Morgunblaðið - 21.08.1985, Blaðsíða 5

MORGUNBLAÐIÐ, MIÐVIKUDAGUR 21. ÁGÚST 1985
5
MIÐHLUTI nýju brúarinnar á
Bústaðavegi yfir Kringlumýrar-
braut var steyptur í gær. Endar
brúarinnar verða steyptir á fostu-
dag.
Að sögn Ólafs Guðmundsson-
ar verkfræðings hjá gatnamála-
stjóranum í Reykjavík er þarna
um mikla framkvæmd að ræða.
Sagði hann að í brúna færu um
það bil 2000 rúmmetrar af
steinsteypu eða nálægt 5000
tonnum. Þá fara í brúna rúm-
lega 200 tonn af steypustyrktar-
járni. Að sögn Ólafs samsvarar
þetta lauslega áætlað efni í 15
einbýlishús af meðalstærð.
Ólafur sagði að þegar lokið
væri við að steypa upp sjálfa
brúna væri eftir að fylla að
henni, malbika akbrautir og
ganga frá handriðum, gangstétt-
um og lýsingu. Kvaðst hann
reikna með að þessum fram-
kvæmdum yrði lokið í október-
mánuði og yrði væntanlega unnt
að hleypa umferð á brúna um
mánaðamótin október-nóvem-
ber. Endanlegum frágangi
verksins ætti að ljúka fyrir ára-
mót, eins og verksamningur ger-
ir ráð fyrir.
Það er verktakafyrirtækið
Hlaðbær, sem annast brúar-
smíðina.
Sjóflutningar varnarliðsins:
Tilboðsfrestur
iengdur sem
málamiðlun
SÚ ÁKVÖRÐUN bandaríska flotamálaráðuneytisins að framlengja útboðs-
frest á sjóflutningum milli íslands og Bandaríkjanna á vistum til varnarlið-
sins á Keflavíkurflugvelli til 12. september, er til komin sem málamiðlun við
bandaríska skipafélagið Rainbow Navigation Inc., að því er forystumenn
Rainbow segja í frétt, sem umboðsaðila Rainbow, Skipamiðlun Gunnars
Guðjónssonar hf., hefur borist.
Strax eftir að Bandaríkjastjórn
hafði fallist á það að láta bjóða
flutingana út í byrjun þessa mánað-
ar hóf Rainbow Navigation undir-
búning á málsókn á hendur varn-
armálaráðuneytinu til að krefjast
lögbanns á þá tilskipun varnar-
málaráðherra, John Lehmans, að
bjóða flutningana út.
Lögbannskrafan var lögð fram
12. ágúst, og átti að taka hana fyrir
daginn eftir. Bandaríkjastjórn vildi
bíða með að taka kröfuna fyrir. Á
það féllst Rainbow gegn því að út-
boðsfrestur yrði framlengdur, að
málið yrði tekið fyrir áður en út-
boðsfrestur rynni út, og að Rainbow
gæti haldið áfram viðskiptum sín-
um við varnarliðið óbreytt þar til
úrslit málsins lægju fyrir. Banda-
ríkjastjórn féllst á öll skilyrðin
þrjú, að sögn Rainbowmanna.
Málshöfðun Rainbow byggist á
því að skipafélagið telur að flota-
málaráðherra hafa brotið gegn
bandarískum lögum þegar hann
ákvað að vöruflutningarnir skyldu
boðnir út.
Fyrst og fremst er vísað til for-
gangsflutningalaganna frá 1904,
sem kveða á um að bandarísk skipa-
félög skuli ganga fyrir um flutninga
fyrir bandaríska herinn, nema það
stangist á við bandaríska hags-
muni, til dæmis ef verð þjónustunn-
ar er óeðlilega hátt. Telja Rain-
bowmenn það sjónarmið flotamála-
ráðuneytisins að flutningsverð
Rainbow sé of hátt ekki á rökum
reist, og minna á í því sambandi að
það sé hið sama og islensku skipa-
félögin, Eimskip og Hafskip, voru
með þegar Rainbow tók við, og
ennfremur að fram til þessa hafi
enginn séð ástæðu til að kvarta yfir
of háu verði.
Ennfremur segja Rainbowmenn
að tilskipun flotamálaráðuneytisins
brjóti í bága við reglugerð um að-
föng, stjórnarskrána og lög um
borgaraleg réttindi.
Sex íslensk skipafélög hafa sýnt
áhuga á því að bjóða í flutningana,
Eimskip, Hafskip, Skipadeild Sam-
bandsins, Víkurskip, Nesskip og
Sjóleiðir.
Linsum
stolið
LITLUM kaxsa með linsum var
stolið frá stúlku í búningsklefa
Laugardalslaugarinnar á mánu-
dagskvöldið. Er mjög erfitt fyrir
stúlkuna að vera án linsanna og
biður hún þann sem tók kassanna
eða aðra sem kynnu að hafa fund-
ið þær að láta vita í síma 82848.
Hver miði sem þú kaupir
sluðlar að betri heilsugæslu fyrir þig
ogþína.
Dregið 11. október
HAPPDRÆTT! HJARTAVERNDAR 1985
Samtals 55 skattfrjálsir vinningar
aö verömæti 4 milljónir króna
FJÖLDI ANNARRA VINNINGA
FRÁ 25,000 til 300.000 krónur
waam
1.000.000
TIL ÍBUÐARKAUPA
600.000
MITSUBICHI GALANT 1600 GL
margverölaunaður glæsibíll ’85