Morgunblaðið - 21.08.1985, Blaðsíða 3

MORGUNBLAÐIÐ, MIÐVIKUDAGUR 21. ÁGÚST 1985
3
Galdurinn að vera
ætíð með góðan físk
— segir Ólafur Örn
Jónsson, skipstjóri
á Viðey RE
og tvöfaldur fisk-
sölumethafi
Ólafur Örn um borð í Viðey. —
ÓLAFUR Örn Jónsson og ihöfn
hans á togaranum Viðey RE fengu
í síðustu viku hæsta heildarverð,
sem greitt hefur verið fyrir afla
upp úr skipi í Englandi, 10,4 millj-
ónir króna eða 184.556 pund.
Áhöfnin á Viðey á líka sölumetið í
Þýzkalandi. í byrjun síðastliðins
aprílmánaðar fengust 14 milljónir
króna fyrir aflann, 338 tonn, þar í
landi eða rúm ein milljón marka.
Guðbjörg ÍS seldi afla sinn í Eng-
landi í gær og dag og var talið
líklegt að hún slægi met Viðeyjar-
innar. Árangur Viðeyjarinnar er
engu að síður glæsilegur enda fá-
títt að sama skipið eigi sölumet í
tveimur löndum. En hver er gald-
urinn bak við svona árangur?
Morgunblaðið hitti Ólaf Örn um
borð í Viðey og spurði hann um
það.
„Galdurinn er að vera með
góðan fisk, ef galdurinn er ein-
hver, sérstaklega í Englandi. Þar
skipta gæðin öllu máli,“ sagði
Ólafur örn. „Skip, sem ætlar að
byggja afkomu sína á siglingum,
verður að leggja áherzlu á gæð-
in. Það er mikilvægt að vera
þekktur fyrir að koma ávallt
með góðan fisk á markaðinn.
Það er auðvitað gaman að selja
svona vel og koma heim með
ávísun upp á 10 milljónir króna,
en þetta getur allt verið tilvilj-
unum háð. Þessi sala var ekki
sérstaklega skipulögð en það
hjálpaðist allt að, meiri afli og
hærra verð en við bjuggumst við
og framboð á markaðnum ekki
mjög mikið.
Við eigum skilyrðislaust að
leggja mikla áherzlu á fersk-
fiskmarkaðina í Englandi og
Þýzkalandi. Fjölbreytni í mark-
aðsmálum hefur alltaf verið til
góðs. Englandsmarkaðurinn hef-
ur líka bjargað miklum verð-
mætum fyrir okkur í sumar. Við
verðum að sjá þessum mörkuð-
um fyrir vissu magni af fiski,
helzt eins mikinn tíma ársins og
hægt er. Það ætti ekki að
skemma fyrir útgerðinni að fá
fjór- til fimmfalt hærra verð
fyrir aflann en fæst hér heima
með hinu furðulega ákveðna
fiskverði, sem í gildi er. Þetta er
líka mikil búbót fyrir áhöfnina.
Þegar verið er með góðan fisk
vill hún oftast sigla. Þá treystir
áhöfnin á gæfuna og eigin frá-
gang á fiskinum og undan frá-
gangi hefur ekki þurft að kvarta
hér um borð.
Það stendur til að sigla eitt-
hvað meira á þessu ári, en nú
verðum við að fara að fella
okkur inn í fáránlegt kvótakerfi.
Við verðum að fórna 2 tonnum af
karfa fyrir hvert eitt tonn af
þorski, sem við tökum og það af
takmörkuðum karfakvóta. Við
ætlum þó að bregða okkur á
þorskgönguna fyrir vestan að
þessu sinni. Aflahrotan á öllum
miðum, og þó sérstaklega fyrir
vestan, ætti að opna augu manna
fyrir því hve fáránlegt þetta
kvótakerfi var frá upphafi. Ein-
staka talsmaður kvóta stendur
nú uppi eins og nátttröll með allt
niður um sig og neitar að viður-
kenna tilgangsleysi kvótans. öll
þessi þorskveiði hefði getað orð-
ið kærkomin hvíld fyrir lang-
þreytt karfamið sunnan lands og
austan eftir undanfarin þrjú
þorskleysisár. I stað þess erum
við nú neyddir úr óþrjótandi
aflahrotu fyrir vestan á skrap-
fiskirí, sem gefur minna af sér
fyrir alla aðila," sagði ólafur
Örn Jónsson.
