Morgunblaðið - 21.08.1985, Blaðsíða 4

4
MORGUNBLAÐIÐ, MIÐVIKUDAGUR 21. ÁGÚST 1985
Viðbrögd við reglugerð um bann við sölu bjórlíkis
Veitingahúsagestir spurðir álits:
„Reglugerðin hef-
ur ekki lagastoð“
„ÉG VIL lýsa þeirri skoðun minni
sem lögfræðings að ég tel þessa
reglugerðarsetningu ráðherrans ekki
eiga sér lagastoð, vegna þess að hér
er ekki um bruggun að ræða hvorki í
skilningi laga né samkvæmt eðli
máls. Hér er einfaldlega um að ræða
blöndun áfengis og pilsners," sagði
Róbert Árni Hreiðarsson lögmaður
sem sat að snæðingi í Duus-húsi.
Ég tel þetta heldur ekki leið til
að draga úr drykkjuskap. Það eina
sem getur dregið úr neyslu á
sterkum drykkjum er að leyfa
bjórinn. Núverandi bann við sölu á
sterkum bjór hér á landi kemur í
veg fyrir að hér þrífist menning-
arlegir drykkjusiðir," sagði Róbert
Árni enn fremur.
„Um þau rök að sala bjórlíkis
hafi aukið á ölvunarakstur vil ég
segja að ég tel að bjórlíkið hafi þar
engin áhrif á. Ef um fjölgun
þeirra sem teknir eru ölvaðir við
akstur er að ræða stafar það af því
að eftirlit hefur verið hert og er
það af hinu góða, en bjórlíkið á
þar engan hlut að máli, enda held
ég að allir sem það drekka geri sér
grein fyrir því að um áfengis-
blöndu er að raeða."
„Ég hef nú ekki velt þessu máli
neitt fyrir mér, enda kemur þetta
ekkert við mig. Ég hef ekki nema
einu sinni bragðað bjórlíki og
þótti það óþverri," sagöi Grétar
Sæmundsson, sem blaöamaður
hitti á Fógetanum, þar sem hann
snæddi kvöldverð með fjölskyldu
sinni.
„Mér finnst hins vegar alvöru-
bjór góður og væri hlynntur því að
hann yrði leyfður ef hægt væri að
tryRKja það að hér yrðu staðir sem
maður gæti komið inná og fengiö
sér einn bjór í rólegheitum án þess
að verða fyrir ónæði af fólki, sem
kemur gagngert til þess að fara á
fyllirí, eins og mér virðist hafa
tíðkast á þessum krám hér að und-
anförnu. En eins og málum er
háttað er ég alveg sáttur við þessa
ákvörðun dómsmálaráðherra."
Á Duus-húsi hitti blaðamaður
Böðvar Birgisson. Hann hafði
þetta að segja: „Ég er sáttur við
þessa breytingu, enda vil ég sjá
hvað það er sem ég er að drekka.
Ég tel það hinsvegar rangt að
bjórlíkið hafi haft þau áhrif að
auka drykkjuskap og stuðla að
slæmu ástandi á veitingastöðum
eða umhverfis þá. Mér finnst þetta
bjórlíki reyndar vont og vil að al-
mennilegur bjór verði leyfður, en
meðan svo er ekki finnst mér þetta
til bóta,“ sagði Böðvar Birgisson.
Morgunoiaoio/KAA.
Óla Jóhannsdóttir og Arnór Stefánason, þjónar á Fógetanum sýna nýju og gömlu aðferðina. Óla sýnir hvernig
þjónar munu bera sig að við blöndun bjórlíkis þegar reglugerðin hefur tekið gildi 15. september, en Arnór sýnir þá
aðferð sem notuð er i dag, þ.e. bjórlíkinu er dælt beint í könnurnar úr kútum.
Qánægja meðal veitingamanna með ákvörðun Jóns Helgasonar:
Ráðherrann er einu
ári of seint á ferðinni
segir veitingamaöurinn á Gauki á Stöng og segir að verulega hafí dregið úr sölu bjórlíkis
Lögin heim-
ila ráðherra
— segir Jón Helgason
„ÞEITA byggist á því að áfengislög-
in heimila ráðherra að kveða á um
þaö hvernig áfengi er framreitt,"
sagði Jón Helgason dómsmálaráð-
herra þegar hann var spurður um
forsendur reglugerðarinnar um bann
við sölu bjórlíkis.
Ólafur Walter Stefánsson
skrifstofustjóri dómsmálaráöu-
neytisins tjáöi Morgunblaöinu að
reglugerðin væri byggð á 12. og 15.
grein áfengislaganna (nr.
82/1969).
