Morgunblaðið - 21.08.1985, Blaðsíða 29

Afréttarmál Vatnsdælinga:
MORGUNBLADID, MIÐVIKUDAGUR 21. ÁGÚST 1985
29
Sýslunefnd mátti
úrskurða í málinu
FÉLAGSMÁLARÁÐUNEYTIÐ hefur úrskurðað að sýslunefnd Austur-
Húnavatnssýslu hafi verið heimilt að úrskurða í ágreiningsmáli hrepps-
nefnda Ás- og Sveinsstaðahreppa um nýtingu á sameiginlegum afréttum
þeirra á Grímstungu- og Haukagilsheiðum og víðar í sumar. Samkomulag
náðist ekki á milli hreppanna um nýtingu afréttanna og óskaði Áshreppur þá
úrskurðar sýslunefndar.
Sýslunefndin úrskurðaði að
gerðar skyldu ýmsar ráðstafanir
til að hlífa heiðinni, m.a. að hross
skyldu ekki rekin á afréttinn.
Hreppsnefnd Sveinsstaðahrepps
kærði úrskurðinn til félagsmála-
ráðuneytisins og krafðist ógild-
ingar á þeirri forsendu að sýslu-
nefnd hafi ekki haft heimild til
úrskurðar í málinu.
Lokakafli úrskurðar félags-
málaráðuneytisins er þannig:
„Telja verður að ágreiningsefni
því sem hér um ræðir megi sveit-
arstjórn skjóta til úrskurðar
sýslumanns og að sýslunefnd sé
sem yfirstjórnanda allra afréttar-
og fjallskilamála í sínu umdæmi
heimilt að úrskurða um ágreining-
inn. Hins vegar er sá úrskurður
ekki endanlegur. Ef málsaðili tel-
ur rétti sínum á einhvern hátt
hallað með úrskurði sýslunefndar
er honum að sjálfsögðu heimilt að
skjóta honum til dómstóla. Með
vísan til framanritaðs er það álit
ráðuneytisins að sýslunefnd Aust-
ur-Húnavatnssýslu hafi verið
heimilt að úrskurða í umræddu
ágreiningsmáli."
Frumsýning á
Rambo í Evrópu
HÁSKÓLABÍÓ frumsýnir Rambo
fyrsta allra landa í Evrópu í dag.
Framleiðandi er Buzz Feitshans,
leikstjóri er George P. Cosmatos og
tónlistin er eftir Jerry Goldsmith.
Handritið er eftir Sylvester Stallone
og James Cameron, samkvæmt sögu
eftir Kevin Jarre. Með aðalhlutverk
fara Sylvester Stallone sem Rambo
og Richard Crenna, Charles Napier
og Steven Berkoff.
Aðalsöguhetjan, Rambo, er
fengin til að fara í hættulegan
rannsóknarleiðangur til Víetnam
og kanna hvort einhverjir Banda-
ríkjamenn séu enn stríðsfangar
þar. í Víetnam lendir Rambo í
ýmsum svaðilförum og ævintýrum
Hjólhýsi brennur
Ljósmynd/Valgeir GuAmundsson.
HJÓLHÝSI þýskra ferðamanna brann til kaldra kola við Veiðivatnaveg hjá Vatnsfelli í Rangárvallasýslu sl.
laugardagsmorgun. Höfðu Þjóðverjarnir tekið sér næturgistingu við veginn og voru að undirbúa morgunverðinn
þegar kviknaði í út frá eldavélinni. Eldurinn magnaðist skjótt og fengu ferðamennirnir ekki við neitt ráðið.
Þjóðverjarnir komu til landsins með Norrönu með tvo bfla auk hjólhýsisins, en verða nú að yfirgefa landið án
hjólhýsisins.
áður en hann nær sambandi við
sína menn.
Samkvæmt upplýsingum í
„Hollywood Reporter" hefur
Rambo slegið öll aðsóknarmet í
Bandaríkjunum í sumar.
Ákveðnir annmarkar
fylgja sóknarmarkinu
— segir Gunnar Þór Magnússon, útgerðarmaöur á Ólafsfirði
„Sóknarmark hefði ekki geflð
okkur nema 10 tonnum meira af
þorskígildi fram yflr aflakvótamarkið.
