Morgunblaðið - 09.05.1985, Blaðsíða 45

MORGUNBLAÐID, FIMMTUDAGUR 9. MAl 1985
45
„Klerkur í klípuw
í Laugarásbíói
LAUGARÁSBÍÓ hefur tekið til sýn-
inga bandarísku myndina „Klerkar í
klípu" (Mass Appeal).
Myndin fjallar um fullorðinn
prest sem er falið það verkefni að
siða til ungan og uppreisnargjarn-
an djákna og fær hann til þess
einn mánuð. Kynni prestsins af
djáknanum verða hins vegar til
þess að gjörbreyta skoðunum hans
til kirkjunnar.
Jack Lemmon fer með aðalhlut-
verkið í myndinni en auk hans eru
í stórum hlutverkum Zeljko Ivan-
ek og Charles Durning. Leikstjóri
er Glenn Jordan.
Borgarfjörður eystri:
Þemavika í
grunnskólanum
LAUGARDAGINN 27. aprfl sl.
komu góðir gestir hingað til Borg-
arfjarðar eystra. Voru það gítarleik-
ararnir Símon H. fvarsson og Sieg-
fried Kobilza.
Símon H. ívarsson fæddist í
Reykjavík 1951. Vorið 1975 lauk
hann prófi við Tónskóla Sigur-
sveins D. Kristinssonar og síðan
einleikaraprófi við Tónlistarhá-
skólann í Vínarborg. Hann hefur
starfaö sem gítarkennari við tón-
listarskólann í Luzern, Sviss, en
fluttist heim til íslands haustið
1981 og gerðist kennari við Tón-
skóla Sigursveins.
Siegfried Kobilza fæddist í
Kárnten í Austurríki 1954. Hann
lauk prófi í gítarleik við Tónlist-
arháskólann í Vínarborg 1981 og
er einn virtasti gítarleikari Aust-
urríkis í dag. Hann hefur haldið
tónleika í fjölmörgum löndum.
Efnisskrá þeirra félaga var
mjög fjölbreytt. Meðal annars
léku þeir verk eftir Michael Praet-
orius, Johann Christian Bach,
Ludvig van Beethoven, Luige
Boccherine o.fl.
Því miður hafði ég ekki tök á að
hlýða á tónleikana, en þeir sem
það gerðu voru á einu máli um
það, að þeir hefðu verið frábærir.
Aðeins hefðu áheyrendur mátt
vera mun fleiri.
Síðasta vikan í apríl var svo
kölluð Þemavika i Grunnskóla
Borgarfjarðar (þema: efniviður
eða viðfangsefni). 1 þemaviku
vinna nemendur eftir kerfi „opins
skóla“. Hið hefðbundna skólastarf
er brotið upp og öll vinna nem-
enda tengist þemanu. Þá mæta
nemendur í skólanum á venju-
legum tima og velja sér viðfangs-
efni eftir áhugasviði, og vinna það
síðan i hópum undir leiðsögn
kennara. Hér er það áhuginn fyrir
viðfangsefninu, sem hvetur nem-
andann til dáða í stað eftirrekstr-
ar frá foreldrum og kennurum. í
þetta skiptið var þemað listir og
einskorðað við þrjár listgreinar,
tónlist, leiklist og matargerðar-
list.
Miðvikudaginn 1. mai var svo
sýning í skólanum, er sýndi árang-
urinn af þemavinnu nemenda.
Veggspjöld höfðu verið gerð, þar
sem nemendur tóku til meðferðar
flest yngri leikritaskáld íslensk,
og verk þeirra og gerðu jafnframt
grein fyrir aðalleikhúsum lands-
ins og sögu leiklistar. Nemendur
sýndu leikþátt er þeir höfðu sjálfir
gert upp úr „För Þórs til Útgarð-
aloka“. Auk þess var upplestur,
samlestur úr sögu Páls H. Jóns-
sonar, Berjabít, og stuttur leik-
þáttur. Aðalleiðbeinandi var Pét-
ur Eiðsson.
Tónlistarnemendur léku á
hljóðfæri (píanó og blokkflautur)
undir stjórn tónmenntakennara
síns, Margrétar Bragadóttur, og
skólastjórans, ólafs Arngríms-
sonar. Einnig gerðu þeir vegg-
spjöld um tónskáld, stefnur og
form. Fluttur var söngleikur, tón-
list við sögu, „þemalag" og texti og
kórsöngur.
í þriðju listgreininni, matar-
gerðarlist, voru einnig notuð
veggspjöld með leiðbeiningum um
heilsusamlegt mataræði og holl-
efni og hvað forðast beri í neyslu
matar.
Auk þessa voru á boðstólum
hverskonar veitingar, sem nem-
endur höfðu sjálfir matbúið, undir
stjórn Oddnýjar Vestman og Torf-
hildar Sigurðardóttur og gengu
þeir einnig um beina, eins og þaul-
æft starfsfólk í veitingahúsi.
Þau, sem að þessu stóðu, ólafur
skólastjóri Arngrimsson, Margrét
kennari Bragadóttir, svo og að-
stoðarfólk þeirra eiga miklar
þakkir skildar fyrir svo myndar-
legt framtak og góðan árangur,
því að bæði var þetta mjög
ánægjuleg stund og svo hafa nem-
endur tvfmælalaust mikið gagn af
slíku. Þeir æfast í að vinna saman,
koma opinberlega fram, hugsa
rökrétt, tjá sig i hljóðfæraleik,
leiklist, upplestri og söng. Og ég er
þess fullviss, að þegar allt kemur
til alls, þá hafa nemendur hlotið
meiri og hagnýtari fræðslu þessa
viku, en margar aðrar, þar sem
stundaskráin réð öllu, með fyllstu
virðingu fyrir henni. — Sverrir
Fulltrúaráð verkalýðs-
fp.laganna í Hafnarfirði;
Grétar Þor-
leifsson kos-
inn formaður
Aðalfundur Fulltrúaráðs verkalýös-
félaganna í Hafnarflrði var haldinn
fyrir skömmu og voru á dagskrá
venjuleg aðalfundarstörf auk um-
ræðu um atvinnumál í Hafnarflröi.
Á fundinum voru eftirtaldir að-
ilar kjörnir i stjórn ráðsins til
næstu tveggja ára: Grétar Þor-
leifsson formaður, Sigurður T.
Sigurðsson varaformaður, Sólveig
Haraldsdóttir ritari, Hallgrímur
Pétursson gjaldkeri og meðstjórn-
endur Alda Pétursdóttir, Eiríkur
Helgason og Dagbjört Sigurjóns-
dóttir. Fyrsti varamaður er Ey-
steinn Guðlaugsson.
Aöeins
2:000
útborgun og svo 2.000
M króna
kr. á mánuöi
Viö gerum þér tíma-
bundið tilboö sem þú
getur ekki hafnaö og
seljum þennan glæsi-
lega Electrolux ör-
bylgjuofn á einstöku af-
sláttarveröi meö ótrú-
legum kjörum.
Vörumarkaðurinn hl.

