Morgunblaðið - 09.05.1985, Blaðsíða 17

MORGUNBLADIÐ, FIMMTUDAGUR 9. MAÍ 1985
17
l
I
Sigurlaug Ingibjörg Lövdahl sem hlaut fyrstu verölaun í samkeppninni.
Samkeppni um iðnhönnun og tækninýjungar á Spáni:
íslenskur hönn-
unarnemi hlaut
fyrstu verðlaun
I BYRJUN marsmánaöar hlaut ungur íslenskur hönnunarnemi, Sigurlaug
Ingibjörg Lövdahl, fyrstu verðlaun í samkeppni um iðnhönnun og tækni-
nýjungar á Spáni, „Cevisama ’85“.
Aðalverðlaununum í ár var
skipt milli þriggja aðila og var
framlag Sigurlaugar veggflís úr
keramik sem ber heitið „Is-
landia". Hópur fjögurra skólafé-
laga Sigurlaugar hlaut einnig
verðlaun fyrir framlag sitt, en
þriðja tillagan sem verðlaunuð
var kom frá hönnunarfyrirtæki í
Barcelor i.
Samkeppnin er í tengslum við
alþjóðlega sýningu á bygg-
ingarvörum, „Cevisama", sem
haldin er ár hvert í borginni Val-
encia á Spáni. Spánverjar eru, á
eftir Itölum, stærstu framleið-
endur keramikflísa í heiminum
og er mestur hluti sýningarinnar
helgaður þeim. Auk keramikflísa
eru sýndar ýmsar aðrar tegundir
af klæðningu fyrir gólf og veggi,
hreinlætistæki, ýmis hráefni og
tækjabúnaður. Sýningin er sú
umfangsmesta sinnar tegundar
á Spáni.
Samkeppnin í ár var tileinkuð
hlutum úr keramik eða gleri til
fjöldaframleiðslu fyrir bygg-
ingariðnaðinn. Við hönnun hlut-
anna skyldi taka mið af listrænu
gildi þeirra sem og hagnýtu.
f niðurstöðu dómnefndarinnar
kom fram að margar tillögur
hefðu líkst um of tillögum frá
fyrri árum, og sumir þátttakend-
ur hefðu íagt meiri áherslu á
framsetningu tillaganna en
hönnun þeirra. Verðlaunatillög-
urnar, allt keramikflísar, hefðu
því orðið fyrir valinu fyrir fersk-
leika hugmyndanna sem að baki
þeim lá.
Sigurlaug stundar nám i
hönnunarskóla í Alcoy í Alic-
antehéraði á Spáni síðan i haust.
Það hefur vakið mikla athygli að
tvær af þrem verðlaunatillögun-
um koma frá nemendum sama
skóla, en meginþorri þátttak-
enda var atvinnufólk víðsvegar
frá Spáni.
Verðlaunatillögurnar voru
sýndar á sérstökum bás á sýn-
ingunni, en alls sýndu 294 fyrir-
tæki frá 12 löndum vörur sínar.
Tillögurnar verða vel kynntar
fyrir framleiðendum og almenn-
ingi i fagtímaritum og í fjölmiðl-
um. Þvi má ætla að árangur Sig-
urlaugar í þessari samkeppni
leiði af sér umtalsverða land-
kynningu meðal framleiðenda og
hönnuða á sviði byggingariðnað-
ar í Evrópu.
Vaka, félag lýðræðissinnaðra stúdenta:
Algjör andstaða við
breytingar á lögum
um skyldusparnað
MORGUNBLAÐINU hefur borist eftirfarandi yfirlýsing frá stjórn Vöku,
félags týdræðissinnaðra stúdenta:
„Stjórn Vöku, félags lýðræðis-
sinnaðra stúdenta í Háskóla ís-
lands, lýsir yfir algjörri andstöðu
sinni við hugmyndir um breyt-
ingar á lögum um skyldusparnað
ungs fólks sem félagsmálaráð-
herra hefur lagt fram.
Með þeim breytingartillögum
sem ráðherra setur fram er náms-
mönnum gert ókleift að taka ut
skyldusparnað sinn eins og hægt
hefur verið. Er því verið að vega
að fjárhagslegri stöðu náms-
manna og fyrir flesta þeirra
mundi þessa ráðstöfun þýða að
10% af sumarlaunum námsmanna
yrðu bundin meðar á nám; stend-
ur. Breytir þar engu þótt skyldu-
sparnaðarhlutfallið yrði lækkað
úr 15% í 10% af heildarlaunum,
breytingin þýddi 10% lækkun á
ráðstöfunartekjum námsmanna.
Auk þess má telja vafasamt af
hinu opinbera að taka skyldu-
sparnað af fólki, ekki síst ef litið
er til þess að markaðurinn býður
því víða betri ávöxtun heldur en
hið opinbera gerir með núverandi
fyrirkomulagi.
