Morgunblaðið - 22.05.1985, Blaðsíða 3

MORGUNBLAÐIÐ, MIÐVIKUDAGUR 22. MAÍ 1985
3
„Alvarlegt mál ef 80
manns missa atvinnu“
segir Karl Steinar Guðnason um gjald-
þrotabeiðni Heimis í Keflavík
„ÉG VONA að ekki komi til þess, að
jafn gróið og vel rekið fyrirtæki og
Heimir verði tekið til gjaldþrota-
skipta. Fyrirtækið hefur verið vel rek-
ið og bátarnir hafa aflað mjög vel. En
erlendar skuldir hafa á undanförnum
árum verið að éta upp eignir fyrirtæk-
isins og ég á von á, að svipað ástatt sé
um fleiri fyrirtæki hér á Suðurnesj-
um,“ sagði Karl Steinar Guðnason,
formaður Verkalýðs- og sjómannafé-
lags Keflavíkur, í samtali við Mbl.
um beiðni forráðamanna Útgerðarfyr-
irtækisins Heimis hf. þess efnis að
fyrirtækið verði tekið til gjaldþrota-
skipta.
„Það er alvarlegt mál fyrir
byggðarlagið ef 80 manns missa at-
vinnu og öflugt fyrirtæki eins og
Heimir hættir starfsemi. Síðastlið-
inn vetur héldum við fjölmennan
fund hér á Suðurnesjum um slæmt
atvinnuástand. Málin voru reifuð
fyrir stjórnvöldum í framhaldi af
þeim fundi. Þetta er niðurstaðan —
öflugt fyrirtæki eins og Heimir hf.
leggur fram beiðni um gjaldþrota-
skipti," sagði Karl Steinar.
Skógræktardeilan leyst:
Vinna hefst aftur í
skógræktinni í dag
SAMNINGAR í kjaradeilu Skógræktar ríkisins og ófaglærðs starfsfólks skóg-
ræktarstöðvanna, sem verið hefur í verkfalli síðan um helgi, tókust laust fyrir
kl. 02 í fyrrinótt. Gert er ráð fyrir að verkfallinu verði aflýst nú árdegis og að
vinna í stöðvunum hefjist þá á nýjan leik, að sögn Þóris Daníelssonar, fram-
kvæmdastjóra Verkamannasambands fslands, sem leiddi samningana af hálfu
verkalýðsfelaga starfsfolksins.
Það var ágreiningur um fæðis-
peninga starfsfólksins, sem setti
deiluna í hnút og leiddi til verk-
fallsins. Annað bar ekki i milli og
leystist deilan er Guðlaugur Þor-
valdsson ríkissáttasemjari bar
fram sáttatillögu seint í fyrra-
kvöld. Féllust samningamenn
verkalýðsfélaganna sex, sem hlut
eiga að máli, á tillöguna og sömu-
leiðis samningamenn ríkisins. Áð-
ur hafði verið komist að samkomu-
lagi um launaliði samningsins, sem
eru í „almennum farvegi," eins og
Þórir Danielsson orðaði það.
„Þetta var mjög flókið mál og
ekki auðleyst því aðstoða í stöðvun-
um er mjög mismunandi. Það væri
of flókið mál að útskýra í hverju
þessi lausn er fólgin, enda er hún
ekki fordæmisgefandi á nokkurn
hátt,“ sagði Þórir í samtali við
blaðamann Mbl. „Þetta var spurn-
ing um tiltölulega fáar krónur."
Samkomulagið var borið undir
starfsfólk stöðvanna í gær og
gærkvöld og var, eins og fyrr segir,
reiknað með að vinna hæfist aftur í
stöðvunum árdegis i dag.
Akranes:
Unnið að gerð smábátahafnar
Akrancni, 21. mal.
UNNIÐ að gerð smábátahafnar á
Akranesi. Vonir standa til að hún
verði tilbúin nú í sumar. Bryggjan
verður staðsett neðan við mjöl-
geymslu SFA og hefur þar verið
búinn til grjótgarður og verið er
að setja niður mikla járnbita sera
halda sjalfri bryggjunni stöðugri.
Bryggjan sjálf er úr trefjasteypu
og hefur hún verið notuð til
reynslu frá síðasta sumri sem
legukantur við svokallaða Akra-
borgarbryggju.
Smábátaeign Skagamanna
hefur aukist mikið á undan-
förnum árum og má segja að
engin aðstaða hafi verið fyrir
þá við höfnina, þótt ýmsar
bráðabirgðaráðstafanir hafi
verið gerðar. Ráðgert er að við
þessa smábátahöfn verði öll að-
staða fyrir smábátaeigendur
svo sem beitingar- og geymslu-
skúrar.
Smábátaeigendur á Akranesi
stunda flestir grásleppuveiðar á
þessum tíma og auk þess línu-
og handfæraveiðar þegar vel
viðrar.
JG
... falleg föt
fara velsaman.
Nú veröur gaman.
Sumar, sumar,
sumar og sól..