12. grein laganna fjallar um
heimild ráðherra til að veita leyfi
til vínveitinga, en í 15. gr. segir:
„Dómsmálaráðherra setur reglu-
gerð um sölu og veitingar vfna
samkvæmt þessum kafla. —
Heimilt er að ákveða f þeirri
reglugerð hámark þess áfengis,
sem Áfengis- og tóbaksverzlun
ríkisins og útsölur hennar mega
afhenda einstaklingum (mánað-
arlegan skammt, ársskammt), svo
og setja nánari ákvæði um með-
ferð áfengis. — Brot gegn ákvæð-
um reglugerðarinnar varða refs-
ingu samkvæmt lögum þessum."
„FLUTNINGSMENN hafa ekkert
rætt um hvort bjórfrumvarpið verði
lagt fram á ný. Frumvarpið er tilbúið
og þess vegna er bægt að leggja það
fram með litlum fyrirvara," sagði
Jón Baldvin Ilannibalsson alþingis-
maður í samtali við Morgunblaðið,
en hann var spurður hvort fyrirhug-
að væri að lcggja umrætt frumvarp
MORGUNBLAÐIÐ leitaði álits
nokkurra veitingamanna á svoköll-
uðum bjórstofum I Reykjavík á
reglugerð þeirri sem Jón Helgason
dómsmálaráðherra hefur gefið út um
bann við sölu bjórlíkis og taka mun
gildi þann 15. september nk.
Dómsmálaráð-
herra of seint
á ferðinni
„Staðurinn stendur ekki og fell-
ur með þessari reglugerð,“ sagöi
Guðvaröur Gíslason framvkæmda-
stjóri veitingahússins Gauks á
Stöng i samtali við Morgunblaðið,
er hann var spurður álits á þeirri
ákvörðun Jóns Helgasonar dóms-
málaráöherra að gefa út reglugerð
sem hannar veitingahúsum aö
framreiða öl, sem áður hefur verið
blandað áfengi, frá og með 15.
september nk.
„Dómsmálaráðherra er einu ári
of seint á ferðinni, þvf mikið hefur
dregið úr sölu á bjórlíki. Fólk kem-
ur hingað til að borða góðan mat
og njóta stemmningarinnar.
En vinnubrögðin eru kjánaleg.
Maöur segir manni eitthvað og það
er tekið trúanlegt. Síðan er reglu-
gerð skellt á. Það væri gaman að
sjá lýsingar lögreglunnar á þessum
stöðum, því dómsmálaráðherra
virðist fara eftir einhverju slfku og
fram þegar Alþingi kemur saman á
ný.
„En ef menn bera einhverja
virðingu fyrir afstöðu þingmanna
virðist ástæðulítið að láta reyna á
þetta aftur á meðan Alþingi er
áfram skipað sömu mönnum. Of
stór hluti þingmanna þorði ekki að
taka afstöðu til málsins. Ég veit
ber við slæmri reynslu. Hann veit
ekkert um þessa staði af eigin
raun. Hann hefur örugglega aldrei
komið sjálfur inn á þá. Þeir hafa
verið þyrnir í augunum á honum.
Hann situr óvart uppi með það að
hafa veitt flest vínveitingaleyfi af
öllum dómsmálaráöherrum og nú
er hann að reyna að bjarga málun-
um.
Við höfum alltaf litið á þennan
drykk sem nokkurs konar „bollu“
og teljum að það þurfi að vera viss
sjarmi yfir afgreiðslunni á honum.
Ef viðskiptavinurinn þarf að sjá
hvernig hann er blandaður er það
sjálfsagt. Það tefur bara fyrir
okkur og eykur þar af leiðandi
kostnaðinn. Þaö er í rauninni það
eina sem vinnst með þessari reglu-
gerð. Auðvitað hefur fólk rétt á að
vita hvað það er að kaupa og höf-
um við aldrei staðið gegn þvf. Þá
getur fólk alveg eins farið fram á
það við kjötkaupmanninn að hann
blandi kjötfarsið fyrir framan
það.“
Verður til að
knýja fram afgreiðslu
bjórfrumvarpsins
Þorsteinn Gunnarsson fram-
kvæmdastjóri Duus-húss í Fisch-
ersundi sagði að það væri greini-
legt að fólkið í landinu vildi hafa
ekki hvort þeim hefur vaxið kjark-
ur í sumar."
„Þegar Alþingi hafði klúðrað af-
greiðslu bjórmálsins f vor, þótti
mér liggja í augum uppi að ráð-
herra heföi átt að framfylgja lög-
um og stöðva allan innflutning á
bjór og láta loka öllum svokölluð-
um bjórkrám strax,“ sagði Jón.