Ármúla 1a. s: 686117.
Sumarbúðir ÆSK
Við Vestmannsvatn Aðaldal S-Ping.
Flokkaskipting
strákar/stelpur, 7-11 ára.
strákar, 8-11 ára.
stelpur, 8-11 ára.
stelpur/strákar, 7-9 ára.
aldraðir
aldraðir
strákar/stelpur, 8-11 ára.
strákar/stelpur, 10-13 ára.
1. fl. 6. júní til 15. júní,
2. fl. 18. júni til 27. júní,
3. fl. 28. júní til 7. júlí,
4. fl. 8. júlí til 17. júlí,
5. fl. 18. júlí til 25. júlí,
6. fl. 25. júlí til l .ágúst,
7. fl. 6. ágúst til 15. ágúst,
8. fl. 16. ágúst til 25. ágúst,
Innritun
Innritun í sumarbúðir ÆSK við Vestmannsvatn er
hafin. Hún fer fram hjá Gunnari Rafni Jónssyni og
Steinunni Þórhallsdóttur, Ketilsbraut 20 á Húsavík.
Síminn er 96- 4 14 09. lnnritað er alla virka daga frá
kl. 17-20, en einnig má hringja á öðrum tímum, ef
það hentar betur.
Frá og með 3. júni fer innritun fram í sumarbúðunum
við Vestmannsvatn. Síminn þar er %- 4 35 53.
Við innritun þarf að greiða 1000 kr. staðfestingar-
gjald, sem er óendurkræft, ef umsækjandi hættir við
dvölina þremur vikum eða skemur fyrir upphaf
hennar. Ella gengur staðfestingargjaldið upp í
dvalargjaldið. Sendir verða út gíróseðlar fyrir
staðfestingargjaldinu. Þá þarf að greiða innan
tveggja vikna. Þegar sú greiðsla hefur borisf, fá
væntanlegir þátttakendur bréf með ollum upp-
lýsingum um sumarbúðirnar og dvölina þar.
Dvalargjald
Dvalargjald í barnaflokkum er 5100 kr. fyrir bamið.
Systkini fá afslátt og er dvalargjaldið þá 4500.
Dvalargjald fyrir aldraða er 7000 kr. fyrir manninn.
Hjón fá 10% afslátt.
Æskulýðssamband kirkjunnar í Hólastifti

p m m
Metsölublað á hverjum degi! |