Morgunblaðið - 07.06.1985, Blaðsíða 44

44
MORGUNBLAÐIÐ, FÖSTUDAGUR 7. JÚNÍ 1985

fclk í
fréttum
Kristinn Jón
Bjarnason
„Við þurfum eflaust að
hafa meira fyrir náminu,
en þetta er alveg hægt
„Við erum öll mjög stolt af þér,
þú hefur sannarlega markað tíma-
mót hjá okkur og þú sýndir að
þetta er raunverulega hægt.“ Ein-
bvern veginn þessu líkt hljóðaði
kortið sem rúmlega 25 heymar-
daufir sendu vini sínum og félaga,
Kristni Jóni Bjarnasyni, sem út-
skrifaðist stúdent frá Menntaskól-
anum í Hamrahlíð um síðustu
helgi.
„Ég útskrifaðist frá náttúru-
og eðlisfræðibraut. Mér var veitt
undanþága frá þriðja máli og
hafði því mikið frjálst val og
valdi nokkra eðlisfræðiáfanga og
alla þá valáfanga í stærðfræði,
sem ég hélt að myndu geta kom-
ið mér að einhverju gagni í
framtíðinni.
Þetta gat vissulega verið
nokkuð strembið á köflum en
kennararnir voru mjög hjálp-
samir og gerðu það sem í þeirra
valdi stóð til að létta mér þetta.
Ég hafði einnig sérhönnuð tæki
fyrir heyrnarskerta, sem eru
þannig útbúin að kennarinn ber
eitt tæki framan á sér og ég hef
annað hjá mér. Með þessu móti
náði ég nokkru af því sem fór
fram í kennslustundum.
Það eina sem kannski háir
okkur sem höfum litla sem enga
heyrn er orðaforðinn okkar, því
hann er alls ekki eins fjölbreytt-
ur og hjá öðrum. Ég fór í undir-
búningsnám áður en ég fór í
menntaskóla og með því að gera
það, fá hjálp kennara og reyna
eftir fremsta megni að bjarga
mér er þetta alveg hægt. Það
ættu tvímælalaust fleiri heyrn-
arlausir að reyna þetta því það
er ekkert ómögulegt og við get-
um þetta alveg eins og aðrir. Við
þurfum eflaust að hafa meira
fyrir náminu en maður sættir
sig við það.“
— Hvað tekur nú við hjá þér?
„Ég vinn í Landsbankanum f
sumar, en hvað tekur við í haust
veit ég ekki. Ég hef fullan hug á
því að fara í framhaldsnám,
hvort sem það verður hér við há-
skólann heima eða einhvers
staðar erlendis. Ætli ég vinni
ekki næsta árið og sjái svo til.
Það er svo margt sem þarf að
athuga áður en lagt er út í frek-
ara nám og erfitt að ákveða sig.“
— Er miklu ábótavant fyrir
heyrnarskerta til að stunda nám í
menntaskóla?
„Nei, það held ég ekki. Kenn-
arar og nemendur þurfa bara að
taka tillit til þeirra, sem skilja
lítið, og það væri auðvitað frá-
bært að fá að hafa túlk með sér
eins og tíðkast erlendis fyrir þá
sem á því þyrftu að halda. Þetta
veltur náttúrlega allt á því
hversu slæm heyrnin er. Ég vona
bara að það taki sig nú fleiri til,
sem eru með skerta heyrn, og
reyni að takast á við frekara
nám meira en tíðkast hefur
hingað til, því þetta er alveg
hægt.“
Þeir voru margir krakkarnir sem nutu góðs af þessum kræsingum í Fífusel-
inu á laugardaginn var.