Auk þess fylgja sóknarmarkinu
Samvinna við önnur stjórn-
málaöfl hefur ekki verið rædd
— segir Garðar Sverrisson, einn stofnenda Félags jafnaðarmanna
„VIÐ TÖLDUM mikla þörf á því að
auka mjög áherslur á jafnaðarstefn-
una innan Bandalagsins. Okkur hefur
fundist hún hverfa um of í skuggann
fyrir stjórnkerfisbreytingunum eða
baráttunni gegn þingræðinu," sagði
Garðar Sverrisson, starfsmaður
Bandalags jafnaðarmanna og einn
hclsti hvatamaður stofnunar Félags
jafnaðarmanna innan Bandalagsins.
Stofnfundur félagsins var á mið-
vikudagskvöld í fyrri viku og var
Þorlákur Helgason, skólameistari á
Selfossi, kjörinn formaður. Vara-
formaður er Jónína Leósdóttir,
varaþingmaður, gjaldkeri Árni Sig-
urbjörnsson, deildarstjóri, ritari
Kristín S. Kvaran og meðstjórnandi
Arnar Björnsson á Húsavík.
Aðspurður hvort þessi félags-
stofnun væri vísir að klofningi
Bandalagsins, sagði Garðar: „Eg
hef ekki trú á þvi að aukin áhersla á
jafnaðarstefnuna innan Bandalags
jafnaðarmanna verði tilefni til
klofnings. Mér er ekki kunnugt um
að andstæðingar jafnaðarstefnunn-
ar séu mjög öflugir innan BJ þessa
stundina."
— Boðar þessi félagsstofnun
samruna við Alþýðuflokkinn?
„Við erum fyrst og fremst að leið-
rétta ákveðna slagsíðu í áherslum
BJ. Samvinna við ðnnur stjórn-
málaöfl hefur ekki verið rædd,“
sagði Garðar ennfremur.
ákveönir annmarkar, sérstaklega fyrir
dagróðrarbáta. Viö ákváðum því að
halda okkur við aflamarkið," sagði
Gunnar Þór Magnússon, fram-
kvæmdastjóri Stíganda hf. á Ólafs-
flrði, sem gerir út bátinn Sigurfara
ÓF 30. Hann hét áöur Friðrik Sigurðs-
son og er einn kvótahæsti bátur
landsins. Hann var búinn aö fylla 800
tonna þorskveiðikvóta sinn í maí sl.
þrátt fyrir að hann væri frá veiðum í
marsmánuði vegna viðgerða.
„Velji maður sóknarmark þá er
ákveðið þak á þorskaflanum, en
ótakmörkuð veiði á öðrum fiskteg-
undum, sem við höfum ekki svo
mikið af hér. Um sóknarmark gilda
þær reglur að ákveða verður í upp-
hafi veiðitímans hvaða daga bátur-
inn er á sjó, sem er erfitt fyrir
dagróðrarbát. Þannig gæti staðið á
að báturinn væri bundinn við
bryggju þegar vel gefur, en á sjó
þegar ekkert fiskast. Ef kvóti báts-
ins hefði hinsvegar verið lélegur þá
hefði sóknarmark verið valið,"
sagði Gunnar.
Gunnar sagði að enn ætti eftir að
fylla ýsu- og ufsakvótann, sem
fylgdu bátnum frá Þorlákshöfn *
þaðan sem hann er keyptur. Kvót-
inn miðaðist við veiðar fyrir Suður-
landi og því fengist ekki breytt eins
og gerst hefur þegar bátar hafa ver-
ið seldir að sunnan og vestur þá er
kvótum bátanna breytt til sam-
ræmis við þær tegundir sem veiðast
á hverjum stað.
„Atvinnuástandið á ólafsfirði
mundi trúlega lagast ef síldveiðar
með reknetum og nótaskipum yrðu
leyfðar fyrr á hausti um leið og
síidin er söltunarhæf. Okkur mundi
muna um hverja viku sem síldveið-
um yrði flýtt. Þá veiðist hún norðar
og mundi trúlega hafa afgerandi
áhrif á atvinnuástandið á staðnum.
Það er hinsvegar slæmt að ekki t
skuli vera hægt að hliðra til í kvóta-'
kerfinu eins og búið er að útgerð-
inni í dag, sem ber sig hvorki til
sjós né lands, allt tekið af henni og
hún fær ekkert fyrir sig. Það er að
vísu skárra ef menn eru fljótir að
fylla kvótann," sagði Gunnar að
lokum.
