Morgunblaðið - 13.06.1985, Qupperneq 34

34
MORGUNBLAÐIÐ, FIMMTUDAGUR 13. JÚNl 1985
Gestur Ólafsson formaður Lífs og
lands.
Líf og land:
Gestur Ólafs-
son endurkjör-
inn formaður
AÐALFUNDUR landssamtakanna
Lffs og lands var haldinn í Lögbergi
mánudaginn 20. maí sl.
Gestur Ólafsson arkitekt var
endurkjörinn formaður samtak-
anna. Aðrir í stjórn voru kjörnir:
Einar Erlendsson, Herdís Þorvalds-
dóttir, Hilmar Þór Björnsson,
Ragnhildur Skarphéðinsdóttir og
Sigurður Sigurðsson.
Skrifstofa samtakanna er að
Garðastræti 17,101 Reykjavík.
(Fréttatilkynning.)
Norræna húsið:
Tónleikar
norsku stúlkn-
anna í kvöld
Þau leiðu mistök urðu í Morgun-
blaðinu í gær að sagt var í frétt að
tónleikar þeirra Lailu Helland
pianóleikara og Solveigar Strömme
sópransöngkonu yrðu í Norræna
húsinu í gærkvöidi en þeir verða í
kvöld fimmtudagskvöld 13. júní.
Stúlkurnar eru 14 og 15 ára gaml-
ar og koma hingað frá Noregi í
boði tónlistarskóla Njarðvíkur. Á
efnisskrá tónleikanna eru meðal
annars norræn verk og hefjast
þeir klukkan 20:30.
Fræðslufundur
um næringu
ungbarna
og gildi
brjóstamjólkur
ÁHUGAFÉLAG um brjóstagjöf í
Kópavogi heldur fræðslufund í Fé-
lagsheimili Kópavogs, 2. hæð, í dag,
fimmtudaginn 13. júní og hefst hann
kl. 20.30.
Dr. Laufey Steingrímsdóttir
dósent í næringarfræði fjallar um
næringu ungbarna og gildi
brjóstamjólkur. Síðan verða um-
ræður þar sem hún og Alda Möller
matvælafræðingur svara fyrir-
spurnum.
Þetta er annar fræðslufundur
félagsins á þessu ári. Hinn fyrri
var í febrúar og þá talaði dr. Helgi
Valdimarsson um ofnæmisvarnir
og brjóstagjöf. Var fundurinn vel
sóttur.
Markmið félagsins er fræðsla
u^n gildi brjóstagjafar og sam-
hiálaJLvunna ^emávtna^hafa börn
srWrwjrett 'W
(ÍJr fréttatilkynningu.)
Hefðbundin en
síðbúin skóla-
slit á Selfossi
— 23 stúdentar útskrif-
aðir og greiddi verka-
lýðsfélagið náms-
gjöld fyrir félagsmenn
sína í öldungadeild
Selfossi, 10. júní 1985.
4. starfsári Fjölbrautaskóla Suð-
urlands lauk 8. júní sl. með athöfn
í Selfosskirkju. Þá útskrifuðust 46
nemendur frá skólanum en alls
stunduðu 544 nemendur nám við
skólann í vetur.
Skólaslit fóru fram óvenju
seint að þessu sinni sem orsak-
aðist af óvenjulegu ástandi á
liðnum vetri, verkföllum og upp-
sögnum kennara. Brugðið var á
það ráð að lengja námsannir til
að vinna upp kennslutap sem af
þessu leiddi.
Skólaslitaathöfnin í Selfoss-
kirkju hófst á hefðbundinn hátt
með því að kór skólans gekk
syngjandi inn kirkjugólfið. Þor-
lákur Helgason, settur skóla-
meistari, ávarpaði gesti og í máli
hans kom fram að á liðnum vetri
stunduðu 422 nemendur nám í
dagskóla og 122 í öldungadeild.
Verkalýðsfélagið Þór ýtti veru-
lega undir nám í öldungadeild
með því að greiða námsgjöld
þeirra félaga sinna sem stund-
uðu nám í öldungadeildinni.
Sú röskun á skólastarfinu sem
varð vegna verkfalla og upp-
sagna kennara ieiddi m.a. til
þess að um 70 nemendur hættu
námi á vorönn. Þorlákur skóla-
meistari benti á að launakjör í
skólanum væru hluti af skóla-
starfinu sem ekki yrði aðskilinn
þar frá og huga yrði að þeim
þætti á verðugan hátt.