þessar svokölluðu bjórkrár. „Þetta
fólk lætur ekki endalaust ráðskast
með sig. Aðsókn að þessum stöðum
bendir eindregiö til vinsælda
þeirra. Dómsmálaráðherra lætur í
Ijós í þessu viðtali að þetta séu
óæskilegir staðir, en ég stórefa að
hann hafi nokkru sinni komið inn
á nokkurn þeirra. Ég vildi gjarnan
að hann gæti sannað það fyrir mér
á einhvern hátt að þetta séu slæm-
ir staðir. Ég hef sjálfur unnið á
veitingastöðum í 14 ár og mér
finnst þessir staðir ekki verri en
aðrir skemmtistaðir, nema sfður
sé. Það sama segja þeir lögreglu-
þjónar sem ég hef spurt um þetta
mál. Þeir eru yfir höfuð ánægðir
með þessa staði.
Þetta breytir f rauninni engu,
nema afgreiðsla á bjórlfki verður
alger tvíverknaður hjá okkur.
Bjórlíkið þarf ekki að verða neitt
verra á bragðið við að vera blandað
fyrir framan viðskiptavininn.
Þetta tefur bara afgreiðsluna. En
ég er samt sem áöur ekkert ánægð-
ur. Þó veit ég ekki nema maður
ætti aö óska dómsmálaráðherra til
hamingju, því ég gæti best trúað
að með þessari reglugerð sé hann
búinn að knýja fram afgreiðslu
bjórfrumvarpsins. Fólk lætur ekki
taka þetta af sér,“ sagði Þorsteinn
Gunnarsson að lokum.
„Bjórlíkisból-
an“ sprungin
„Þessi „bjórlíkisbóla“ er sprung-
in, þannig að ráðherra er nokkrum
mánuöum of seinn. Hann getur því
alveg eins bannað alla aðra blönd-
un áfengra drykkja," sagði Vignir
Jónasson framkvæmdastjóri Hell-
isins við Tryggvagötu. „Ég tel að
fólk geti fengið samskonar drykk
eftir sem áður, en hann verður
aldrei eins góður.
Það sem særir mig mest er þaö
sem dómsmálaráðherra segir f við-
talinu við Morgunblaðið um áhrif
þessara staða á umhverfið. Að ölv-
unarakstur hafi aukist f kjölfar
opnunar þeirra og umhverfi stað-
anna sé ömurlegt. Ef Jón hefur
nokkurn tíma komið fyrir utan
þessa staði hefur hann væntanlega
séð að þegar öllu lýkur kl. 1 fer fólk
heim til sín. Það er því alls ekki
hægt að líkja þeim saman við aðra
skemmtistaði. Ég trúi því heldur
ekki að til séu skýrslur um að ölv-
unarakstur hafi aukist í beinum
tengslum við bjórstofurnar. Lög-
reglan er meira að segja svo til
aldrei kölluð á þessa staði.
Dómsmálaráðherra segir í við-
talinu: „Þetta er tilraun til að
sporna við því versnandi ástandi
sem þessir staðir hafa augljóslega
haft í för með sér.“ Mér finnst það
dónaskapur aö halda þessu fram.
Ef þetta er aðferð til að kasta ryki
í augun á kjósendum úti á lands-
byggöinni getur verið að hún hafi
áhrif. En það gildir ekki um fólk
sem þekkir til á höfuðborgarsvæð-
inu. Mig langar f þessu sambandi
að varpa eftirfarandi spurningu til
dómsmálaráðherra: Ef næsti
dóms- og kirkjumálaráðherra
verður úr einhverjum sértrúar-
söfnuði, verður þá þjóðkirkjan lögð
niður?”
Eina svarið við
kröfum neytenda
Erna Hauksdóttir framkvæmda-
stjóri Sambands veitinga- og gisti-
húsa sagði að sambandið mót-
mælti venjulega svona boðum og
bönnum stjórnvalda. „En það er
ekki beint ósk veitingamanna að
bjóða upp á bjórlíki. Þetta er í
rauninni eina svar þeirra við kröf-
um neytenda um að fá bjór. Ann-
ars hefur salan dregist mjög mikið
saman á flestum stöðunum. Eigi að
síður er stór hópur neytenda sem
kýs að drekka bjórlíki vegna þess
að ekki er hægt að fá alvörubjór og
þessi reglugerð breytir að sjálf-
sögðu miklu fyrir þann hóp. En
það er ljóst að þjónarnir geta
blandað drykkinn fyrir framan
viðskiptavinina eins og hvern ann-
an kokteil, en ég er hrædd um að
ýmsum þyki þá allur sjarmi tekinn
af þessu. Flestir vilja fá drykkinn
beint úr krana. Það segir sig sjálft
að það er líka mjög tímafrekt að
blanda hvern drykk fyrir sig í stað
þess að hafa hann tilbúinn," sagði
Erna Hauksdóttir að lokum.
Óvíst hvort bjórfrumvarp-
ið verði lagt fram í haust
— segir Jón Baldvin Hannibalsson alþingismaður