Ekkert athugavert við að fðlk
stofni félög um áhugaefni sín
— segir Valgerður Bjarnadóttir, varaformaður landsnefndar
Bandaiags jafnaðarmanna, um stofnun Féiags jafnaðarmanna
„ÞAÐ ER allt gott um það að segja að fólk stofni félög um áhugaefni sín og ég
get ekki séð að það þurfl að benda til klofnings. Ef fólk innan Bandalagsins
stofnar félag um framgang jafnaöarstefnunar eða það að vefa eða eitthvað
annað, þá er bara allt gott um það að segja,“ sagði Valgerður Bjarnadóttir,
varaformaður landsnefndar Bandalags jafnaðarmanna, en nokkrir félagar I
Bandalaginu, þar á meöal tveir þingmenn, stofnuðu Félag jafnaðarmanna fyrir
helgina eftir nokkrar deilur um stefnu Bandalagsins.
Valgerður sagði uppbyggingu
Bandalags jafnaðarmanna aðra en
annarra stjórnmálasamtaka í land-
inu, fólk væri bundið af skoðunum
sínum, en ekki því að einhver
flokksvél kúgaði það til hlýðni. Hún
sagði fólk í Bandalaginu sammála
um ákveðnar grunnhugmyndir, þar
sem hið endanlega markmið væri í
anda hinnar gömlu góðu jafnað-
arstefnu. Það vildi viðhalda velferð-
arríkinu, hafa til dæmis menntun
og heilsugæslu fólki að kostnaðar-
lausu og tryggja það að enginn liði
skort. Til þess yrði að gera ýmsar
breytingar á íslensku samfélagi, en
leiðirnar að markinu væru fleiri en
ein.
„Að mínu mati er það kerfi sem
við höfum í dag ónýtt og það verður
að breyta því f grundvallaratriðum
ef við eigum að geta haldið hér uppi
velferðarríki. Við verðum að koma í
veg fyrir sóun í fjárfestingu og
ýmsu öðru og það verður ekki gert
nema með því að brjóta á bak aftur
þá miðstýringu sem nú fylgir
stjórnkerfinu í þessu landi. Ég hef
aldrei heyrt það fólk sem stendur
að stofnun Félags jafnaðarmanna
lýsa sig andvígt baráttunni gegn
miðstýringu. Þau segja kannski að
það eigi að tala meira um það að
það séu lág laun f landinu og þaö
eigi að ráðast gegn skattakerfinu.
Þau vilja fara í kapphlaup við Jón
Baldvin og Svavar Gestsson um það
hver sé bestur og hvor þeirra hugs-
anlega ljúgi minna. Ég er ekki sam-
mála þessu viðhorfi. Ég hef mínar
áherslur. Þau mega tala fyrir sín-
um áherslum. Málið er einfaldlega
það, að ég læt þau ekki ákveða það
að ég tali með þeirra áherslum, en
það er það sem þau vilja. Það er
eins og kerfið er í öllum gömlu
stjórnmálaflokkunum, en Banda-
lagið var einmitt stofnað slíkum
þankagangi til höfuðs. Það er ekk-
ert apparat sem getur skipað þér að
segja annað en það sem þú vilt
segja sjálfur. Nú hefur þessi hópur
stofnað félag og mér finnst það út
af fyrir sig mjög alvarlegt mál að
tveir þingmenn á Alþingi Islend-
inga skuli vera búnir að undirgang-
ast það að hlýða því sem einhver
átta manns segja. Það voru átta
þúsund manns sem kusu Bandalag-
ið í siöustu kosningum. Hvað þá
með hina 7.992, skipta þeir engu
rnáli," sagði Valgerður Bjarnadóttir
að lokum.
Náttsöngur
í Hallgríms-
kirkju í kvöld
NÁTTSONGUR verður í Hallgríms-
kirkju í kvöld og hefst klukkan
22.00. Sigurður Halldórsson loikur „r
þar einleik á selló.
Náttsöngur hefur verið fastur
liður í helgihaldi í Hallgríms-
kirkju undanfarin ár. Þessi starf-
semi hefur legið niðri í nokkra
mánuði, en nú verður þráðurinn
tekinn upp að nýju. Það er List-
vinafélag Hallgrímskirkju, sem
stendur að náttsöngnum.
(Fréttatilkynning.)