Morgunblaðið - 22.05.1985, Blaðsíða 4

4
MORGUNBLAÐIÐ, MIÐVIKUDAGUR22. MAÍ 1985
Rætt um aðgerðir vegna stóraukinnar mjólkurframleiðslu:
Verðskerðing og
kjarnfóðurskattur?
Framleiðsluráð landbún-
aðarins fjallaði um mikla
aukningu mjólkurframleiðslu
í apríl á nýlegum fundi sín-
um. Samþykkti ráðið að
skrifa öllum mjólkurfram-
leiöendum bréf og gera þeim
grein fyrir stöðunni í fram-
leiðslumálum mjólkur og
Asmundur
Ólsen látinn
P*trekaTir»i, 21. maí.
Ásmundur Ólsen, fyrrverandi kaup-
maður frá Patreksfirði, er látinn, 74
ára að aldri. Hann fœddist á Patreks-
firði 2. desember 1910. Foreldrar hans
voru Björn Ólsen, kaupmaður, og
kona hans, Margrét Víglundsdóttir.
Kftirlifandi kona Ásmundar er Krist-
björg Stefánsdóttir Ólsen. Þau eignuð-
ust fjögur börn, Birni, Viðar, Ásrúnu
og Gunnlaug.
Ásmundur hóf verslunarstörf á
Patreksfirði ungur að árum og
starfaði við það lengstan hluta ævi
sinnar, eða þar til hann fluttist til
Reykjavíkur upp úr 1970. Þann tfma
sem Ásmundur var búsettur á Pat-
reksfirði gegndi hann fjölda trúnað-
arstarfa. Hann var meðal annars
oddviti, hreppsnefndarmaður og
formaður Sjálfstæðisfélagsins um
árabil.
Ásmundur var vel metinn borgari
á Patreksfirði. Háttvis og ötull í
starfi og einn hinna hljóðlátu í land-
inu. SÖL.
þeirri skerðingu sem aukin
mjólkurframleiösla hlýtur að
hafa í för með sér miðað við
sölumöguleika.
Viðvörun þessi verður send til
allra framleiðenda, einnig þeirra
sem verið hafa undanþegnir verð-
skerðingu undanfarin ár. Fram-
kvæmdanefnd Framleiðsluráðs
var jafnframt falið að ræða við
landbúnaðarráðherra um álagn-
ingu kjarnfóðurgjalds í sumar og
var nefndinni veitt fullt umboð til
tillögugerðar í því efni af hálfu
Framleiðsluráðs.
Gunnar Guðbjartsson, fram-
kvæmdastjóri Framleiðsluráðs,
sagði í samtali við Mbl. að þessi
aukning í mjólkurframleiðslunni
þýddi ekkert annað en stóraukinn
útflutning á ódýrum vinnsluvör-
um, svo sem ostum. Sagði hann að
ef aukningin sem varð í apríl héld-
ist áfram gæti það þýtt nauðsyn á
útflutningi osta sem lítið fengist
fyrir úr 12—15 milljónum lítra
mjólkur, í stað 8—10 milljóna 1.
sem áætlað hefði verið að flytja út
á árinu. Kæmi slíkt óhjákvæmi-
lega fram sem verðskerðing til
bænda í lok verðlagsársins.
Fyrsta dagblaðið utan Reykjavíkur:
„Dagur4< verður
dagblað í haust
— og verður áfram málsvari lands-
byggðarinnar, segir ritstjórinn
BLAÐIÐ Dagur á Akureyri verður gert aó dagblaði í haust, væntanlega í
september. Mun það þá koma út fimm sinnum í viku, eins og flest dagblaðanna
í Keykjavík, en Dagur kemur nú út þrisvar f viku. Gert er ráð fyrir að stærð
blaðsins frá og með haustinu verði svipuð og hún er nú, 12—16 síður daglega,
og að starfsmönnum ritstjórnar verði fjölgað upp í ellefu en nú eru 5‘/z stöðu-
gildi á ritstjórninni, að því er Hermann Sveinbjörnsson ritstjóri Dags sagði í
samtali við blaðamann Mbl. í gær.