Afli trillusjómanna
umfram kvóta:
Verðmætið
um 220 þús.
kr. að meðal-
tali á mann
— segir Kristján
Ragnarsson
„MÉR reiknast til, aö nú sé
hver trillusjómaöur að meöal-
tali búinn aö afla fyrir um
220.000 krónur umfram leyfi-
legan heildarkvóta. Trillurnar
eru þegar komnar 8.000 tonn
framyfir leyfilegan kvóta og
verða sennilega komnar 11.000
lestir framyfir 1. september,“
sagði Kristján Kagnarsson,
formaöur LIÚ, í samtali viö
Morgunblaðið.
Kristján sagði, að svo væri
þetta þeir menn, sem mest kvört-
uðu undan kvótakerfinu og segðu
að verið væri að beita þá ein-
hverjum órétti. Þeir væru búnir
að fiska tvöfaldan leyfilegan
kvóta sinn og það hefði enginn
annar fengið að gera. Þetta væru
að auki að stórum hluta menn i
öðrum störfum, jafnvel opinber-
um og hefðu þetta sem aukatekj-
ur. Kröfuharka þessara manna
væri ótrúleg og sömuleiðis skiln-
ingsleysi þeirra á hagsmunum
sjómanna á stærri bátum og
skipum. Á sama tima væri öðrum
sjómönnum bannað að fara á sjó
og því væri þetta misrétti farið
að krauma verulega í mönnum,
sem eingöngu lifðu af fiskveiðum
og hefðu ekki aðra fasta vinnu
sem bakhjarl.
fttgyfflmftlafrifr
Metsölubktd á hverjum degi!
Skip Greenpeace farið frá íslandi:
Kemur Síríus
aftur í sept.?
SÍRÍUS, skip Greenpeace-samtak-
anna, lét úr höfn í Reykjavík kl.
14.10 á laugardag. Ferð þess er heitið
til Amsterdam í Hollandi, samkvæmt
upplvsingum sem fengust á skrif-
stofu Greenpeace-samtakanna þar í
borg í gær og ætti því að vera á
áfangastað um miðja vikuna.
Samkvæmt upplýsingum Morg-
unblaðsins eru mjög skiptar skoð-
anir innan Greenpeace um hver
næstu skrefin skuli vera í barátt-
unni gegn vísindalegum hvalveið-
um íslendinga. Sumir, einkum þeir
sem tilheyra Ameríkudeildum
samtakanna, vilja láta sverfa til
stáls, bæði hér á miðunum með því
að trufla veiðarnar og einnig með
því að beita íslendinga viðskipta-
þvingunum á Bandaríkjamarkaði.
Aðrir, einkum þeir sem tilheyra
Evrópudeildum samtakanna, vilja
hvorki trufla hvalveiðar Islend-
inga né beita þá viðskiptaþvingun-
um, heldur telja aukna fræðslu um
markmið og tilgang samtakana
með baráttuni gegn hvalveiðum I
atvinnuskyni, best til þess fallna
að hafa áhrif á viðhorf Islendinga.
Það mun ráðast á næstu vikum
hver niðurstaðan verður, en ein
þeirra hugmynda sem varpað hef-
ur verið fram, er að Síríus komi
hingað til lands aftur í september
og trufli veiðar íslensku hvalveiði-
bátanna á sandreyði. Raunar var
hluti áhafnar Síríusar andvígur
því að fara frá íslandi og vildi bíða
þar til hvalveiðarnar hæfust á nýj-
an leik og trufla veiðarnar þá, er
eins og kunnugt er hefur verið hl«
á hvalveiðum nú um skeið, eftir af
veiðum á langreyði lauk og sand-
reyði ekki enn komin á miðin.
Þeim hluta áhafnarinnar fannst
lítið hafa áunnist í ferð Síríusar
hingað. Það kann að hafa endur-
speglað þennan ágreining að
brottfarartími Síríusar var nokkuð
á reiki og því til dæmis haldið
fram í hádegisfréttum útvarps á
laugardag að brottför skipsins
hefði verið frestað til sunnudags.
'-.ŒRÐUÞÉR
• GLAÐAFÍ DAG
Njóttu kurminqaruerös
aaoöukexi. w • •
! 'SÚKIÍULAÐI MARIE
Gildiríjúlíogágúst í öllum góöum verslunum