Stjórn Vöku skorar á félags-
málaráðherra að falla frá hug-
myndum um breytingar á lögum
um skyldusparnað (lögum um
Húsnæðisstofnun ríkisins) og ella
á þingmenn að fella frumvarpið."
(FrétUtilkynning.)
Úthlutun olíustyrkja í Lýtingsstaðahreppi:
Út í bláinn að fólk fái styrk án
þess að það kyndi með olíu
— segir Siguröur Sigurðsson oddviti vegna fullyrðinga sveitunga og ráðherra
„ÞAÐ ER ekki um það að ræða í Lýtingsstaðahreppi að fólk, sem kyndir
með rafmagni eða heitu vatni, fái olíustyrk. Fullyröingar þar um eru út í
bláinn," sagði Sigurður Sigurðsson, oddviti hreppsfélagsins, í samtali við
blaðamann Mbl. í framhaldi af umræðum um olíustyrkjakerfið á Alþingi
fyrir helgina. Þar sagði Sverrir Hermannsson iðnaðarráðherra að fram-
kvæmd útborgunar olíustyrkjanna væri „ólíðandi subbuskapur”, sem
hann ætlaði að uppræta.
Iðnaðarráðherra vitnaði í
ræðu sinni á þingi til bréfs, sem
hann hafði fengið frá Helgu
Þórðardóttur á Mælifellsá í Lýt-
ingsstaðahreppi í Skagafirði, þar
sem fullyrt er að í hreppnum
væri „fjöldi manns sem þægi
olíustyrk en hitaði hús sín annað
tveggja með rafmagni eða heitu
vatni".
Sigurður oddviti sagði í gær að
þetta væri ekki rétt. „I hreppnum
eru 66 lögbýli," sagði hann, „og
þar af fá 30 býli olíustyrk núna.
Um áramótin voru greiddir
styrkir til 36 býla en um það leyti
fengu tveir af þessum til sín heitt
vatn, þrír tóku upp rafhitun og
sá sjötti hætti að nota olíukynd-
ingu í síðasta mánuði."
Hann sagði að víst væru dæmi
um það í hreppnum að fólk, sem
mikið væri fjarverandi vegna
vinnu sinnar eða veikinda, fengi
áfram greidda olíustyrki enda
væri farið að lögum og styrkirnir
greiddir út eftir íbúaskrá. Ekki
væri felldur niður styrkur þótt
fólk væri ekki heima af óviðráð-
anlegum orsökum. „Einn íbúi í
hreppnum fær greiddan styrk á
sitt lögbýli þótt hann sé til heim-
ilis á næsta bæ — hann á rétt á
styrknum engu að síður enda
þarf að halda hita á húsum,“
sagði Sigurður.
Við tvo bæi í hreppnum eru
heitar laugar, „volgrur, önnur 30
stiga heit, hin 42 gráður, sem
hægt er að nýta að hluta til að
spara olíukyndinguna,“ sagði
oddvitinn. „Á meðan menn hafa
ekki algjörlega losað sig við olíu-
kyndingu eiga þeir rétt á að fá
styrkinn — sem er um 300 krón-
ur á mánuði fyrir hvern íbúa.
Kyndingarkostnaður er mjög hár
— allt að eitt hundrað þúsund
krónur á ári — en hæstu olíu-
styrkir í hreppnum voru á síð-
asta ári tæpar 15 þúsund krón-
ur.“ Þá fækkaði um tiu manns í
Lýtingsstaðahreppi.
Sigurður ítrekaði að í hreppn-
um væri farið að lögum í þessu
sambandi. „Ég veit ekki alveg
hvað Helga Þórðardóttir á við í
bréfi sínu til ráðherrans," sagði
hann. „Styrkjaskrárnar eru gerð-
ar ársfjórðungslega og þá getur
vissulega komið fyrir, að einhver
fái olíustyrk í fáeinar vikur eftir
að viðkomandi hefur fengið hita-
veitu eða tekið upp rafhitun.
Eins getur komið fyrir, þegar
börn fæðast, að ekki sé greiddur
fullur styrkur til fjölskyldunnar
í einhverjar vikur en það er
beinlínis út í bláinn að fullyrða,
að fjöldi manns fái olíustyrk án
þess að eiga rétt á honum.“
TRAFIC 4X4
mmrr m Atmmví
' -->
Renault Trafic 4x4 í fyrsta sinn á íslandi.
Bíll sem beðið hefur verið eftir hérlendis.
Burðargeta: 1100 kg. Hentugur fyrir t.d. sveitarfélög, verktaka o.fl.
Bæði fáanlegur með bensín- og dísilvél.
Komið og kynnið ykkur þennan bíl, hann býður upp á marga möguleika.
KRISTINN GUÐNASON HF.
SUÐURLANDSBRAUT 20, SÍMI 686633