Ljóst er að 10 kennarar hætta
störfum við skólann, sumir um
stundarsakir en aðrir fyrir fullt
og allt. Einn kennaranna lét þau
orð falla að hann ætlaði sér í
vinnu þar sem launin væru í
Hópurinn, sem útskrifaðist frá Fjölbrautaskóla Suðurlands á Selfossi.
valdadóttir, lauk námi á þremur
brautum samtímis og annar,
Guðbjörg Bjarnadóttir, námi á
íþróttabraut á 6 önnum, báðar
með stúdentsprófi. Lilja María
Gísladóttir hlaut viðurkenningu
sem dúx skólans.
Guðfinna Björk Sigvaldadóttir
flutti ávarp fyrir hönd þeirra
sem útskrifuðust. Hún sagði að
það væri sárt að kveðja skólann,
sérstaklega skóla sem þennan
þar sem allir væru félagar, jafnt
nemendur sem kennarar. Hún
þakkaði kennurum og skólafé-
lögum samfylgdina og óskaði
þeim góðs gengis.
Hjörtur Þórarinsson, formað-
ur skólanefndar Fjölbrautaskól-
ans, flutti stutt ávarp. í máli
hans kom fram að knýjandi þörf
er á lögum um framhaldsskóla
sem kveða skýrt á um þátttöku
aðila, ríkis og sveitarfélaga, í
rekstri skólanna og byggingu.
í lok athafnarinnar ávarpaði
skólameistari nemendur og sagði
m.a.: „Vörðurnar á veginum eru
til að vísa þér veginn. Gefðu
gaum að þeim. Leggðu stein í
vörðurnar og vertu minnugur
MortfunbladiÖ/ Sigurður
þess að þú ert þátttakandi í
mestu byltingu í menntakerf-
inu.“
Nýjungar í skólanum næsta
vetur verða þær helstar að
Meistaraskólinn verður starf-
ræktur við Fjölbrautaskólann.
Það verður til mikilla bóta því
nám í þeim skóla hafa iðnaðar-
menn sótt til Reykjavíkur.
Skólaslitaathöfnin var vel sótt
og má með sanni segja að fólk
fylgist grannt með starfi skólans
og þeirri uppbyggingu sem á sér
stað.
Sig Jóns
samræmi við þá vinnu sem lögð
væri af mörkum.
Það voru alls 46 nemendur
sem útskrifuðust, 23 stúdentar,
20 nemendur af verknámsbraut-
um iðngreina og 3 af skemmri
brautum. Alls luku nemendur
námi af 17 brautum. Einn nem-
endanna, Guðfinna Björk Sig-
Þesnr sjö konur luku stúdentsprófl úr öldungadeild.
Stúlkurnar þrjár, sem flestar viðurkenningar hlutu við skólaslitin, frá
vinstri: Guðfinna Björk Sigvaldadóttir, Lilja Marfa Gísladóttir og Guð-
björg Bjarnadóttir.
Guðbjörg hélt beint frá skólauppsögn á sundmót þar sem hún var heiðruð
og afhenti verðlaun.
„Það þekkjast allír hérna“
Selfossi, 10. júní.
„ÉG MUNDI örugglega byrja aft-
ur í þessum skóla, það eru einstak-
ir kennarar hérna og erfiðleikarnir
við að fara á milli kennslustaða
hverfa í skuggann," sagði dúx
skólans, Lilja María Gísladóttir.
Lilja stundaði nám á málabraut og
er ein 7 nemenda af landinu sem
fara í námsferð til Frakklands nú í
sumar. Hún sagðist ákveða það í
sumar hvað hún gerði næsta vetur.
Guðbjörg Bjarnadóttir lauk
námi með stúdentsprófi af
íþróttabraut á þremur árum.
Hún er ein fremsta sundkona
landsins og sagöist ætla í
íþróttaskólann á Laugarvatni.
„Þetta er góður skóli og gott
samband milli nemenda og
kennara, það þekkjast allir
hérna,“ sagði Guðbjörg um fjöl-
brautaskólann. Strax að lokinni
skólaslitaathöfninni fór hún á
sundmót og afhenti þar verðlaun
og fékk reyndar sjálf viðurkenn-
ingu fyrir vel unnin störf í þágu
Sunddeildar Selfoss.
Guðfinna Björk Sigvaldadóttir
lauk námi við skólann með stúd-
entsprófi af tveimur brautum,
uppeldis- og félagsfræðibraut, og
tók síðan verslunarpróf í leið-
inni. Hún sagðist óráðin um
framtíðina en lét vel af verunni í
skólanum.
Sig. Jóns.