Morgunblaðið - 22.05.1985, Blaðsíða 23
MORGUNBLAÐIÐ, MIÐVIKUDAGUR 22. MAÍ1985
23
Dalvík:
Skipstjórnarefni útskrifast
Dthík 19. maí.
Á UPPSTIGNINGADAG 16. maí útskrifuðust frá Dalvíkurskóla 5 skipstjóra-
efni með fyrsta stigs skipstjórnarréttindi. Þetta er I fjórða skipti sem slík
útskrift fer fram frá skólanum, en samtals hafa 28 nemendur útskrifast frá
því að skipstjórnarbraut var stofnuð við skólann árið 1981.
Samkvæmt nýsamþykktum lög-
um um atvinnuréttindi skipstjórn-
armanna veitir 1. stig nú réttindi
til stjórnunar fiskiskipa allt að 200
lestum. Með þeim lögum er veru-
lega hert að þeim undanþágum sem
viðgengist hafa á íslenska fiski-
skipaflotanum. Næstu 2 skólaár
verður undanþágumönnunum boðið
upp á að ljúka fyrsta stigi á tveim-
ur hálfs árs námskeiðum og munu
þeir hljóta 80 tn. skipstjórnarrétt-
indi eftir fyrra námskeiðið. Boðið
verður upp á slík námskeið á
nokkrum stöðum á landinu en sam-
kvæmt auglýsingu menntamála-
ráðuneytisins verður Dalvík eini
kennslustaðurinn Norðanlands. Að
sögn skólastjóra Kristjáns Aðal-
steinssonar, virðist þátttaka á
þessum námskeiðum á Dalvík ætla
að verða nokkuð góð svo og virðist
töluverður áhugi verða á 1. stigs
skipstjórnarbrautinni á næsta ári.
Mjög góð samvinna hefur tekist
með Dalvíkurskóla og stýrimanna-
skólanum f Reykjavík um skipulag
skipstjórnarfræðslunnar á Dalvfk
en deildin er undir faglegri umsjá
Stýrimannaskólans.
Frá útskrift skipstjóraefna á Dalvfk f.v.: Kristján Aðalsteinsson skólastjóri,
Valdimar Jónsson, Jóel Kristjánsson, Hörður Harðarson og Anton Gunnlaugs-
son. Á myndina vantar Hannes Kristjánsson.
Hæstu meðaleinkunn af skip-
stjórnarbrautinni nú f vor hlaut
Jóel Kristjánsson frá Siglufirði,
9,42 sem er ágætiseinkunn, og jafn-
framt hæsta meðaieinkunn sem
náðst hefur á 1. stigi frá Dalvík-
urskóla. Við útskrift voru afhentar
viðurkenningar fyrir námsárangur.
Bjarni Bjarnason stjórnarmaður f
Skipstjórafélagi Norðlendinga af-
henti viðurkenningu fyrir bestan
árangur í siglingafræðum en þau
hlaut Jóel Kristjánsson. Þá afhenti
skólastjóri viðurkenningu frá Út-
vegsmannafélagi Norðurlands fyrir
bestan námsárangur svo og viður-
kenningu frá Dalvíkurskóla til
Jóels Kristjánssonar og Antons
Gunnlaugssonar fyrir frábæra elju
og ástundun við námið. Anton er
elstur nemenda sem útskrifast
hafa frá deildinni og hefur hann
stundað sjómennsku lengi og verið
á undanþágum til skipstjórnar
nokkur ár er hann dreif sig á skóla-
bekk til að afla sér réttinda. Var
hann því vel að viðurkenningunni
kominn en hann náði mjög góðum
námsárangri.
Skipstjórnarbraut á Dalvfk
sækja nemendur víðs vegar af
Norðurlandi og hafa nemendur
komið frá öllum þéttbýlissvæðum
frá Siglufirði til Húsavíkur. Náms-
árangur þeirra hefur verið með
ágætum og flestir nemendanna
hafa haldið afram námi. Af þeim
22 nemendum sem luku 1. stigi á
Dalvík fyrstu 3 árin hafa 14 þeirra
lokið 2. stigi i Stýrimannaskólan-
um i Reykjavík eða i Vestmanna-
eyjum.
Fréttaritarar
Morgunbladid/Halldór Gunnarsson
Tónleikar barnakórs Tónlistarskóla Rangæinga í Stóradalskirkju.
i Tónleikar í Stóra-
dalskirkju
Holti, 16. maí.
Á uppstigningardag hélt barnakór
Tónlistarskóla Rangæinga lokatón-
leika þessa skólaárs í Stóradals-
kirkju. Kórinn hefur verið á söng-
ferðalagi um Vestfirði og komið þar
fram í ísafjarðarkirkju, Hólskirkju
og Suðureyrarkirkju.
Kórinn flutti fjölbreytta og erf-
iða efnisskrá svo unun var á að
hlýða. Má þar nefna „Panis Angel-
icus“, „Agnus Dei“, „Faðir vor“ og
„Dýravísur" eftir Loft S. Loftsson
við nýtt kvæði Friðriks Guðna
Þórleifssonar, en hann er jafn-
framt undirleikari kórsins. Ein-
söngvarar kórsins sungu sérstak-
lega vel, en þau eru: Bryndís
Sunna Valdimarsdóttir, Guðbjörg
Viðarsdóttir og Hjálmfríður Þöll
Friðriksdóttir.
Barnakórinn var stofnaður 1976
og hefur starfað óslitið síðan og
jafnan borið Tónlistarskóla Rang-
æinga og því menningarstarfi sem
þar fer fram fagurt vitni. 1978 fór
kórinn í söngferðalag til Noregs í
boði Ragni Holter Musikkinstitutt
og St. Laurentiuskórsins f Lör-
enskog og 1982 gaf kórinn út
hljómplötuna „Ég bíð eftir vori“.
í kórnum eru núna 28 börn víðs-
vegar úr Rangárvallasýslu og er
stjórnandi kórsins frá upphafi
Sigríður Sigurðardóttir, skóla-
stjóri Tónlistarskóla Rangæinga.
— Fréttaritari
Margra ára reynsla sannar gæði
þakmálningunar frá Málningu hf.
ÞOL er sérframleidd alkýðmálning,
sem innlend reynsla hefur
skipað í sérflokk vegna endingar
og nýtni.
ÞAKMÁLNING SEM ENDIST
ÞOLer framleitt í fjölbreyttu litaúrvali.
Handhægt litakort auðveldar
valið á réttum lit.
ÞOL tryggir þér fallegt útlit
og góða endingu.
málninghlf