Morgunblaðið - 21.08.1985, Blaðsíða 16

16
MORGUNBLAÐIÐ, MIÐVIKUDAGUR 21. ÁGÚST 1985
Sigurfinnur hefur á loft bikarinn Guömannsnaut. Morgunblaðið/Davið
Stórt hundrað hesta
á árlegu móti Trausta
Laugarvatni, 19. ágúnt
Sigurður og Elín á Bjarnastööum fengu blómvönd sem þakklætisvott
fyrir aö Ijá hús sín undir hestanámskeiö f sumar.
SUNNUDAGINN 18. ágúst hélt hestamannafélagið Trausti
árlegt hestaþing sitt á Laugardalsvöllum. Félagsmenn
Trausta eru úr fjórum hreppum: Grímsnesi, Laugardal, Þing-
vallasveit og Grafningi. Félagið var stofnað árið 1960 og var
þetta því tuttugasta og fimmta hestaþing þess. Núverandi
formaður Trausta er Sigurður Gunnarsson bóndi, Bjarna-
stöðum.
Þingið var með fjölmennasta móti að þessu sinni enda
bændur löngu búnir meö heyskap ólíkt því sem oft hefur
verið í rigningartíð undanfarinna ára. Voru bændur enda
blíðir á manninn og spakir og léku við hvern sinn fingur.
Veður var óvenjugott fyrir hestamannamót og þótti undrum
sæta hve seint fór að rigna. Margir höfðu þó varann á og
lögðu bflum sínum sem næst skeiðvellinum og fylgdust það-
an með viðburðum.
Stórt hundrað hrossa var
skráð til keppni í hinum ýmsu
greinum hestaíþrótta. Fyrst
var gæðingakeppni þar sem
knapar sýndu kosti yfir fjöru-
tíu góðhesta. Keppt var í A og
B flokkum gæðinga (í A flokki
eru alhliða gæðingar, þ.e. þeir
sem hafa skeið) og í eldri og
yngri flokkum unglinga. Einn-
ig var keppt í 150 m og 250 m
skeiði, 250 m, 350 m og 600 m
stökki og í 600 m brokki.
Um úrslit er það helst að
segja að í A flokki gæðinga
varð hlutskarpastur Neisti
Sigurfinns Vilmundarsonar
frá Efstadal, níu vetra,
rauðstjörnóttur. Annar varð
Kalsi, Laugarvatni og þriðji
Hari, Laugarvatni. Báðir þess-
ir hestar eru í eigu þess
frændgarðs hestamanna sem
kominn er af Þorkeli Bjarna-
syni hrossaræktarráðunaut,
Laugarvatni og Ester Guð-
mundsdóttur konu hans. í B
flokki gæðinga sigraði Roði
Tryggva Guðmundssonar,
Bjarnastöðum. Annar varð
Tinni Böðvars Guðmundsson-
ar, Brúarholti. Þriðji Bakkus
Leós Leóssonar Bjarnastöðum.
Keppni í 250 m skeiði vann
Hnallþóra Þorkels Bjarnason-
ar Laugarvatni en knapi var
Þorkell Þorkelsson.
í lok hestaþings var verð-
launafhending. Sigurfinnur í
Efstadal hlaut sigurinn í A
flokki trébikar, renndan í birki
og útskorinn. Tryggvi fékk út-
skorinn tréskjöld fyrir sigur í
B flokki gæðinga. Báðir eru
þessir gripir smíð Guðmanns
Ólafssonar bónda í Skála-
brekku. Aðrir sigurvegarar
hlutu verðlaunapeninga. Lauk
svo góðri gleði.
Davíð
Þrátt fyrir nýja siði kunna bændasynir í Árnessýslu cnn að brúka tóbak.
Þorlákur í Eyjahólum, hin hálfníræöa en síunga kempa, skoðar verölaunapening Árna Gunnarssonar á
Ormsstöðum.