Samkvæmt tölum úr upplagseft-
irliti Verslunarráðsins kemur Dag-
ur nú út í um 5.600 eintökum. Her-
r.iann sagði að aðstandendur blaðs-
ins gerðu sér vonir um að hægt
verði að auka útbreiðsluna enn
frekar. „Við létum gera úttekt á
rekstrinum, sem hefur gengið vel
með þessum þremur blöðum í viku,“
sagði hann. „Niðurstöður úttektar-
innar benda eindregið til að útgáfa
dagblaðs muni ganga vel, þótt mað-
ur sjái auðvitað aldrei allt fyrir."
Dagur er gefinn út af „Útgáfufé-
lagi Dags“, sem er í eigu framsókn-
arfélaganna á Akureyri og i Eyja-
firði. Um ritstjórnarstefnu blaðsins
sagði ritstjórinn, að það væri ekk-
ert leyndarmál að Dagur styddi
Framsóknarflokkinn til góðra
verka og samvinnustefnuna i víð-
tækum skilningi, þótt blaðið væri
ekki eiginlegt flokksblað. Dagur
hefði undanfarin ár verið „málsvari
Iandsbyggðarinnar“ og sú stefna
yrði óbreytt. „Útgáfan verður fyrst
og fremst miðuð við Norðurland —
Dagur er og verður svæðisblað og
sú sérstaða hefur, að mínu mati,
gert blaðið svo sterkt sem raun ber
vitni,“ sagði Hermann.
Um leið og Dagur verður að
fyrsta dagblaðinu utan Reykjavíkur
verður blaðið tölvuvætt enn frekar
en þegar hefur verið gert, m.a. mun
ritstjórnin verða tölvuvædd og
blaðamenn sitja við skjái og skrifa
sjálfir allt sitt efni beint inn í tölvu.
SHkur búnaður hefur verið notaður
á Morgunblaðinu í nokkur ár, verð-
ur tekinn í notkun á DV á næstu
mánuðum og Þjóðviljanum sömu-
leiðis.
Selfoss:
Sumarkaffi í
Tryggvagarði
Selfossi, 17. nuí 1985.
FJÖLBRAUTASKÓLINN á Sel-
fossi bauð í dag nágrönnum sínum
og öllum vegfarendum upp á kaffi
og meðlæti í Tryggvagarði í tilefni
af sumri og sól og kannski
kennslulokum sem voru þann 15.
Það var Hverabakarí í Hvera-
gerði sem lagði til 6 metra af
ílangri rjómatertu, sem Sigurjón
Hauksson bakarameistari snar-
aði í ofninn og útbjó á mettíma.
Sigurjón er af Kristjánskyninu á
Húsavik sem ekki spillir bragð-
inu, sagði einn kennaranna af
sama kyni. það var sannkölluð
sumarstemmning í Tryggva-
garði og auðséð að fólk kunni vel
að meta þessa óvæntu uppá-
komu.
Nemendur Fjölbrautaskólans
eru nú í prófum og skólaslit eru
fyrirhuguð 8. júní.
Það liggur fyrir að 6 kennara-
stöður losni við skólann og að
sögn skólameistara, Þorláks
Helgasonar, kann þeim að fjölga
þar sem nokkrir kennarar eru
óráðnir með hvað þeir muni taka
sér fyrir hendur næsta vetur.
Sig. Jóns.
Dýpsta borholan hérlendis á Nesjavöllum
2.265 metra djúp
legur hiti í jörðu
Er 40 MW varmaorkuver í uppsiglingu?
Séð yfir athafnasvæði Hitaveitu Reykjavíkur á Nesjavöllum. Þingvallavatn í
JARÐBORANIR rikisins hafa ný-
lokið við að bora dýpstu holu á há-
hitasvæði hérlendis. Hér er um að
ræða sk. holu 11 á Nesjavöllum. í
sumar og vetur er áætlað að bora 5
holur til viðbótar, en síðan verða
gerðar á þeim viðamiklar rannsóknir
með hugsanlega virkjun í huga. Að
sögn Árna Gunnarasonar hjá Hita-
veitu Reykjavíkur eru bundnar mikl-
ar vonir við háhitasvæðið á Nesja-
völlum. Hitaveitan ráðgerir að reisa
400 MW varmaorkuver, hugsanlega
í tveimur 200 MW áföngum. „Þetta
er mjög hagkvæmur virkjunarkost-
ur, en því miður virðist ekki fýsilegt
að selja orkuna eins og er,“ sagði
Árni í samtali við blaðamann Morg-
unblaðsins.
