru fjölmörg og
hafa verið flutt víða um lönd. Þar
kveður einatt við annan og viðam-
eiri tón en í áðurnefndum verkum.
Áttskeytla var samin í vetur að
tilhlutan íslensku hljómsveitar-
innar og er af léttum toga líkt og
heitið ber með sér.
Snemma árs 1781 var Mozart
ráðinn til að semja óperu fyrir
kjötkveðjuhátíðina í Múnchen.
Óperan Idomeneo varð samstund-
is mjög vinsæl og þessi misseri
voru Mozart ánægjuleg áður en
hann var kvaddur til Vínar þar
sem hann bjó síðustu tíu árin.
Hann hafði fengið verkefnið í
Múnchen að tilstuðlan vina, og þar
samdi hann einnig Óbókvartettinn
fyrir vin sinn Friedrich Ramm,
sem einnig bar hróður Óbó-
konserts Mozarts víða. Hér er það
hinn góðkunni óbóleikari Kristján
Stephensen sem fer með hið
vandasama aðalhlutverk kvart-
ettsins.
Beethoven (1770-1827) tók
fyrst til við tónsmíðar af alvöru
eftir að hann flutti til Vínar árið
1792. Tónlist var í hávegum höfð
þar í borg og hinn ungi tónsmiður
fékk ýmis tækifæri til þjálfunar í
kammertónlist. Frá fyrstu átta
árum hans í Vín er töluvert til af
kammertónlist fyrir blásturs-
hljóðfæri, oft var hún skrifuð
fyrir kunningja að leika saman en
jafnframt var blásaratónlist al-
mennt vinsæl í borginni. Kvintett-
inn op. 16 nr. 2 er með þekktustu
verkum þessa tímabils í sköpun
Beethovens, og þótt hann hafi ekki
tekið þessi verk of alvarlega hafa
þau haldið vinsældum sínum sem
létt, en afbragðsvönduð tónlist.
Sigurður Snorrason
Hrefna Hjaltadóttir
Ólöf Sesselja Björn Árnason
Óskarsdóttir
Laufey Sigurðardóttir Kristján Þ. Stephensen
Anna Guðný
Guðmundsdóttir
Lilja Valdemarsdóttir
Markmiðið að aðstoða fólk sem
vill hverfa frá vímuefnaneyslii
— rætt við Kristin T. Haraldsson og
Sigurgeir Baldursson um félagið STOÐ
STOFNFUNDUR félags, sem hefur það að markmiði að aðstoða fólk sem
vill hverfa frá vímuefnaneyslu, verður haldinn að Hótel Borg annað
kvöld, flmmtudaginn II. aprfl. Félagið ber heitið STOÐ og frumkvæðið
að stofnun félagsins hefur fólk, sem farið hefur í meðferð vegna
vímuefnaneyslu og telur nauðsynlegt að komið verði á fót félagslegri
aðstoð við þá sem vilja lifa heilbrigðu lífi án vímuefna. í hópi hvatamanna
að stofnun félagsins eru þeir Kristinn T. Haraidsson og Sigurgeir Bald-
ursson og hitti blaðamaður Mbl. þá að máli og spurði þá nánar um
markmið og tilgang félagsins.
Kristinn T. Haraldsson og Sigurgeir Baldursson. Morgunbiaiift/Júiíus
„Tilgangur félagsins er fyrst
og fremst sá, að sinna félagsþörf
þess fólks, sem vill lifa
vímuefnalausu lífi, og aðstoða
það við að skapa sér heilbrigð
áhugamál og jákvætt líferni,"
sögðu þeir félagar. „Þetta felur
ekki aðeins í sér stuðning við
fólkið sjálft, heldur einnig að-
Istandendur þeirra auk þess sem
allt áhugafólk um þessi mál er
að sjálfsðgðu hvatt til að taka
þátt í þessu starfi. Við teljum að
j það sé mjög brýn þörf á, að að-
stoða fólk, sem kemur úr með-
ferð, við að ná fótfestu í lífinu á
j ný, t.d. aðstoða það í atvinnuleit
og byggja upp sjálfstraust þess."
i Þeir Kristinn og Sigurgeir
Ikváðust báðir hafa gengiö i
gegnum þá reynslu að koma aft-
ur út í lífið að lokinni meðferð
eftir vímuefnaneyslu og gætu
þeir því fullyrt, að það getur
reynst erfitt að byrja nýtt líf.
„Menn vilja oft sækja í sama
farið þegar þeir koma út. Gömlu
félagarnir eru á hverju horni og
það getur oft verið erfitt að rífa
sig úr viðjum vanans og leita
annað, þrátt fyrir að hafa farið í
gegnum meðferð,“ sögðu þeir.
„Menn eru oft mjög jákvæðir
og bjartsýnir að lokinni með-
ferðinni, en svo þegar þeir koma
út eru þeir einir og óstuddir og
vita í raun ekkert hvert þeir eiga
aö snúa sér. Þá vill oft sækja i
sama farið. Það getur verið nap-
urt, aö koma niður á Umferöar
miðstöð og vita svo ekkert hvert
maður á aö fara. Þessu íélag: er
sem sagt ætlaö aö sinna félags-
Iegri þörf þessa fólks og aðstoða
það við að ná fótfestunni : lífinu
á ný. Þaö ma segja ao þetta sé
eins konar milliliður á milb.
SÁÁ- og AA-samtakanna. SÁÁ
annast meðferðma AA annast
tjáninguna og andlegu hliðina og
STOÐ er ætlað að sinna félags-
legu hliðinni."
Þeir Kristinn og Sigurgeir
sögðu aö áhersia yrð' lögð á aö
hafa sem best samstarf við önn-
ur félagasamtök og hópa sem
starfa að svipuðum málefnum og
jafnframt yrði stefnt að því að
koma upp viðunandi aðstöðu
fyrir félagið. Hér væri hins veg-
ar ekki um eiginlegt bindindisfé-
lag að ræða heldur væri ætlunin
að virkja það fólk, sem kemur úr
meðferð, til jákvæðra starfa og
heilbrigðs lífs. „Menn fyllast
krafti í meðferðinni og eru upp-
fullir af hugmyndum, sem oft
verða svo að engu þegar út í
raunveruleikann er komið. Þá
rennur allt út í sandinn því
menn vita ekkert hvar þeir eiga
að byrja. Við viljum virkja þann
kraft sem býr I þessu fólki og
hjálpa þvf að ná fótfestu, svo að
það geti sjálft virkjað þann kraft
sem í því býr.“
Á stofnfundinum á Hótel Borg
annað kvöld flytja eftirtaldir að-
ilar erindi: Þórarinn Tyrfingsson
um skaðsemi vímuefna, Grettir
Pálsson um stöðu fólks eftir
meðferð, Kristfn Waage um
stöðu aðstandenda, Sævar Páls-
son um þörf á félagslegri aðstoð
og ómar Ægisson um tilgang og
stefnu félagsins. Þá mun Elín
Garðarsdóttir skýra frá störfum
undirbúningsnefndar, Sigurgeir
Baldursson fjallar um húsnæð-
ismál félagsins og Kristinn T.
Haraldsson kynnir drög að lög-
um félagsins. Fundarstjór: verð-
ur Jakob R. Möller. Fundurinn
er öllum opinn. og kváðust þeir
Kristinn og Sigurgeir vonast til
að sjá sem flesta, sem láta sig
þessi mál einhverju skipta.