Holan sem fyrr er nefnd er 2265
m djúp. Að sögn Ásgríms Guð-
mundssonar jaröfræðings er þetta
fyrst og fremst könnunarhola, og
er það skýringin á því hversu
djúpt var borað. „Við vildum
kanna hversu djúpt væri hægt að
kornast,” sagði Ásgrímur. Algeng
dýpt á borholum hérlendis er um
2000 m. Þegar búið er að ganga frá
holunni verður borinn Jötunn
færður og byrjað á þeirri næstu.
Það gæti dregist nokkuð á langinn
aö sögn Ásgríms, vegna þess
hversu illa gengur að fóðra hol-
una. Til þess að hægt sé að byrja
að fóðra holuna, þ.e. að ganga
þannig frá henni að hún hrynji
ekki saman, þarf að dæla niður
köldu vatni og kæla hana. Hingaö
til hefur ekki tekist að dæia niður
á nema 1200 m dýpi, en þar fyrir
neöan er meira en 330 gráðu heitt
vatn. Til samanburðar má nefna
að holurnar í Svartsengi eru 260
gráðu heitar og holurnar við salt-
verksmiðjuna á Reykjanesi eru
290 gráðu heitar. „Þetta tekur allt
sinn tíma, við þurfum bara að
læra á hegðunarmynstur holunn-
ar,“ sagði Ásgrímur. Að hans mati
- geysi-
niðri
ætti að verða hægt að ganga frá
holunni um mánaðamótin.
Um 20 manns hafa unnið að
staðaldri við þessar framkvæmdir
á Nesjavöllum, þar af um 15 við
borinn sjálfan. Borinn var fluttur
austur rétt fyrir páska og borun
hafin um páskaleytið. Undanfarin
þrjú sumur hefur hinsvegar verið
borað með jarðbornum Dofra, sem
er nokkru minni en Jötunn. Þegar
vinnu við holurnar lýkur ein-
hverntíma næsta haust verður
gengið frá þeim og þeim leyft að
„blása út“. Verða þær síðan undir
eftirliti og gangast undir marg-
víslegar prófanir. Ákvörðunar um
varmaorkuverið er að vænta ein-
hverntíma á næsta ári að sögn
Árna.
Orkuverið þrisvar sinnutn
stærra en Svartsengi
Orkuverið yrði alfarið reist af
Hitaveitu Reykjavíkur, og yrði
sambærilegt að allri gerð við
baksýn.
orkuverið í Svartsengi. I varma-
orkuverum er jarðsjórinn sk. sem
úr borholunum kemur tekinn og
skilinn i gufu og vatn. Gufan er
notuð til þess að knýja hverfla
sem framleiða raforku, og síöar
ásamt vatninu til þess að hita
ferskvatn sem dælt er til neyt-
enda. Ferskvatnið þarf jafnframt
að eima til þess að ná úr þvi loft-
tegundum sem tæra leiðslur.
Orkuverið í Svartsengi framleiðir
8 Mw af raforku, en jarðvarminn
sem úr holunum kemur er 125
MW. Virkjunin sem fyrirhuguð er
á Nesjavöllum yrði þvi meira en
þrisvar sinnum orkumeiri en sú í
Svartsengi sem er sú stærsta hér-
lendis. Jafnframt er talið að hægt
yrði aö virkja 9 sinnum meiri raf-
orku að Nesjavöllum eða 70 MW.
Aflið sem hitaveita Reykjavíkur
notar til húshitunar i dag er um
500 MW.
Að sögn Árna er varminn sem
leynist i jörðu á Nesjavöllum
geysilegur og visindamenn eru i
raun í vandræðum með það hvern-
ig á að hemja holurnar. Eins og
áður segir virðist virkjun þar
ákaflega hagkvæm. Sagði Árni i
samtali við blaðamann Morgun-
blaðsins að enn væri allt í óvissu
um hugsanlega kaupendur að
þeirri orku sem þar fengist úr
jörðu. Spurningin virðist þvf ekki
vera „hvenær?" heldur „til
hvers?“.